% Text title            : Shri Venkatesha Stotram 06 16
% File name             : venkaTeshastotram6.itx
% Category              : vishhnu, stotra, venkateshwara, vishnu
% Location              : doc\_vishhnu
% Proofread by          : Gopalakrishnan
% Description/comments  : From stotrArNavaH 06-16
% Latest update         : September 18, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Venkatesha Stotram ..}##
\itxtitle{.. shrIve~NkaTeshastotram ..}##\endtitles ##
kShemaM me kamalApatirvitaratu shrIve~NkaTAdrIshvaraH
      kAruNyAmR^itavAridhistrijagatAM kShema~Nkaro vatsalaH |
shrImadbhAShyakR^itA subodhanidhinA rAmAnujasvAminA
      bhaktyA dattaparatvachihnavilasadbAhurmahAvaibhavaH || 1||
rekhArUpamanoj~nadivyakalashashrIpA~njajanyadhvaja\-
      j~nAnAbjA~NkushakalpachakavilasatpAdAravindadvayam |
lakShmIdivyapadAmbujAtayugaLIjAjvalyamAnollasa\-
      llAkShAlakShitavakShasaM susharaNaM shrIve~NkaTeshaM bhaje || 2||
sadyojAtamanoj~napallavalasatpANyambujAbhyAM ramA
      bibhrANau sabhayaM tu yasya charaNau saMvAhane.api klamam |
shIghraM ki~ncha saroruhAruNatalau ma~njIrabhUShojjvalau
      taM devaM shritapArijAtamatulaM shrIve~NkaTeshaM bhaje || 3||
brahmeshAdikirITakoTighaTitapratyagranAnAvidha\-
      shrImadratnamahaHprarohanikarairnIrAjitashrIpadam |
AnandAkhyavimAnadivyanilaye lakShmyA saha krIDitaM
      sAkShAnmanmathamanmathaM guNanidhiM shrIve~NkaTeshaM bhaje || 4||
shrIpAdau charaNAgataiH prathamato yasyAvagAhyau janaiH
      dedIprAvamR^itAyitAviva shishormAtuH stanau shrIpateH |
gotrAyAM vipine vR^iShAdrishikhare chitte.apyananyAtmanAM
      vedAnte samamAhitau tamatulaM shrIve~NkaTeshaM bhaje || 5||
atyantapriyadarshanaM kamalayA prAruDhavakShaHsthalaM
      nAnAbhUShaNabhUShitaM pravilasatpItAmbaraprojjvalam |
sarvAbhIShTavarapradaM praNamatAM jAjvalyamAnaprabhaM
      bAlArkojjvaladivyaratnamakuTaM shrove~NkaTeshaM bhaje || 6||
ambhojAmR^itasindhujAtakalashapraspardhidivyAnanaM
      subhrUsundaramadhyachandravilasatbhAlaM manoj~nasmitam |
AkarNAyatalochanaM maNimayashrIhArabhUShojjvalaM
      shrIvatsA~NkitavakShasaM shritanidhi shrIve~NkaTeshaM bhaje || 7||
sarvaj~naM kalikalmaShagnamamalaM lakShmInivAsorasaM
      shaktaM sannatavatsalaM vidhimukhairdevaiH sadA vanditam |
saMsArArNavatArakA~NghriyugaLaM kandarpakoTiprabhaM
      ShADguNyAtmakadivyama~NgalatanuM shrIve~NkaTeshaM bhaje || 8||
andhaH pashyati duHkhinastu sukhino mUkaH pravakti sphuTam |
      pa~NgurdhAvati vegatastu labhate vandhyA cha bhavyaM mutam |
ArtAshchApi nirAmayAstu badhirAH shR^iNvanti samyak tato
      yasyAnugrahavaibhavena vimalaM shrIve~NkaTeshaM bhaje || 9||
bhaktAbhIShTadabhAShyakAraguruNA dattAbjachakrojjvala
      dvAhuM bhaktajanAnubhAvyamanishaM nIlAmbudashyAmalam |
sarvAdhIshvaratA prakAshakalasanmuktAkirITojjvalaM
      rAkAchandramukhaM dayAguNanidhiM shrIve~NkaTeshaM bhaje || 10||
lakShmIgehabhujAntaraM kaliyugapratyakShanArAyaNaM
      satyAnandachidAtmakaM parinutaM pashchAnanAdyairbudhaiH |
shrIsheShAchalashR^i~Ngama~NgalamahAbhUShAyitashrIpadaM
      sarveShAM jagatAmabhIShTavaradaM shrIve~NkaTeshaM bhaje || 11||
sarveShAM suhR^idaM sushIlamanaghaM shrIma~NgalAshAsanaM
      kurvadbhiH parishuddhamAnasayutaiH shrIvaiShNavaiH saMvR^itam |
bimbAbhAdharamudyadinduvadanaM karNAntalolekShaNaM
      shrImaddivyalalATapaTTatilakaM shrIve~NkaTeshaM bhaje || 12||
kausheyapuShpitakaTItaTamambujAkShaM
      kAntAkuchAmburuhakuDmalaloladR^iShTim |
kandarpadarpaharasundaradivyamUrtiM
      shrIve~NkaTeshamagatiH sharaNaM prapadye || 13||
