% Text title : Viraraghava Stotram % File name : vIrarAghavastotram.itx % Category : vishhnu, stotra % Location : doc\_vishhnu % Author : vIrarAghavavedAntadeshika % Proofread by : Rajesh Thyagarajan % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Viraraghava Stotram ..}## \itxtitle{.. vIrarAghavastotram ..}##\endtitles ## ##missing initial portion in the manuscript. Need to find other source.## \.\.\.\.nityaM yatinR^ipatirudAro mAmapAyAt sa pAyAt || 3|| (rudhirodgAriNyadhisR^itivimanoyogena nijasukhaM prAptAH | chaitre sitasaptamyAM govindAryA hareH padaM yAtAH || ) jayati galadavidyA nyAsavidyA suhR^idyA vidhutanamadavadyA muktisampanniShadyA | yadanaghasuvachobhiH khyApitA khyAtabhUmA shrutimakuTagururme mAnase so.astu nityam || 4|| so.ayaM shrIvaNChaThArirjayati yatipatiH sarvavij~nAnasImA shrImAn rAmAnujAryo.apara iti vibudhaiH sAdhu santarkyamANaH | nAthaH shrIvaiShNavAnAM praguNaguNabhR^itAM prAptasiMhAsanAnAM yasya preShopadeshaM naraharirakarot svasya saMrAdhanArtham || 5|| dustarkAdhvagatAgatashramalasaddurvAdigarvApaha\- svairodAra gabhIrasAramadhuravyAhAradhArAnvitaH | mUrtiH shrInR^ihareH pareti jagati khyAto disheda~njasA shrImA~nChrInidhisaMyamIndragururATChreyAMsi bhUyAMsi naH || 6|| dAntaM shAntamanantachintanaparishrAntaM mahAntaM shubha\- svAntaM kAntaguNaM tamantakabhayadhvAntaM harantaM nR^iNAm | santaM santamasaM tataM tanubhR^itAM nindantamantaH sthitaM bhAntaM ra~NgadhurINasaMyamitharAdhaureyamIDImahi || 7|| shrImAn vIrarachUdvahashrutishiroyogIshvaro.ahobilA\- bhikhyashrInR^ihareH pade sumahito.asau saptaviMsho.adhunA | tarkavyAkR^ititantrashikShitamatistrayyantapArINadhI\- rvIkShAraNyadhurINavIraraghurATstotraM vidhatte kR^itI || 8|| shrIman vIraraghUdvahAdya bhavataH stutyAM pravartAmahe tvanmAhAtmyamavekShya mandamatayo lajjAmahe sAmpratam | stotuM tvAM prabhavanti no paTudhiyaH prA~ncho viri~nchAdayo lajjAM nihnumahetarAM tata iha tvasmatprayatnaH phalI || 9|| vAlmIkirbhagavAn vareNa mahatA sArvaj~nyamadhya~nchitaH stutyAM te.adhikR^ito bhavadguNanutau kAryena neShTe sma saH | kvAhaM mandamatiH kva te guNagaNA vedhomukhairduHshakA mAtuM vIrarachUdrahAdya bhavataH stutyAM yate sAhasAt || 10|| tvadbhaktiH sudR^iDhA sumandadhiShaNaM mAM prerayatya~njasA tvatstutyAM kila vIrarAghava tataH kiM duShkaraM me.adhunA | sugrIvaH suchiraM vinaShTanagaraH shochan davIyA~nshriya\- stvAma~nchan paridhUya vAlinamasau sAmrAjyamAsedivAn || 11|| matstutyA viShayIkR^ito.apyaguNayA tvaM rAjase jyotiShAM jyotirvIraraghUdvaha shrutishiraHsiddhAntasiddhAlaya | dhanyo.ahaM tvadhunA bhavatstutikR^iteH santApabhUmnA shunA lIDhA kiM na virAjate surasarit tApAt sa mukto na kim || 12|| taruNatulasImAlaM mAlambanIyanijorasaM ripujana tatIkAlaM kAla~NghanIyanijAj~nakam | dharaNitanayAlolaM lolamba DimbhasamachChaviM vimalavilasachChrIlaM shrIlaM bhajemahi rAghavam || 13|| nijapadanamatsomaM somaM mukhena parAkR^itaM satatavilasadbhUmaM bhUmaNDanaM ravupu~Ngavam | munijanadR^isho.abhImaM bhImaM dashAsyadR^ishAM bhR^ishaM vihitavinamatkAmaM kAmaM sadehamivAshraye || 14|| nirupamatanushrIkaM shrIka~njabhUpramukhA~nchitaM nijadhR^itilasadbhUkaM bhUkaNTakavrajasUdanam | vidhutadiviShadbhIkaM bhIkandaladripusainyakaM smara ruchirabhAsAkaM sAkaM shriyA raghupu~Ngavam || 15|| natajanamahodAraM dAraM vipadvitateH satAM vinatadiviShadvAraM vAraM prashastamahAMhasAm | raNabhuvi mahAdhIraM dhIramyamArtajanAvanaM raghupatimamuM smAraMsmAraM vaseyamahaM sadA || 16|| nijapada bhavadga~NgA ga~NgAtmajapramukheDitA kR^itaduritakrudbha~NgAbha~NgAtmashaktirakuNThitA | dharaNitanayAsa~NgAsa~NgA raghUdvahadevatA jayati hasitAna~NgAna~NgAntakadruhiNA~nchitA || 17|| nirupadhidayAsAraM sAra~NgamukhyavarapradaM paridhutamahIbhAraM bhAramyakaM khupu~Ngavam | natajanamano.adUraM dUraM kudR^iShTimatAM mR^iDe prakaTitamahAtAraM tAraM shraye bhavavAridheH || 18|| vIkShAraNyapatirvirAjatitarAM sAkShAchChriyaH shrIH sadA dhIkShAntyAdiguNojjvalaiH sumahitaiH sAkShAtkR^ito yogibhiH | drAkShAsArasadR^ikShanaijaphaNitirdAkShAyaNIshAdibhiH svekShAkA~NkShibhira~nchitaH praNamatAM kA~NkShAdhikArthapradaH || 19|| shrImAn vIraraghUdvahaH shrutishiraHsImA pumAnedhate kAmAha~NkR^itidhikkR^itikShamavapurbhUmAbhirAmAnanaH | kAmAsaktanR^iNAM sudurgrahagatirvaimAnikendrA~nchitaH shyAmAtmA navanIradaprakaravaddhAmAbhibhUtAruNaH || 20|| pAyAd vIraraghUdvaho.akhilaguruH kAyAdhavAdyaiH sadA mAyAsaMvR^itidUrakairabhinuto mAyAvinAmagraNIH | ChAyAnAthavilochano.akhilasudhIgeyAnubhAvaH svayaM heyAtItaguNojjvalo vinamatAmAyAsahArI hariH || 21|| nArAchapravarapradhUtadiviShadvArAbhiyAtivrajaH sArAtyadbhutashaktidugdhajaladhiH smerAbjatulyAnanaH | dhorAtmA sanakAdibhirmunijanairArAdhyamAnaH sa saM\- sArAmbhonidhimajjanapraNatasantArA~Nghriko dIvyati || 22|| dInAnAthadurantashokashamano nAnAvikArojjhito mAnAtItanijaprabhAvalasito.ahInAlpatalpojjvalaH | dhyAnArUDhamaharShisa~nchayamanaH sUnAshrayo bhUsutA\- dhInAtmA raghupu~Ngavo vijayate dAnArdrahastAmbujaH || 23|| hu~NkAreNa vidhR^itanirjaragaNo.aha~NkArapAthonidhiH ka~NkAlopamamuShTiko nijadhanuShTa~NkAravAchAlitaH | pa~NkAviShTamanA manAg vinihato la~NkAdhinAtho yato .ahaM kAmapratimaM shraye raghupatiM taM kAmitArthapradam || 24|| netuM pAtakamaNDalaM bhuvi layaM setuM vitene.ambudhau bhettuM rAkShasasa~nchayaM vanacharaM ketuM vyadhAd yaH svayam | pAtuM sarvajanAn naratvamavahanmAtuM trilokIM baliM jetuM vAmanatAM cha taM raghupatiM dhyAtuM yatadhvaM janAH || 25|| dhyAtaM yogijanairvidhUta kaluShaiH shItaM dayAsrotasA krItaM bha \.\.\.\. \.\.\.\. \.\.\.\.shrIlAlitaM saMshraye || 32|| AhuH shrIraghupu~Ngava shrutishiraHsiddhAntabaddhAdarAH prAj~nAstvAM sharaNAgatapriyatamaM tvAgaH kR^ipAkAraNam | prANebhyo.api garIyasIM janakajAM vyAkopayan vAyaso vyAjaM ka~nchidupetya tAvakadayAgumphena visrambhitaH || 33|| abdhiM vAnarapu~NgavaM cha sharaNaM yAtastvamaddhA raghu\- kShmAbhR^idvarya maharShisa~NghamahitAM shrInyAsavidyAmimAm | lokAnugrahakAraNena jagati prakhyApayan mAdR^ishAM mandAnAM vidhunoShi saMshayamaho kiM brUmahe tvAM vibho || 34|| shrIman vIraraghUdvaha shrutishiraHsiddhAnta nirdhAritaM nyAsaM tvaM prakaTIkaroShi na yadi prAyeNa no setsyati | janturdanturadhIH samanturiha sa~NgantuM tvadIyaM padaM no shaknoti chaturmukhaprabhR^itayo nAlaM hi tat prArthaye || 35|| shrIman ki~NgR^iharatnadIpa bhavatA prakhyApitA dhImatA sha~NkAkUTamasau