% Text title            : Shri Mangalacharyamahamunindrapranitah Vaishnavadharmopadeshah
% File name             : vaiShNavadharmopadeshaHmangalAchAryamahAmunIndra.itx
% Category              : vishhnu, rAmAnanda, upadesha, advice, vishnu
% Location              : doc\_vishhnu
% Author                : maNgalAchAryamahAmunIndra
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vaishnavadharmopadeshah ..}##
\itxtitle{.. vaiShNavadharmopadeshaH ..}##\endtitles ##
shR^iNu rUpa! pravakShyAmi vaiShNavadharmalakShaNam |
yajj~nAtvA vaiShNavAH sarve muchyante karmabandhanaiH || 1||
saMskR^itAH pa~nchasaMskArAtprabhavanti cha vaiShNavAH |
na kurvanti paradrohaM kurvanti chAtmachintanam || 2||
yathA yaj~nopavItaM cha na tyAjyaM brAhmaNaiH kShaNam |
vaiShNavairna tathA mAlA na tyAjyA kShaNameva cha || 3||
mUlAchChataguNaM puNyaM jIrNoddhAre kR^ite bhavet |
tasmAtsarvaM prayatnena jIrNasyoddhAramAcharet || 4||
gItaM nR^ityaM cha vAdyaM cha sAmavedasya gAyanam |
pUjAkAle bhavennityaM sha~Nkhadhvanishcha susvaraH || 5||
Adyastu vaiShNavaH prokto dhanurbANA~Nkito hareH |
tulasI chordhvapuNDrANAM tanmantrANAM parigrahaH || 6||
adIkShitA ye kurvanti japapUjAdikAH kriyAH |
na phalanti vaTo! teShAM shilAyAmuptabIjavat || 7||
yaj~no dAnaM japo homaH svAdhyAyaH dharmakarma cha |
vR^ithA bhavanti he shiShya! UrdhvapuNDraM vinA kR^itam || 8||
dhyeyo j~neyashcha rAmo hi geyo vAlmIkivA~NgamayaH |
japyaH shrIrAmamantrashchetyAhurvaiShNavadeshikAH || 9||
asmAkaM parivAre tu sambhaviShyanti vaiShNavAH |
itihAsasya karttAraH sampradAyasya rakShakAH || 10||
asmAkaM sampradAyasya bhaviShyanti prachArakAH |
vR^ittasya guruvaryANAM pUrveShAM chAnuyAyinaH || 11||
etatsthAnasya sUrINAM sAnidhyAchchAnuyAyinAm |
bhaveyurvaiShNavAH sarve vaiShNavadharmashikShitAH || 12||
sarvashAstreShu niShNAtAH sarveShAM hitakArakAH |
viraktA vaiShNavA ye cha shikhAsUtrasamanvitAH || 13||
sa.nnyAsinastu vij~neyA santi te sAdhusattamAH |
TIlAchAryeNa sa.nnyAsiparibhAShA vinishchitA || 14||
chaturtha Ashramo j~neyo TIlAchAryeNa bhAShitaH |
viraktAnAM cha sAdhUnAM vaiShNavAnAM visheShataH || 15||
nItishAstropadeshaH~
AtmabuddhiH sukhAyaiva gurubuddhirvisheShataH |
bhR^ityabuddhirvinAshAya strIbuddhiH pralayAvahA || 16||
dvAvimau puruShau loke na bhUtau na bhaviShyataH |
prArthitaM yashcha dIyate yashcha nArthayate param || 17||
akSharadvayamabhyastaM nAsti nAstIti yatpurA |
tadidaM dehi dehIti viparItamupasthitam || 18||
sampatsarasvatI satyaM santAnaM sadanugrahaH |
sattA sukR^itasambhAraH sakArAH sapta durlabhAH || 19||
upabhoktuM na jAnAti shriyaH prApyApi mAnavaH |
AkaNThajalamagno.api shvA leDhi jihvayA jalam || 20||
shrutvA dharma vijAnAti shrutvA tyajati durmatim |
shrutvA j~nAnamavApnoti shrutvA mokShaM cha vidanti || 21||
paNDitaiH saha sA~NgatyaM paNDitaiH saha satkathAH |
paNDitaiH saha mitratvaM kurvANo nAvasIdati || 22||
sa jIvati guNA yasya dharmo yasya sa jIvati |
guNadharmavihIno yo niShphalaM tasya jIvitam || 23||
shatrorapi guNA vAchyA doShA vAchyA gurorapi |
sarvadA sarvaprayatnena putre shiShyavadAcharet || 24||
lAlane bahavo doShAstADane bahavo guNAH |
tasmAtputraM cha shiShyaM cha tADayenna tu lAlayet || 25||
avidyaM jIvanaM shUnyaM dikshUnyA chedabAndhavAH |
