% Text title            : viShNupUjAstotram
% File name             : viShNupUjAstotram.itx
% Category              : vishhnu, pUjA
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : April 12, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviShNupUjAstotram ..}##
\itxtitle{.. shrIviShNupUjAstotram ..}##\endtitles ##

shAntAkAraM bhujagashayanaM padmanAbhaM sureshaM
vishvAdhAraM gaganasadR^ishaM meghavarNaM shubhA~Ngam |
lakShmIkAntaM kamalanayanaM yogibhirdhyAnagamyaM
vande viShNuM bhavabhayaharaM sarvalokaikanAtham || 1||
ArAdhayAmi maNisannibhamAtmaviShNuM
mAyApure hR^idayapa~NkajasanniviShTam |
shraddhAnadIvimalachittajalAbhiShiktaM
nityaM samAdhikusumairapunarbhavAya || 2||
jyotishshAntaM sarvalokAntarasthamo~NkArAravyaM yogihR^iddhyAnagamyam |
sA~NgaM shaktiM sAyudhaM bhaktasevyaM sarvAkAraM viShNumAvAhayAmi || 3||
kalpadrume maNivedimadhye siMhAsane svarNamayaM saratnam |
vichitravastrAvR^itamachyuta prabho gahANa lakShmIdharaNIsamanvita || 4||
pAdodakaM te parikalpayAmi puNyaM saritsAgaratoyanItam |
pAdyaM pradAsye sumanassametaM gR^ihANa lakShmIdharaNIsamanvita || 5||
brahmendrarudrAgnimunIndrasevyapAdAravindAmbudasannibhA~Nga |
ardhyaM gR^ihANAshritapArijAta shriyA sahAmbhojadalAyatAkSha || 6||
tIrthodakaM gA~NgamidaM hi viShNo trivikramAnanta mayA niveditam |
dadhyAjyayuktaM madhuparkasa.nj~naM gR^ihANa devesha yathAkrameNa || 7||
AkalpasaMshobhitadivyagAtra rAkendunIkAshamukhAravinda |
dattaM mayA chAchamanaM gR^ihANa shrIkeshavAnanta dharAridArin || 8||
tIrthodakaiH kA~nchanakumbhasaMsthaissuvAsitairdeva sumantrapUtaiH |
mayArpitaM snAnamidaM gR^ihANa pAdAbjaniShThyUtanadIpravAha || 9||
mandAkinI jahnusutArya gautamI veNyAditIrtheShu cha puNyavatsu |
AnItamambho ghanasArayuktaM shrIkhaNDamishraM kusumAdisaMshritam || 10||
kAmadhenossamudbhUtaM devarShipitR^itR^iptidam |
payo dadAmi devesha snAnArthaM pratigR^ihyatAm || 11||
chandramaNDalasa~NkAshaM sarvadevapriyaM dadhi |
snAnArthaM te mayA dattaM prItyarthaM pratigR^ihyatAm || 12||
AjyaM surANAmAhAramAjyaM yaj~ne pratiShThitam |
AjyaM pavitraM paramaM snAnArthaM pratigR^ihyatAm || 13||
sarvauShadhisamutpannaM pIyUShamamR^itaM madhu |
snAnArthaM te prayachChAmi gR^ihANa parameshvara || 14||
ikShudaNDasamudbhUta divyasharkarayA harim |
snapayAmi sadA bhaktyA prIto bhava sureshvara || 15||
svarNA~nchalaM chitrataraM sushobhitaM kausheyayugmaM parikalpitaM mayA |
dAmodara prAvaraNaM gR^ihANa mAyAbalaprAvR^itadivyarUpa || 16||
suvarNatantUdbhavayaj~nasUtraM muktAphalasyUtamanekaratnam |
gR^ihANa tadvatpriyamuttarIyaM svakarmasUtrAntariNe namo.astu || 17||
kastUrikAkardamachandanAni kAshmIrasaMyojitagandhasAraiH |
vilepanaM svIkuru devadeva shrIdevivakShojavilepanA~Nga || 18||
shrIgandhaM chandanonmishraM karpUreNa susaMyutam |
vilepanaM surashreShTha prItyarthaM pratigR^ihyatAm || 19||
Sloka 20 missing.
