% Text title : Varadaraja Shatakam % File name : varadarAjashatakam.itx % Category : vishhnu, shataka % Location : doc\_vishhnu % Proofread by : Musiri Janakiraman % Description-comments : From stotrArNavaH 06-43 % Latest update : July 30, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Varadaraja Shatakam ..}## \itxtitle{.. shrIvaradarAjashatakam ..}##\endtitles ## kA~nchyAM kA~nchanaratnashailashikhare shuNDAlashailAgrime deshe lokavidhAtR^idhAtR^ivihite devo.ashvamedhe hariH | prAdurbhAvamupAgato varada ityAkhyAM gatashcha kriyA\- dvAchaM vAridhibha~NgaDambaramuShaM mochAsamAnAM mama || 1|| yasyAH sadma saroruhaM saha janishchandreNa yasyAH payo\- rashau yatkaruNAvashAdvidhirapi trailokyarAjyaM gataH | hR^itpadme mahasA karotu kamalA vAsaM ghanAntargatA vidyudveti matiM nR^iNAM vidadhatI vakShaHsthalasthA vibhoH || 2|| vande shriyaHpatimudAraguNairupetaM vandArulokataraNAya vasundharAyAm | vAsIkR^itebhagirimadhyatalaM vishuddha\- vaidhAtravAjimakhavaibhavabhAgadheyam || 3|| jyotsnAyamAnamR^iduhAsamukhendubimbaH kastUrikAtilakakAntalalATamadhyaH | muktAvibhUShaNavirAjadurAH sadAsmAn saMvIkShatAM varadanAmahariH kaTAkShaiH || 4|| vAgvIchimAlA mama kaiTabhAre varShmAmbudheste tanutAM prakAsham | gAmbhIryakAntyAdiguNairupetA sadvR^ittaratnashriyamAdadAnA || 5|| lakShmIsahAyalalitA~Nghrisarojayugme vR^ittiM karotu mama mAnasamattabhR^i~NgaH | nityaM vishuddhabhuvanasthitasevyagandhe sanmArdave shrutishiraHparicheyarUpe || 6|| dattAM me danujAripAdakamalaM sarvAH sadA sampadaH puNyaM puNyajalAM marandalaharIsammAnasampAdinIm | ga~NgAM sharvashirovibhUShaNakarImutpAdayadyogibhi\- rdhyeyaM dhyAnaparAyaNaiH shrutishiraHsaMvedanIyaM sadA || 7|| padmAkAntapadAravindayugalaM saMshritya manmAnasaM brahmendrAdisurottamA~NgamakuTa prodbhAsiratnashriyA | chitraM tatra nirantaraM nivasatiM kuryAttathA hyambuje labdhe lubdhamadhuvrataH kimaparaM puShpaM shrayennIrasam || 8|| nAnArthAvagamAya kaiTabharipurmahyaM sudhIdIpikAM kR^itsnenAndhatamisranAshanachaNAM deyAddayAvAridhiH | sUryashchenna dadAti pa~NkajachayollAsaM shriyaM ko.aparo deyAnmIlanahetukilbiShachayapradhvaMsinIM prANabhR^it || 9|| vAkkArmukaM varada manmathamallikAdi puShpAyudhodvahanakArmukavanmadIyam | tvatpAdapadmayugalaM munivR^indavandyaM shuddhairalaM parikarotu suvR^ittaratnaiH || 10|| padmAkAntapadAravindanakharairnidhUtadoShodayai\- rakShINadyutibhiH kala~NkarahitaistArAdhipo nirjitaH | bhItyA tigmakare kadAchidudadhau shaile cha mahyantare sa bhrAnto vicharan hriyA parivR^itaH sha~NkAmahe lIyate || 11|| etatkiM kamalaM na tajjalavR^itaM kiM vA pravAlaM na tat kAThinyaM vahate paraM tu satataM shAkhAgrasaMshobhitam | manye pallavamityalaM munigaNAH padmApriyA~NghridvayaM nij~nAtuM na hi shaknuvanti tarasA sAkShAtkR^itaM sambhramAt || 12|| padmAnAyakapAdabhAvamurarIkR^ityAmbujaM chandramaH\- pAdaughena parAhataM nakhamiShAnmanye nirundhe vidhum | chandratve tu khavarjanAnnakhapadaM