% Text title : Vatsagulmamahatmye Nrisimha Akhyanam % File name : vatsagulmamAhAtmyenRRisiMhaAkhyAnam.itx % Category : vishhnu, dashAvatAra, mAhAtmya, padmapurANa, viShNu % Location : doc\_vishhnu % Proofread by : M K Barman % Description/comments : nRRisiMhakosha 2 upAsanA khaNDa. padmapurANe vatsagulmamAhAtmyAntargatam % Latest update : August 4, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Vatsagulmamahatmye Nrisimha Akhyanam ..}## \itxtitle{.. vatsagulmamAhAtmye nR^isiMha AkhyAnam ..}##\endtitles ## rAjovAcha\- bhagava~nshrotR^imichChAmi tIrthAnAM vistaraM punaH | AshramAntargatAnAM cha bAhyAnAM cha visheShataH || 1|| vyAsa uvAcha\- shrutvA munirnR^ipeNoktaM vachaH paramashobhanam | nR^isiMhatIrthamAhAtmyaM vaktuM samupachakrame || 2|| vasiShTha uvAcha\- rAjan vadAmi te sarvaM tIrthajAtakathAnakam | shruNu chaikamanAstvaM hi gadato vistareNa me || 3|| mallikArjunataH pUrvaM tIrthaM puNyatamaM mahat | nArasiMhasya devasya mUrtishchAtishobhanA || 4|| tasmiMstIrthe naraH snAti nR^isiMhaM yashcha pashyati | tasya nAsti bhayaM kvApi duHkhaM dAridryameva cha || 5|| bhaktyA japati deveshaM nR^isiMhaM bhaktakAmadam | sa yAti manujo dhIrastadviShNoH paramaM padam || 6|| atra te varNayiShyAmi kathAM pApapraNAshinIm | yAM shrutvA muchyate janturjanmamR^ityubhayAnnR^ipa || 7|| niHsapatnAH purA hyAsannirbhayA divi nirjarAH | vairabhAvamajAnantaH satataM sukhavartinaH || 8|| etasminnantare brahmA chintayAmAsa chetasi | nirAntakAH surA nityaM nishchitAH sarvadA mudA || 9|| krIDanti vividhairbhogaiH kevalaM viShayAkulAH | na jAnanti paraM brahma yena vishvamidaM tatam || 10|| duHkhalesho na chaivAsti hR^idi yeShAM sadotsukAH | bhayena bhajate lokaH svadharmaM nAnyathA sukhI || 11|| durmedhaso durAchArAH kAmabhogaparAyaNAH | tyajanti nitarAM dharmamadharmaniratAH param || 12|| vartate bhuvaneShveShAmanye.api duritAnugAm | vR^ittiM bhajanti pApiShThAH sA sR^iShTeH kShayakAriNi || 13|| tasmAdeShu bhayaM ki~nchitsR^ijAmi pariduHsaham | tena sendrAH surA nityamudvignahR^idayAH kila || 14|| sukhamutsR^ijya sadbhAvaM bhajanti duritApaham | iti yAvadvidhishchitte sa~nchitayati kevalam || 15|| tAvadditiH samAyAtA kashyapasya priyAM satI | praNamya daNDavaddevaM brahmANaM kamalAsanam || 16|| pUjayAmAsa vidhivatvaMshuraM svagurorgurum | tasthau namratarA tatra maunamAshritya suprabhA || 17|| atha devaH prajAnAthaH kShaNAdUrdhvamavekShya cha | devAdAtmavadhUM prAptAmashyat purataH sthitAm || 18|| prahasya bhagavAn sarvaM chintitaM hR^idi yatpurA | mene tat saphalaM dR^iShTvA snuShA daivaprachoditAm || 19|| sA.api taM suprasannasyamamivIkShya dayAnidhim | uvAcha vidhimAmantrya prajAkAmA pativratA || 20|| devadeva jagannAtha bhaktakAmaprapUraka | mayi kAruNyapUrNAM tvaM dR^iShTi dehi jagadgaro || 21|| aprajA.ahaM prajAnAtha