% Text title : veNkaTeshastotram 1 % File name : venkaTeshastotram.itx % Category : vishhnu, venkateshwara, stotra, vishnu % Location : doc\_vishhnu % Transliterated by : Malleswara Rao Yellapragada malleswararaoy at yahoo.com % Proofread by : Malleswara Rao Yellapragada malleswararaoy at yahoo.com % Source : Venkatesha Kavyakalapa % Latest update : April 4, 2015 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Venkateshastotram ..}## \itxtitle{.. ve~NkaTeshastotram ..}##\endtitles ## kaushikashrInivAsAryatanayaM vinayojjvalam | vAtsalyAdiguNAvAsaM vande varadadeshikam || padmasthAM yuvatIM parArdhyavR^iShabhAdrIshAyatorassthalI\- madhyAvAsamahotsavAM kShaNasakR^idvishleShavAkyAsahAm | mUrtIbhAvamupAgatAmiva kR^ipAM mugdhAkhilA~NgAM shriyaM nityAnandavidhAyinIM nijapade nyastAtmanAM saMshraye || 1|| shrImachchheShamahIdhareshacharaNau prApyau cha yau prApakau asmaddeshikapu~NgavaiH karuNayA sandarshitau tAvakau | proktau vAkyayugena bhUriguNakAvAryaishcha pUrvairmuhuH shreyobhiH shaThavairimukhyamunibhistau saMshritau saMshraye || 2|| yasyaikaM guNamAdR^itAH kavayituM nityAH pravR^ittA giraH tasyAbhUmitayA svavA~NmanasayorvaiklabyamAsedire | tattAdR^igbahusadguNaM kavayituM mohAdvR^iShAdrIshvaraM kA~NkShe kAryavivechanaM na hi bhavenmUDhAshayAnAM nR^iNAm || 3|| yatpAdA yoShitaM nijasakR^itsparshena kA~nchichChilA\- ma~NgAra DimbhatAmanupamau shAntaM kamapya~nchitau | yatpAdUrakhilAM shashAsa cha mahImAshcharyasImAsthalIm adrAkShaM harima~njanAchalataTe nirnidrapadmekShaNam || 4|| atrasyanmaNirAjarAjivilasanma~njIraniryanmahaH\- stomaprAstasamastavistR^itatamashshrImandirAbhyantaram | vyAkochAmbujasundaraM charaNayordvandvaM vR^iShAdrIshituH chakShurbhyAmanubhUya sarvasulabhaM prApsyAmi modaM kadA || 5|| satkR^ityA samakAlalabdhatanubhirgopIbhiratyAdarAt vinyastau vadane kuche cha nitarAM romA~ncharohA~nchite | padmAbhUkarapallavaiH sachakitaM saMvAhyamAnau mR^idU mAnyau ve~NkaTabhUdhareshacharaNau mArge dR^ishoH stAM mama || 6|| prAtaH phullapayoruhAntaradalasnigdhAruNAntasthalau niShpItAkhilanIranIradhilasannIlAmbudAbhau bahiH | rAkAshItamarIchisannibhanakhajyotirvitAnA~nchitau pAdau pannagapu~NgavAchalapatermadhyemanasstAM mama || 7|| mandAraprasavAbhirAmashirasAM vR^indArakashreyasAM vR^indairindukalAbhR^itA cha vidhinA vandhau dhR^itAnandathU | bandhachChedavidhAyinau vinamatAM ChandashshatAbhiShTutau vande sheShamahIdhareshacharaNau vandAruchintAmaNI || 8|| chi~nchAmUlakR^itAsanena muninA tattvArdhasandarshinA kAruNyena jagaddhitaM kathayatA svAnuShThitiravyApanAt | nishchikye sharaNaM yadeva paramaM prApyaM cha sarvAtmanAM tatpAdAbjayugaM bhajAmi vR^iShabhakShoNIdharAdhIshituH || 9|| nandiShyAmi kadA.ahametya mahatA gharmeNa tapto yathA mandoda~nchitamArutaM marutale martyo mahAntaM hradam | santapto bhavatApadAvashikhinA sarvArtisaMshAmakaM pAdadvandvamahIshabhUdharapaternirdvandvahR^inmandiram || 10|| yau vR^indAvanabhUtale vyaharatAM dauteyavR^indAvR^ite