% Text title            : Vrittakusumarpanam a hymn to Vishnu and a guide to Sanskrit Metres
% File name             : vRRittakusumArpaNam.itx
% Category              : vishhnu, sAhitya
% Location              : doc\_vishhnu
% Author                : G S S Murthy
% Transliterated by     : G S S Murthy
% Proofread by          : G S S Murthy
% Latest update         : January 30, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vritta Kusumarpanam ..}##
\itxtitle{.. vR^ittakusumArpaNam ..}##\endtitles ##
## Vritta Kusumarpanam, a hymn to Vishnu and 
a guide to Sanskrit Metres by G S S Murthy##
\section{pUrvArdham}
yogamudrAmupArUDhaM narasiMhaM hR^idi smaran |                              (anuShTubh)
vR^ittalakShaNajij~nAsuH nAmasa~NkIrtanaM hareH || 1||
kurvannApnotvavagamaM vR^ittAnAM lakShaNe javAt |
iti sa~nchintya yatate kartumeShAM kR^itiM hriyA || 2||
gorUrugrAmasa~njAtaH shelvapillaisuto.alpadhIH |
mUrtyupAhvaH shrInivAsaH sAvadhAnaM nibodhata || 3||
prArambhakAMshAH shAstrasya pUrvArdhe.atra darshitAH |
hrasvAkSharochchAraNAya yaH kAlaH samapekShitaH || 4||
sa ekamAtrAmita ityuchyate pUrvasUribhiH |
dIrghAkSharamanusvAravisargAntAkSharANi cha || 5||
mAtrAdvayamitAnIti chChandaHshAstre nigadyate |
saMyuktAkSharapR^iShThasthaM dvimAtramiti gaNyate || 6||
hrasvAkSharaM chettpAdAnte dvimAtraM tadapi smR^itam |
ekamAtrAmitaH kAlaH laghurityAdR^itairbudhaiH || 7||
dvimAtrApramitastAvadgururityabhidhIyate |
ChandasAM lakShaNaM vaktuM sukaraM bhavatAditi || 8||
akSharANi trishaH padye gumphitAnyAditaH kramAt |
tamakSharagaNaM prAhuH vR^indaM tryakSharasammitam || 9||
laghvAdiryagaNaH proktaH ragaNaH laghumadhyamaH |
laghvantastagaNashchAtha gurvAdirbhagaNaH smR^itaH || 10||
gurumadhyastu jagaNaH gurvantaH sagaNo bhavet |
nagaNaH syAtsarvalaghurmagaNo laghuvarjitaH || 11||
yatrAvashyo virAmaH syAt padyavAchanakarmaNi |
tatsthAnaM yatimAhuH sA pAdAnte niyatA bhavet || 12||
yatisthAne padAntassyAditichChandovidAM matam |
pradarshyante.atrottarArdhe hR^idyavR^ittAni kAnichit || 13||
samavR^ittasyAdyapAde dR^ishyate vR^ittalakShaNam |
yatrAkSharagaNasyAdyamakSharaM gaNasUchakam || 14||
\ldq{}yashasvin\rdq{} yagaNaM brUte \ldq{}rakSha mAM\rdq{} ragaNaM tathA |
\ldq{}tR^ipto.asmi\rdq{} tagaNaM vakti \ldq{}satataM\rdq{} sagaNaM tathA || 15||
bhagaNaM \ldq{}bhArgava\rdq{}padaM sUchayatyatra pashyata |
\ldq{}jayanta\rdq{}padamevaM hi jagaNaM sUchayediha || 16||
tathA \ldq{}nimiSha\rdq{}shabdastu nirdishennagaNaM stutau |
\ldq{}mAjAne\rdq{} magaNaM brUte \ldq{}hare\rdq{} laghugurU tathA || 17||
stotre \ldq{}viShNo\rdq{}.athavA \ldq{}shaure\rdq{} gurudvandve prayujyate |
punaruktinirodhArthaM yujyante.anyapadAni cha || 18||
kvachillaghugurudvandvaM gurudvandvaM guru kvachit |
pR^itha~Nnirdishyate tatra heturyatinibandhanam || 19||
padyottarArdhe dattau staH yatirvR^ittasya nAma cha |
guNAshcha vasavashchaiva munayo.anyapadAni cha | 20||
sa~NkhyAvAchIni yujyante yatinirdeshane kvachit |
na sarveShAM tu vR^ittAnAM lakShaNaM dishyate.adhunA || 21||
nirdishedanyavR^ittAni yathAnirdiShTama~njasA |
bAla eva yathAshakti chChandovyutpattihetunA || 22||
\section{uttarArdham}
tR^ipto.asmi tuShTo.asmi jayanta shaure                             (indravajrA)
       govinda nArAyaNa kR^iShNa viShNo |
nAmnendravajreti vadanti loke
       Chandovido vR^ittamidaM pratIchCha || 23||
jayanta tuShTo.asmi jayesha shaure                                  (upendravajrA)
       ramesha lakShmIsha mukunda viShNo |
upendravajreti budhaiH pratItaM
