% Text title            : viShNupanjarastotram
% File name             : viShNupanjarastotrambrahmANDapurANa.itx
% Category              : vishhnu, panjara, vishnu
% Location              : doc\_vishhnu
% Transliterated by     : Dinesh Agarwal  dinesh.garghouse at gmail.com
% Proofread by          : Dinesh Agarwal  dinesh.garghouse at gmail.com, NA, PSA Easwaran
% Description-comments  : brahANDapurANa
% Latest update         : April 29, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviShNupanjarastotram ..}##
\itxtitle{.. shrIviShNupa~njarastotram ..}##\endtitles ##

shrIgaNeshAya namaH |
OM asya shrIviShNupa~njarastotramantrasya nArada R^iShiH | anuShTup ChandaH |
shrIviShNuH paramAtmA devatA | ahaM bIjam | sohaM shaktiH | OM hrIM kIlakam |
mama sarvadeharakShaNArthaM jape viniyogaH |
nArada R^iShaye namaH mukhe | shrIviShNuparamAtmadevatAyai namaH hR^idaye |
ahaM bIjaM guhye | sohaM shaktiH pAdayoH | OM hrIM kIlakaM pAdAgre |
OM hrAMhrIMhrUMhraiMhrauMhraH iti mantraH |
OM hrAM a~NguShThAbhyAM namaH | OM hrIM tarjanIbhyAM namaH |
OM hrUM madhyamAbhyAM namaH | OM hraiM anAmikAbhyAM namaH |
OM hrauM kaniShThikAbhyAM namaH | OM hraH karatalakarapR^iShThAbhyAM namaH |
iti karanyAsaH |
atha hR^idayAdinyAsaH | OM hrAM hR^idayAya namaH | OM hrIM shirase svAhA |
OM hrUM shikhAyai vaShaT | OM hraiM kavachAya hum |
OM hrauM netratrayAya vauShaT | OM hraH astrAya phaT | iti a~NganyAsaH |
ahaMbIjaprANAyAmaM mantratrayeNa kuryAt |
                     atha dhyAnam |
paraM parasmAtprakR^iteranAdimekaM niviShTaM bahudhA guhAyAm |
sarvAlayaM sarvacharAcharasthaM namAmi viShNuM jagadekanAtham || 1||
OM viShNupa~njarakaM divyaM sarvaduShTanivAraNam |
ugratejo mahAvIryaM sarvashatrunikR^intanam || 2||
tripuraM dahamAnasya harasya brahmaNoditam |
tadahaM sampravakShyAmi AtmarakShAkaraM nR^iNAm || 3||
pAdau rakShatu govindo ja~Nghe chaiva trivikramaH |
UrU me keshavaH pAtu kaTiM chaiva janArdanaH || 4||
nAbhiM chaivAchyutaH pAtu guhyaM chaiva tu vAmanaH |
udaraM padmanAbhashcha pR^iShThaM chaiva tu mAdhavaH || 5||
vAmapArshvaM tathA viShNurdakShiNaM madhusUdanaH |
bAhU vai vAsudevashcha hR^idi dAmodarastathA || 6||
kaNThaM rakShatu vArAhaH kR^iShNashcha mukhamaNDalam |
mAdhavaH karNamUle tu hR^iShIkeshashcha nAsike || 7||
netre nArAyaNo rakShellalATaM garuDadhvajaH |
kapolau keshavo rakShedvaikuNThaH sarvatodisham || 8||
shrIvatsA~Nkashcha sarveShAma~NgAnAM rakShako bhavet |
pUrvasyAM puNDarIkAkSha AgneyyAM shrIdharastathA || 9||
dakShiNe nArasiMhashcha nairR^ityAM mAdhavo.avatu |
puruShottamo me vAruNyAM vAyavyAM cha janArdanaH || 10||
gadAdharastu kauberyAmIshAnyAM pAtu keshavaH |
AkAshe cha gadA pAtu pAtAle cha sudarshanam || 11||
sannaddhaH sarvagAtreShu praviShTo viShNupa~njaraH |
viShNupa~njaraviShTo.ahaM vicharAmi mahItale || 12||
rAjadvAre.apathe ghore sa~NgrAme shatrusa~NkaTe |
nadIShu cha raNe chaiva choravyAghrabhayeShu cha || 13||
DAkinIpretabhUteShu bhayaM tasya na jAyate |
rakSha rakSha mahAdeva rakSha rakSha janeshvara || 14||
rakShantu devatAH sarvA brahmaviShNumaheshvarAH |
jale rakShatu vArAhaH sthale rakShatu vAmanaH || 15||
aTavyAM nArasiMhashcha sarvataH pAtu keshavaH ||
divA rakShatu mAM sUryo rAtrau rakShatu chandramAH || 16||
panthAnaM durgamaM rakShetsarvameva janArdanaH |
rogavighnahatashchaiva brahmahA gurutalpagaH || 17||
strIhantA bAlaghAtI cha surApo vR^iShalIpatiH |
muchyate sarvapApebhyo yaH paThennAtra saMshayaH || 18||
aputro labhate putraM dhanArthI labhate dhanam |
vidyArthI labhate vidyAM mokShArthI labhate gatim || 19||
Apado harate nityaM viShNustotrArthasampadA |
yastvidaM paThate stotraM viShNupa~njaramuttamam || 20||
muchyate sarvapApebhyo viShNulokaM sa gachChati |
gosahasraphalaM tasya vAjapeyashatasya cha || 21||
ashvamedhasahasrasya phalaM prApnoti mAnavaH |
sarvakAmaM labhedasya paThanAnnAtra saMshayaH || 22||
jale viShNuH sthale viShNurviShNuH parvatamastake |
jvAlAmAlAkule viShNuH sarvaM viShNumayaM jagat || 23||
iti shrIbrahmANDapurANe indranAradasaMvAde shrIviShNupa~njarastotraM sampUrNam ||
##
Encoded and proofread by Dinesh Agarwal  dinesh.garghouse at gmail.com, NA, PSA
Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}