% Text title            : Shriramaproktah Bhagavatah Vasudevasya Dhyanaprakarah
% File name             : vAsudevasyadhyAnaprakAraH.itx
% Category              : vishhnu, viShNu, dhyAnam, krishna
% Location              : doc\_vishhnu
% Transliterated by     : Vinita Ram
% Proofread by          : Vinita Ram
% Description/comments  : Bhargavatantra Adhyaya 9, verses 21-35
% Latest update         : January 14, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shriramaproktah Bhagavatah Vasudevasya Dhyanaprakarah ..}##
\itxtitle{.. shrIrAmaproktaH bhagavataH vAsudevasya dhyAnaprakAraH ..}##\endtitles ##
agastyaH \-
rAma rAma jagannAtha vAsudeva sanAtana |
kathaM dhyAyedvAsudevaM brUhi me kR^ipayA vibho || 21||
shrIrAmaH \-
vAsudevamajaM shAntaM koTyarkendvagnisannibhavam | (koTyakendvAgni)
anekahastacharaNamanekAkShishiromukham || 22||
atIndriyamamaryAdam atyadbhutavapurdharam |
bhAsayantaM dishaH sarvAH dehaniryatprabhAchayaiH || 23||
anekAbharaNairyuktamanekAyudhamaNDitam |
nAnAvarNamayaM devaM svayaM surabhivigraham || 24||
R^iShibhishcha marIchyAdyairbrahmAdyairapi daivataiH | (brAhmaNairapi)
achintyamahimAnaM tamindirAdyairabhiShTutam || 25||
ko vA dhyAtuM kShamo loke ko vA stotuM bhuvi kShamaH |
tathApi parameshAnaM puruShaM bhaktavatsalam || 26||
chaturbhujamudArA~NgaM sha~NkhachakragadAdharam |
kirITahArakaTakakA~nchIkuNDalamaNDitam || 27||
shrIvatsakaustubhasvachChayaj~nasUtrA~NgulIyakam |
divyapItAmbaradharaM kalakvaNitanU puram || 28||
aShTabhishchApi devIbhiH prA~njalIbhishcha sevitam |
pakShIndraviShvaksenAbhyAM parivAraishcha sevitam || 29||
atiprasannavadanaM bAlakaM tilakojjvalam |
abhayapradamAsInaM sheShabhogAsane shubhe || 30||
divyagandhaviliptA~NgaM nAnAmAlyopashobhitam |
smitena vijitajyotsnaM nIlanIrajalochanam || 31|| (nIradalochanam)

kambukaNThaM mahAsattvaM pInottu~NgAMsashobhitam |
uttu~NgapInavipulasamasnigdhamahorasam || 32||
puShTodaraM magnanAbhiM pR^ithushroNIbharA~nchitam |
UrudvayakR^itadvandvarambhAsaMrambhalakShitam || 33||
charaNadvandvavijitavikasatsarasIruham |
a~NguShThanakhaniryadbhirbhAnubhirjitabhAskaram || 34||
AjAnudIrghaiH pR^ithulaiH hastairAyudhadhAriNam |
dhyAtvaivaM vAsudevaM taM kuryAdAvAhanakriyAm || 35||

iti bhArgavatantrAntargataH shrIrAmaproktaH bhagavataH
vAsudevasya dhyAnaprakAraH sampUrNaH |
(bhArgavatantre navamo.adhyAyaH)
##
Encoded and proofread by Vinita Ram

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}