dhunAti hi phale shrInyAsavidyA nR^iNAm | no cheddhaitukadurvachaH shatamahAkAntAratAntAtmanAM visrambho na hi bobhavIti bhagavan tasmAnnamasyAmyaham || 36|| bhaktirmuktikarI viraktijananI saMsArakukShimbharI travyantaiH prathitA prapattirapi sA saMsiddhisampAdinI | svAtantryeNa na muktiheturakhilaiH shAstrairniShedhAditi prApte kosalarAja kaH prativadet tvattaH samarthaH paraH || 37|| sha~Nkapa~NkilamAvira~nchamakhilaM tApatrayotkrIDitaM bhrAntaM hanta jagat kathaM tarati taM saMsArapAthonidhim | dhIra shrIraghupu~Ngava praNatasaMrakShaikadIkSho.avanau no jAyeta bhavAn yadi dhruvamaho mukteshcha muktirbhavet || 38|| bhaktiH prapattiriti muktipathasya hetU dvAvAmananti raghupu~Ngava sAdhu santaH | AdyA parAsharamukhAdhikR^itiH parA tu mAdR^igjanAdhikR^itirityapi sa~Ngirante || 39|| kAle kalau kaluShadhIH kalitAparAdhaH kAmArdito narapashuH kathamutsaheta | bhaktiM maharShimahitAM bhagavaMstvada~Nghri\- pa~NkeruhadvayabharanyasanaM vinAho || 40|| atyalpabuddhiramitotkaTaduHkhamagnaH svalpAyuralpashakunashchalachittavR^ittiH | tvatsannidhau raghupate sharaNoktimAtra muktvA kathaM tarati saMsR^itivArirAshim || 41|| bhaktiH prapattirapi sa~njanayed vimuktiM svasvAdhikAramanurudhya kR^itA yadi syAt | snAnaM hi saptavidhamapyadhikAraklR^iptyA sUte phalaM raghudhurINa samaM janAnAm || 42|| gauNe.apyavAntarabhidA pratipAditA shrI\- rakShAdiShu shrutikirITagurUttamena | Ato raghUdvaha yathAdhikR^iti prasUte gauNo vidhiH phalamiti pravadanti santaH || 43|| bhaktiH prapattirathavA bhagavaMstvadukti\- stanniShThasaMshraya itIha vikalpyamAnam | ityevamAha nigamAntaguruH kimatra vaktavyamasti raghupu~Ngava mAdR^ishAnAm || 44|| sharaNamiti vadanto nAtha bhaTTArakAdyA\- stava charaNasarojAbhyantike sattvaniShThAH | parimitadhiShaNAnAM mAdR^ishAnAM janAnAM vidadhati dhiyamarthyAM muktiniShThanuraktAm || 45|| sharaNavaraNavidyA~NgopasaMhArashakti\- stadupakaraNabhUtaM tvadguNAmreDanaM cha | raghuvara rasikAnAM sUkShmabud.hdhyAnvitAnAM prabhavati mitadhIH syAt kiM svaniShThAdhikArI || 46|| dvayavachanamudAraM muktighaNTApathasya praghaTakamiti buddhiM prApya pUrvebhya eShaH | anuvachanapaTustAmuktiniShThAM gariShThA\- mabhimR^ishati na chAnyo.akalpyavAk kosalendra || 47|| raghuvara badhirAdirmUkabhAvaM gato vA parimR^ishati vimuktyai janturAchAryaniShThAm | adhikR^itiniyataiShApyuktirAchAryaniShThA janayati phalamaddhA tulyameva prajAnAm || 48|| na cha janayitumIShTe vaiparItyena klR^iptA kaluShamatibhireShA hyaktiniShThAryaniShThA | phalamiti nigamAntAchAryavaryairabhANi dhruvamiha raghuvarya kvAsti sha~NkAvakAshaH || 49|| tava charaNasarojAbhyantike kosalendo sharaNamiti vadantastAvadunmIlayanti | niravadhikaruNAbdhiM nistulAnandakandaM shrayati yadi mukundaM tvAM phalaM kiM na vindet || 50|| nigamamakuTavidyAdeshikendreNa samyak prakaTitamidamaddhA saMshaye nAstikAnAm | kukathaka kuhanoktyA mohitAnAM janAnAM bhavati raghukulendo bheShajaM tvachcharitram || 51|| manye vIraraghUdvahAvataraNaM bhAvatkamurvyAM nR^iNAM saMsArAmbudhimagnamAnasajuShAM durvAdatAntAtmanAm | muktyarthaM sharaNAgatiM ghaTayitu kechit samAchakShate pa~NktigrIvamukhaprabha~njanakR^ite yuktaM na manye hi tat || 52|| mAyAmohitabuddhayo