% Text title            : Vasudevakritam 1 Shri Krishna Stotram
% File name             : vasudevakRRitaM1shrIkRRiShNastotram.itx
% Category              : vishhnu, vishnu, krishna, brahmapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmapurANa | adhyAya 193/80-90||
% Latest update         : September 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vasudevakritam 1 Shri Krishna Stotram ..}##
\itxtitle{.. vasudevakR^itaM 1 shrIkR^iShNastotram ..}##\endtitles ##
vasudeva uvAcha |
prasIda devadevesha devAnAM pravara prabho |
tathA.a.avayoH prasAdena kR^itAbhyuddhAra keshava || 80||
ArAdhito yadbhagavAnavatIrNo gR^ihe mama |
durvR^ittanidhanArthAya tena naH pAvitaM kulam || 81||
tvamantaH sarvabhUtAnAM sarvabhUteShvavasthitaH |
vartate cha samastAtmaMstvatto bhUtabhaviShyatI || 82||
yaj~ne tvamijyase.achintya sarvadevamayAchyute |
tvameva yaj~no yajvA cha yaj~nAnAM parameshvara || 83||
sApahnavaM mama mano yadetattvayi jAyate |
devakyAshchA.a.atmajaprItyA tadatyantaviDambanA || 84||
tvaM kartA sarvabhUtAnAmanAdinidhano bhavAn |
kva cha me mAnuShasyaiShA jihvA putreti vakShyati || 85||
jagadetajjagannAtha sambhUtamakhilaM yataH |
kayA yuktyA vinA mAyAM so.asmattaH sambhaviShyati || 86||
yasminpratiShThitaM sarvaM jagatsthAvaraja~Ngamam |
sa koShThotsa~Ngashayane manuShyAjjAyate katham || 87||
sa tvaM prasIda parameshvara pAhi vishva\-
maMshAvatArakaraNairna mamAsi putraH |
AbrahmapAdapamayaM jagadIsha sarvaM
chitte vimohayasi kiM parameshvarAtman || 88||
mAyAvimohitadR^ishA tanayo mameti
kaMsAdbhayaM kR^itavatA tu mayA.atitIvram |
nIto.asi gokulamarAtibhayAkulasya
vR^iddhiM gato.asi mama chaiva gavAmadhIsha || 89||
karmANi rudramarudashvishatakratUnAM
sAdhyAni yAni na bhavanti nirIkShitAni |
tvaM viShNurIshajagatAmupakArahetoH
prApto.asi naH parigataH paramo vimohaH || 90||

iti shrIbrahmapurANe trinavatyadhikashatatamAdhyAyAntargataM
         vasudevakR^itaM shrIkR^iShNastotraM samAptam |

brahmapurANa | adhyAya 193/80\-90||
##
brahmapurANa . adhyAya 193/80-90..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}