shiShyahIno maThaH shUnyaH sarvashUnyA daridratA || 26||
ghR^itakumbhasamA nArI taptA~NgArasamaH pumAn |
tasmAd ghR^itaM cha vahniM cha naikatra sthApayed budhaH || 27||
prathame narjitA vidyA dvitIye nArjitaM dhanam |
tR^itIye nArjitaM puNyaM chaturthe kiM kariShyati || 28||
prANA yathAtmano.abhIShTA bhUtAnAmapi te tathA |
Atmaupamyena bhUteShu dayAM kurvanti sAdhavaH || 29||
dharmArthe yasya vittehA varaM tasya nirIhatA |
prakShAlanAddhi pa~Nkasya dUrAdasparshanaM varam || 30||
sandeho vaiShNave mArge na kAryo.anyaiH kudarshanaiH |
rAmaprabhAvamadyApi payobdhau pashya setunA || 31||
tatra shiShya! na vastavyaM\-yatra nAsti chatuShTayam |
R^iNadAtA cha vaidyashcha shrotriyaH sajalA nadI || 32||
naratvaM durlabhaM loke vidyA tatra sudurlabhA |
kavitvaM durlabhaM tatra shaktistatra sudurlabhA || 33||
dAnaM vittAdR^itaM vAchaH kIrtidharmau tathAyuShaH |
paropakaraNaM kuryAdasArAtsAramAharet || 34||
AsuraM kulamanAdaraNIyaM chittametadamalIkaraNIyam |
rAmadhAmasharaNIkaraNIyaM lIlayA bhavajalaM taraNIyam || 35||
arthAturANAM na gururna bandhuH kAmAturANAM na bhayaM na lajjAH |
vidyAturANAM na sukhaM na nidrA kShudhAturANAM na ruchirna belA || 36||
galAratnaM gItaM gaganatalaratnaM dinamaNiH |
sabhAratnaM vidvA~nshravaNapuTaralaM harikathA || 37||
nishAralaM chandraH shayanatalaratnaM cha sundarI |
mahIratnaM shrImA~njayati raghunAtho nR^ipavaraH || 38||
upakAraH paro dharmaH parArtha karma naipuNam |
pAtre dAnaM paraH kAmaH paro mokSho vitR^iShNatA || 39||
paradArA na gantavyAH sarvavarNeShu karhichit |
na hIdR^ishamanAyuShyaM triShu lokeShu vidyate || 40||
mAtrA svasrA duhitrA\-vA naikashayyAsano bhavet |
balavAnindriyagrAmo vidrAMsamapi karShati || 41||
uttamA AtmanA khyAtAH pituH khyAtAshcha madhyamAH |
adhamA mAtulAt khyAtAH shvashurAchchAdhamAdhamAH || 42||
kubhojyena dinaM naShTaM kumArgeNa cha jIvanam |
kushiShyeNa maTho naShTastannaShTaM yanna dIyate || 43||
apyunnatapadArUDhaH pUjyAnnaivApamAnayet |
nahuShaH shakratAM prApya chyuto.agastyAvamAnanAt || 44||
hitopadeshaM shR^iNuyAtkurvIta cha yathoditam |
viduroktamakR^itvAbhUtkauravaH shokashalyabhAk || 45||
vyAkulo.api vipatpAtaiH smaredrAmaM sadA hR^idi |
sharatalpagato bhIShmaH sasmAra garuDadhvajam || 46||
mUrkhashiShyopadeshena duShTastrIbharaNena cha |
dviShatAM samprayogeNa paNDito.apyavasIdati || 47||
gurUNAM sa guruH shreShTho yasya shiShyastu paNDitaH |
shiShyANAM sa varaH shiShyo yena vishrUyate guruH || 48||
apUjyA yatra pUjyante pUjyAnAntu viDambanA |
trINi tatra pravartante durbhikShaM maraNaM bhayam || 49||
dhanAni jIvitashchaiva parArthe prAj~na utsR^ijet |
sannimitte varaM tyAgo vinAshe niyate sati || 50||
anukUle harau deyaM yataH pUrayitA hariH |
pratikUle harau deyaM yataH sarvaM hariShyati || 51||
svAchAryajanmatithyAM cha yaH karoti na pUjanam |
prAchAryasya manuShyeShu sa chAdhamAdhamaHshrutaH || 52||
prAchAryapUjanaM nityaM kurvanti vaiShNavA budhAH |
na hi kurvanti pUjAM cha dhUrtAH pAkhaNDinastathA || 53||
pUrvoktena prakAreNa bhaviShyati paramparA |
rUpadAsa! vachaH satyaM mamAnuyAyinAmidam || 54||

iti shrIma~NgalAchAryamahAmunIndrapraNItaH vaiShNavadharmopadeshaH sampUrNaH |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}