% Text title            : viShNorakArAdyaShTottarashatanAmArthavivaraNam
% File name             : viShNorakArAdyaShTottarashatanAmArthavivaraNam.itx
% Category              : vishhnu
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : April 12, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviShNorakArAdyaShTottarashatanAmArthavivaraNam ..}##
\itxtitle{.. shrIviShNorakArAdyaShTottarashatanAmArthavivaraNam ..}##\endtitles ##

(shrIviShNusahasranAmAvalyantargataM)
atIto.a yaM kSharaM yasmAt akSharaH prochyate tataH | 17
ayaM na jAyate yasmAt aja ityuchyate tataH || 95
ayaM na chyavate yasmAtsvasthiterachyutastataH | 100
amogho yasya sa~Nkalpo mogho cha syAtkadAchana || 110
aniruddho na kenApi niruddhaH saMyugAdiShu | 185
ayaM hyanimiSho nityaM jAgarUko.avanAdiShu || 215
agre sarvasya netR^itvAd agraNIH uchyate prabhuH | 218
avyayo.ayaM sarvagatiHna vyeti cha kutashchana || 13
anAditvAdanantatvAt anAdinidhano hyasau | 43
ameyAtmA yato hyAtmA mAnairmAtuM cha shakyate || 101
asammito yato nAsya deshakAlavyavasthitiH | 108
anilo yasya nAdhAraH sarvabhUtadharo hyasau || 234
agamyatvAtpramANAnAM aprameya iti smR^itaH | 47
apakShayavihInatvAtpunarevAyamavyayaH || 31
agrAhyAtvAnmanovAchAMagrAhya iti kIrtyate | 56
amR^itaH kIrtito yasmAnnityo maraNavarjitaH || 119
avya~Ngo harirevasyAdyataH sarvA~NgasundaraH | 129
achyuto.ayaM yato bhaktAnna kadApi vimu~nchati || 100
atulo yasya nAstyeva sadR^isho bhuvanatraye | 355
atIndro.ayaM yato vIryAdindramatyeti bhUrishaH || 157
atIndriyo yato.agamya indriyaishchakShurAdibhiH | 169
agrAhyashchakShuShA buddhyA tato.adR^ishyaH sa uchyate || 56
ashakyatvAtsunirdeShTumanirdeshyavapuH smR^itaH | 177
antakatvAtsa sarveShAM prANinAmantakaH smR^itaH || 520
anuttamo yatastasmAduttamo naiva vidyate | 81
anagho.ayaM sadA shuddhaH pApasaMsargavarjitaH || 146
amoghA yasya pAdAbjasevA moghA kadApi na | 154
ayaM syAdaprameyAtmA yaH pratyakShAdyagocharaH || 248
asheShasyApi lokasya hyattR^itvAdamitAshanaH | 372
ahaH saMvartako yasmAddivasAnAM pravartakaH || 232
anantajidyato jetA sarveShAmapi yudhyatAm | 307
anutpannaH kadApIti so.abhUrityabhidhIyate || 437
ajito yo na kenApi kadAchidapi nirjitaH || 549
achyutaH satataM siddhaH chyutihetorabhAvataH || 552
anantaguNasampatteH asa~NkhyeyaH sa uchyate | 247
eSha evAmR^itavapuH yadvapurmR^itivarjitam || 814
artho.asAvarthyamAnatvAtpuruShArthasvarUpataH | 430
anartho.ayaM yato loke tena prArthyaM cha ki~nchana || 481
ameyo vikramo yasya prochyate.amitavikramaH | 516
avij~nAtA yato bhinno vij~nAtuH jIvashabditAt || 482
akShiNI yasya padmAbhe so.aravindAkSha Iryate | 347
anukUlaH sa sarveShAM sthitirakShaNatatparaH || 342
ahaskarasvarUpatvAdeSho.apyaharitIryate | 90
apAM nidhiryatastasya syAdvibhUtirhi sAgaraH || 323
amR^itAMshUdbhavastasmAt chandrasyApi samutthiteH | 283
amR^ityuH sa yato mR^ityorapi mR^ityurbhavatyasau || 198
amarANAmasheShANAM prabhutvAdamaraprabhuH | 49
akSharo cha kSharatyeSha sachchidAnandalakShaNAt || 17
agAdhatvAdgabhIratvAdambhonidhiriti smR^itaH | 517
asheShavasturUpatvAdanantAtmeti vishrutaH || 538
aja ityuchyate viShNurvirADrUpeNa saMsthiteH | 204
