% Text title            : Vishnu Apamarjana Stotram 2
% File name             : viShNorapAmArjanastotram2.itx
% Category              : apAmArjana, vishhnu, vishnu
% Location              : doc\_vishhnu
% Transliterated by     : NA
% Proofread by          : NA
% Source                : padmapurANa uttarakhaNDa (6) adhyAya 78/79 and its importance in 79/80th. Also similar in Vishnudharmottarapurana Vishnurahasya.
% Latest update         : December 26, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Apamarjanastotram 2 Mahimasahitam ..}##
\itxtitle{.. apAmArjanastotram 2 mahimasahitam ..}##\endtitles ##
athonAshItitamo.adhyAyaH |
mahAdeva uvAcha \-
athAtaH sa.npravakShyAmi apAmArjanamuttatam |
pulastyena yathoktaM tu dAlabhyAya mahAtmane || 1||
sarveShAM rogadoShANAM nAshanaM ma~Ngalapradam |
tatte.ahaM tu pravakShyAmi shR^iNu tvaM naganandini || 2||
pArvatyuvAcha (shrIdAlabhyauvAcha) \-
bhagavanprANinaH sarve viSharogAdyupadravAH |
duShTagrahAbhibhUtAshcha sarvakAle hyupadrutAH || 3||
abhichArakakR^ityAdibahurogaishcha dAruNaiH |
na bhavanti surashreShTha tanme tvaM vaktumarhasi || 4|| (na bhavanti munishreShTha)

mahAdeva uvAcha (shrIpulastya uvAcha) \-
vratopavAsairniyamairviShNurvai toShitastu yaiH |
te narA naiva rogArtA jAyante naganandini || 5|| (jAyante munisattama)

yaiH kR^itaM na vrataM puNyaM na dAnaM na tapastathA |
na tIrthaM devapUjA cha nAnnaM dattaM tu bhUrishaH || 6||
te vai lokAH sadA j~neyA rogadoShaprapIDitAH |
ArogyaM paramAmR^iddhiM manasA yadyadichChati || 7||
tattadApnotyasandigdhaM viShNoH sevAvisheShataH |
nA.a.adhiM prApnoti na vyAdhiM na viShagrahabandhanam || 8||
kR^ityAsparshabhayaM chApi toShite madhusUdane |
samastadoShanAshashcha sarvadA cha shubhA grahAH || 9||
devAnAmapyadhR^iShyo.asau toShite cha janArdane |
yaH sarveShu cha bhUteShu yathA.a.atmani tathA.apare || 10||
upavAsadinAnte tu toShito madhusUdanaH |
toShite tatra jAyante narAH pUrNamanorathAH || 11||
arogAH sukhino bhogabhoktAro naganandini |
teShAM cha shatravo naiva na cha rogAbhichArikam || 12||
graharogAdikaM chaiva pApakAryaM na jAyate |
avyAhatAni kR^iShNasya chakrAdInyAyudhAni vai ||
rakShanti sakalApadbhyo yena viShNurupAsitaH || 13||
pArvatyuvAcha (shrIdAlabhyauvAcha) \-
anArAdhitagovindA ye narA duHkhabhAjinaH |
teShAM duHkhAbhibhUtAnAM yatkartavyaM dayAlubhiH || 14||
pashyadbhiH sarvabhUtasthaM vAsudevaM sanAtanam |
samadR^iShTibhirapyatra tanme brUhi visheShataH || 15||
mahAdeva uvAcha (shrIpulastya uvAcha) \-
tadvakShyAmi surashreShThe samAhitamanAH shR^iNu | (munishreShTha)
rogadoShAshubhaharaM vidviDApadvinAshanam || 16||
shikhAyAM shrIdharaM nyasya shikhAdhaH shrIkaraM tathA |
hR^iShIkeshaM tu kesheShu mUrdhni nArAyaNaM param || 17||
Urdhvashrotre nyasedviShNuM lalATe jalashAyinam |
viShNuM vai bhruyuge nyasya bhrUmadhye harimeva cha || 18||
narasiMhaM nAsikAgre karNayorarNaveshayam |
chakShuShoH puNDarIkAkShaM tadadho bhUdharaM nyaset || 19||
kapolayoH kalkinAthaM vAmanaM karNamUlayoH |
sha~NkhinaM sha~Nkhayornyasya govindaM vadane tathA || 20||
mukundaM dantapa~Nktau tu jihvAyAM vAkpatiM tathA |
rAmaM hanau tu vinyasya kaNThe vaikuNThameva cha || 21||
balaghnaM bAhumulAdhashchAMsayoH kaMsaghAtinam |
ajaM bhujadvaye nyasya shAr~NgapANiM karadvaye || 22||
sa~NkarShaNaM karA~NguShThe gopama~Ngulipa~NktiShu |
vakShasyadhokShajaM nyasya shrIvatsaM tasya madhyataH || 23||
stanayoraniruddhaM cha dAmodaramathodare |
padmanAbhaM tathA nAbhau nAbhyadhashchApi keshavam || 24||
meDhre dharAdharaM devaM gude chaiva gadAgrajam |
pItAmbaradharaM kaTyAmUruyugme madhudviSham || 25||
muradviShaM piNDakayorjAnuyugme janArdanam |
phaNIshaM gulphayornyasya kramayoshcha trivikramam || 26||
pAdA~NguShThe shrIpatiM cha pAdAdho dharaNIdharam |
romakUpeShu sarveShu viShvaksenaM nyasedbudhaH || 27||
matsyaM mAMse tu vinyasya kUrmaM medasi vinyaset |
vArAhaM tu vasAmadhye sarvAsthiShu tathA.achyutam || 28||
dvijapriyaM tu majjAyAM shukre shvetapatiM tathA |
sarvA~Nge yaj~napuruShaM paramAtmAnamAtmani || 29||
evaM nyAsavidhiM kR^itvA sAkShAnnArAyaNo bhavet |
yAvanna vyAharetki~nchittAvadviShNumayaH sthitaH || 30||
gR^ihItvA tu samUlAgrAnkushAMshuddhAnsamAhitaH |
mArjayetsarvagAtrANi kushAgrairiha shAntikR^it || 31||
viShNubhakto visheSheNa rogagrahaviShArtinaH | (viShArditaH)
viShArtAnAM rogiNAM cha kuryAchChAntimimAM shubhAm || 32||
japettatra tu bho devi sarvarogapraNAshanam |
OM namaH shrIparamArthAya puruShAya mahAtmane || 33||
arUpabahurUpAya vyApine paramAtmane |
vArAhaM nArasiMhaM cha vAmanaM cha sukhapradam || 34||
dhyAtvA kR^itvA namo viShNornAmAnya~NgeShu vinyaset |
niShkalmaShAya shuddhAya vyAdhipApaharAya vai || 35||
govindapadmanAbhAya vAsudevAya bhUbhR^ite |
namaskR^itvA pravakShyAmi yattatsidhyatu me vacha || 36|| (vachaH)