dR^iShTvA devAMstathAvidhAn | dunomi hR^idaye nityaM sapalyAH paritaH sutAn || 22|| strIsvabhAvAnmahAbhAga matsaragrastamAnasA | prArthaye hi varaM tvattaH suto yena bhavenmama || 23|| eko.api guNavAn putrastrailokyavijayI mahAn | saukhyaM dadAti vai pitroraihikAmuShmikaM prabho || 24|| tathA me bhavitA putraH shUro balasamunnataH | jitAriH prasabhaM devAnvijetA raNamUrdhani || 25|| khyAtaH sarveShu lokeShu sampAdaya tathAvidham | ityAkarNya vachastasyA diterUrjitamAtmabhUH || 26|| svAchintitaM cha saMsmR^itya tasmin kAle vadhUM prati | uvAcha prahasan devi siddhaste.adya manorathaH || 27|| bhavitA te sutaH subhru lokajit krodhavarjitaH | devAn sarvAnima~njetA mahAbalaparAkramaH || 28|| gachCha tvaM kashyapaM devi kAle santuShTamAnasA | guNaiH santoShya bhartAramichChritaM prApsyase dhruvam || 29|| ityuktvA tAM tatovedhA visasarja snuShAntataH | sA.api devI yathAkAle kashyapaM samupasthitA || 30|| premNA chATuvachobhistamAbhinandya patiM mudA | kashyapo.api tayA sAdhvyA reme suprItamAnasaH || 31|| j~nAtvA vidhividhAnaM tatratyAM garbhamadhAt prabhuH | dadhAra garbhaM kila kashyapAt sA ditirmahograM paramaM pragalbham || 32|| kAlena vR^iddhi sahasA.apa tasya dyutyA disho rejuradhordhvarUpAH | atha sA suShuve putraM bAlArkasamatejasam || 33|| sarvasampatprabhuM chograM suvarNavapuShaM dR^iDham | daityarAjamanAdhR^iShTyaM devadAnavamAnavaiH || 34|| hiraNyakashipustatsa dadau nAma pitAmahaH | utpannamAtraH sahasA vavR^iddhe kiShkupa~nchakam || 35|| utthAya sahasA mAtuH sakAshAttapase vanam | yayAvatibalonmattaH krodhI mAnI cha nirghR^iNaH || 36|| gatvA gokarNamAkhyAtaM kShetraM siddhikaraM param | tapastatra chachArograM devairapi suduShkaram || 37|| divyavarShasahasraM cha tapastaptvA mahAsuraH | vyAkulaM tapasA tasya sakalaM chAbhavat jagat || 38|| sabhayaM jagadAlokya vidhAtA daityapu~Ngavam | vareNa shamayaMstatra prayasau haMsayAnagaH || 39|| hiraNyakashipuM dR^iShTvA tapasA parivardhitam | uvAcha prahasan vAchA meghagambhIranAdayA || 40|| vatsA tuShTo.asmi te brUhi kiM kAmaM karavANyaham | ityAkarNya vidhervAkyamutthAya karasampuTaH || 41|| praNipatya jagadyoniM vinayAnatakandharaH | uvAcha prasabhaM daityaH sambodhya svapitAmaham || 42|| pitAmaha mahAbhAga prasanno.asi yadi prabho | tadA varAn prayachCha tvaM mameShTAn varadAyaka || 43|| tachChrutvA vachanaM tasya hiraNyakashipormahat | jagatsraShTA svayambhItaH kiM mAM yAchiShyate param || 44|| shanairuvAcha taM vedhAH prArthayasva hyAbhipsitam | athAsau ditijaH shrImAn hiraNyakashipurvarAn || 45|| prArthayAmAsa tAniShTAn varAnnR^ipatisattama | devadAnavadaityebhyo manuShyebhyastathA vibho || 46|| tiryak kR^imipata~Ngebhyo na bhayaM mama jAyatAm | na divA na cha me rAtrau nAkAshe na dharAtale || 47|| nAntarAmaraNaM me syAnna shastrAstrajalAgnibhiH | tryailokyaM