yuktaM nakhAnAM tathA pAdAmbhojayuge punarbhavapadaM yuktaM punassambhavAt || 13|| shAkhAgreShu kR^itaM sthitiM sumanasAM vR^indena nityochChritaM sadrAgaM padapallavaM madhuripusvarbhUruhasyAdarAt | chetobhR^i~Nga mamAmR^itAtmakaphalaM bhaktAya sA tkurvato nityaM saMshrayatAM bhavAn kutukavAn prApnoti tasmAtsukham || 14|| nirvANaM nitarAM na kiM vitanute svIyena gandhena te padmAkAntapadadvayaM na tanute modaM shritAleH kimu | nAdatte kimu haMsakashriyamaho kenAravindAbhidhaM na syAttadvidhisaMshritaM bhavati chedetachcha kA vA bhidA || 15|| padmAkAntapadAravindanakharaH kiM vA na vIkShyaH pade vAsaM yAti na kiM kalAparivR^itashchandraH kuto no bhavet | padmashrIparibhAvipAdanilayaH chandro yadi shrIpateH pAdadvandvanakho.api bhedakamataH kiM vAnayorvartate || 16|| tvatpAdAbjanakhairmadhupramathana shrIsampadA nirjitaH chandro jetumashaknuvan punaramUnetachchitA~Nghriprabham | padmaM rashmivitAnakena tanute tejaHpahINaM janAH kurvanti dviShatA hatAH pratikR^itiM tatsa~Ngate durbale || 17|| kupyatkAliyabhogibhogaphalake ratnAbhirAme hare\- rnATyaM bhUShaNanisvanaiH suruchiraM yatpAdapadmaM dadhau | tanme ma~NgalamAtanotu satataM hR^itpadmaniShThaM sadA yad.hdhyAtvA vibudhAH prayAnti sakalashreyaHpadaM shAshvatam || 18|| yatpAdapadmarajasA mahilAtvamApa pAShANatAmupagatApi munIndrapatnI | yatsambhavA sragiva mUrdhni harasya reje ga~NgA madIyahR^idaye kurutAM sthitiM tat || 19|| nAgAntakasya karapallavaghaTTanena sa~njAtarAgamiva bhAsuramantara~Nge | vR^ittiM karotu mama santatama~NghripadmaM lokaikarakShaNaparasya ramApriyasya || 20|| purandaraparAjaya\-prabhavasarvasampachchayaM balerapi manaHklamaM maghavataH shriyashcheshituH | paratva\-vichikitsayA pashupati\-prabhutvabhramaM parAkuruta yatkrame padayugaM harestadbhaje || 21|| prachaNDakaramaNDalaprasR^itaratnajAlAchita\- sphuradruchiranUpurachChavibhirambaraM ChAdayat | vijR^imbhitatamonudaddivijavR^indavandyaM sadA vibhAtu hR^idaye padadvayamadhIshituH shrIhriyoH || 22|| kamaNDalujalairvibhoH kaluShadAribhiH kShAlitaM kura~Ngamadaku~NkumaprachurachandanAvAsitaiH | vichitravarabhUShaNairvividhakAntiratnojjvalaiH vibhUShitamupAsmahe vibudhavandyaviShNoH padam || 23|| kapardi shirasastaTaM kapilahu~NkR^itidhvaMsitAn shatakratuhatakratorapi rirakShiShAprotsukAn | hayasya padavIM gatAn hatamahattamAn sAgarAn pavitrayati yajjalaM hR^idi vibhAsatAM tatpadam || 24|| bhavatpadabhavannakhairnibhR^itakAntipUrairhare samIbhavitumudyate shashini roShitaiste nakhaiH | bhavatpadabhavaddhunIchalajale svayaM bimbitaiH sR^ijadbhiraparAn vidhUn vidhurakAri pa~NkA~NkitaH || 25|| shrutiprachayaghoShite gaganato mahattve hare\- rasambhavamatarkayan jagati jantavaH kechana | trivikramapadAkramAdgaganadabhrabhAve sphuTe jayadhvajapaTIkR^itA haripadachyutA jAhnavI || 26|| kShitiM cha balimastakaM khamapi vikShipaMstrikramaiH krameNa padayoharirjayati pUrvamadhyottaraiH | na deshasamayaiH kR^ito.avadhirapi