% Text title            : Varadanarayana Prarthana
% File name             : varadanArAyaNaprArthanA.itx
% Category              : vishhnu, varadAnanda
% Location              : doc\_vishhnu
% Author                : Swami Varadananda Bharati (Pracharya A. D. AThavale)
% Description/comments  : Vishnu Sahasranama, last page. See derived 108 nAmAvalI
% Acknowledge-Permission: Shri Dasganu Maharaj Pratishthan, Gorte https://www.santkavidasganu.org 
% Latest update         : April 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Varadanarayana Prarthana ..}##
\itxtitle{.. shrIvaradanArAyaNa prArthanA ..}##\endtitles ##
padmAsanAya maNikuNDala shobhitAya
      bhAsvajjaTAmukuTamaNDitamastakAya |
lakShmIvarAya janapAlana tatparAya
      nArAyaNAya badarIpataye namo.astu || 1||
dhyAnasthitAya sarasIruhalochanAya
      vidyutprabhAyutapayodharasannibhAya |
mandasmitenduvadanAya chaturbhujAya
      nArAyaNAya badarIpataye namo.astu || 2||
sarvAya tApashamanAya natapriyAya
      bhavyAya bhUtajanakAya surottamAya |
sharvAya sarvadamanAya manoharAya
      nArAyaNAya badarIpataye namo.astu || 3||
vyAsoddhavAdivaradAya dayAmayAya
      brahmAtmajapramukhasanmunisaMstutAya |
shrIsha~NkareNa punarAhitavigrahAya
      nArAyaNAya badarIpataye namo.astu || 4||
lakShmIsuparNadhanadArjunasevitAya
      sUryArchitAya marutAtmajavanditAya |
bhaktArchiShe narasakhAya sukhapradAya
      nArAyaNAya badarIpataye namo.astu || 5||
nandapriyAya kapilAya sanAtanAya
      dakShAya naikasukhadAya gadAgrajAya |
shrIviThThalAya himashailavare sthitAya
      nArAyaNAya badarIpataye namo.astu || 6||
govinda mAdhava mukunda nitAntakAnta\-
      nAmapriyAya sulabhAya kR^ipAghanAya |
satyAya bhaktahitabodhaparAyaNAya
      nArAyaNAya badarIpataye namo.astu || 7||
nityAya sarvagataye jagadIshvarAya
      mUrtAya yaj~napataye nirupAdhikAya |
devAya vedamataye.amitavikramAya
      nArAyaNAya badarIpataye namo.astu || 8||
gopAya vIravijayAya dharAdharAya
      bIjAya suvratakarAya mahAdhanAya |
IjyAya lokagurave garuDadhvajAya
      nArAyaNAya badarIpataye namo.astu || 9||
kaumodakIdarasudarshananandakAdi\-
      divyAyudhapraharaNAya mahAkramAya |
trailokyama~NgalakarAya rameshvarAya
      nArAyaNAya badarIpataye namo.astu || 10||
rAmAya satyataradharmaviduttamAya
      prANAya buddhikaraNAya shubhekShaNAya |
shuddhAtmane karaNakAryakR^ite.avyayAya
      nArAyaNAya badarIpataye namo.astu || 11||
premNAsvabhaktajanavA~nChitapUraNAya
      sandarshitAtmavapuShe natavatsalAya |
snigdhaprasannahasitAya hitottamAya
      nArAyaNAya badarIpataye namo.astu || 12||
sparshena divyamR^idunA karanIrajasya
      saMvardhakAya charaNAnatabhAgyarAsheH |
sa~njIvakAya janakAya cha pAlakAya
      nArAyaNAya badarIpataye namo.astu || 13||
tejomayAya karuNAmR^itasAgarAya
      niShkAraNAya varadAya cha nistulAya |
kalpadrumAya sukhadAya nirAmayAya
      nArAyaNAya badarIpataye namo.astu || 14||
bhoH pAhi pAhi bhagavan sharaNAgataM mAm
      buddhiM sthirAM kuru sadaiva manaH prasannam |
nityaM madIya rasanAgrarasA~NgaNe.asmin
      nArAyaNAya badarIpataye namo.astu || 15||

iti svAmI varadAnandabhAratIvirachitaM shrIvaradanArAyaNa prArthanA sampUrNA |

OM shrIH svasti |

bhAvArchanA (prAchArya a\. dA\. AThavale)
##

https://www.santkavidasganu.org, https://www.youtube.com/@varad-vani1496


##
Encoded and proofread by Preeti Bhandare

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}