trivikramAya rAmAya vaikuNThAya narAya cha |
vArAhAya nR^isiMhAya vAmanAya mahAtmane || 37||
hayagrIvAya shubhrAya hR^iShIkesha harAshubham |
paropatApamahitaM prayuktaM chAbhichAriNam || 38|| (chAbhichAriNAm)

garasparshamahArogaprayogaM jarayA jara |
namo.astu vAsudevAya namaH kR^iShNAya kha~Ngine || 39||
namaH puShkaranetrAya keshavAya.a.adichakriNe |
namaH ki~njalkavarNAya pItanirmalavAsase || 40||
mahAdevavapuHskandhadhR^iShTachakrAya chakriNe |
daMShTroddhR^itakShititalatrimUrtipataye namaH || 41||
mahAyaj~navarAhAya shrIviShNave namo.astu te |
taptahATakakeshAntajvalatpAvakalochana || 42||
vajrAdhikanakhasparshadivyasiMha namo.astu te |
kashyapAyAtihrasvAya R^igyajuHsAmalakShaNa || 43||
tubhyaM vAmanarUpAya kramate gAM namo namaH |
vArAhAsheShaduHkhAni sarvapApaphalAni cha || 44||
marda marda mahAdaMShTra marda marda cha tatphalam |
narasiMha karAlAsyadantaprAnta nakhojjvala || 45||
bha~nja bha~nja ninAdena duHkhAnyasyA.a.artinAshana |
R^igyajuHsAmabhirvAgbhiH kAmarUpadharAdidhR^ik || 46||
prashamaM sarvaduHkhAni naya tvasya janArdana |
aikAhikaM vdyAhikaM cha tathA tridivasaM jvaram || 47||
chAturthikaM tathA.anugraM tathA vai satatajvaram |
doShotthaM sannipAtotthaM tathaivA.a.agantukajvaram || 48||
shamaM nayatu govindo bhittvA ChittvA.asya vedanam |
netraduHkhaM shiroduHkhaM duHkhaM tUdarasambhavam || 49||
anuchChvAsaM mahAshvAsaM paritApaM tu vepathum |
gudaghrANA~NghrirogAMshcha kuShTharogaM tathA kShayam || 50||
kAmalAdIMstathA rogAnpramehAdIMshcha dAruNAn |
ye vAtaprabhavA rogA lUtAvisphoTakAdayaH || 51||
te sarve vilayaM yAntu vAsudevApamArjitAH |
vilayaM yAnti te sarve viShNoruchchAraNena vA || 52||
kShayaM gachChantu chAsheShAste chakrAbhihatA hareH |
achyutAnantagovindanAmochchAraNabheShajAt || 53||
nashyanti sakalA rogAH satyaM satyaM vadAmyaham |
sthAvaraM ja~NgamaM yachcha kR^itrimaM chApi yadviSham || 54||
dantodbhavaM nakhodbhUtamAkAshaprabhavaM cha yat |
bhUtAdiprabhavaM yachcha viShamatyantaduHsaham || 55||
shamaM nayatu tatsarvaM kIrtitosya janArdanaH |
grahAnpretagrahAMshchaiva tathA.anyAMshAkinIgrahAn || 56||
mukhamaNDalakAnkUrAnrevatIM vR^iddharevatIm |
vR^iddhikAkhyAngrahAMshchogrAMstathA mAtR^igrahAnapi || 57||
bAlasya viShNoshcharitaM hanti bAlagrahAnapi |
vR^iddhAnAM ye grahAH kechidbAlAnAM chApi ye grahAH || 58||
nR^isiMhadarshanAdeva nashyante tatkShaNAdapi |
daMShTrAkarAlavadano nR^isiMho daityabhIShaNaH || 59||
taM dR^iShTvA te grahAH sarve dUraM yAnti visheShataH |
narasiMha mahAsiMha jvAlAmAlojjvalAnana || 60||
grahAnasheShAnsarvesha nuda svAsyavilochana |
ye rogA ye mahotpAtA yadviShaM ye mahAgrahAH || 61||
yAni cha krUrabhUtAni grahapIDAshcha dAruNAH |
shastrakShateShu ye rogA jvAlAgardabhakAdayaH || 62||
visphoTakAdayo ye cha grahA gAtreShu saMsthitAH |
trailokyarakShAkartastvaM duShTadAnavavAraNa || 63||
sudarshanamahAtejashChindhi chChindhi mahAjvaram |
Chindhi vAtaM cha lUtaM cha chChindhi ghoraM mahAviSham || 64||
