श्रीवेङ्कटेश्वरस्य संस्कृते कृतयः अथवा कीर्तनानि
१। नारायण ते नमो नमो
नारायण ते नमो नमो ।
भव नारद सन्नुत नमो नमो ॥
मुरहर नगधर मुकुन्द माधव
गरुड गमन पङ्कजनाभ ।
परमपुरुष भवभञ्जन ते नमो - केशव
नरमृग शरीर नमो नमो ॥
जलधिशयन रविचन्द्रविलोचन
जलरुह भव नुत चरण युग ।
बलि बन्धन गोवर्धनवल्लभ - धारक
नलिनोदर ते नमो नमो ॥
आदिदेव सकलागम पूजित
यादवकुल मोहनरूपा ।
वेदोद्धर तिरुवेङ्कट नायक
नादप्रिय ते नमो नमो ॥
वेदोद्धारक वेङ्कटनायक ।
पुरन्दर विठ्ठल नमो नमो ।
This kirtana seems to be jointly composed by shri Tallapaka
Annamacharya and Shri Purandara Dasa as mentioned in the book
`Tirupati Shri Venkateshwara' by Shri Sadhu Subrahmanya Sastry
published by the Tirumala Tirupathi Devasthanam.
It seems when they both met, they composed it together and each
poet addressed their beloved deity at the end.
२। शेषाचल नायकं भजामि
रागं - वरालि , तालं - रूपक
शेषाचल नायकं भजामि
विशेष फलदायकम् ॥
भाषारमण प्रभृत यशेषामर नुत
कौस्तुभ भूषालङ्कृत बहुतर
वेषात्मक विग्रहम् ॥
मन्दहास वदनं
स्वच्छन्द हृदय सदनं
सुम्दर जितमदनं
मुकुन्दं मधुसूदनं
अरविन्द पत्र नयनं
गोविन्दं उरग शयनं
सुरवृन्द सत्कृताध्ययनं
नन्द नारायणं
पुरन्दरादि दिक्पाल सनन्दनादि मुनि वरालि वन्दितं
अभिनव गुरुगुह नन्दितमनन्त कीर्तिम् ॥
Kriti of Sri Muttuswamy DikShitar on Sri Venkateswara as available in
the book `Tirupati Shri Venkateshwara' by Shri Sadhu Subrahmanya Sastry
published by the Tirumala Tirupathi Devasthanam.
३। शङ्ख चक्र गदा पाणिं अहं वन्दे
रागं - पूर्णचन्द्रिका , तालं - रूपक
शङ्ख चक्र गदा पाणिं अहं वन्दे
श्री शाङ्ग नन्दक कौस्तुभ धारिणं वन्दे ॥
पङ्केरुह चरणं पद्मावति रमणं
शङ्कतापहरणं सदा भक्ताभरणं
कुंकुम पङ्किल गात्रं पङ्कज विशाल नेत्रं
शङ्कर सन्नुति पात्रं वेङ्कट वरद क्षेत्रम् ॥
गजेन्द्र संरक्षणं
गरुड वाह विचक्षणं
अजेन्द्रादि विलक्षणं
अमृत सार भक्षणं
अजामीलादि प्रभृत् यनेक दासादि सन्तरणं भजे
पूर्ण चन्द्रिकाङ्ग गुरुगुहान्तःकरणं
कुजादिग्रहविहितं विरजानदी तटस्थितं
सजातीयादिरहितं निजानन्दबोधहितम् ॥
Kriti of Sri Muttuswamy DikShitar on Sri Venkateswara
on page 380 of the book `Tirupati Shri Venkateshwara' by Shri Sadhu
Subrahmanya Sastry published by the Tirumala Tirupathi Devasthanam.
Encoded and Proofread by YV Malleswara Rao malleswararaoy at yahoo.com