vyavasthAM shrute\- rasambhavavisha~NkinAM jagati karmaNA spaShTayan || 27|| maNipravarachitritairvaravibhUShaNairbhUShitaM trivikramapadadvayaM dhvajarathA~NgavajrA~NkushaiH | sarojamukhalA~nChanairapi paratvavidyotanai\- rala~NkR^itamupeyuSho mama virAjatAM mastake || 28|| shrutiprachayadUragaM shramavidAraNaM bhUtale prasArya saramaH pumAMshcharaNamambare chAparam | prasannanakhachandrikAtatibhirandhakAraM nudan prapannajanatAhR^idAM jayati vardhayan svaM vapuH || 29|| trivikramanakhakShapAkarakarAlividhvaMsite jagattritayasadmanAM malinachakShuShAM pAtake | anAdimiladaMhasAM jagati mAdR^ishAM pAtaka\- pramArjanapaTIyate haripadachyutA jAhnavI || 30|| trivikramapadonnaterapaghano nR^iNAM mAnase\- ShvatulyakaluShAdriShu prativijR^imbhiteShvambare | hareH kulishamAdishat kaluShashailabhedArthami\- tyavaimi vichalajjalAM haripadachyutAM jAhnavIm || 31|| trivikramaparAkramAt timiravR^indavidhvaMsanAt nakhachChavibhiradrirAD rajatarUpatAmabhyagAt | sumerurapi haMsakachChavibhirApa sauvarNatAM payodhirapi nIlatAM padayugasya bhAsAdhyagAt || 32|| trivikramapade.ambare vilasati svabhAsA surA jagattrayatamo.apahe harimathArthayan sannatAH | sadA timiranuttaye sa cha ramApatirhaMsaka\- prabhAbhirakarodraviM nakhararashmileshairvidhum || 33|| vaTachChadapuTe shishoH shayitura~Nghripa~NkeruhaM mukhAbjaviniveshitaM madhurasaughaniShyandanam | yugAntataraNiprabhAprasaradagdhadehAtmanAM rasena sukhadaM bhaje shubhasharIrasaMvartinAm || 34|| bhajajjanamanaHsthitaH suharitattvasaMsphoraNA\- dajasraparipIDito haripadaM hi rAgaH shrayan | vijR^imbhaNamupeyivAn vijayate virodhaM smaran vaTachChadapuTasthitaM suharitattvameva shriyA || 35|| hiraNyakashipuprabhR^ityasuramukhyasampIDitAH vimohaparidhUmita\-prachurashokavahnyarditAH | surA api yadAshrayAnnakhasudhAMshusandhukShitAH svadhAmani sunirvR^itA haripadaM tadAshAsmahe || 36|| AkrAntaM bhuvanaM mayeti vibudhA gandhena vai nirvR^itAH sevye puNyakR^itAM shirobhiratulaM rUpaM mamAstIti cha | mA kArShIraravinda garvamadhikaM rAjatsatAM maulibhiH padmAnAyakapAdapadmamanaghaM tvatto.adhikaM vartate || 37|| nityaM viShNupadAshritAH kuvalayaM saMrochayantaH kalA\- sandohena nirastapa~NkajagaNAH sadbhiH sadA saMshritAH | AhlAdaM satataM nR^iNAM vidadhataH ke vA na kuryastamo\- bhedaM shItalarashmivat sumanasaH sattvAbhivR^iddhipradAH || 38|| chaturmukhapadoddhatai\-shchalitavajrihR^itpa~NkajaiH sumAlimukharAkShasaiH sumathitaM surANAM balam | chaturmukhashivAdiShu prabalabhItiShu prekShituM suvarNakarapa~NkajasthitapadatvarA rakShati || 39|| suvarNakamalAkare subahudivyaratnAkare sunIlaghanaDambare harivapuHsudhAmbhonidhau | samutthitapadAmbujaM sakalalokasammohanaM sadAvatu dharAshriyorlalitahastasaMvAhitam || 40|| phaNIndrashayane phaNAmaNivichitrakAntyujjvale kusheshayamR^idutvachi klamaparImuShaH sa~NgamAt | padAmbujayugasya te kaTakadhArihastAbjayA sulohitamabhUt kilA kimu mukunda saMvAhanAt || 