% Text title            : Vaishakhamase Narasimhajayantivratam
% File name             : vaishAkhamAsenarasiMhajayantIvratam.itx
% Category              : vishhnu, dashAvatAra, viShNu
% Location              : doc\_vishhnu
% Proofread by          : M K Barman
% Description/comments  : nRRisiMhakosha 2 upAsanA khaNDa
% Latest update         : August 4, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vaishakhamase Narasimhajayantivratam ..}##
\itxtitle{.. vaishAkhamAse narasiMhajayantIvratam ..}##\endtitles ##
atha vaishAkhe nR^isiMhajayantIvratam | tadyathA |
sanatkumAra uvAcha\-
agastyAshramaM padaM puNyaM hemA~Nge pArshva uttare |
puNyadrumalatAkIrNaM puNyadrumasamAkulam || 1||
puNyabhadrA nadI yatra chitrAkhyA cha mahAshilA |
rAjante satataM nAnAdrumAH puNyaphalAnvitAH || 2||
mR^igAshcha sahajaM vairamutsR^ijya sukhamAsate |
tasminvaTatarormUle charantaM dushcharastapaH || 3||
nigR^ihItendriyagrAmaM brahmabhUtamakalmaSham |
sanatkumAro dadR^ishe mArkaNDeyaM mahAmunim || 4||
atha tad hR^idayaM yogI mR^ityurUpaM samAvishat |
vasAnaM valkalaM ramyaM bibhrANaM pi~NgalAM jaTAn || 5||
daidIpyamAnaM tapasA jvalantamiva pAvakam |
dR^iShTvA tad hR^idayAmbhoje vismitobhyutthitastadA || 6||
purataH taM muniM pashyan praNataH paryapUjayet |
mArkaNDeya uvAcha\-
dhanyohyanugR^ihIto.asmi munIndra tava darshanAt || 7||
kiM devaiH ki~nchitaistIrthaiH chirasevAphalaprade |
darshane bhavatAM puMsAM mUrttAnAM shreyasAmiva || 8||
na bhavaddarshanAdanyashreyasaH paramuttamam |
tathApi ki~nchitpR^ichChAmi tatvato vaktumarhasi || 9||
sarveShAmapi lokAnAM loka vai parameShTinaH |
yamAmananti tapasAM phalamijyAmanuttamam || 10||
yaM prApya na nivartata yogino nirmalAshayA |
mUrtimanto yatra vedA purANAni cha kR^itsnashaH || 11||
yatra gatvA na shochanti yatrakAmAdayo na vA |
tatsthAnaM paramaM shreShThaM yadyasti vada me prabho || 12||
sanatkumAra uvAcha\-
shrR^iNuShva vakShye paramaM shlAghyaM tatparameShThinaH |
sakAshAd brahmaNo yadvai sAkShAt pUrvamayA shrutam || 13||
sa~NkarShaNe prAgnike cha nAnAkhyAnopavarNake |
brahmovAcha\-
ananta shruNu vakShyAmi kathAmanyAM mahadbhutAm || 14||
taranti hi bhavAmbodhi yasyAH shravaNamAtrataH |
madIyA mAnasAH putrAH shrIvaikuNThadidR^ikShavaH || 15||
gatA nivAritAstasthuH shaptavanto nirodhitAH |
tato jayashcha vijayaH prAptA vasurasambhavaH || 16||
hiraNyakashipurnAma hiraNyAkSha iti shrutau |
tato hiraNyakashipustapastaptvA suduShkaram || 17||
amR^ityuM mAmakAtsargAllabdhaM jagadapIDayat |
tasmAtkrUratamAjjAtaH prahlAdo vaiShNavottamaH || 18||
lokAnAmupakArAya sAgarAdamR^itaM yathA |
harelAlApare tasmin bAlakrIDAsu sarvashaH || 19||
bhaktiM chakAra vishvesha vishveshAnugraheritaH |
nAmR^iShyatsa haridveShI prahlAdaM bhagavatpriyam || 20||
yAtanAbhishcha ghorAbhiH pIDayAmAsa taM sadA |
shastrANyutpalasArANi vahvayashchandrashItalAH || 21||
nArAyaNe hR^idisthe cha viShANyamR^itatAM yayuH |
nainaM vyathayituM shekuH shambarA diggajAdayaH || 22||
yadyadbAlavadhArthaM sa kurute krUracheShTitam |
tattatsukhAya tasyAsIt hR^idayasthe janArdane || 23||
evabhirarthayatanoharichintanena
stutyopadeshabhuvanaishcha kumArasya |
AdAya khaDgamatiroShakaShAyitAH
provAcha bAlaka tatastavarakShakaH || 24||
rakShenmAM harirevaduShTashamanaH kvAsau harirdurmate |
sa stambhe paridR^ishyatAmiti vachaH shrutveti putroditam || 25||
kruddhastambhamatADyadR^iDhamahiM suptaM yathA bodhayan |
tasmAdadbhuta bhIShaNodhvanirabhUdrakShaH sabhAM bhIShayan || 26||
rakShovadhArthaM vai menire te sabhAsadAH |
daityo pUrvAdbhutAtyugrAdhvanimAkarNya vihvalAH || 27||
vyAdhunvan sahakesarairgrahagaNAn shvAsairgirIshchAlayan |
dhAtrI sannamayanmadairdashadisho dedIpayan dR^iShTibhiH || 28||
jvAlAmudgamayan kaThoradashanairhastairnabhaH pUrayan |
dAdadbhutavigraho narahariH prAdurbhavannai kShaNat || 29||
yo.adbhutamudbhUtaM vIkShya daityendraM sa nR^ikesarI |
urau nipAtya tadvakSho dadAra nakharaiH karaiH || 30||
tadA nR^isiMhahu~NkArairanyairdaityAH kShayaM gatAH |
mahAndhatamasavrAtA mArtaNDasyodayo divA || 31||
devadundubhayornedurvavarShaH puShpavR^iShTayaH |
jajvalushchAgnayaH shAntAH suprabhobhUddivAkaraH || 32||
dishastu nirmalA jAtA vAyavaH sukhashItalAm |
sakAlaH sarvajagatAM sukhAya samajAyata || 33||
brahmAdayastadAgatya nandatobhibhayAnvitAH |
adR^iShTapUrvaM pashyanto dUraH sthitvA namastuvan || 34||
jaya shrInarasiMhesha mahAbhayanivAraNa |
prasIda karuNAmbhodhe bhagavan bhaktavatsala || 35||
pApenAntaritA sevA yena janmatrayAvadhi |
ahotyantasya bhagavan nigraho.ayamanugrahaH || 36||

iti vaishAkhamAse narasiMhajayantIvratavarNanaM sampUrNam |
##
Proofread by M K Barman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}