% Text title            : Vasudevakritam Balaramakrishnayoh Stotram
% File name             : vasudevakRRitaMbalarAmakRRiShNayoHstotram.itx
% Category              : vishhnu, vishnu, krishna, bhAgavatapurANa, stotra
% Location              : doc\_vishhnu
% Proofread by          : PSA Easwaran
% Description/comments  : bhAgavatapurANa | adhyAya 10/85/3-18||
% Latest update         : October 1, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vasudevakritam Balaramakrishnayoh Stotram ..}##
\itxtitle{.. vasudevakR^itaM balarAmakR^iShNayoH stotram ..}##\endtitles ##
kR^iShNa kR^iShNa mahAyogin sa~NkarShaNa sanAtana |
jAne vAmasya yatsAkShAtpradhAnapuruShau parau || 3||
yatra yena yato yasya yasmai yadyadyathA yadA |
syAdidaM bhagavAn sAkShAtpradhAnapuruSheshvaraH || 4||
etannAnAvidhaM vishvamAtmasR^iShTamadhokShaja |
AtmanAnupravishyAtman prANo jIvo bibharShyaja || 5||
prANAdInAM vishvasR^ijAM shaktayo yAH parasya tAH |
pAratantryAdvaisAdR^ishyAddvayoshcheShTaiva cheShTatAm || 6||
kAntistejaH prabhA sattA chandrAgnyarkarkShavidyutAm |
yatsthairyaM bhUbhR^itAM bhUmervR^ittirgandho.arthato bhavAn || 7||
tarpaNaM prANanamapAM devatvaM tAshcha tadrasaH |
ojaH saho balaM cheShTA gatirvAyostaveshvara || 8||
dishAM tvamavakAsho.asi dishaH khaM sphoTa AshrayaH |
nAdo varNastvamo~NkAra AkR^itInAM pR^ithakkR^itiH || 9||
indriyaM tvindriyANAM tvaM devAshcha tadanugrahaH |
avabodhobhavAnbuddherjIvasyAnusmR^itiH satI || 10||
bhUtAnAmasi bhUtAdirindriyANAM cha taijasaH |
vaikAriko vikalpAnAM pradhAnamanushAyinam || 11||
nashvareShviha bhAveShu tadasi tvamanashvaram |
yathA dravyavikAreShu dravyamAtraM nirUpitam || 12||
sattvaMrajastama iti guNAstadvR^ittayashcha yAH |
tvayyaddhA brahmaNi pare kalpitA yogamAyayA || 13||
tasmAnna santyamI bhAvA yarhi tvayi vikalpitAH |
tvaM chAmIShu vikAreShu hyanyadAvyAvahArikaH || 14||
guNapravAha etasminnabudhAstvakhilAtmanaH |
gatiM sUkShmAmabodhena saMsarantIha karmabhiH || 15||
yadR^ichChayA nR^itAM prApya sukalpAmiha durlabhAm |
svArthe pramattasya vayo gataM tvanmAyayeshvara || 16||
asAvahammamaivaite dehe chAsyAnvayAdiShu |
snehapAshairnibadhnAti bhavAn sarvamidaM jagat || 17||
yuvAM na naH sutau sAkShAtpradhAnapuruSheshvarau |
bhUbhArakShatrakShapaNa avatIrNau tathAttha ha || 18||
tatte gato.asmyaraNamadya padAravinda\-
mApannasaMsR^itibhayApahamArtabandho |
etAvatAlamalamindriyalAlasena
martyAtmadR^iktvayi pare yadapatyabuddhiH || 19||
sUtIgR^ihe nanu jagAda bhavAnajo nau
sa~njaj~na ityanuyugaM nijadharmaguptyai |
nAnAtanUrgaganavadvidadhajjahAsi
ko veda bhUmna urugAya vibhUtimAyAm || 20||

iti shrImadbhAgavatamahApurANe dashamaskandhe uttarArdhe
pa~nchAshItitamAdhyAyAntargataM vasudevakR^itaM balarAmakR^iShNayoH
stotraM samAptam |

bhAgavatapurANa | adhyAya 10/85/3\-18||
##
bhAgavatapurANa . adhyAya 10/85/3-18..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}