kupyatkAliyavistR^itochChritaphaNAra~NgeShu chAnR^ityatAm | ki~nchAnassamudAsthatAM kisalayapraspardhinAvAsuraM tanvAtAM mama ve~NkaTeshacharaNau tAvaMhasAM saMhR^itim || 11|| sheShitvapramukhAnnipIya tu guNAnnityA haressUrayo vaikuNThe tata etya ve~NkaTagiriM saulabhyamukhyAniha | nityoda~nchitasaMnidhernirupamAnnirvishya tasyAdbhutAn nirgantuM prabhavanti hanta na tato vaikuNThakuNThAdarAH || 12|| samphullAdbhutapuShpabhAravinamachChAkhAshatAnAM sadA saurabhyAnubhavAbhiyanmadhulihAM sa~NghairvR^ite bhUruhAm | udyadrashmibhirujjvalairmaNigaNairuttu~NgashR^i~NgairvR^iSha\- kShoNIbhartari vartate.akhilajagatkShemAya lakShmIsakhaH || 13|| nAnAdi~NmukhavAsino naragaNAnabhyAgatAnAdarAt pratyudyAta ivAntikasphuTataraprekShyaprasannAnanaH | sAnukroshamanAssaDimbhamahilAn samprAptasarvepsitAn kurvanna~njanabhUdhare kuvalayashyAmo harirghAsate || 14|| ApAdAdanavadyamAcha shirasassaundaryasImAspadaM hastoda~nchitasha~NkhavakramurasAM bibhrANamambhodhijAm | mAlyairullasitaM manoj~namakuTImukhyaishcha bhUShAshataiH madhyetAraNama~njanAchalataTe bhAntaM hariM bhAvaye || 15|| ma~njIrA~nchitapAdamadbhutakaTIvibhrAjipItAmbaraM padmAla~NkR^itanAbhima~NgamahasA pAthodharabhrAntidam | pArshvAla~NkR^itisha~NkhachakravilasatpANiM paraM pUruShaM vande mandahasaM vichitramakuTIjuShTaM vR^iShAdrIshvaram || 16|| nAnAbhAsuraratnamauktikavarashreNIlasattoraNa\- svarNastambhayugAntarAlakabhR^ishapradyotamAnAnanam | AnAsashrutilolanIlavishadasnigdhAntaraktokShaNaM nAthaM prekShituma~njanAchalataTe nAlaM sahasraM dR^ishAm || 17|| chakrAbje karayugmakena satataM bibhrat kareNa spR^ishan savyenorumapItareNa charaNau sandarshayan bhUShaNaiH | sadratnaiH sakalA disho vitimirAH kurvan vR^iShAdrau hariH shuddhasvAntaniShevite vijayate shuddhAntabAhAntaraH || 18|| susnigdhAdharapallavaM mR^iduhasaM mInollasallochanaM gaNDaprasphuradaMshukuNDalayugaM vibhrAjisubhrUnnasam | phAlodbhAsiparArdhyaratnatilakaM vaktraM pralambAlakaM bhavyaM ve~NkaTanAyakasya pibatAM bhAgyaM na vAchAM padam || 19|| tvatpAdAmbujasaspR^ihaM mama manaH kuryAstvadanyaspR^ihAM dUraM tolaya duHkhajAlajananIM tvatpAdavA~nChAdviSham | ki~ncha tvatparatantrabhUsurakR^ipApAtraM kriyA mAM sadA sarpAdhIshvarabhUdharendra bhagavan sarvArthasandAyaka || 20|| nAkArShaM shrutichoditAM kR^itimahaM ki~nchinna chAvediShaM jIveshau bhavabha~njanI na cha bhavatpAdAbjabhaktirmama | shrImattvatkaruNaiva deshikavaropaj~naM pravR^ittA mayi tvatprAptau sharaNaM vR^iShAchalapate.abhUvaM tatastvadbharaH || 21|| shrImatkaushikavaMshavAridhividhoH shrIve~NkaTeshAkhyayA vikhyAtasya gurorvishuddhamanaso vidyAnidheH sUnunA | bhaktyaitAM varadAbhidhena bhaNitAM shrIve~NkaTeshastutiM bhavyAM yastu paThedamuShya vitarechChreyaH paraM shrIsakhaH || || iti ve~NkaTeshastotram || shrImate rAmAnujAya namaH ## From a telugu book veNkaTeshakAvyakalApa Encoded and proofread by Malleswara Rao Yellapragada malleswararaoy at yahoo.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}