       samarpyate pAdayuge tavAtra || 24||
shaure viShNo rAma he rakSha shAr~Ngin                              (shAlinI)
       trAtAsi tvaM matpramAdAn kShamasva |
bhidyetAdau deva varNaishchaturbhiH
       shAlinyAkhyaM vR^ittametatpratIchCha ||  25||
rakSha mAM nimiSha rAma he hare                                     (rathoddhatA)
       kR^iShNa shAr~Ngadhara rAghava prabho |
Amananti kavayo rathoddhatAM\-
       vR^ittametadadhunA samarpyate ||  26||
rakSha mAM nimiSha bhArgava shaure                                  (svAgata)
       rAma he varada keshava kR^iShNa |
svAgateti viditaM kavivR^inde
       sannidhau tava samarpitamadya ||  27||
bhArgava bhAvana bhUShaNa shaure                                    (dodhakam)
       shrIdhara keshava mohanamUrte |
dodhakametaditiprathitaM bhoH
       svIkuru mAmava rAghava viShNo || 28||
tR^ipto.asmi tuShTo.asmi jayanta shaure                             (upendravajrA)
       janesha totrAstra jayesha viShNo |
upendravajrA kvachidindravajrA
       nAmnopajAtiH kR^ipayA pratIchCha ||  29||
bhArgava viShNo nimiSha yashasvin                                   (mauktikamAlA)
       bhUShaNa shaure damaya mamatvam |
bhUtayatissyAdiha narakAre
       mauktikamAlAM varada gR^ihANa ||  30||
rakSha mAM nimiSha jayanta viShNo                                   (chandrikA)
       pratyahaM vitara manaH prashAntim |
akSharairbhavati yatistu ShaDbhiH
       chandrikAkhyanavavR^ittamavehi ||  31||
rakSha mAM nimiSha bhArgava shaure                                  (nandana)
       puShkarAkSha madhusUdana kR^iShNa |
nUtnavR^ittamiha nandananAma
       prArthaye bhavatu te.amitabhogyam ||  32||
jayanta tR^ipto.asmi jayesha rAma he                                (vaMshastham)
       mukunda govinda ramesha madhvare |
vadanti vaMshasthamidaM purAtanAH
       samarpayAmyatra tavA~Nghripa~Nkaje || 33||
satataM sumate sadayaM sahase                                       (toTakam)
       mama mandamatiM mama dhArShTyamaho |
kathayanti hi toTakametaditi
       prathitAH kR^ipayAnugR^ihANa hare ||  34||
nimiSha bhArgava bhAvana rAma he                                    (drutavilambitam)
       varada keshava mAdhava rakSha mAm |
drutavilambitamadya mayArpitaM
       sadayamadya gR^ihANa balAnuja ||  35||
tR^ipto.asmi tuShTo.asmi jayanta rAma he                            (indravaMshA)
       govinda lakShmIsha namAmi madhvare |
bhaktyendravaMshAkhyamidaM kR^itaM mayA
       svIkR^itya mAM pAhi kR^ipApayonidhe ||  36||
yashasvin yatheShTaM yadItthaM yate.ahaM                            (bhuja~NgaprayAta)
       kavitve kShamasva prabho ve~NkaTesha |
bhuja~NgaprayAte madIyaM prayAsaM
       pratIchChAtra doShAnasheShAnkShamasva ||  37||
nimiSha yashasvin niyama yate.ahaM                                  (kusumavichitrA)
       mama kavitAyA kusumamaki~nchit |
tava padayugme sapadi nidhAtuM
       vitaratu toShaM kusumavichitrA ||  38||
rAma he rakSha mAM raMhasA rAviNaM                                  (sragviNI)
       kR^ichChragarte gataM shrInidhe madhvare |
paNDitA maNDitAH sragviNIM manvate
       vR^ittametatprabho svIkuru prArthaye ||  39||
satataM bhArgava rakSha mAM yashasvin                               (madhurA)
       sadayaM sAntvaya duHkhitaM kR^ipAlo |
madhurAkhyaM navamarpayAmi vR^ittaM
       yadi hR^idyaM na bhavettadA kShamasva ||  40||
mAjAne nimiSha jayanta rakSha mAM bhoH                              (praharShiNI)
       kaMsAre varada ramesha rAma shaure |