vashagaM me syAdamaratvaM prayachCha me || 48|| shrutvA tatprArthitaM prAha tathetyamaratAM vinA | surashreShThastataH shIghraM svIyaM dhAma yayau punaH || 49|| chiraM na sAdhunA stheyaM khalasyAgre pApadR^ik | sAdhuM hi vachasA gR^ihaNAtyataH svalpacharo bhavet || 50|| daityo.api dhAtari gate svahitaM vidhAya j~nAtvA.a.atmanAstrijagato.apyadhikatvamuchchaiH | sarvaM samApya parihR^itya cha tApasAnAM veShaM svayaM sakaladaityapatirbabhUva || 51|| tataH sapAtAlatalaM pravishya jitvA samastAn sutalAdhipAMshcha | bhuvaM kShaNAdetya sabhUmipAlAn sarvAn vashIkR^itya dinestanUjaH || 52|| IyeSha jetuM sa cha nAkapAlanidrapriyAM tAM nagarI baloyaH | athadevaiH shruto daityo balavAn varadarpitaH || 53|| svasthAM jetumiyAsushcha chintAmApedire.amarAH | bhayabhItAH surAstatra sarve sa~Ngatya chAbruvan || 54|| kiM vidheyamito daityaH sarvAnno jetumichChati | satvaraM bhayanAshArthamupAyAn kurutAchiram || 55|| tataH purANi durgANi vividhAnyAyudhAni cha balAni shUrayuktAni kachukoShNIShavantyalam || 56|| agniyantrANi ghorANi vapraprAkArabhittiShu | suguptAste nidadhire siddhAnyanyAni chAsakR^it || 57|| etasminnantare daityaH svapuriM sahasAhyagAt | satvaraM nandanodyAnaM vidhvasya balabhitpurIm || 58|| rurodha paritaH sarve daityAstasthurudAyudhAH | tato yuddhAya niryAtAH surAH sajjAH svala~NkR^itAH | marutvAn mattamAta~NgamAruhya varavarmabhR^it || 59|| shvetAtapatreNa virAjamAnaH samunnataH shrIparipUritA~NgaH | vajraM kareNojvalitaM dadhAno yayau raNaM nAkapatirmahendraH || 60|| tathaivameSha hutabhug lulAyaM pretAdhipashchAdhiruroha shIghram | anye.api yAnAni divaukasau bhR^ishaM saMsthAya sajjAH samarAya niryayuH || 61|| ubhe sainye samAyAte samarAya sudurjaye | tataH samabhavatyuddhaM tumulaM romaharShaNam || 62|| shastrAstraparamaM ghoraM chaNDamuNDA~NkitaM bahu | yuddhe vinirjitA devAH shastrAstraiH shakalIkR^itAH || 63|| parAbhUtA surAstena daityarAjena chAkhilAH | palAyitvA gatAH sarve matvA taM varadarpitam || 64|| vaikuNThabhuvanaM rAjan brahmendrapramukhAH surAH | hiraNyakashipuH sarvAnatha jitvA surAn svayam || 65|| punarbhavaM samAyAtaH sainyena mahatA tataH | ekasmin vasatiM chakre pure haimavate shubhe || 66|| kadAchichChukramAnAyya taM paprachCha diteH sutaH | sarva daityaguro kAvya sarve vibudhasattamAH || 67|| kvedAnIM vasatiM chakrurna tAnjAnAti tatvataH | kathaM te matkare yAnti vadopAyaM mahAmate || 68|| nishamya daityavAkyaM sa shukraH paramatatvavit | daityarAjAya devAnAM vR^ittAntaM samabhAShata || 69|| shrR^iNu daityapate pUrvaM nArAyaNamanAmayam | dhAtAraM jagatashchApsu shayAno vishvatomukham || 70|| sR^iShTisthitivinAshAnAM kAraNaM paramAdbhutam | tamAdikAraNaM gatvA devAH prA~njalayo.abruvan || 71|| devadeva jagannAtha jagatbhayavinAshana | shrR^iNu vij~naptimasmAkaM vayaM bhayavimohitAH || 