analaH kIrtyate viShNuH para~njyotiHsvarUpataH || 293
asadityuchyate tasya nAgarUpAdyabhAvataH | 479
adhaH kR^itvA.akShajA vR^ittIH j~neyastasmAdadhokShajaH || 415
ashoko nityamevAsau nityAnandasvarUpataH | 336
nijAnandasudhApAnanirato.amR^itapaH smR^itaH |
anIshaH khalu sarveShAM IshAno.ayamiti smR^iteH | 626
asheShabandhanirmukto yo.aniruddhaH sa eva hi | 638
anavachChinnashauryatvAtprochyate.amitavikramaH || 641
anirviNNaH sadaivAsau nityatR^iptasvabhAvataH | 425
anayo.ayaM yato netA nAsti lokatraye.api cha || 400
ananto yo.aparichChinno deshakAlAnyavastubhiH | 528
ayamevAvidheyAtmA svatantraH sarvathA sadA | 621
aparAjita ityukto yasya nAsti parAjitiH || 716
adhiShThAnaM prapa~nchasya mAyAkalpitavastunaH | 324
anantaM yasya chaishvaryaM anantashrIH sa eva hi || 933
apramatto bhavedyasmAtpramAdarahitaH sadA | 325
asheShasya laye muktau prApyatvAdapyayaH sadA || 900
asheShANAM cha bhUtAnAM purA siddho.agrajaH smR^itaH | 891
ayonijo yato nAsya karmAdhInA janirbhavet || 573
anivartI nivartante yaM prApya na kadAchana | 596
arko bhAskaramadhyasthajyotIrUpeNa saMsthiteH || 795
anirdeshyavapuryasmAnnirdeshArhaM na tadvapuH | 656
asheShaiH pUjyamAnaishcha pUjyamAno.architaH khalu || 634
archismAndIptimAneSha svaya~njyotiH svabhAvataH | 633
rathI chAsya samo naiva tenApratirathaH smR^itaH || 639
anto nAstyasya rUpasyAnantarUpo bhavatyataH | 932
anishaM jayashIlo.asau tasmAtprokto.aparAjitaH || 862
anAmayo yato vyAdhirAdhirvA.asya cha jAyate | 689
analo.agnisamAno.ayaM tejaHpu~njasvabhAvataH || 711
asya kShobhaNakR^innaiva vidyate.akShobhya eva saH | 999
anekamUrtarityuktaH sarvAstasyaiva mUrtayaH || 721
amUrtimAnnigUDhatvAnmUrtimatsvakhileShvapi | 720
amR^itAshaH svayaM chAshnatprAshayatyamR^itaM surAn || 813
achalo vyAptarUpatvAtkvachit chalanavarjitaH | 745
aha~NkArAdimAnitvarikto.amAnIti kIrtyate || 747
adhR^ito.anyena kenApi svayaM dhatte.akhilaM jagat || 842
aNIyAnna yataH kashchittasmAdaNuriti smR^itaH || 835
anilo vAyurUpeNa cheShTayatyakhilaM jagat | 812
achintyarachanArUpajagatsraShTA.adbhutaH kila || 895
amUrtiH sa yatastasya mUrtiH kA.api na vidyate | 830
arhaH pUjyatamaiH sarvaiH pUjyamAno nirantaram || 870
abhiprAyaH sa sarveShAM prANinAM manasi sthitaH | 871
achintyo.ayaM yatashchintAviShayo na kadAchana || 832
anirviNNaH sadA.a.anandI nirvedasyAprasaktitaH | 892
ajanyatvAtsadAsiddho hyanAdiH sa sanAtanaH || 941
ayaM bhojyasvarUpeNa sthitatvAdannamuchyate | 983
ayaM bhoktR^isvarUpeNa tiShThannannAda uchyate || 984
anutpannasvabhAvatvAdaja ityuchyate budhaiH | 521
avyakto nAmarUpAdivya~njakAnAmabhAvataH || 722
akrUraH kUracheShTAnAM hiMsAdInAM vivarjanAt | 915
ameyAtmA na mAnArhaH AtmA yasya cha kenachit || 179
aghasparshavihInatvAdanaghaH sarvadA.api saH | 831
ashvatthaH prochyate devo.asthiralokasvarUtaH || 824
akShobhyaH kShobhyamANo.api na kShubdho bhavati kvachit | 999
araudro raudravR^ittInAM krodhAdInAmabhAvataH || 906
anyadhAtR^ivihInatvAdadhAteti sa kIrtyate | 951
antavatsu sthito.apyeSha hyananto nAshavarjitaH || 536

iti shrIj~nAnAnandabhAratIsvAmivirachitaM
viShNorakArAdyaShTottarashatanAmArthavivaraNaM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}