% Text title : Venkatesha Suprabhatam % File name : venkatsp.itx % Category : suprabhAta, vishhnu, venkateshwara, vishnu, mangala % Location : doc\_vishhnu % Transliterated by : Srinivas Sunder sunder at crystal.cirrus.com % Proofread by : Srinivas Sunder, PSA Easwaran, NA % Description-comments : Includes suprabhAtam prapatti maNgalAshAsanaM stotram % Latest update : January 27, 1995, January 12, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Venkatesha Suprabhatam ..}## \itxtitle{.. shrIve~NkaTeshasuprabhAtam ..}##\endtitles ## suprabhAtam prapatti ma~NgalAshAsanaM stotraM sahitam || shrIH || \section{atha shrIve~NkaTeshasuprabhAtam |} kausalyA suprajA rAma pUrvA sandhyA pravartate | uttiShTha narashArdUla kartavyaM daivamAhnikam || 1|| uttiShThottiShTha govinda uttiShTha garuDadhvaja | uttiShTha kamalAkAnta trailokyaM ma~NgalaM kuru || 2|| mAtassamastajagatAM madhukaiTabhAreH vakSho vihAriNi manoharadivyamUrte | shrIsvAmini shritajana priyadAnashIle shrIve~NkaTeshadayite tava suprabhAtam || 3|| tava suprabhAtamaravindalochane bhavatu prasannamukhachandramaNDale | vidhisha~NkarendravanitAbhirarchite vR^iShashailanAthadayite dayAnidhe || 4|| atryAdi saptaR^iShayassamupAsya sandhyAM AkAshasindhukamalAni manoharANi | AdAya pAdayugamarchayituM prapannAH sheShAdrishekharavibho tava suprabhAtam || 5|| pa~nchAnanAbjabhava ShaNmukha vAsavAdyAH traivikramAdicharitaM vibudhAH stuvanti | bhAShApatiH paThati vAsara shuddhimArAt sheShAdrishekharavibho tava suprabhAtam || 6|| IShatpraphullasarasIruhanArikela\- pUgadrumAdi sumanoharapAlikAnAm | AvAti mandamanilassaha divyagandhaiH sheShAdrishekharavibho tava suprabhAtam || 7|| unmIlya netrayugamuttamapa~njarasthAH pAtrAvashiShTakadalIphalapAyasAni | bhuktvA salIlamatha kelishukAH paThanti sheShAdrishekharavibho tava suprabhAtam || 8|| tantrIpraharShamadhurasvanayA vipa~nchyA (tantrIprakarSha) gAyatyanantacharitaM tava nArado.api | bhAShA samagramasakR^itkarachAraramyaM sheShAdrishekharavibho tava suprabhAtam || 9|| bhR^i~NgAvalI cha makarandarasAnuviddha\- jha~NkAragIta ninadaiH saha sevanAya | niryAtyupAntasarasIkamalodarebhyaH sheShAdrishekharavibho tava suprabhAtam || 10|| yoShAgaNena varadadhni vimathyamAne ghoShAlayeShu dadhimanthanatIvraghoShAH | roShAtkaliM vidadhate kakubhashcha kumbhAH sheShAdrishekharavibho tava suprabhAtam || 11|| padmeshamitrashatapatragatAlivargAH hartuM shriyaM kuvalayasya nijA~NgalakShmyA | bherIninAdamiva bibhrati tIvranAdaM sheShAdrishekharavibho tava suprabhAtam || 12|| shrImannabhIShTavaradAkhilalokabandho shrI shrInivAsa jagadekadayaikasindho | shrIdevatAgR^ihabhujAntara divyamUrte shrIve~NkaTAchalapate tava suprabhAtam || 13|| shrIsvAmipuShkariNikA.a.aplavanirmalA~NgAH shreyo.arthino haraviri~nchi sanandanAdyAH | dvAre vasanti varavetrahatottamA~NgAH shrIve~NkaTAchalapate tava