uddaNDAmarashUlaM cha viShajvAlAsagardabham |
OM hrAMhrAMhrUMhrUM pradhAreNa kuThAreNa hana dviShaH || 65||
OM namo bhagavate tubhyaM duHkhadAraNavigraha |
yAni chAnyAni duShTAni prANipIDAkarANi vai || 66||
tAni sarvANi sarvAtmA paramAtmA janArdanaH |
ki~nchidrUpaM samAsthAya vAsudeva namo.astu te || 67||
kShiptvA sudarshanaM chakraM jvAlAmAlAvibhIShaNam |
sarvaduShTopashamanaM kuru devavarAchyuta || 68||
sudarshana mahAchakra govindasya varAyudha |
tIkShNadhAra mahAvega sUryakoTisamadyute || 69||
sudarshana mahAjvAla chChindhi chChindhi mahArava |
sarvaduHkhAni rakShAMsi pApAni cha vibhIShaNa || 70||
duritaM hana chA.a.arogyaM kuru tvaM bhoH sudarshana |
prAchyAM chaiva pratIchyAM cha dakShiNottaratastathA || 71||
rakShAM karotu vishvAtmA narasiMhaH svagarjitaiH |
bhUmyantarikShe cha tathA pR^iShThataH pArshvato.agrataH || 72||
rakShAM karotu bhagavAnbahurUpI janArdanaH |
(tathA viShNumayaM sarvaM sadevAsuramAnuSham) || 73||
tena satyena sakalaM duHkhamasya praNashyatu |
yathA yogeshvaro viShNuH sarvavedeShu gIyate || 74||
tena satyena sakalaM duHkhamasya praNashyatu |
paramAtmA yathA viShNurvedA~NgeShu cha gIyate || 75||
tena satyena vishvAtmA sukhadastasya keshavaH |
shAntirastu shivaM chAstu praNAshaM yAtu chAsukham || 76||
vAsudevasharIrotthaiH kushaiH sammArjitaM mayA |
apAmArjitagovindo naro nArAyaNastathA || 77||
tathA.api sarvaduHkhAnAM prashamo vachanAddhareH |
shAntAH samastadoShAste grahAH sarve viShANi cha |
bhUtAni cha prashAmyanti saMsmR^ite madhusUdane || 78||
ete kushA viShNusharIrasambhavA
janArdano.ahaM svayameva chAgrataH |
hataM mayA duHkhamasheShamasya vai
svastho bhavatveSha vacho yathA hareH || 79||
shAntirastu shivaM chAstu praNashyatvasukhaM cha yat |
yadasya duritaM ki~nchitkShiptaM tallavaNAmbhasi || 80||
svAsthyamasya sadaivAstu hR^iShIkeshasya kIrtanAt |
yadyato.atra gataM pApaM tattu tatra pragachChatu || 81||
etadrogeShu pIDAsu jantUnAM hitamichChubhiH |
viShNubhaktaishcha kartavyamapAmArjanakaM param || 82||
anena sarvaduHkhAni vilayaM yAntyasheShataH |
sarvapApavishud.hdhyarthaM viShNoshchaivApamArjanAt || 83||
ArdraM shuShkaM laghu sthUlaM brahmahatyAdikaM tu yat |
tatsarvaM nashyate tUrNaM tamovadravidarshanAt || 84||
nashyanti rogA doShAshcha siMhAtkShudramR^igA yathA |
grahabhUtapishAchAdi shravaNAdeva nashyati || 85||
dravyArthaM lobhaparamairna kartavyaM kadAchana |
kR^ite.apAmArjane ki~nchinna grAhyaM hitakAmyayA || 86||
nirapekShaiH prakartavyamAdimadhyAntabodhakaiH |
viShNubhaktaiH sadA shAntairanyathA.asiddhidaM bhavet || 87||
atuleyaM nR^iNAM siddhiriyaM rakShA parA nR^iNAm |
bheShajaM paramaM hyetadviShNoryadapamArjanam || 88||
uktaM hi brahmaNA pUrvaM pau(pu)lastyAya sutAya vai |
etatpulastyamuninA dAlabhyAyoditaM svayam || 89||
sarvabhUtahitArthAya dAlabhyena prakAshitam |
trailokye tadidaM viShNoH samAptaM chApamArjanam || 90||
tavAgre kathitaM devi yato bhaktA.asi me sadA |
shrutvA tu sarvaM bhaktyA cha rogAndoShAnvyapohati || 91||