72|| tadbhayasya gatiM deva chintyatAmAshu mApate | hariruvAcha\- kuto vo bhayamutpannaM yena yUyaM vimohitAH || 73|| samAchaDvaM mahAbhAgAstaddharAmi na saMshayaH | shukra uvAcha\- tad harerbhAShitaM shrutvA lekhAstaM punarabruvan || 74|| deva jAnIhi naH prAptaM bhayaM bhAvi diteH sutAt | kadAchit sA ditiH prAptA brahmaNaH sadanaM prabho || 75|| pUjitaH parayA bhaktyA tayA sAdhvyA pitAmahaH | tatpUjayA.atisantuShTastamuvAcha smitAnanaH || 76|| ayi vatse kimarthaM tvamAgatA.asi gR^ihaM mama | yaste kAmo.asti hR^idaye taM brUhi karavANyaham || 77|| itthaM samAkarNya vachaH samIritaM svayambhU vA hR^iShTamukhI satIdittiH | natvA viri~nchi bahukAlasambhR^itaM kAmaM svakIyaM svayamabjajaM jagau || 78|| ahaM variShThA kilakashyapasya priyA.anyapatnIShu mamAlpabhAgyAt | na sambhR^itaH kAma iha prajAyAH prajApate te na dunomi nityam || 79|| tasmAt prabho tvAmiti prArthaye.ahaM pradehi putraM sukhadaM variShTham | tato vidhistanmukhato.abhilAShaM shrutvA dadau sA svagR^ihaM jagAma || 80|| vayaM tato bhItatarA murAre tvAmadya sarve sharaNaM prapannAH | tasmAtbhayAt pAhi jagannivAsa nopekShaNIyAH sma vayaM tvadIyAH || 81|| iti shrutaM tena surendrabhAShitaM murAriNA sha~NkhagadAridhAriNA | vihasya devAnavadanmuhurvibhurbhayaM yato vassamaye hinasmi tam || 82|| sukhena vai gachChata nirgatajvarAH surAH svadhAmAni manoharANi | yadA sa daityo bhavatAmalIkaM kartuM samIheta tadA punarmama || 83|| sthAnaM samAgachChata tasya sarvaM vR^ittAntamAkhyAtumamaraM cha mahyam | itthaM purA tena surAmurAriNA susAtvitAH svAni gR^ihANi te yayuH || 84|| atha tvayA te samare vinirjitA gatAH punaH shrIramaNasya mandiram | tvayA jitaM sAmaramugratejasA jagatprabho tat kathitaM jagatprabhum || 85|| vaikuNTha sAnyadhunA niviShTAH sukhe surAstyaktabhayAH samastAH | tvayA na jetuM parishakyate vibho surakShitAstena janArdanena || 86|| vasiShTha uvAcha\- hiraNyakashipustasya shukrasya vachanaM sphuTam | nishamya krodhadIptAsau harau dveShamakalpayat || 87|| tadArabhya mahAdveShTo hR^idyavartata vidviShaH | na tasya pUjanaM chakre na mAnayati vaiShNavAn || 88|| parAbhUtAH samastAste haribhaktAH suradviShA | mUrtayo.api hareH sarvA majjitAstena sAgare || 89|| prAsAdA patitA sarve devatAnAM bhuvi sthitAH | gharShaNaM kR^itavAn ghoramR^iShayo.api vinAshitAH || 90|| atha kAlena mahatA harirdaitya vadhAya cha | akaronmatimAbhAShya vibudhAnnikaTasthitAn | shrR^iNutAmaramukhyA me vAkyaM daityavadhAshritam || 91|| jagatrayaM tena durAtmanA bhR^ishaM pratApitaM choddhatamArgavartinA | asahyametanmama tasya jAtaM nihanmi taM shIghrataraM durAsadam || 92|| itaH paraM naiva chiraM hi kuryAM vrajAmi taddhAma niyantumuddhatam | ityuktavAn devapatiH svayaM hariH svAMshena daityendragR^ihe suto.abhUt || 93|| devadevaH svayaM viShNurvaikuNThaH kamalApatiH | hiraNyakashipoH