suprabhAtam || 14|| shrIsheShashaila garuDAchala ve~NkaTAdri nArAyaNAdri vR^iShabhAdri vR^iShAdrimukhyAm | AkhyAM tvadIyavasateranishaM vadanti shrIve~NkaTAchalapate tava suprabhAtam || 15|| sevAparAH shivasureshakR^ishAnudharma\- rakSho.ambunAtha pavamAna dhanAdhinAthAH | baddhA~njalipravilasannijashIrShadeshAH shrIve~NkaTAchalapate tava suprabhAtam || 16|| dhATIShu te vihagarAja mR^igAdhirAja nAgAdhirAja gajarAja hayAdhirAjAH | svasvAdhikAramahimAdhikamarthayante shrIve~NkaTAchalapate tava suprabhAtam || 17|| sUryendubhaumabudhavAkpatikAvyasauri\- svarbhAnuketu diviShatpariShatpradhAnAH | tvaddAsa dAsacharamAvadhi dAsadAsAH shrIve~NkaTAchalapate tava suprabhAtam || 18|| tvatpAdadhUlibharitasphuritottamA~NgAH svargApavarganirapekShanijAntara~NgAH | kalpAgamAkalanayA.a.akulatAM labhante shrIve~NkaTAchalapate tava suprabhAtam || 19|| tvadgopurAgrashikharANi nirIkShamANAH svargApavargapadavIM paramAM shrayantaH | martyA manuShyabhuvane matimAshrayante shrIve~NkaTAchalapate tava suprabhAtam || 20|| shrIbhUminAyaka dayAdiguNAmR^itAbdhe devAdhideva jagadekasharaNyamUrte | shrImannanantagaruDAdibhirarchitA~Nghre shrIve~NkaTAchalapate tava suprabhAtam || 21|| shrIpadmanAbha puruShottama vAsudeva vaikuNTha mAdhava janArdana chakrapANe | shrIvatsachihna sharaNAgatapArijAta shrIve~NkaTAchalapate tava suprabhAtam || 22|| kandarpadarpaharasundaradivyamUrte kAntAkuchAmburuhakuDmalaloladR^iShTe | kalyANanirmalaguNAkaradivyakIrte shrIve~NkaTAchalapate tava suprabhAtam || 23|| mInAkR^ite kamaThakolanR^isiMhavarNin svAmin parashvathatapodhana rAmachandra | sheShAMsharAma yadunandana kalkirUpa shrIve~NkaTAchalapate tava suprabhAtam || 24|| elAlava~NgaghanasArasugandhitIrthaM divyaM viyatsariti hemaghaTeShu pUrNam | dhR^itvA.a.adya vaidikashikhAmaNayaH prahR^iShTAH tiShThanti ve~NkaTapate tava suprabhAtam || 25|| bhAsvAnudeti vikachAni saroruhANi sampUrayanti ninadaiH kakubho viha~NgAH | shrIvaiShNavAssatatamarthitama~NgalAste dhAmAshrayanti tava ve~NkaTa suprabhAtam || 26|| brahmAdayassuravarAssamaharShayaste santassanandanamukhAstvatha yogivaryAH | (mukhAstava) dhAmAntike tava hi ma~NgalavastuhastAH shrIve~NkaTAchalapate tava suprabhAtam || 27|| lakShmInivAsa niravadyaguNaikasindho saMsArasAgarasamuttaraNaikaseto | vedAntavedya nijavaibhava bhaktabhogya shrIve~NkaTAchalapate tava suprabhAtam || 28|| itthaM vR^iShAchalapateriha suprabhAtam ye mAnavAH pratidinaM paThituM pravR^ittAH | teShAM prabhAtasamaye smR^itira~NgabhAjAM praj~nAM parArthasulabhAM paramAM prasUte || 29|| || iti ve~NkaTeshasuprabhAtam || \section{atha ve~NkaTeshastotram |} kamalAkuchachUchukaku~Nkumato niyatAruNitAtulanIlatano | kamalAyatalochana lokapate vijayI bhava ve~NkaTashailapate || 1|| sachaturmukhaShaNmukhapa~nchamukha\- pramukhAkhiladaivatamaulimaNe | sharaNAgatavatsala sAranidhe paripAlaya mAM vR^iShashailapate || 2|| ativelatayA tava durviShahaiH anuvelakR^itairaparAdhashataiH | bharitaM tvaritaM vR^iShashailapate parayA kR^ipayA paripAhi hare || 3|| adhive~NkaTashailamudAramate janatAbhimatAdhikadAnaratAt | paradevatayA gaditAnnigamaiH kamalAdayitAnna paraM kalaye || 4|| kalaveNuravAvashagopavadhU\- shatakoTivR^itA smarakoTisamAt | prativallavikAbhimatAtsukhadAt vasudevasutAnna paraM kalaye || 5|| abhirAmaguNAkara dAsharathe jagadekadhanurdhara dhIramate | raghunAyaka rAma ramesha vibho varado bhava deva dayAjaladhe || 6|| avanItanayAkamanIyakaraM rajanIkarachArumukhAmburuham | rajanIchararAjatamomihiraM mahanIyamahaM raghurAmamaye || 7|| sumukhaM suhR^idaM sulabhaM sukhadaM svanujaM cha sukAyamamoghasharam | apahAya raghUdvahamanyamahaM na katha~nchana ka~nchana jAtu bhaje || 8|| vinA ve~NkaTeshaM na nAtho na nAthaH sadA ve~NkaTeshaM smarAmi smarAmi | hare ve~NkaTesha prasIda prasIda priyaM ve~NkaTesha prayachCha prayachCha || 9|| ahaM dUrataste padAmbhojayugma\- praNAmechChayA.a.agatya sevAM karomi | sakR^itsevayA nityasevAphalaM tvaM prayachCha prayachCha prabho ve~NkaTesha || 10|| aj~nAninA mayA doShAn asheShAnvihitAn hare | kShamasva tvaM kShamasva tvaM sheShashailashikhAmaNe || 11|| || iti ve~NkaTeshastotram || \section{atha ve~NkaTeshaprapatti |} IshAnAM jagato.asya ve~NkaTapaterviShNoH parAM preyasIM tadvakShassthalanityavAsarasikAM tatkShAntisaMvardhinIm | padmAla~NkR^itapANipallavayugAM padmAsanasthAM shriyaM vAtsalyAdiguNojjvalAM bhagavatIM vande jaganmAtaram || 1|| shrIman kR^ipAjalanidhe kR^itasarvaloka sarvaj~na shakta natavatsala sarvasheShin | svAmin sushIla sulabhAshritapArijAta shrIve~NkaTeshacharaNau sharaNaM prapadye || 2|| AnUpurArpitasujAtasugandhipuShpa saurabhyasaurabhakarau samasanniveshau | saumyau sadA.anubhavane.api navAnubhAvyau shrIve~NkaTeshacharaNau sharaNaM prapadye || 3|| sadyovikAsisamuditvarasAndrarAga\- saurabhyanirbharasaroruhasAmyavArtAm | samyakShu sAhasapadeShu vilekhayantau shrIve~NkaTeshacharaNau sharaNaM prapadye || 4|| rekhAmayadhvajasudhAkalashAtapatra vajrA~NkushAmburuhakalpakasha~NkhachakraiH | bhavyairala~NkR^itatalau paratatva chinhaiH shrIve~NkaTeshacharaNau sharaNaM prapadye || 5|| tAmrodaradyutiparAjitapadmarAgau bAhyairmahobhirabhibhUtamahendranIlau | udyannakhAMshubhirudastashashA~NkabhAsau shrIve~NkaTeshacharaNau sharaNaM prapadye || 6|| sapremabhIti kamalAkarapallavAbhyAM saMvAhane.api sapadi klamamAdadhAnau | kAntAvavA~NgmanasagocharasaukumAryau shrIve~NkaTeshacharaNau sharaNaM prapadye || 7|| lakShmImahItadanurUpanijAnubhAva\- nIlAdidivyamahiShIkarapallavAnAm | AruNyasa~NkramaNataH kila sAndrarAgau shrIve~NkaTeshacharaNau sharaNaM prapadye || 8|| nityAnamadvidhishivAdikirITakoTi\- pratyuptadIptanavaratnamahaHprarohaiH | nIrAjanAvidhimudAramupAdadhAnau shrIve~NkaTeshacharaNau sharaNaM prapadye || 