% Text title            : viShNurapAmArjanakavacham
% File name             : viShNurapAmArjanakavacham.itx
% Category              : vishhnu, kavacha, apAmArjana
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : April 12, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviShNurapAmArjanakavacham ..}##
\itxtitle{.. shrIviShNurapAmArjanakavacham ..}##\endtitles ##

pUrve nArAyaNaH pAtu vArijAkShastu dakShiNe |
pradyumnaH pashchime pAtu vAsudevastathottare || 1||
aishAnyAM rakShatAdviShNurAgneyyAM cha janArdanaH |
nairR^ityAM padmanAbhastu vAyavyAM madhusUdanaH || 2||
UrdhvaM govardhanoddhartA hyadharAyAM trivikramaH |
etAbhyo dashadigbhyashcha sarvataH pAtu keshavaH || 3||
evaM kR^itvA tu digbanghaM viShNuM sarvatra saMsmaret |
avyagrachittaH kurvIta nyAsakarmaM yathAvidhi || 4||
a~NguShThAgre tu govindaM tarjanyAM tu mahIdharam |
madhyamAyAM hR^iShIkeshamanAmikyAM trivikramam || 5||
kaniShThAyAM nyasedviShNuM karapR^iShThe tu vAmanam |
evamevA~NgulinyAsaH pashchAda~NgeShu vinyaset || 6||
shikhAyAM keshavaM nyasya mUrdhni nArAyaNaM nyaset |
mAdhavaM cha lalATe tu govindaM tu bhuvornyaset || 7||
chakShurmadhye nyasedviShNuM karNayormadhusUdanam |
trivikramaM kaNThamUle vAmanaM tu kapolayoH || 8||
nAsArandhradvaye chApi shrIdharaM kalpayedbudhaH |
uttaroShThe hR^iShIkeshaM padmanAbhaM tathA.adhare || 9||
dAmodaraM dantapa~Nktau vArAhaM chubuke tathA |
jihvAyAM vAsudevaM cha tAlvoshchaiva gadAdharam || 10||
vaikuNThaM karamadhye tu anantaM nAsikopari |
dakShiNe tu bhuje vipro vinyasetpuruShottamam || 11||
vAme bhuje mahAyogaM rAghavaM hR^idi vinyaset |
kukShau pR^ithvIdharaM chaiva pArshvayoH keshavaM nyaset || 12||
vakShaHsthale mAdhavaM cha kakShayoryogashAyinam |
pItAmbaraM stanataTe hariM nAbhyAntu vinyaset || 13||
dAkShiNe tu kare devaM tatassa~NkarShaNaM nyaset |
vAme ripuharaM vidyAtkaTimadhye janArdanam || 14||
pR^iShThe kShitidharaM vidyAdachyutaM skadhayorapi |
vAmakukShau vArijAkShaM dakShiNe jalashAyinam || 15||
svayambhuvaM meDhramadhye Urvoshchaiva gadAdharam |
jAnumadhye chakradharaM ja~NghayoramR^itaM nyaset || 16||
gulphayornArasiMhaM cha pAdayoramitatviSham |
a~NgulIShu shrIdhara cha padmAkShaM sarvasandhiShu || 17||
nakheShu mAdhavaM chaiva nyasetpAdatale.achyutam |
romakUpe guDAkeshaM kR^iShNaM raktAsthimajjasu || 18||
manobuddhyoraha~NkAre chitte nyasya janArdanam |
achyutAnantagovindAnvAtapittakapheShu cha || 19||
evaM nyAsavidhiM kR^itvA yatkAryaM dvija tachChR^iNu |
pAdamule tu devasya sha~NkhaM chaiva tu vinyaset || 20||
vanamAlAM hR^idi nyasya sarvadevAbhipUjitAm ||
gadAM vakShaHsthale nyasya chakraM chaiva tu pR^iShThataH || 21||
shrIvatsamurasi nyasya pa~nchA~NgaM kavachaM nyaset |
ApAdamastakaM chaiva vinyasetpuruShottamam || 22||
evaM nyAsavidhiM kR^itvA sAkShAnnArAyaNo bhavet |
tanurviShNumayI tasya yatka~nchinna sa bhAsate || 23||
apAmArjanako nyAsassarvavyAdhivinAshanaH |
Atmanashcha parasyApi vidhireSha sanAtanaH || 24||
vaiShNavena tu kartavyassarvasiddhipradAyakaH |
viShNustadUrdhvaM rakShettu vaikuNTho vidisho dishaH || 25||
pAtu mAM sarvato rAmo dhandhI chakrI cha keshavaH |
etatsamastaM vinyasya pashchAnyamantrAn prayojayet || 26||
atha mUlamantraH \-
OM namo bhagavate kleshApahartre namaH |
pUjAkAle tu devasya japakAle tathaiva cha |
homakAle cha kartavyaM trisandhyAsu cha nityashaH || 27||
AyurArogyamaishvaryaM j~nAnaM vittaM phalaM labhet |
yadyatsukhataraM loke tatsarvaM prApnuyAnnaraH || 28||
evaM bhaktyA samabhyarchya hariM sarvArthadAyakam |
abhayaM sarvabhUtebhyo viShNulokaM sa gachChati || 29||
shrIviShNulokaM sa gachChatyoM nama iti ||

iti shrIviShNudharmottarapurANe shrIviShNurapAmArjanakavachaM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}