% Text title            : Vadhugitayam Dhyeyasya Shri Hareh Sarvarpanastotradipradarshanam
% File name             : vadhUgItAyAMdhyeyasyashrIhareHsarvArpaNastotrAdipradarshanam.itx
% Category              : vishhnu, vishnu, lakShmInArAyaNIyasaMhitA
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 57/60-107||
% Latest update         : February 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vadhugitayam Dhyeyasya Shri Hareh Sarvarpanastotradipradarshanam ..}##
\itxtitle{.. vadhUgItAyAM dhyeyasya shrIhareH sarvArpaNastotrAdipradarshanam ..}##\endtitles ##
(puruShottamaproktam)\-
saMsArabandhanAnmuktimichChan yaH ko.api dehavAn |
stutvA dhyAtvA pUjayitvA mAM hariM sampramuchyate || 60||
lakShmi! nityaM balaM prApyaM mama sarvAvatAriNaH |
akShareshaM prapannAsmi kiM mAM mR^ityuH kariShyati || 61||
sha~NkhachakragadApadmadhAriNaM parameshvaram |
antaHsthitaM prapannAsmi kiM mAM mR^ityuH kariShyati || 62||
mInashUladhvajadhanuHsvastichakrasharAnvitam |
shrIvatsA~NkaM prapannAsmi kiM mAM mR^ityuH kariShyati || 63||
kambharAshrIsutaM kR^iShNanArAyaNaM priyaM patim |
gopAlajaM prapannAsmi kiM mAM mR^ityuH kariShyati || 64||
brahmapriyApatiM haripriyApatiM satIpatim |
shrIpatiM samprapannAsmi kiM mAM mR^ityuH kariShyati || 65||
rAdhAramApatiM lakShmIramApadmAvatIpatim |
mANikIshaM prapranno.asmi kiM mAM mR^ityuH kariShyati || 66||
kamalAduHkhahAlakShmIpatiM nArAyaNIpatim |
shivajeshaM prapannAsmi kiM mAM mR^ityuH kariShyati || 67||
divyAdevIpatiM kIrApatiM kAmodakApatim |
sushIleshaM prapannAsmi kiM mAM mR^ityuH kariShyati || 68||
lIlAvatIkhashInAthaM huNDikAgaNikApatim |
haMsikeshaM prapannAsmi kiM mAM mR^ityuH kariShyati || 69||
ashokasundarInAthaM vikalendumatIpatim |
bhillIshaM samprapannAsmi kiM mAM mR^ityuH kariShyati || 70||
rakShApraj~nAshamIshraddhAnAthaM muktapatiM harim |
mama kAntaM prapannAsmi kiM mAM mR^ityuH kariShyati || 71||
kR^iShNaM rAmaM rAmakR^iShNaM nArasiMhaM janArdanam |
rAjarAjaM prapannAsmi kiM mAM mR^ityuH kariShyati || 72||
vArAhaM vAmanaM viShNuM mAdhavaM keshavaM patim |
kAntakAntaM prapannAsmi kiM mAM mR^ityuH kariShyati || 73||
kapilaM cha hariM vAsudevaM janArdanaM shivam |
akShareshaM prapannAsmi kiM mAM mR^ityuH kariShyati || 74||
anantashirasaM kR^iShNaM sanAtanaM paraM patim |
brahmayoniM prapannAsmi kiM me mR^ityuH kariShyati || 75||
premarasaM harernityaM pibAmi pArshvavartinI |
hareH pAdaM prapannAsmi kiM mAM mR^ityuH kariShyati || 76||
harestAmbUlajaM miShTaM rasaM sugandhasambhR^itam |
pibAmi taM prapannAsmi kiM mAM mR^ityuH kariShyati || 77||
amR^itAkhyaM prasAdaM cha nityamAsvAdayAmi cha |
oShTharasaM prapannAsmi kiM mAM mR^ityuH kariShyati || 78||
shrIhareH shayanaM prAptA mahAnandaM vahAmi cha |
AntarasthaM prapannAsmi kiM mAM mR^ityuH kariShyati || 79||
AkSharaM balamAptA.asmi nityaM sukhaM gatA.asmi cha |
ekAtmAnaM prapannAsmi kiM mAM mR^ityuH kariShyati || 80||
tAdAtmyasukhamApannA rahasyAnandabhoginI |
tadbhAvaM cha prapannAsmi kiM mAM mR^ityuH kariShyati || 81||
mR^ityoH pitA mahAkAlo yena sR^iShTo.asmi yadvashaH |