41|| suvarNakanakAdrirADuparinIlameghAyita\- stadIyakarapa~NkajadvayaviShaktapAdAmbujaH | sarovarajavochChalanmakaradaShTadantAvalaM rarakSha yadupakramAnnarakahAvatAttatpadam || 42|| prapannajanagoptR^itAvratamatha prabhormUlatAM prasiddhakaruNaM cha taM dviradapu~NgavaM yattvarA | jugopa jagadantarA vitatachandrasachchandrikA\- vishuddhayashasaH shriyaM haripadaM tadAbhAtu naH || 43|| guNAdhikakR^ipAsakhI bhagavatastvarA rakShituM samastajagadAlayAn bhagavada~Nghripa~Nkeruham | prayApayati tatkR^ipAvashasamIritAnmAnasAn puraH svayamupArjituM bhuvanarakShaNodyadyashaH || 44|| mahAyavanasenayA marudadhIshasenAdruho niruddhatalagopure yadukulodvahAnAM pure | mahAbhayamapAkarodyavanamukhyajAtaM tvarA mukundapadagocharA sumuchukundamuktipradA || 45|| sphuratphaNivarAkulaM prabalashakranakrAkulaM surendrabalasAgaraM kShubhitamutkaTaM kurvataH | hiraNyakashiporuraHsthalavidAraNaprochchala\- tprabhUtarudhirokShitAH karanakhA harerbhAntu naH || 46|| sanmArgaskhalanapradhAnakaraNaiH svIyairjalaiH pa~NkilaM kurvanto bhuvanaM vicheruranishaM yatraiva rakShodhanAH | tatraivodayamAsasAda samaye rAmA~Nghripa~NkerahaM chitraM prApa puraH shriyaM cha bhuvanaM niShpa~NkamatyAtanot || 47|| dambholiH kaluShAdriShu shritavatAM hR^itpa~NkajeShvaryamA rakShovR^indatamovidAraNavidhau sAkShAjjvalan pAvakaH | kausalyAdidR^igutpalotsavavidhau chandrashchayaH syAt svayaM rAmasyA~Nghrisaroruhasthanakharo manmAnase sarvadA || 48|| kausalyodarasarvasambhavaramAnetrotpalashrIkala\- shrImatsundararAmachandracharaNashcha~nchUDyatAM mAnase | yannetraistR^iShitaiH pibanti munayaH santaptadehAH purA durvAratrayanavAdiduHsahamahAtApaishchakorA iva || 49|| chitraM rAmakarAbhimR^iShTamanishaM bhAti shriyA svodayA\- duShNAMshoH kulamutpunAti bhuvane rAmA~Nghripa~Nkeruham | nityaM puNyajanottamA~NgamahitaM niShpAdayatyadbhutaM lokaM puNyajanaprahINamamalairjanmadhrugapyarchyate || 50|| rakShobhiH kharadUShaNaprabhR^itibhirnetuM jagaddUShitaM rakShaMllakShmaNapUjitA~Nghrikamalo yAtrAM hi yatrAkarot | rAmastatra tadIyapAdakamalasparshAt surendrAdibhiH duShprApaM padamApa vR^ikShalatikAgulmAdi sarvaM jagat || 51|| tamaHprakR^itiShu sphuratsuravadhUmukhAmbhoruha\- sthitAdharasudhAshiShu dvijavarAshiShu svadruhaH | (yadA)nanavidhuntudeShvasahanaM gatashchandramA raghUdvahapadollasannakhasharatvametyAkShipat || 52|| pAdaH punAtu raghuvaMshasamudrajAta shrIrAmachandra bhavato mama mastakAgram | kShiptAni yena bhuvanasthitapa~NkajAni yenaiva tatkuvalayaM bhajati prakAsham || 53|| kShipto vedapathaH kShamAkShayabalaiH kShemakShayAtkShobhitA kShINAH kShoNibhR^itaH kSharatkShatajayukkShetrAH kShitotkShepitAH | itthaM kShoNitalaM kShapAcharagaNaiH kShiptaM kShaNAt prApitaM kShemaM lakShmaNapUjyalakShaNabhR^itA lakShmIpriyA~NghrishriyA || 54|| kirITanikShiptamaNiprakAsha\- nIrAjitaM pAdasarojayugmam | rAmastha seve raghupu~Ngavasya brahmendrarudrAdisureshvarANAm || 55|| pAyAt poShitarAjahaMsanichaye