9|| viShNoH pade parama ityuditaprashaMsau yau madhva utsa iti bhogyatayA.apyupAttau | bhUyastatheti tava pANitalapradiShTau shrIve~NkaTeshacharaNau sharaNaM prapadye || 10|| pArthAya tatsadR^ishasArathinA tvayaiva yau darshitau svacharaNau sharaNaM vrajeti | bhUyo.api mahyamiha tau karadarshitau te shrIve~NkaTeshacharaNau sharaNaM prapadye || 11|| manmUrdhni kAliyaphaNe vikaTATavIShu shrIve~NkaTAdrishikhare shirasi shrutInAm | chitte.apyananyamanasAM samamAhitau te shrIve~NkaTeshacharaNau sharaNaM prapadye || 12|| amlAnahR^iShyadavanItalakIrNapuShpau shrIve~NkaTAdrishikharAbharaNAyamAnau | AnanditAkhilamanonayanau tavaitau shrIve~NkaTeshacharaNau sharaNaM prapadye || 13|| prAyaH prapannajanatA prathamAvagAhyau mAtusstanAviva shishoramR^itAyamAnau | prAptau parasparatulAmatulAntarau te shrIve~NkaTeshacharaNau sharaNaM prapadye || 14|| sattvottaraissatatasevyapadAmbujena saMsAratArakadayArdra dR^iga~nchalena | saumyopayantR^imuninA mama darshitau te shrIve~NkaTeshacharaNau sharaNaM prapadye || 15|| shrIsha shriyA ghaTikayA tvadupAyabhAve prApye tvayi svayamupeyatayA sphurantyA | nityAshritAya niravadyaguNAya tubhyaM syAM ki~Nkaro vR^iShagirIsha na jAtu mahyam || 16|| || iti ve~NkaTeshaprapatti || \section{atha ve~NkaTeshama~NgalAshAsanam |} shriyaH kAntAya kalyANanidhaye nidhaye.arthinAM shrIve~NkaTanivAsAya shrInivAsAya ma~Ngalam || 1|| lakShmI savibhramAlokasubhrUvibhramachakShuShe chakShuShe sarvalokAnAM ve~NkaTeshAya ma~Ngalam || 2|| shrIve~NkaTAdrishR^i~NgA~Ngrama~NgalAbharaNA~Nghraye ma~NgalAnAM nivAsAya shrInivAsAya ma~Ngalam || 3|| sarvAvayavasaundaryasampadA sarvachetasAM sadA sammohanAyAstu ve~NkaTeshAya ma~Ngalam || 4|| nityAya niravadyAya satyAnandachidAtmane sarvAntarAtmane shrImadve~NkaTeshAya ma~Ngalam || 5|| svatassarvavide sarva shaktaye sarvasheShiNe sulabhAya sushIlAyA ve~NkaTeshAya ma~Ngalam || 6|| parasmai brahmaNe pUrNakAmAya paramAtmane prayu~nje paratattvAya ve~NkaTeshAya ma~Ngalam || 7|| AkAlatattvamashrAntaM AtmanAmanupashyatAM atR^iptAmR^itarUpAya ve~NkaTeshAya ma~Ngalam || 8|| prAyassvacharaNau puMsAM sharaNyatvena pANinA kR^ipayA.a.adishate shrImadve~NkaTeshAya ma~Ngalam || 9|| dayAmR^ita tara~NgiNyAstara~Ngairiva shItalaiH apA~NgaiH si~nchate vishvaM ve~NkaTeshAya ma~Ngalam || 10|| sragbhUShAmbarahetInAM suShamAvahamUrtaye sarvArtishamanAyAstu ve~NkaTeshAya ma~Ngalam || 11|| shrIvaikuNThaviraktAya svAmipuShkariNItaTe ramayA ramamANAya ve~NkaTeshAya ma~Ngalam || 12|| shrImatsundarajAmAtR^imunimAnasavAsine sarvalokanivAsAya shrInivAsAya ma~Ngalam || 13|| ma~NgalAshAsanaparairmadAchArya purogamaiH sarvaishcha pUrvairAchAryaiH satkR^itAyAstu ma~Ngalam || 14|| || iti ve~NkaTeshama~NgalAshAsanam || || OM tatsat || ## Encoded by Srinivas Sunder Proofread by Srinivas Sunder, PSA Easwaran, NA \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}