taM prabhuM samprapannAsmi kiM mAM mR^ityuH kariShyati || 82||
ityevaM shrIharerme vai madamAptA priyA mama |
nirbhayA sevate mAM chAshnute sarvaM sukhaM mama || 83||
sA dhanyA sA saphalArthA sA cha sarvasukhasthitA |
saphalaM jIvitaM tasyAH stauti yA puruShottamam || 84||
OM namo.akSharavAsAya muktasevyAya te namaH |
OM namashcheshvareshAyA.avatAreshAya te namaH || 85||
OM namo muktapataye satAM cha pataye namaH |
OM namo.akSharapataye muktAnIpataye namaH || 86||
namaste paramAnanda namaste paramA.akShara |
namaste nityasarvaj~na namaste j~nAnamuktida || 87||
namaste chAtmavAsAya namaste puruShottama |
sarvAntarAtmarUpAya nArAyaNAya te namaH || 88||
namaste kambharAputra gopAlajAya te namaH |
namaste shrIpate kR^iShNanArAyaNa cha te namaH || 89||
namaste ku~NkumavApInivAsAyA.abdhishAyine |
brahmapriyAdhipataye haripriyApriyAya cha || 90||
jaya satyajagatsAkShin jaya sarvapumarthada |
jaya vedAntavedyastvaM jaya kAnta manohara || 91||
jaya sUkShmachidAnanda jaya chittanira~njana |
jaya nAtha jaya sarva jaya shAntasanAtana || 92||
tvaM gurustvaM hare kAntatvaM svAmI tvaM mamAdhipaH |
dharmaj~nAnAdayastvaM me tvaM me viShNuH pramokShadaH || 93||
tvaM prabhustvaM samuddhartA tvaM pAtA tvaM pralumpakaH |
tvaM shrIH puShTistvaM cha lakShmIstvaM prabhA tvaM cha mANikI || 94||
tvaM kShetraj~naH pareshashcha tvaM yaj~nastvaM hutAshanaH |
tava rUpamidaM sarvaM parabrahma tvamIshvaraH || 95||
avatArAtmakamUrtiM te bhajanti divaukasaH |
bhajane pUjane pAne bhojane puruShottama || 96||
kShantumarhasi devesha yatkR^itaM na kR^itaM mayA |
na shaknomi sadA kartuM pUjAM samyak kShamasva mAm || 97||
yat kR^itaM japahomAdi hyasAdhyaM puruShottama |
nyUnaM pUrNaM mama matvA nijAM mAM svIkuru prabho || 98||
divArAtrau cha sandhyAyAM sarvAvasthAsu me prabho |
achalA vai tvayi bhaktistavA~Nghriyugale sthitiH || 99||
iti stotreNa mAM nAthaM bhaktyeDiShva narAyaNi |
yadichChasi mamAnandaM bhaja bhaktyA jagadgurum || 100||
prAtarjapedidaM stotraM smarantaM puruShottamam |
svargaM mokShaM sampadaM cha sarvAn kAmAnavApnuyAt || 101||
putrArthI labhate putrAn baddho muchyeta bandhanAt |
kanyArthinI labhet kanyAM kanyA shubhaM patiM labhet || 102||
rogAdvimuchyate rogI nirdhano labhate dhanam |
jAtismaratvaM medhAvI vidyArthI j~nAnamarjayet || 103||
jaghanyashchApi mUrdhanyastvasAdhuH sAdhusattamaH |
shaTho.api satyavAk syAchcha yaH stauti puruShottamam || 104||
sarvadharmabahiShkR^itA api te sAdhavo matAH |
yeShAM pravartanaM sarvaM harimuddishya jAyate || 105||
nA.a.ashauchaM vidyate tasyA yasyA bhaktiH pareshvare |
mano vAgvarShma sarvasvaM mayA kShiptau harau tviha || 106||
ArAdhya sarvadA kR^iShNanArAyaNaM sukhapradam |
naro nArI cha vA ShaNDhaH prApnotIha suvA~nChitam || 107||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
       57\-adhyAyAntargataM vadhUgItAyAM dhyeyasya shrIhareH
       sarvArpaNastotrAdipradarshanaM sampUrNam |

lakShmInArAyaNIyasaMhitA | khaNDa 3| adhyAya 57/60\-107||
##
lakShmInArAyaNIyasaMhitA . khaNDa 3. adhyAya 57/60-107..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}