% Text title : Shri Vrindavana Stotram 2 06 14 % File name : vRRindAvanastotram2.itx % Category : vishhnu, stotra, shrIkRiShNalIlAshukamuni % Location : doc\_vishhnu % Author : Shrikrishnalilashukamahakavimuni % Proofread by : Gopalakrishnan % Description/comments : From stotrArNavaH 06-14 % Latest update : September 18, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Vrindavana Stotram 2 ..}## \itxtitle{.. shrIvR^indAvanastotram 2 ..}##\endtitles ## vA~nChitAya bhavatAM vijR^imbhatAM mattahastivadanaM mahanmahaH | lA~nChitaM lalitabhR^i~NgasundarI\- lekhayA cha shashilekhayA cha yat || 1|| devI sarasvatI svairaM sevAvasarakA~NkShiNI | devadevamiyaM dhanyA sevatAM devakIsutam || 2|| asti vR^indAvanaM nAma vanaM bhuvanapAvanam | vR^indayA nashchana sUnoshcha kR^ipayA parirakShitam || 3|| (nashchanda) yatra gAvashcha gopAshcha gopyashcha taravashva tam | avatIrNAH saha svargAt sevante sma jagatprabhum || 4|| yatra rAmashcha kR^iShNashcha remAte bAlalIlayA | nirantaraparIrambhanirbharo.adbhutaharShayA || 5|| yatra dR^iShTavA viShAspR^iShTaM kadambamamR^itokShitam | spR^iShTvA kR^iShNena nirbhIbhyAM padbhayAM pede phaNivrade || 6|| (phaNihrade) yatra kAliyanAgasya madhyamaM bhuvanottamam | phaNaM chakAra bhagavAn pAdAmburuhalIlayA || 7|| yatra dvAdasha mArtANDA shItArtaM kAliyaM hR^ide | kR^iShNaM kShaNamupaspR^ishya karairjagmuH kR^itArthatAm || 8|| yatra dvAdasha mArtANDAH pratApaM vIkShya shA~NgiNaH | tatkShaNAniva kAntaH sevante.adyApi taiH karaiH || 9|| yatra gopIsahasreNa khelamAnaM sahasrashaH | prekShya devaM sahasrAkShaH sahasrAkShaphalaM yayau || 10|| yatra tribhuvanAbhogasubhagAM tanumudvahan | dhanyairanyApi govindA lochanaiH parichumbyate || 11|| yatra keshinamAkramya vAmapAdena keshavaH | vAmahastena chAkR^iShTaiH prANairanyApi khalati || 12|| iti yatra vichitrANAM viShNorbAlyamupeyuShaH | pavitrANi charitrANi gIyante munipu~NgavaiH || 13|| yatrodgItaM gopikAnAM himAdreH | shrutvA shambhurdhyAnabha~NgAnupetya | guptastR^iptaM kR^iShNamIshiShTadIrghaM shR^iNvan gItaM bhAti gopIshvarAkhyaH || 14|| kimatra bahunoktena niHshreyasavidhiH svayam | niHshreyasavanaM gatvA yatra rebhe rabhAsakhaH || 15|| tadetadamR^itasyandi bundAvanamaho dR^ishoH | chirotkranditamAgamya janmanaH phalamApnumaH || 16|| vande vanamidaM mUrdhnA yatra chitraM jagatprabhoH | prApya pratipadaM reje sthalapadmapadaM padam || 17|| api vA bhuvanolla~NgisaubhAgyaM vIkShya chakriNA | pAdamudrApadeshena yachchakreNAtmasAtkR^itam || 18|| jagajjanmasthitilayA lIlA yasya jagatprabhoH | tasyAsya kR^iShNadevasya lIlodyAnamidaM kiyat || 19|| vR^indAdevyA baddharakShaM tadetat vR^indAraNyaM puNyabhAjo bhajante | gopIrUpairyatra lakShmIsahasraiH devaH svairaM sevito daivataishcha || 20|| vande bhagavatIM vR^indAM vanasyaitasya rakShiNIm | yatra dattakaharaH svairaM chikrIDati jagatprabhuH || 21|| vande vR^indAvanendrasya vishvanAthasya shaishavam | vaibhavodgandhima~NgalyakaTAkShokShitadi~Nmukham || 22|| vande kandarpasAmrajyavR^indAvanavanecharam | vR^indairindIvarAkShINAM vanditaM tamitastataH || 23|| tAvakaM bhagavan bhAtu tattvamastamitopamam | nistara~NganirAta~NkanIrandhrasukhasa~Nkulam || 24|| bhagavAn puNDarIkAkSho bhAsatAM mama mAnase | mR^igalA~nChanavaMshasya maNilA~nChanatAM gataH || 25|| madhurAbhijanaM dhAma madhurAdharapallavam | hR^idaya~Ngasamabhyetu hR^idayaM galitopamam || 26|| devakIvasudevAbhyAM dattvA netrotsavaM sakR^it | dadau nandayashodAbhyAM yattatputrotsavotsavAn || 27|| tadetadavalibhyAdau bAlalIlAH sahasrashaH | (tadetadavalambyAdau) anuchumbitakaishorakeliH khelatu me hR^idi || 28|| devaH krIDan gopagopIsahasraiH dattAsthAne gosahasraH parItaH | klR^iptachChAyaH kalpakashrIsahasrairgAyana veNuM gAhatAM mAnasaM me || 29|| vR^indAraNye paNyagopA~NganAbhiH kalekUle klR^iptaharmye latAbhiH | krIDan kR^iShNaH kR^iShNayA baddhadUraM vIchIhastairbhAtu baddhA~njalirme || 30|| avisha~Nkamana~Ngasa~NkulAbhirvanitAbhirvinatAbhirAttarAsaH | kamalAramaNaH kishoraveShaM paripuShyan mama chittamabhyudetu || 31|| madhye madhye kuShNamANiH mishrA bhAlA kAchidvallavInAM sahasraiH | (kuShNamANikya) chittAbhogairbhAginAM dhanyadhanyairjIyAdeShA dIrghamAdhrAyamaNA || 32|| vyomAbhoge vismayAviShTanetraiH sAthairdivyairnirnimeShaM niShevyam | gopIlakShaiH klaptarAsaM samantAd gopaM kashchitpa~nchabANo.apyupAste || 33|| chapalaM bhavatu charitrametat kamalAkelibhujArtare nilInA | (bhujAntare) munayashcha muhurmuhurmurAre viharante tava chApalaM gR^iNantaH || 34|| madAndhagopIjanavallabhAya namo.astu nArAyaNachApalAya | yadvIkShya lakShmIrbhujamadhyalInA hA hanta lIlAvasarapratIkShA || 35|| tvayi deva dayAmbudhe murAre nikhilaM nyasya bharaM ? ? gatAndhya | viharANi vijR^imbhamANatatvachcharaNAmbhoruhachumbanotsavena || 36|| nandaprajAbharaNa nIlamaNipravALa nAtha tvadIyacharaNAmbujachumbanAndhaH | puNyaiH purA pariNataiH parirasyamAnairbhUyo bhaveya bhagavan bhuvanAntare.api || 37|| jIyAjagattrayIkAnta kR^ipArNava jayArNava | jigye phaNiphaNA yena pAdena cha kareNa cha || 38|| na kevalaM bhavAn deva poto nandayashodayoH | kintu sindhumamuM ghoramuttarItuM cha mAdR^ishAm || 39|| bhuvaneshvaramAlambe tantvAM vR^indAvaneshvaram | smaratAmamR^itodgArikaishorakadayAdbhudutam || 40|| vR^indAraNye vIragopAlabAlaM vAraM vAraM vAritodAntadaityam | nAgAMllokAnniShpatattuShpavIchIdhArAvarShasmeramauliM smarAmaH || 41|| bhajatAM hR^idayAmbhojabhAgadheyamupAsmahe | yajatAmadhidairva yadyachcha brajabhR^igIdR^ishAm || 