palyAM svAMshenAvirbabhUva ha || 94|| hiraNyakashipoH patnI pAtivratyaguNairyutA | dadhAra garbhaM paramaM daityavaMshavivardhanam || 95|| atha sA samaye devi suShuve putramadbhutam | nAmnA prahlAdamityevaM vikhyAtaM bhuvanatraye || 96|| hiraNyakashipuH putraM jAtaM shrutvA manoharam | snAtvA sachailamAnIya guruM kAvyamuvAcha ha || 97|| kiM kAryamadhunA vipra putre jAte mayA vada | shukraH prAha tadA daityaM ma~NgalasnAnakAriNAm || 98|| daityAdhipa mahArAja jAtakarmaNi saMsthite | vidhivajjAtakarmAdya kartavyaM putrajanmani || 99|| hiraNyaM dhenu vAsAMsi muktAratnAdikaM cha yat | dhAnyarAshistathA chAnyadashvaku~njara vaibhavam || 100|| dehi dvijebhyashchAnyebhyo dInAnAthebhya eva cha | adya dhanyataraM daitya putrajanmadinaM shubham || 101|| putralAbhAt paro lAbho nAsti tribhuvane mahAn | tasmAt sarvaprayatnena deyaM sarvaM dvijAtaye || 102|| iti tasya gurorvAkyaM dharmyaM shrutvA sa daityarAT | svabhR^ityAnAha sAmAtyAMstathA koshAdhikAriNaH || 103|| dhanamAnIyatAM kShipraM dAtumichChAmi chAmitam | tadAj~nayA.atha taddhR^ityA dhanaM bahulamAharan || 104|| sarvaM tadadvijasAt kR^itvA hastyashvarathasaMyutam | tathA dInAndhakubjebhyaH shukrAya cha dadau bahu || 105|| sa bAlo vavR^ithe nityaM shuklapakShe yathA shashI | sa sAMvatsariko bAlo harismaraNalAlasaH || 106|| bAlabhAShaNakairnityaM viShNunAmAni gAyati | tachChrutvA sapitA tasya prahlAdasya cha daityarAT || 107|| na jAnAti shishorvAkyamaspaShTaM gatavarNakam | akSharArambhakAle cha tasyAdeshamathAkarot || 108|| sa bAlaH svagurorgehaM jagAmAkSharalabdhaye | piturAdeshastatra lilekhAdbhutadarshanaH || 109|| guruNA pAThitAnyeva nAkSharANi papATha saH | kakArAdikShakArAntAnyanavekShya hariM paThan || 110|| na shrR^iNoti gurorvAkyaM na bibheti vyapetabhIH | nirbhayo nitarAM daityatanayaH sanayo mudA || 111|| svamatyA harinAmAni paThannAnyamanAH shishuH | guruNA tADito naiva svamataM hi jahAtyasau || 112|| tadA gururuvAchainamarbhakaM bhartsayan param | re vatsa janakaste.adya shrR^iNoti tava durmatim || 113|| tvAM cha mAM cha krudhA daitya daityastADayiShyati manyumAn | evaM hi guruNA bAlo bhAShito.api vichakShaNaH | jagAda ki~nchidashubhaM shubhaM no stabdhalochanaH || 114|| punastathaiva tAmeva harinAmastrajaM jagau || 115|| samanyustadgarustasya gatvA janakamuddhatam | provAchAyaM tava sutaH kathaM daityapate priyaH || 116|| na cha madvachanaM mUDho mAnayatyapi kevalam | harinAmasmR^itiM nityaM karotyeva na chAnyathA || 117|| pAThito.api mayA naiva paThatyanayapaNDitaH | kenedaM shikShitaM chAsmai na cha taM vedamyahaM param || 118|| tADanArho hi so.apyatra yo.anyathA shikShaye shishum | tachChrutvA putrakAryaM cha chukopa ditinandanaH || 119|| nirbhatsarya gurumapyAshu putramAhUya manyumAn | uvAcha krodhatAmrAkShaH prahlAdaM j~nAninAM varam || 