iti shrImahApurANe pAdme uttarakhaNe umAmaheshvarasaMvAde
(dAlabhyapulastyasaMvAde) viShNorapAmArjanastotraM sampUrNam |
(apAmArjanastotrastotrakathanaM nAmonAshItitamo.adhyAyaH || 79/80 ||)

athAshItitamo.adhyAyaH |
mahAdeva uvAcha\-
apAmArjanakaM divyaM paramAdbhutameva cha |
paThitavyaM visheSheNa putrakAmArthasiddhaye || 1||
etatstotraM paThetprAj~naH sarvakAmArthasiddhaye |
ekakAlaM dvikAlaM vA ye paThanti dvijAtayaH || 2||
Ayushcha shrIrbalaM teShAM vR^iddhiM yAnti dine dine |
brAhmaNo labhate vidyAM kShatriyo rAjyameva vA || 3||
vaishyo dhanasamR^iddhiM cha shUdro bhaktiM cha vindati |
anyashcha labhate bhakti paThanAchChravaNAjjapAt || 4||
sAmavedaphalaM tasya jAyate naganandini |
akhilaH pApasa~NghAtastatkShaNAdeva nashyati || 5||
iti j~nAtvA tu bho devi paThitavyaM samAhitaiH |
putrAthaiva tathA lakShmIH sampUrNA bhavati dhruvam || 6||
likhitvA bhUrjapatre tu yo dhArayati vaiShNavaH |
iha loke sukhaM bhuktvA yAti viShNoH paraM padam || 7||
paThitvA shlokamekaM tu tulasIM yaH samarpayet |
sarva tIrthe kR^itaM tena tulasyAH (syA) pUjane kR^ite || 8||
etatstotraM tu paramaM vaiShNavaM muktidAyakam |
pR^ithivIdAnamAtreNa viShNulokaM tu gachChati || 9||
japetstotraM visheSheNa viShNulokasya vA~nChayA |
bAlAnAM jIvanArthAya paThitavyaM samAhitaiH || 10||
rogagrahAbhibhUtAnAM bAlAnAM shAntikArakam |
bhUtagrahaviShaM chaiva paThanAdeva nashyati || 11||
kaNThe tulasijAM mAlAM dhR^itvA vimo hi yaH paThet |
sa cha vai vaiShNavo j~neyo viShNulokaM sa gachChati || 12||
kaNThe mAlA dhR^itA yena sha~NkhachakrAdichihnitaH |
vaiShNavaH prochyate vipraH stotraM chaitatpaThansadA || 13||
ihalokaM parityajya viShNulokaM sa gachChati |
mohamAyAparityakto dambhatR^iShNAvivarjitaH || 14||
etatstotraM paThandivyaM paraM nirvANamAmuyAt |
te dhanyAH santi bhUrloke ye vimA vaiShNavAH smR^itAH || 15||
svAtmA vai tAritastaistu sakulo nAtra saMshayaH |
te vai dhanyatamA loke nArAyaNaparAyaNAH |
tairbhaktishva sadA kAryA te vai bhAgavatA narAH || 16||

iti shrImahApurANe pAdme uttarakhaNDe umAmaheshvarasaMvAde.apAmArjanamahimakathanaM
nAmAshItitamo.adhyAyaH || 80/81||

##
Proofread by NA

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}