proktaM yadbhuvanayatiH praharShiNIti
       premNA te padayugale samarpayAmi ||  41||
nimiSha bhArgava jayanta janesha bhoH                               (madanikA)
       varada keshava ramesha hare prabho |
abhinavaM tava pade.adya niveshitaM
       madanikAkhyamiha vR^ittamadhokShaja ||  42||
tR^ipto.asmi bhArgava jayanta jayesha shaure                        (vasantatilakA)
       govinda keshava ramesha rathA~NgapANe |
khyAtaM vasantatilaketi kavipradhAnaiH
       vR^ittaM bhavatpadayuge.adya samarpayAmi ||  43||
nimiSha rAma viShNo rakSha mAM ramyamUrte                           (badarikAkhya)
       shamaya kAmabAdhAM durbharAM satvaraM me |
badarikAkhyavR^itte saptavarNairyatiH syAt
       idamapUrvamIsha prArthaye svIkuru tvam || 44||
nimiSha niyama viShNo rakSha mAM rAma shaure                        (mAlinI)
       varada sukhada bhaktaM pashya mAM satyavAkya |
yatiriha vasusa.nj~nA mAlinIti prasiddhaM
       tavapadayugale.ahaM vR^ittamArto.arpayAmi ||  45||
yate.ahaM mAjAne nimiSha satataM bhArgava hare                      (shikhariNI)
       kavitve vaiduShyaM na mayi sutarAM yAdavapate |
yatiH ShaDbhirvarNairiha shikhariNIvR^ittamadhunA
       pratIchChedaM viShNo parihara madIyAnaghagaNAn || 46||
jagatsu satataM hare niyama rAma he rakShakAH                       (pR^ithvI)
       bhavanti na bhavadvidhAH praNatapAlane jAgarAH |
ramesha bhuvi kathyate budhajaneShu pR^ithvIti yan\-
       mayAtra hi samarpyate yatirihAShTavarNaiH prabho || 47||
shaure viShNo shAr~Ngin nimisha sumate bhUShaNa hare                (sa.nrambham)
       dR^iptaM mattaM duShTaM shamada suruche mAmava vidho |
vR^ittaM saMrambhAkhyaM R^ituyatiyutaM svIkuru navaM
       prItyai bhUyAtte.ado varada karuNAbdhe narahare ||  48||
viShNo shaure nimiSha satataM rakSha mAM rAma dAsaM                 (mandAkrAntA)
       prahvaM bhaktaM raghuvara hare deva kAruNyamUrte |
mandAkrAntetyabhihitamidaM vR^ittamAsvAdyalAsyaM
       tvatpAdAbje muniyatiyutaM nyasya shAntiM vrajAmi || 49||
shaure viShNo yashasvin nimiSha sumate bhArgava hare                (mandAra)
       pashchAttApAtpradagdhaM varada kR^ipayA pAraya bhavAt |
proktaM mandAranAmnA muniyatiyutaM svIkuru navaM
       bhUyAttubhyaM mudArthaM sahR^idayahitaM mAdhava vibho || 50||
mAjAne satataM jaDo.asmi sumate.atR^ipto.asmi tapto.asmibhoH        (shArdUlavikrIDita)
       shAntiM dehi bhavatkaTAkShasalilairmadvigrahaM snApayan |
varNairdvAdashabhiryatirniyamitA shArdUlavikrIDite
       vR^itte.asmin bhavate samarpitamidaM lakShmIpriya svIkuru ||  51||
viShNo shaure yashasvin niyata niyama te deva tR^ipto.asmi dAsaH    (sragdharA)
       kaMsArAte vidhAtaH madhumathana hare chakrapANe dayAlo |
yasmin dviH syAnmuniyatiniyamaH sragdharetIrite bhoH
       tattvatprItyai kR^ipAlo tavapadayugale sAdaraM nikShipAmi ||  52||
sumate satataM jayanta bhoH sadayaM bhAvana rakSha mAM hare |        (lalitA)
laliteti budhairudAhR^ite tava netradyutipAtamAdisheH ||  53||
varada nimiSha rakSha mAM yashasvin                                  (puShpitAgrA)
       niyama jayanta janesha rAmabhadra |
tava padayugale niveshya bhaktyA
       dR^iDhacharaNAM praNamAmi puShpitAgrAm ||  54||
vR^ittakusumAni tavapadayugale bhaktyA samarpitAni hare |            (AryA)
svIkurvaki~nchananR^iNA surabhiHprasaratu tava karuNayA ||  55||

iti vR^ittakusumArpaNaM samAptam |

##

Composed, encoded, proofread by
G S S Murthy murthygss at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}