bhUbhR^itprabhormAnase nityaM jAtabalApavAraNakare sa~njIvanatyAgini | svotpattyA vidadhatprasAdamatulaM rAmA~Nghripa~NkeruhaM pa~NkachChedi shirobhiruttamajanaiH saMsevyamAnaM sadA || 56|| sarayUpavane varayUpamaye charataH paritaH samayA ramayA | kalaye valayAbharaNau charaNau sunakhAvanaghau manasA shirasA || 57|| hR^idaye sadaye nidadhe vidadha\- chcharaNe sharaNe nirataM viratam | karuNAvaruNAvasathaH sapathaH prabhuvaM prabhavo jagataH svagataM (?) || 58|| jambhArimardanavimarditadivyadehA barhirmukhA yudhi disho dasha vidravantaH | bhAnoH kule bhagavataH padapadmayugmaM dhyAtvAbhavan sumanasaH sumahArinAshAt || 59|| mArIchAdisurArivR^indanidhanavyAjena bhUmaNDalaM sa~nchAreNa padAravindayugalaM yadrAghavasyApunAt | vishvAmitramunIndrayaj~natapasAM siddhishcha yaddarshanAt tanniHshreyasamAtanotu munibhiH sampUjyamAnaM sadA || 60|| charaNau sharaNAgatapriyaH karuNAvAridhirabjalochanaH | varuNAlayapANimarditA\- varuNAmbhojanibhau dadAtu me || 61|| ja~Nghe jagatritayavikramajA~Nghikatve hetU madhupramathanasya manoj~narUpe | nIlAshmanirmitamanoj~nagadAsarUpe mAlinyakhaNDanapare bhavatAM manaHsthe || 62|| lakShmInAyakajAnunI bhujayugAyAmAvadhI mAmake bhAsetAM hR^idaye karAmbujayugasparshena romA~nchite | utsa~Ngopari sundare vinihite saMvAhanArthaM shriyA ratnAdarshasabhAnarUpasahite satkAntipUrAvR^ite || 63|| kumbhIndrahastakadalIkarabhendranIla\- stambhAbhibhUtichaturau guNavaibhavena | UrU ramApraNayinaH kamanIyashobhau nityaM madIyahR^idaye kurutAM nivAsam || 64|| meghaH kimeSha chapalAnichayena yuktaH sindhuH kimeSha baDabAmukhavahniyuktaH | itthaM sadAmaragaNA hi vichintayanti pItAmbareNa sahitaM harimIkShamANAH || 65|| lalmIkAntakaTItaTInavamaNishreNIsamullAsita\- svachChasvarNamayaprabhAkarakarashrIchorasanmekhalA | varNotkR^iShTasutaptahATakapaTIsa~nChAditA mAnase nityaM bhAtu tadantarAlanivasaddhvAntachChaTApATikA || 66|| yasmAttoyaruhAdvidhistrijagatAmIshaH prabhUtaH purA yasminnIlasarojapatrasadR^ishaM vyoma dvirephAkR^itim | gatvArAjata tachcha yatra sarasi prAdurbabhUvAmbujaM nAbhau tadguNasaMhatervivaraNe devo na shakto vidhiH || 67|| shrIvatsaM danujArdanasya ruchire vakShaHsthale saMshritaM shrIrvatsaM kimu jAnatI karuNayA tatsannidhau vartate | yadvA kShIrapayonidhAvudayanAt saundaryabud.hdhyA shubhaM hR^idyaM kaustubhanAmakaM maNivaraM draShTuM kimatrAgatA || 68|| lakShmIkaTAkShA madhumardanoraHsthale virAjanti sadA bhramantaH | ShaDa~NghrayaH shrItulasIsugandhamatrAgatA leDhumiva pravR^iddham || 69|| madhudviShaduraHsthale mR^idularatnasiMhAsane manobhavatanorapi shriyamupeyuShi shreyasi | charAcharavichAraNakramamupeyuShA shreyasA kaTAkShavisareNa no.avati ramekShamANA sthitA || 70|| sarvAbhIShTaphalapradAnachature bhUbhartR^ibhAvojjvale nityaM bhAvavivardhane ghanarasAshleShe priye mArutaiH | nityaM vR^iddhimupAgate nivasatiM labdhAvatAdrUpiNI vidyudviShNupadAshrayAdvilasatI janma shritAvAridhau || 71|| sarvAbhIShTaphalapradAnachature