42|| pa~NkeruhapratibhaTaM padapallavena pAra~NgataM tribhuvanAdbhutavibhramANAm | pi~nChAvataMsaparilA~nChitakeshahastaM pItAmbaraM kimapi dhAma vayaM bhajAmaH || 43|| yashodAyA yashaHpu~njama~njanAbhamupAsmahe | vismayaM yatra vindanti vR^indAvanamR^igA api || 44|| vR^indAvanacharaM devaM vR^indAdR^itapadAmbujam | nandAtmajamupAsInA nandAma sharadaHshatam || 45|| na hanta tapasA siddhA na cha mugdhAH prajA~NganAH | (vrajA~NganAH) tadiha tvaddR^ishoH pAtraM bhavituM deva ke vayam || 46|| pashyema tava vishvesha vR^indAvanavihAriNaH | vaibhavaM shaishavodgandhisindhukanyAratanAdR^itam || 47|| kastUrikAkarburakaNThakANDaM ka~nchitkishoraM kamalAyatAkSham | vistAriNIbhiH smitachandrikAbhirvilochanaM lochanayorvahAmaH || 48|| gogopIgopalakShaiH parivR^itamabhitaH kalpakachChAyashItaM gItaM vaMshyA duhAnaM tridashapuramahApuShpavR^iShTiprahR^iShTam | UrdhvAdhastiryagAshAmakhashatabharitairbhAgyabhAjAM parArdheH daivaM lelihyamAnaM tribhuvanavijayaM dIpyatAM netrayome || 49|| chapalA saphalA mamAstu dR^iShTi shchaturaM vIkShya chaturbhujasya bAlyam | adharAmR^itavAhiveNunAdai radhivR^indAvanamindirAvalehyam || 50|| indIvaradalashyAmamindirAnayanotsavam | vR^indAvanacharaM bAlaM vandemahi kathaM dR^ishAm || 51|| mandasmitAmR^itArdreNa vadanena manoharam | kandarpatAtakaishoraM kadA mama dR^ishoH padam || 52|| nana bajA~NganAlakShanayanotsavaniHsitam | (nata) kandarpatAtasaubhAgyaM kadA mama dR^ishA spR^ishe || 53|| sAdhAraNapadAtItarAdhAraNarasAdR^itaH | nArAyaNabhavanbAlyapArayaNapare dashau || 54|| kadA nu kamalAbandho vR^indAvanadilAsinaH | vilAsi badanAmbhojaM vilahya saphale dR^ishau || 55|| (vilokya saphale) saphale chapale kR^iShNa kadA tava madAlasam | vadanAmburuhaM bundAvane.apyAchumbya gaddR^ishauH || 56|| vR^indAvane viharatastava divyaveShaM dR^igbhyAM nipAtumatilampaTayordR^ishorme | yAvatprashasyasi jagattrayakAnta kR^iShNa tAvattavAnucharaNaM charaNe karomi || 57|| tvatpAdapa~NkajarajaHparichArakasya kinnAma ki~Nkarajanasya jagatyasAdhyam | divyAM dR^ishaM disha yayA kila divyaveShaM ta antarbahistava vilaya bhavanti dhanyAH || 58|| yadvA chittapathe vichintya bhavato bhaktaikachintAmaNe bhAvaM bhAvanayA kayApi bhagavan prApsyAmyabhIpsAspadam | kiM vA kevalayA tavaiva kR^ipayA he kR^iShNa kR^iShNAsakha svAmin kAmadudhaiH kaTAkShavibhavaiH sArdhaM labhe lipsitam || 59|| vR^indAvanavyasaninastava deva kR^iShNa lIlAshukena rachita nichitaM rasaughaiH | pratyakSharaM pariduhanmadhukarNayoste stotraM tadetadanishaM vilihantu dhanyA || 60|| iti shrIkR^iShNalIlAshukamahAkavimunivirachintaM ShaShTisa~NkhayaM stotraratnasodarannAma vR^indAvanastotraM sampUrNam | ## Proofread by Gopalakrishnan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}