$1
वराहपञ्चकम्
$1

वराहपञ्चकम्

प्रह्लाद-ह्लादहेतुं सकल-गुणगणं सच्चिदानन्दमात्रं सौह्यासह्योग्रमूर्तिं सदभयमरिशङ्खौ रमां बिभ्रतं च। अंहस्संहारदक्षं विधि-भव-विहगेन्द्रे-न्द्रादि-वन्द्यं रक्षो-वक्षोविदारोल्लस-दमलदृशं नौमि लक्ष्मीनृसिंहम्॥१॥ वामाङ्कस्थ-धराकराञ्जलिपुट-प्रेमाति-हृष्टान्तरं सीमातीतगुणं फणीन्द्रफणगं श्रीमान्य-पादांबुजम्। कामाद्याकरचक्र-शङ्खसुवरोद्धामाभयोद्यत्करं सामादीड्य-वराहरूपममलं हे मानसेमं स्मर॥२॥ कोलाय लसदाकल्प-जालाय वनमालिने। नीलाय निजभक्तौघ-पालाय हरये नमः॥३॥ धात्रीं शुभगुणपात्रीमादाय अशेषविबुध-मोदय। शेषेतमिमदोषे धातुं हातुं च शंकिनं शंके॥४॥ नमोऽस्तु हरये युक्ति गिरये निर्जितारये। समस्त-गुरवे कल्पतरवे परवेदिनाम्॥५॥ ॥इति श्रीवादिराजयति-कृतं वराहपञ्चकं संपूर्णम्॥ Encoded and proofread by N.Balasubramanian bbalu@satyam.net.in
$1
% Text title            : varAhapanchakam
% File name             : varAhapanchakam.itx
% itxtitle              : varAhapanchakam
% engtitle              : varAhapanchakam
% Category              : panchaka, vishhnu, dashAvatAra, vAdirAja, vishnu
% Location              : doc_vishhnu
% Sublocation           : vishhnu
% SubDeity              : dashAvatAra
% Author                : vAdirAjayati
% Language              : Sanskrit
% Subject               : philosophy/hinduism/religion
% Transliterated by     : N.Balasubramanian bbalu at satyam.net.in
% Proofread by          : N.Balasubramanian bbalu at satyam.net.in
% Latest update         : November 25, 2006
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org