shAkhAbhirudbhAsite snigdhashrIkarapallavAruNashubhaskandhojjvale shyAmale | madhyasthA harichandane vilasatI shrIkalpavallI shritA\- nasmA.NllochanaShaTpadaiH karuNayA saMvIkShamANA sadA || 72|| kAryadravyanidAnakAraNatayA joghuShyamANe guNai\- rAshliShTe nijarUpasampaduchitAt sattvAnmahattvAt satAm | pratyakShe nirapAyasa~NgamuchitaM prAptA parA jAtivat dravye.asmAkamupeyuShAM nayanabhUrbhUyAt sadA sendirA || 73|| vidvadbhiH puruShArthasAdhanatayA samprArthyamAne guNai\- ra~NgaiH karmabhirujjvale ghanaruchA rUpashriyA rAjite | ka(sha)ste stotramukhaiH prakAshamatulaM samprApite dakShiNAM viShNAvadhvaradakShiNeva kamalA saMrAjate.asmAdR^ishAm || 74|| dhAturvyAptachirantanaprakR^itisaMsthAnashrite sAdhutA\- shAlinyantakR^idAdishikShaNayute vidvadbhiratyAdR^ite | shAbdabrahmaNi durvivechanatayA nityAnubandhaM gatA shrIrAstAM karuNAmayI prakR^itivajjihvAgrabhAgeShu naH || 75|| pa~NkachChedini pAlitatribhuvane pa~NkeruhashrIkare pAdasparshaparAkR^itAkhilatamastome pare brahmaNi | pAyAdaMshumati prabheva paramavyomAshraye saMsthitA padmApA~NganirIkShaNaiH pratikalaM pashyantyananyAshritAn || 76|| padmAyA mukhamambujaM suvimale netre cha nIlotpale tasyAshchittamashokamabjavasaterveNyAM sthitA mallikA | chUtaM pANitalaM tataH smarasharAH pa~nchApi tatrAsate tairnityaM parimohitaH kimu harirnidrAti gehe chiram || 77|| padmAyA mukhamambujaM suvimale tatrApi nIlotpale netre tatra kanInikA madhukarAH sa~nchArakAH sarvadA | nIlAmbhodaruchirhareH kaliyugeShvAtanvi tenAnyathA shuddhasphATikakAntiyuktatanutA prauDhiM gatasya dhruvam || 78|| muktAhAravirAjite maNivarashrIsampadodbhAsite lakShmIlochanaShaTpadairanukalaM pepIyamAne mudA | shrIvatsA~NkitavakShasi shrItavatAmAnandasandohane shrIshasyAnishamantara~NgamadhikaM saktaM bhavenmAmakam || 79|| lakShmIpAdasarojayAvakarasasparshena mudrA~Nkite gopItu~NgapayodharAdaravato gopAlakasyAdbhute | muktAhAramayI virAjati ramAkAntasya vakShaHsthale lakShmImandirarakShibAhyaparighA kShIrAmbudheH kulyakA || 80|| sUryATopadalatsadAghanaruchivyAptaM sphurattArakaM kAntaM nityamanantamAshritavatI vishvapriyAdhAyinI | lakShmIrindukaleva rAjati tamasstomachChidAM kurvatI hyasmannetrachakorapAraNakarI satsa~nchayashrIkarI || 81|| rAjyAbhiShekasamaye raghupu~Ngavasya shakreNa sAdarasamarpitapadmamAlA | vakShaHsthale vahati vAridamadhyagAmi\- vidyutprabhAM kanakaratnamayI vichitrA || 82|| lakShmImandiramindirApraNayino vakShaHsthalaM rAjatAM kastUrIdhanasAraku~NkumarajaHpa~NkaiH sadA vAsitam | muktAdAmabhirujjvalaM maNimayaiH sambhUShitaM bhUShaNaiH asmanmAnasapa~Nkaje haridhanushchitraM sphuratkaustubham || 83|| lakShmIrindukaleva rAjati shubhAnantasya vakShaHsthale nityaM pa~NkajabAdhinI kuvalayAnandapradA vAridhau | jAtA viShNupadAshritA harashiraHsaMsevitA shArado\- llAsaiH sarvajagatpramodanakarI hR^itpuNDarIkasthitA || 84|| lakShmIstu~NgapayodharAvR^itatale mukhyAmR^itAsvAdanA\- yAnardhairmaNibhirvirAjitatale