ApAdamaulimabhijAtamanoharA~Nga\-
      mAdityakoTikiraNojjvalahetirAjam |
AtAmradivyamadhurAdharapallavaM cha
      shrIve~NkaTeshamagatiH sharaNaM prapadye || 14||
divyairdantikaropamairmR^idutaraiH susnigdhavarNaiH shubhaiH
      nAnAbhUShaNabhUShitaiH shubhanakhaiH kalyANarekhA~nchitaiH |
vR^itttairjyAkiNakarkashairabhayadaiH pInaishchaturbhiH satAM
      shrImadbhAhubhirAyatairvilasitaM shrIve~NkaTeshaM bhaje || 15||
dAtAraM kila sampadAM tvacharaNadvandvAshritAnAM satAM
      daityAnAM tu nighAtinaM trijagatAM nAthaM mahAvatsalam |
siMhaskandhamanekaratnarachitashrIhAravakShaHsthalaM
      shrImatpuNDrlalallalATaphalakaM shrIve~NkaTeshaM bhaje || 16||
lakShmInivAsa nikhilAshritalokabandho
      vaikuNThanAtha niravadyaguNaikasindho |
shrIve~NkaTesha bhuvi vishrutadivyakIrte
      pAhi prapannagagatiM sharaNAgataM mAm || 17||
varaguNamaNisindhurvatsalaH shrInivAsaH
      kalashajaladhikanyAprANanAtho dayAluH |
maNivaramaNibhUShA vatsajAjvalyamAno
(maNivaramANiH \- kaustubhamaNi, vatsaH \- shrIvatsaH)
      vitaratu mama saukhyaM ve~NkaTesho mukundaH || 18||
kanakamayakirITo divyalAvaNyasindhuH
      praNatavaradabandhuH padmapatrAyatAkShaH |
sulabhacharaNayugmaH svAshritAnAM kR^ipAluH
      vitaratu mama saukhyaM ve~NkaTesho mukundaH || 19||
maratakagirimUrtima~NgalAnAM nivAsaH
      sphaTikamakuTamUrdhA pItakausheyavAsaH |
kanakavalayabhUShAprojjvaladdivyabAhuH
      vitaratu mama saukhyaM ve~NkaTesho mukundaH || 20||
sarasijamukhapANiH sarvalokaikanAthaH
      vikachakamalanetraH shyAmalaH komalA~NgaH |
jalajacharaNayugmaH shrInivAso dayAluH
      vitaratu mama saukhyaM ve~NkaTesho mukundaH || 21||
vidhivibudhaniyantA vishvabhaktArtirahantA
      vinatavividhajAtikShemakalyaNamantA |
vimalamadhuramandasmeradivyAnanAbjo
      vitaratu mama saukhyaM ve~NkaTesho mukundaH || 22||
atyarkAnaladIptamuttamapadaM vaikuNThamatyadbhutaM
      tyaktvAnugrahakAmyayA praNamatAM lakShmyA saha krIDitaH |
shrImadve~NkaTa bhUdhare maNigaNairnAnAvidhairdhAtubhi\-
      rdedIpre bhagavAn samAstu guNavAn kShemakaraH sarvadA || 23||
bhaktAnAM doShabhogyaH pravaraguNanidhirma~NgalAnAM nivAsaH
      vikhyAtaH sarvadhAtA sarasijanayano vedavedAntavedyaH |
sheShAdrau sheShataspe jaladhitanayayA sArdhamindIrAkShyA
      kIDan devAdhirAjo mama tu vitaratAnma~NgalaM shrInivAsaH || 24||
vidhishivavibudhaindraprANirakShaikadIkSho
      vividhakalinihantA vatsalaH svAshriteShu |
shrutahR^idayanivAsaH shIlavAn pa~NkajAkSho
      vilasatu mama chitte ve~NkaTesho mukundaH || 25||
maratakamaNiratnasphATikachChannadivya\-
      pravarakanakabhUShAbhUShitaH saMshritArtham |
nayanasubhagadivyashyAmakalyANagAtro
      vilasatu mama chitte ve~NkaTesho mukundaH || 26||
varada nikhilabandho kShAntisaushIlyasindho
      kamalanayana viShNo sha~NkhachakrAsipANe |
divi bhuvi mama bandho shrIpate ve~NkaTesha
      shritajanashubhakalpa shrInidhe trAhi dAsam || 27||
divi bhuvi mama saukhyaM samprayachCha prayachCha
      shrutishirasi vidIpta shrInidhe ve~NkaTesha |
chalamatimavinItaM mAM cha kandarpavashyaM
      tava kila dayanIyaM pAhi pAhi prasIda || 28||
kalau lokanAtha prashasta prashasta
      priyaM ve~NkaTesha prayachCha prayachCha |
hare dInabandho prasIda prasIda
      sadA ve~NkaTeshaM smarAmi smarAmi || 29||
svAmipuShkariNItIre shrImadve~NkaTabhUdhare |
vasate ramayA sArdhaM ve~NkaTeshAya ma~Ngalam || 30||

iti shrIve~NkaTeshastotraM sampUrNam |
##
Proofread by Gopalakrishnan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}