120|| ayi vatsa vada kShipraM shikShitaM guruNA cha tat | shrR^iNomi paramaM putra tApatrayaharaM mudA || 121|| ye putravanto manujAH sutasyAnabhAvaghA~ncha vidyAM vinayopapannAm | shrR^iNvanti pashyanti cha tasya bhAgyaM teShAnna dUre.asti sukhaM paratra || 122|| tApatrayaM te parihatya shIghraM bhajanti saukhyaM bhuvi durlabhaM narAH | maurvyaM cha tasyaiva vilokya dUrAt tyajanti sarvaM na sukhaM vrajeti || 123|| tvamasi preyasAM shreShTha vada shikShAM guroH kR^itAm | iti daityavachaH shrutvA prahlAdo vaiShNavAgraNI || 124|| nirbhayaH pitaraM prItyA provAcha janasaMsadi | hariH shikShAprado nAnyaH sarvasAkShI yato hi saH || 125|| tamanAdR^itya kiM chAnyadavAchyaM vachmi bho pitaH | yasya nAmasmR^itiH sadyaH pAtakakShayakAriNI || 126|| vihAya tAM kathaM chAnyajjanaH smarati mAdR^ishaH | vAsudevAt paro devo nAnyo.asti bhuvanatraye || 127|| taM vihAya nAnyaM vai bhajAmi janakapriyam | viShNunA vyAptamakhilaM jagat sthAvaraja~Ngamam || 128|| mUDhatvAt taM na jAnAti jano hyaj~nAnamohitaH | saMsArabandhavichChityai sevanIyo janArdanaH || 129|| taM dviShanti narA mUDhAste patanti bhavArNave | nAsti teShAM kadAchidvA duHkhAbdhestaraNaM punaH || 130|| ye bhajanti hariM tAta te taranti bhavaM kShaNAt | vimukhAstaM mahAbhAga te hi gachChantyadhogatim || 131|| tasmAn mukunda madhusUdana chakrapANe lakShmIpate yadupate natapUritArtha | vaikuNTha mAdhava janArdana vAsudeva saMsAratApaharaNAchyuta keshaveti || 132|| nityaM paThediha pumAn harinAmamAlAM yaH saMsmaredanishamUrjitapAdayugmam | tasyAshu nashyati bhayaM bhajataH samastaM kastaM prabhurbhavati bAdhayituM surakShyam || 133|| iti prahlAdavachanaM samAkarNya diteH sutaH | taM chukopAtitAmrAkSho bhartsayannidamabravIt || 134|| re re manda tyajAshu tvaM bAla chApalama~njasA | daivyagotre samutpannaH kathaM shatruM smarasyalam || 135|| asmAkaM shatravastAta tava te.api na te hitAH | tvadIyaM sakalaM rAjyaM deshakoshabalAtmakam || 136|| madIyavAkyakaraNAt bhaviShyati na chAnyathA | yadi tadbhajane buddhistava putra samutthitA || 137|| tarhi duHkhaM mahatte syAnmaraNAdadhikaM tathA | mAtApitrorvachaH pAlyaM putreNa hitamichChatA || 138|| tadanyathA kR^itaM garvAddhAnistasya pade pade | itaHparaM na vaktavyaM dviShannAma tvayAsuta || 139|| tannAmashravaNAt kopo jAyate hradi me mahAn | sAmabhAvena te proktaM putra kAruNyato mayA || 140|| ato daNDArhatAM yAsi yadi bhUyo vadiShyasi | ichyuktvopararAmAtha hiraNyakashipuH sutam || 141|| sakopasya piturvAkyaM prahlAdena shrutaM mahat | vihAya bhayamArAttamuvAcha prItipUrvakam || 142|| na tyajAmi pitastasya vAsudevasya saMsmR^itim | na shatrurhi harirmitraM suhR^idgotraM pitA prasUH || 143|| jagatastaM vihAyAnyaM na vedmi sukhadAyakam | govindaM bhajatAM puMsAM bhayaM na kalikAlataH || 144|| kuto duHkhaM kuto dainyaM narakasya