mInAdibhAvojjvale | rAmAlabdhanijAntare vilasatI shyAmendranIlAmbudhau sa~NgaM prAptavatI nirantaramiyaM manmAnasAvAsinI || 85|| pA(pu)NyA karA~NghrikamalekShaNatArakAdi\- nIlotpalabhramarashobhitagAtravallI | lakShmIrvibhAti taTinIva mahIbhR^ito.anta\- rnAgendravAsarasikasya ramApriyasya || 86|| lakShmItu~NgapayodharAvR^itatale satyashriyodbhAsite nAnAdhAtuvimishrite shubhaguhAvAse harikShmAbhR^iti | padmA nirjhariNIva bhAti makarIchitrA manohAriNI sanmInAdyavatAranityarasikA hyasmAdR^ishAM pAvanI || 87|| rekhAbhistisR^ibhistrayImavadhR^itashchollAsayan sImabhiH varNotkarShavirAjito ripugaNAn sambhIShayan svodbhavaiH | gambhIradhvanibhirvirAjati hareH kaNThaH sadA kambuvat muktAhAramayUkhashuklimayuto manmAnasAmbhoruhe || 88|| grIShmartusphuradaMshumatkarasamashrImanmaNishreNikA\- rochIrAjivirAjitA~NgadalasadvAhUdArala~NkR^itaH | tadbhogAyitahemaratnakaTakashrImatkarAmbhoruhaH pAyAnnaH paramaH pumAn karuNayA saMvIkShamANaH sadA || 89|| chatvAro bhujagA ivAsurariporviMShNorarAjan bhujAH tadbhogA iva sundarA murariposteShAmarAjan karAH | tadbhogasthitaratnavatkararuhA rAjanti ratnashriyA tadbhAseva karA virejuranishaM raktotpalashrImuShaH || 90|| bhAsvatkoTinirAsakArikiraNastomena sarvaM jagat kuvaNiM bhayahInamujjvalashikhAjAlaiH suradveShiNAm | bhAsvadratnakirITakuNDalalasachChIrShachChidAkAraNaM chakrajyotirupAsmahe madhuriporvAmAnyahastAshrayam || 91|| vairi~nchapralayAnalapratibhaTaM bhAsvatparArdhaprabhaM kR^ityAbhedavinAshi khaNDaparashoH kAshIpuraploShaNam | sartviksa~NghasudakShiNaprashamanaM chaidyAdinirvApaNaM chakraM jyotirupAsmahe nirupamaM viShNoH karashrIkaram || 92|| sUryendrAgniyamAnilAdibhayadajvAlAsahasrAvR^itaM kR^ityApreShaNadurnayena kupitaM durvAsasaH pArthivam | kalpAntAnalabhIShaNaM munivaraprANApahArotsukaM kAntaM stotragaNairmahIbhR^iduditaishchakraM mahaH pAtu naH || 93|| etatkiM maha eva nAdhikaraNaM ShaTkoNasaMsthAkR^ite\- yadyetanmahaso nidAnamaparaM jvAlAH kutaH sarvagAH | dhArAstA iti chenna bhedadhiShaNAbhAvAnmahashchakrayoH bhedo vA kimabheda eva na vayaM jAnImahe tattvataH || 14|| jvAlAkesarabhAsimadhyanivasatShadkoTisiMhAsana\- shrImatkoshavirAjitaM harikarasparshAdvikAsaM gatam | nityaM mAmakamAnase vilasatAchchakrAbjamantastama\- stomachChedisahasrarashmivilasadbhAsvatparArdhaprabham || 95|| rUpaM yasya shashiprabhaM shrutimayo yasmin rasaH sarvadA yatpAnAdavanIbhR^iduttamapadaM duShprApamApaddhruvaH | shabdo yasya surArimukhyahR^idaye shokapradaH sarvadA so.astu shrIdharavAmahastanilayaH sha~NkhaH sphuranmAnase || 96|| yannirhrAdavidAritAH suraripuprAkAradurgAdayo yannirhrAdavibhIShitA dasha disho vidrAvitAH shatravaH | yannidhyAnavinirmalIkR^itadhiyaH santaH samuttAritAH so.asmanmAnasapa~Nkaje vilasatu shrIsha~NkharAjaH sadA || 97|| kaumodakyanishaM vibhAtu hR^idaye vaikuNThapANigrahA ratnodbhAsisuvarNavigrahavatI sanmerusArAspadam | sampiShTAsuravR^indamAMsarudhirashlakShNA~NgarAgAnvitA