vidhishivendrAdyAH svayaM devatA dAtuM na prabhavanti muktimanaghAM dInAH kimanye punaH | tvatpAdAmbuja cha~ncharIkacharitAstvannAmapAThodyatAH shrImadvIraraghUdvaha prajanayantyaddhA vimuktiM nR^iNAm || 53|| dvaitaM kechidudIrayanti hi vishiShTAdvaitamAhuH pare shuddhAdvaitamudAharanti katichit tattvaM tato durgraham | vIkShAraNyapate kR^ite.akhilapate nyAse tavA~Nghryambuje tattvArthaH sugamaH praNashyati nR^iNAmantardurantaM tamaH || 54|| j~nAj~nAvityasakau shrutirvijayate jIveshayorbhedikA sarvaM khalvidamityapi shrutirasau jAgartyabhedagrahe | shrImatkiM gR^ihanAtha nistulamiti shrIlakShmaNAryo muni\- stvannyastAtmabharo virodhamanayordhUtvA babhAShe.adbhutam || 55|| mAyAkalpitameva hanta jagadityAhuH pare tad vayaM no yuktaM kila manmahe raghupate tvachCheShabhAvojjvalAH | sheShitvaM tava sheShavastuvirahe duHsAdhamApadyate sheShapahnavakAriNAM kimu bhavechCheShaprasiddhiH kvachit || 56|| tvaddAsyaM nirupAdhikaM bhuvi nR^iNAM brahmAdibhiH prArthitaM muktaishvaryanishAvasAnasamayAsaktiM vidhatte.a~njasA | mithyAvAdimate vimuktirasakau bhUyAt tapasvinyaho sheShAkhyAM phaNipu~Ngavo na sahate bibhranmR^iShAkalpanAm || 57|| shrIman vaNshaThavairisaMyamidharAdhaureyamukhyairyati\- kShoNIshairanaghaiH samarchitapadAmbhojo bhR^ishaM rAjasi | vIkShAraNyapade hare naraharerAsthAnalakShmIM sthirAM puShNAsi praNamadbhayaprashamanaprAgalbhyavibhrAjitaH || 58|| saMsArasAgarasamajjanamAnaso.ahaM santAritaH karuNayA kathamapyarIsha | saMyojito.asmi raghupu~Ngava yogimukhye\- ShvAhobileShu nigamAntanirUDhadhIShu || 59|| vayaM samakariShmahi sphuTataraM raghukShmApate karikShitipatistave niyatadevasamprINanam | trayIshikharadeshikaprabhR^itibhirvinirdhAritaM tadetaditi haitukaprashithilapralApo vR^ithA || 60|| shrIman hR^ittApanAshinyabhidhakamalinInIrakallolamAlA\- lolatpAthojajAlaprasR^itamadhujharIshIkarAmodayukte | rodhasyAjIvyasi tvaM pradishasi sakalaM vA~nChitaM ki~NgR^ihesha tvatto.apyeShAbjinI sandishati kila phalAnIpsitAnya~njasAho || 61|| mUko jalpAkati tvachcharaNanalinasaMsevanAt kosalendo kANo.apyakShNAbhipashyatyakhilamapi jagatya~nja \.\.\.\. || 62|| ##End portion missing in the manuscript. Need to find other source. ## iti vIrarAghavavedAntadeshikakR^itaM vIrarAghavastotraM sampUrNam | stotrasamuchchayaH 2 (75) ## The Viraraghavastotra (75) on the God at Tiruvallur (Viksharanya) by Viraraghavavcdantadesika, twentyseventh pontiff of Ahobila Matha, discusses incidentally certain tenets of Srivaisnavism (like nyasavidya, prapatti; vv. 35 ff.) and refers to the works of Ramanuja (v. 55). He also refers (v. 60) to another Stoira by him, namely the Hastigirishastava (80) on God Varadaraja at Kanchipuram. He pays homage, in the opening verse of the latter stotra, to Srinivasayogin and Ranganathayati. References to the Sribhashya (vv. 16, 23, 43 etc.), the commentaries thereon by Sudarsanasuri (v. 18) and Vedantadcsika ( Tailvatika , vv. 24, 44) and also to the Sachcharitraraksha (v. 19) are found in this Stotra. Allusions to several conclusions and discussions in the above works may be found in both the stotra-s. Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}