sevantikAvakulachampakapATalAbjaiH
punnAgajAtikaravIrarasAlapuShpaiH |
bilvapravAlatulasIdalamallikAbhiH
tvAM pUjayAmi jagadIshvara me prasIda || 21||
ArAmapuShpANi manoharANi jalAshayasthAni supallavAni |
suvarNapuShpANi mayArpitAni tvaM gR^ihyatAM devavara prasIda || 22||
keyUrakaTake chaiva haste chitrA~NgulIyakam |
mANikyollAsi makuTaM kuNDale hArashobhitam || 23||
nAbhau nAyakaratvaM cha nUpure pAdapadmayoH |
a~NgulImudrikAshchaiva gR^ihANa puruShottama || 24||
shrIkhaNThalAkShAsitakAShThadivyakarpUrakAlAgurukardamAni |
svachorakAchandanadevadArumAMsInakhaM shailajapUtikAshcha || 25||
kAlAguruprachuraguggulugandhadhUpai\-
      rnAnAvidhaissurabhitaiH khalu dhUpyamAnaiH |
tvAM dhUpayAmi raghupu~Ngava vAsudeva
      lakShmIpate mayi dayAM kuru lokanAtha || 26||
sUryendukoTiprabha vAsudeva dIpAvaliM goghR^itavartiyuktAm |
gR^ihANa lokatrayapUjitA~Nghre dharmapradIpAnkuru dIpyamAnAn || 27||
svAmin lakShmIsha devesha bhaktalokadayAnidhe |
j~nAnato.aj~nAnato vApi bhaktyA shaktyA samarpitam || 28||
mayopanItaM naivedyaM pa~nchabhakShyasubhojanam |
makShikA mashakAH keshAH pR^ithu bIjAni valkalAH || 29||
pAShANamasthikaM sarvaM kR^imikITapipIlikAH |
etAnsavAnparityajya shuchipAkAni yAni vai || 30||
tAni sarvANi gR^ihNIShva mayA dattAni mAdhava |
kadalIpanasAmrANAM supakvAni phalAni cha || 31||
annaM chaturvidhaM sUpaM sadyastaptaghR^itaM dadhi |
mayA samarpitaM sarvaM sa~NgR^ihANa shriyA saha || 32||
sauvarNasthAlimadhye maNigaNakhachite goghR^itAktAgan supakvAn
bhakShyAnbhojyAMshcha lehyAnaparimitamahAchoShyamannaM nidhAya |
nAnAshAkairupetaM dadhimadhusuguDakShIrapAnIyayuktaM
tAmbUlaM chApi viShNo pratidivasamaho mAnase kalpayAmi || 33||
supUgaravaNDaishcha sushubhraparNaissusha~NkhachUrNairdhanasAramishraiH |
mayArpitaM deva dayAsamudra tAmbUlametatpramudA gR^ihANa || 34||
nIrAjanaM svIkuru devadeva nIlotpalashrIkara nIrajAkSha |
gR^ihANa devAsuramauliratnamarIchinIrAjitapAdapadma || 35||
puShpA~njaliM svIkuru puShkarAkSha prasannakalpadrumapArijAta |
indrAdivR^indArakavandyapAda namo.astu te devavara prasIda || 36||
yAdi kAni cha pApAni janmAntarakR^itAni cha |
tAni tAni praNashyanti pradakShiNapadepade || 37||
pApo.ahaM pApakarmAhaM pApAtmA pApasambhavaH |
trAhi mAM kR^ipayA deva sharaNAgatavatsala || 38||
anyathA sharaNaM nAsti tvameva sharaNaM mama |
tasmAtkAruNyabhAvena rakSha rakSha janArdana || 39||
namostvanantAya sahasramUrtaye sahasrapAdAkShishirorubAhave |
sahasranAmne puruShAya shAshvate sahasrakoTiyugadhAriNe namaH || 40||
AvAhanaM na jAnAmi cha jAnAmi visarjanam |
pUjAM chaiva na jAnAmi kShamasva parameshvara || 41||
yasya smR^ityA cha nAmoktyA tapaH pUjAkriyAdiShu |
nyUnaM sampUrNatAM yAti sadyo vande tamachyutam || 42||
mantrahInaM kriyAhInaM bhaktihInaM janArdana |
yatpUjitaM mayA deva paripUrNaM tadastu te || 43||
aparAdhasahasrANi kriyante.aharnishaM mayA |
dAso.ayamiti mAM matvA kShamasva parameshvara || 44||
matsamo nAsti pApiShThaH tvatsamo nAsti pApahA |
iti sa~nchintya devesha yathechChasi tathA kuru || 45||
bhUmau skhalitapadAnAM bhUmirevAvalambanam
tvayi jAtAparAdhAnAM tvameva sharaNaM mama || 46||
gataM pApaM gataM duHkhaM gataM dAridryameva cha |
AgatA sukhasampattiH puNyAchcha tava darshanAt || 47||
rUpaM dehi jayaM dehi yasho dehi dviSho jahi |
putrAn dehi dhanaM dehi sarvAnkAmAMshcha dehi me || 48||

iti viShNupUjAstotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}