nityaM vIrarasotsukAshritajanashreyo.abhivR^iddhipradA || 98|| devArAtikaThorakaNThanikaShagrAvachChidollekhanAt taikShNyaM prAptamatIva keshavakaTishrIkAraNaM nandakam | nIlaM varNamivAshrayAdupagataM vahniM vihAyasthitaM dhUmastomamivAshraye.ahamanishaM pApAdribhedakShamam || 99|| jyAnisvAnavidIrNavairihR^idayaprANoragotsAraNa\- prAdurbhUtaparAkramArjitayashovyAptAkhilAshAntimam | bhAsvadrashmisamAnabANanikarochChuShmIkR^itAriprabhA\- nIraM kArmukamAshraye.ahamanishaM viShNoH karashrIkaram || 100|| chakraM dakShiNapANipa~Nkajadale sUryAyamANaM vahan sha~NkhaM vAmakarAmbuje kR^itaruchiM haMsAyamAnaM vahan | bhR^i~NgAvalyupamaM karAmbujatale khaDgaM pare saMvahan viShNU rAjati vAritAkhilaripurhastAntare sadgadAm || 101|| saurabhyaraktimamR^idutvasama~nchitasya viShNo tavAdharadalasya manoj~narUpAH | ekadviyogasahitA madhukaiTabhAre bimbapravAlaviTapA na sasA bhavanti || 102|| muktA mukhAmbhojanivAsametya dantachChalAtte danujendrashatro | muktA babhUvurjalajanmavattve.a pyaho mahIyAn guNasannikarShaH || 103|| mandasmitaM madhuripormukhachandrabimbe jyotsnAyate jitanishAcharabAlakasya | karatUrikAtilakameti kala~NkashobhAM lIlAvashena vidhR^itaM ruchire lalATe || 104|| kandarpaH kamalApatermukharathaM dantAdharAmbhojasa\- nmuktAvidrumabhUShitaM trijagatAM sammohanA yadhruvam | nAsAbhrU yugavIkShaNAdisharadhIShvAseShumukhyAyudhaiH sajjaMhyAtanute tato hi munayastad dhyAnino mohitAH || 105|| AkarNAntavishAlalochanayugaM padmAdarAt saMshritA bhR^i~NgANAmi miyamAlirityakurutAM buddhiM janAnAM bhruvau | vetaNDAchalavAsino madhuriporyatrAsane tatsadA pashyeyaM varadaprabhormukhamahaM ratnasphuratkuNDalam || 106|| saundaryAmR^itadIrghikA muraripoH karNadvayI kuNDala\- pratyuptAnagharatnakAntinichayapradyotigaNDasthalA | netradvandvavishAlatAvadhiraghashreNIsamutsAriNI shaShkulyA sadR^ishI vibhAtu hR^idaye rekhAbhirudbhAsitA || 107|| viShNordakShiNalochanaM dinakaro vAmaM tu tArAdhipo lokAnandaka ityalaM munigaNA vaktuM pravR^ittA mR^iShA | dR^igrUpeNa tayoH sthitau muraripornAsti prasaktiH paraM tattulyaM pratibimbitaM nayanayostachCha~Nkhachakradvayam || 108|| kastUrItilakA~NkamandahasitajyotsnAnanenduM hare\- rasmannetrachakorayugmamanishaM peyAnmudA yastamaH | kauTilyAlayakuntalAkR^itiyutaM sadratnaniryatprabhA\- | jAlollAsikirITasUryasahitashchakre.antarApIDitam || 109|| padmAnAyakapAdapadmayugalImAsvAdya tajja~NghayoH sthitvorudvayamApya tatkaTitaTImAshritya tannAbhijam | padmaM prApya ramAparigrahamuraH prApyAyudhAla~NkR^itAn hastAnApya mukhAbjatanmakuTayormanmAnasaM syAddhruvam || 110|| shrImatkaushikavaMshavArinilayAdAchAryaratnAkarAt kR^iShNAryaH samabhUt kalAparivR^itaH shItAMshunA nirmitaH | sUnurve~NkaTakR^iShNanAmasahitastasyAkarodvaiShNavaM shrIpAdAdishikhAvadhistavamimaM mukhyaM samR^iddhArthakam || 111|| || iti shrIvaradarAjashatakaM sampUrNam || ## Proofread by Musiri Janakiraman \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}