phalaM kutaH | ananyabhajanopetaH pumAnno labhate bhayam || 145|| kA vA chintA nR^iNAM tAta nR^ihariM bhajatAmiha | maraNasya bhayaM teShAM yeShAM no hR^idaye hariH || 146|| bhaktyA sthiratvamAyAti parabrahmamayohi saH | harirhadi dhR^ito yena sa tu nirbhayatAmiyAt || 147|| itthamatyUrjitaM vAkyaM shrutvovAcha sa daityarAT | kimayaM shatrurUpeNa putro jAto mama gR^ihe || 148|| hitaM kathitavAnasmi na shrR^iNoti hi mandadhIH | nirbhayo mAM vadatyuchchairjalpan yatki~nchiduddhataH || 149|| tyajAmyenaM yadi sutaM tarhi tannaiva shobhanam | anItirmahatI jAtA shatrupakSho gR^ihe mama || 150|| samutpannaH kimutpannaM mama bhAgya kShayAya vai | gR^iheShu vasatAM puMsAM trayo.ami sukhahetavaH || 151|| kalatraM rUpasampannaM pitrorvachanakR^itasutaH | theShTaM vasubhogArthaM viguNaM sukhadaM na tat || 152|| yasya nAsti gR^ihe bhAryA sAdhvI rUpaguNAnvitA | tanayo vinayI tasya puruShArthaphalaM kutaH | tasya dhig janma durbuddheH kevalaM duHkhabhoginaH || 153|| astu vA mama kA chintA putrahetoranAthavat | tyajedekaM kulasyArthe gAtheyaM parivarNitA || 154|| durnayaM duShTacharitaM svaputraM kulapAMsanam | tyajanti mAninaH shUrAstasmAdenaM tyajAmyaham || 155|| itthaM vichitya daityendro manasA krodhamAvishat | sa krudhA tAn mahodriktAn svabhR^ityAnAdidesha ha || 156|| re re bhR^ityAH kulA~NgAramimaM nayata durmatim | vadhyatAmAshu shastraughairnAtra kAryA vichAraNA || 157|| yadi machChAsanaM mUDhA va~nchayitvA kulAdhamam | jIvantaM mu~nchatAM sadyaH shirAMsyeva harAmi vaH || 158|| itthaM nishamya ditinandana shAsanaM te daityAnugAH kAmacharAH samastAH | hAhA raveNa javino jagR^ihuHrnitAntaM daityarAjatanayaM vinayopapannam || 159|| ninyurbahirvadhabhuvaM dhR^itapANiyugmaM kolAhalena mahatA sahapauravarNaiH | sarvAparAdhinamivAvagR^ihItachauraM shastrAstrapAshaviShavahnijalAbhighAtam || 160|| atha taM kR^ipayAviShTAH prochustatpitR^isevakAH | api vatsa mahAbhAga shR^iNu prahlAda no vachaH || 169|| piturvAkyaM tvayA shrAvyaM gR^ihe stheyaM yathAsukham | tava bhR^ityA vayaM sarve dAsIdAsahayAgajAH || 162|| rAjyaM prAjyaM cha sarvasvaM vasurratnamayaM mahat | tasyAj~nAvashagAH sarve hanmastvAM nAtra saMshayaH || 163|| ugrashAsakR^ittAtastava vakroktimanyumAn | avadhyaM tvAM krudhA tAtaH sa vadhAya samAdishat || 164|| yadi tvaM tasya vAkyaM cha kariShyasi mahAmate | tadA neShyAmahe tatra punastvAM putrasannidhau || 165|| ayaM tava sutaH shrImAndaityendra tava shAsanam | kariShyati na sandehaH kR^ipAM kuru mahAmate || 166|| tataste bhavitA mokSho vadhAdasmAnnR^ipAtmaja | teShAM vAkyaM nishamyAtha prahlAdo divyadarshanaH || 167|| uvAcha puruShAn dhIraH pitrA.a.a diShTAn vadhAya tAn | yUyaM hiMsata mAM shIghraM tatra mA.astu vichAraNA || 168|| hariM vinA sukhaM sarvaM tyajAmi viShavat bhaTAH | sa trAtA sarvajantUnAM pApahartA nira~njanaH || 169|| tenedaM sakalaM vyAptaM hariNA lokadhAriNA | tatra vai manasaH sthairyaM bhavedyadi hi janminAm || 170|| na teShAmiha vA.anyatra saMsAre durlabhaM nR^iNAm | sukR^itairbahubhirdehI harau bhaktiM dadhAti hi || 171|| prasanne jagatAM nAthe sAyujyamapi sidhyati | iti nishchitamantasthaM j~nAtvA daityasutasya te || 172|| krodhena mahatA vyAptA tAmrakShA daityasevakAH | nihanyurnishitaiH khaDgaiH shastrAstraistaranekadhA || 173|| na tAni shastrANi sutejanAni vishanti daityendrasutasya deham | shilAM samAdhAya yathA sutIkShNA nistriMshadhArAH sahasA vinamrAH | tathA sharIraM ditijendrasUnoH samprApya shastrANi tato babha~njuH || 174|| yadA na shastraiH sa mamAra bAlastato.agnimAdIpya cha daityabhR^ityAH | HuddhR^itya taM daityasutaM sughorAste nAgninA te dadahuH samagrAH || 175|| tathA.agninA parivyAptaH prahlAdo na viShIdati | yathA grIShmoShpaNA taptaH sukhaM chAste jalAshaye || 176|| tatrApi sa hariM stauti so.api pAti tathAvidham | shAnte.agnau sa punastadvadyathApUrvamavasthitaH || 177|| tadotthAya mahAghorA nirdayA daityasevakAH | gurvI shilA~Ngale badhvA taM mamajja mahAhR^ide || 178|| majjayataM jale dR^iShTavA saMnyAsinamiva prajAH | na mamajja mahAdhIro.alAmbuneva surakShitaH || 179|| yathA kashchijjale yAti tadvadditijanandanaH | harinAmajapAsakto na sa jAnAti ki~nchana || 180|| atha te vismayAviShTAstad dR^iShTavA lAghavaM shishoH | tatpitre kathayAmAsurnAyaM vrajati sa~NkShayam || 181|| asmAbhirghAtito bAlaH shastrAgnijalabandhanaiH | na mR^itiM yAti kiM kurmaH kiM vA jAnAti cheTakam || 182|| nishamya tadvacho daityaH samanyurvAkyamabravIt | kutaste.asti haribrUhi kiMvA sthAnaM pradarshaya | anyathA tvAM nihanmyadya tIkShNadhAreNa chAsinA || 183|| ityuktvA satvaraM daityo vikoshaM khaDgamAdade | sAkShepaM tamuvAchAtha manda darshaya me harim || 184|| tadAgrahaM tato j~nAtvA prahlAdo divyadarshanaH | uvAcha pitaraM ghoraM hariH sarvatra tiShThati || 185|| raverardhAstasamaye tarjanyA nirdishan pitaH | asmistambhe harirme.asti sarvavyApI janArdanaH || 186|| sthAvaraM ja~NgamaM sarvaM jagattenANurUpiNA | vyAptaM tatsattayA sarvaM cheShTate sarvadA vibho || 187|| achetanaM tena bhavetsachetanaM sa yAti nAnAvidhatAM punaHpunaH | na tasya kashchinmahimAnama~njasA jAnAti taM bhagavantaM prapashya || 188|| ityuktvA pitaraM bhUyo nR^isiMhaM stauti nirbhayaH | iti dhAShTaryaM sa vij~nAya putrasya ditinandanaH || 189|| krodhena mahatA dIptaH khaDgahasto mahAbalaH | stambhamuddishya vegena sahasaivotpapAta ha || 190|| etasminnantare devo nArasiMhAkR^itiM dadhau | tasmiMstambhe sunirbhinne harirAvirbabhUva ha || 191|| iti shrIpadmapurANe vatsagulmamAhAtmye nR^isiMhatIrthAkhyAne nR^isiMhAvirbhavo nAma trayodasho.adhyAyaH || ## Proofread by M K Barman \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}