% Text title : viShNusahasranAmastotram from skandapurANa % File name : viShNusahasranAmastotramskandapurANa.itx % Category : vishhnu, sahasranAma % Location : doc\_vishhnu % Transliterated by : Gopal Upadhyay gopal.j.upadhyay at gmail.com % Proofread by : Gopal Upadhyay gopal.j.upadhyay at gmail.com % Latest update : November 28, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Vishnusahasranamastotram from Skandapurana ..}## \itxtitle{.. shrIviShNusahasranAmastotram (skandapurANokta)..}##\endtitles ## shrIgaNeshAya namaH | shrIlakShmInArAyaNAbhyAM namaH | devA UchuH \- brahmankena prakAreNa viShNubhaktiH parA bhavet | tatsarvaM shrotumichChAmastvatto brahmavidAM vara || 1|| brahmovAcha \- shrUyatAM bhoH surashreShThA viShNubhaktimanuttamAm | shuklAmbaradharaM devaM shashivarNaM chaturbhujam || 2|| prasannavadanaM dhyAyetsarvavighnopashAntaye | lAbhasteShAM jayasteShAM kutasteShAM parAjayaH || 3|| yeShAmindIvarashyAmo hR^idayastho janArdanaH | abhIpsitArthasid.hdhyarthaM pUjyate yaH surairapi || 4|| sarvavighnaharastasmai gaNAdhipataye namaH | kalpAdau sR^iShTikAmena prerito.ahaM cha shauriNA || 5|| na shakto vai prajAH kartuM viShNudhyAnaparAyaNaH | etasminnantare sadyo mArkaNDeyo mahAR^iShiH || 6|| sarvasiddheshvaro dAnto dIrghAyurvijitendriyaH | mayAdR^iShTo.athagatvAtaM tadAhaM samupasthitaH | tataH praphullanayanau satkR^itya chetaretaram || 7|| pR^ichChamAnau paraM svAsthyaM sukhAsInau surottamAH | tadA mayA sa pR^iShTo vai mArkaNDeyo mahAmuniH || 8|| bhagavankena prakAreNa prajA me.anAmayA bhavet | tatsarvaM shrotumichChAmi bhagavanmunivandita || 9|| shrImArkaNDeya uvAcha \- viShNubhaktiH parA nityA sarvArtiduHkhanAshinI | sarvapApaharA puNyA sarvasukhapradAyinI || 10|| eShA brAhmI mahAvidyA na deyA yasya kasyachit | kR^itaghnAya hyashiShyAya nAstikAyAnR^itAya cha || 11|| IrShyakAya cha rUkShAya kAmikAya kadAchana | tadgataM sarvaM vighnantiyattaddharmaM sanAtanam || 12|| etadguhyatamaM shAstraM sarvapApapraNAshanam | pavitraM cha pavitrANAM pAvanAnAM cha pAvanam || 13|| viShNornAmasahasraM cha viShNubhaktikaraM shubham | sarvasiddhikaraM nR^iNAM bhuktimuktipradaM shubham || 14|| asya shrIviShNusahasranAmastotramantrasya mArkaNDeya R^iShiH | viShNurdevatAH | anuShTupchChandaH | sarvakAmAnavAptyarthe jape viniyogaH || atha dhyAnam | sajalajaladanIlaM darshitodArashIlaM karataladhR^itashailaM veNuvAdye rasAlam | vrajajana kulapAlaM kAminIkelilolaM taruNatulasimAlaM naumi gopAlabAlam || 15|| OM vishvaM viShNurhR^iShIkeshaH sarvAtmA sarvabhAvanaH | sarvagaH sharvarInAtho bhUtagrAmA.a.ashayAshayaH || 16|| anAdinidhano devaH sarvaj~naH sarvasambhavaH | sarvavyApI jagaddhAtA sarvashaktidharo.anaghaH || 17|| jagadbIjaM jagatsraShTA jagadIsho jagatpatiH | jagadgururjagannAtho jagaddhAtA jaganmayaH || 18|| sarvA.a.akR^itidharaH sarvavishvarUpI janArdanaH | ajanmA shAshvato nityo vishvAdhAro vibhuH prabhuH || 19|| bahurUpaikarUpashcha sarvarUpadharo haraH | kAlAgniprabhavo vAyuH pralayAntakaro.akShayaH || 20|| mahArNavo mahAmegho jalabudbudasambhavaH | saMskR^ito vikR^ito matsyo mahAmatsyastimi~NgilaH || 21|| ananto vAsukiH sheSho varAho dharaNIdharaH | payaHkShIra vivekADhyo haMso haimagiristhitaH || 22|| hayagrIvo vishAlAkSho hayakarNo hayAkR^itiH | manthano ratnahArI cha kUrmo dharadharAdharaH || 23|| vinidro nidrito nandI sunando nandanapriyaH | nAbhinAlamR^iNAlI cha svayambhUshchaturAnanaH || 24|| prajApatiparo dakShaH sR^iShTikartA prajAkaraH | marIchiH kashyapo dakShaH surAsuraguruH kaviH || 25|| vAmano vAmamArgI cha vAmakarmA bR^ihadvapuH | trailokyakramaNo dIpo baliyaj~navinAshanaH || 26|| yaj~nahartA yaj~nakartA yaj~nesho yaj~nabhugvibhuH | sahasrAMshurbhago bhAnurvivasvAnraviraMshumAn || 27|| tigmatejAshchAlpatejAH karmasAkShI manuryamaH | devarAjaH surapatirdAnavAriH shachIpatiH || 28|| agnirvAyusakho vahnirvaruNo yAdasAmpatiH | nairR^ito nAdano.anAdI rakShayakShodhanAdhipaH || 29|| kubero vittavAnvego vasupAlo vilAsakR^it | amR^itasravaNaH somaH somapAnakaraH sudhIH || 30|| sarvauShadhikaraH shrImAnnishAkaradivAkaraH | viShArirviShahartA cha viShakaNThadharo giriH || 31|| nIlakaNTho vR^iShI rudro bhAlachandro hyumApatiH | shivaH shAnto vashI vIro dhyAnI mAnI cha mAnadaH || 32|| kR^imikITo mR^igavyAdho mR^igahA mR^igalA~nChanaH | baTuko bhairavo bAlaH kapAlI daNDavigrahaH || 33|| smashAnavAsI mAMsAshI duShTanAshI varAntakR^it | yoginItrAsako yogI dhyAnastho dhyAnavAsanaH || 34|| senAnIH sainyadaH(senadaH) skando mahAkAlo gaNAdhipaH | Adidevo gaNapatirvighnahA vighnanAshanaH || 35|| R^iddhisiddhiprado dantI bhAlachandro gajAnanaH | nR^isiMha ugradaMShTrashcha nakhI dAnavanAshakR^it || 36|| prahlAdapoShakartA cha sarvadaityajaneshvaraH | shalabhaH sAgaraH sAkShI kalpadrumavikalpakaH || 37|| hemado hemabhAgIcha himakartA himAchalaH | bhUdharo bhUmido meruH kailAsashikharo giriH || 38|| lokAlokAntaro lokI vilokI bhuvaneshvaraH | dikpAlo dikpatirdivyo divyakAyo jitendriyaH || 39|| virUpo rUpavAnrAgI nR^ityagItavishAradaH | hAhA hUhUshchitraratho devarShirnAradaH sakhA || 40|| vishvedevAH sAdhyadevA dhR^itAshIshcha chalo.achalaH | kapilo jalpako vAdI datto haihayasa~NgharAT || 41|| vasiShTho vAmadevashcha saptarShipravaro bhR^iguH | jAmadagnyo mahAvIraH kShatriyAntakaro hyR^iShiH || 42|| hiraNyakashipushchaiva hiraNyAkSho harapriyaH | agastiH pulaho dakShaH paulastyo rAvaNo ghaTaH || 43|| devAristApasastApI vibhIShaNaharipriyaH | tejasvI tejadastejI Isho rAjapatiH prabhuH || 44|| dAsharathI rAghavo rAmo raghuvaMshavivardhanaH | sItApatiH patiH shrImAnbrahmaNyo bhaktavatsalaH || 45|| sannaddhaH kavachI khaDgI chIravAsA digambaraH | kirITI kuDalI chApI sha~NkhachakrI gadAdharaH || 46|| kausalyAnandanodAro bhUmishAyI guhapriyaH | saumitro bharato bAlaH shatrughno bharatA.agrajaH || 47|| lakShmaNaH paravIraghnaH strIsahAyaH kapIshvaraH | hanumAnR^ikSharAjashcha sugrIvo vAlinAshanaH || 48|| dUtapriyo dUtakArI hya~Ngado gadatAM varaH | vanadhvaMsI vanI vego vAnaradhvaja lA~NgulI || 49|| ravidaMShTrI cha la~NkAhA hAhAkAro varapradaH | bhavaseturmahAseturbaddhasetU rameshvaraH || 50|| (## var ## rAmeshvaraH) jAnakIvallabhaH kAmI kirITI kuNDalI khagI | puNDarIkavishAlAkSho mahAbAhurghanAkR^itiH || 51|| cha~nchalashchapalaH kAmI vAmI vAmA~NgavatsalaH | strIpriyaH strIparaH straiNaH striyo vAmADgavAsakaH || 52|| jitavairI jitakAmo jitakrodho jitendriyaH | shAnto dAnto dayArAmo hyekastrIvratadhArakaH || 53|| sAttvikaH sattvasaMsthAno madahA krodhahA kharaH | bahurAkShasa samvItaH sarvarAkShasanAshakR^it || 54|| rAvaNArI raNakShudra dashamastakachChedakaH | rAjyakArI yaj~nakArI dAtA bhoktA tapodhanaH || 55|| ayodhyAdhipatiH kAnto vaikuNTho.akuNThavigrahaH | satyavrato vratI shUrastapI satyaphalapradaH || 56|| sarvasAkShIH sarvagashcha sarvaprANaharo.avyayaH | prANashchAthApyapAnashcha vyAnodAnaH samAnakaH || 57|| nAgaH kR^ikalaH kUrmashcha devadatto dhana~njayaH | sarvaprANavido vyApI yogadhArakadhArakaH || 58|| tattvavittattvadastattvI sarvatattvavishAradaH | dhyAnastho dhyAnashAlI cha manasvI yogavittamaH || 59|| brahmaj~no brahmado bahmaj~nAtA cha brahmasambhavaH | adhyAtmavidvido dIpo jyotIrUpo nira~njanaH || 60|| j~nAnado.aj~nAnahA j~nAnI guruH shiShyopadeshakaH | sushiShyaH shikShitaH shAlI shiShyashikShAvishAradaH || 61|| mantrado mantrahA mantrI tantrI tantrajanapriyaH | sanmantro mantravinmantrI yantramantraikabha~njanaH || 62|| mAraNo mohano mohI stambhochchATanakR^itkhalaH | bahumAyo vimAyashcha mahAmAyAvimohakaH || 63|| mokShado bandhako bandI hyAkarShaNavikarShaNaH | hrI~NkAro bIjarUpI cha klI~NkAraH kIlakAdhipaH || 64|| sau~NkAra shaktimA~nchChaktiH sarvashaktidharo dharaH | (## var ## shaktiyA~nchChaktiH) akArokAra o~NkArashChandogAyatrasambhavaH || 65|| vedo vedavido vedI vedAdhyAyI sadAshivaH | R^igyajuHsAmAtharveshaH sAmagAnakaro.akarI || 66|| tripado bahupAdI cha shatapathaH sarvatomukhaH | prAkR^itaH saMskR^ito yogI gItagranthaprahelikaH || 67|| saguNo viguNashChando niHsa~Ngo viguNo guNI | nirguNo guNavAnsa~NgI karmI dharmI cha karmadaH || 68|| niShkarmA kAmakAmI cha niHsa~NgaH sa~NgavarjitaH | nirlobho niraha~NkArI niShki~nchanajanapriyaH || 69|| sarvasa~Ngakaro rAgI sarvatyAgI bahishcharaH | ekapAdo dvipAdashcha bahupAdo.alpapAdakaH || 70|| dvipadastripado.apAdI vipAdI padasa~NgrahaH | khecharo bhUcharo bhrAmI bhR^i~NgakITamadhupriyaH || 71|| kratuH samvatsaro mAso gaNitArkohyaharnishaH | kR^itaM tretA kalishchaiva dvAparashchaturAkR^itiH || 72|| divAkAlakaraH kAlaH kuladharmaH sanAtanaH | kalA kAShThA kalA nADyo yAmaH pakShaH sitAsitaH || 73|| yugo yugandharo yogyo yugadharmapravartakaH | kulAchAraH kulakaraH kuladaivakaraH kulI || 74|| chaturA.a.ashramachArI cha gR^ihastho hyatithipriyaH | vanastho vanachArI cha vAnaprasthAshramo.ashramI || 75|| baTuko brahmachArI cha shikhAsUtrI kamaNDalI | trijaTI dhyAnavAndhyAnI badrikAshramavAsakR^it || 76|| hemAdriprabhavo haimo hemarAshirhimAkaraH | mahAprasthAnako vipro virAgI rAgavAngR^ihI || 77|| naranArAyaNo.anAgo kedArodAravigrahaH | ga~NgAdvAratapaH sArastapovana taponidhiH || 78|| nidhireSha mahApadmaH padmAkarashriyAlayaH | (## var ## nidhireva) padmanAbhaH parItAtmA parivrAT puruShottamaH || 79|| parAnandaH purANashcha samrADrAja virAjakaH | (## var ## samrAT rAja) chakrasthashchakrapAlasthashchakravartI narAdhipaH || 80|| Ayurvedavido vaidyo dhanvantarishcha rogahA | auShadhIbIjasambhUto rogI rogavinAshakR^ita || 81|| chetanashchetako.achintyashchittachintAvinAshakR^it | atIndriyaH sukhasparshashcharachArI viha~NgamaH || 82|| garuDaH pakShirAjashcha chAkShuSho vinatAtmajaH | viShNuyAnavimAnastho manomayatura~NgamaH || 83|| bahuvR^iShTikaro varShI airAvaNavirAvaNaH | uchchaiHshravA.aruNo gAmI haridashvo haripriyaH || 84|| prAvR^iSho meghamAlI cha gajaratnapurandaraH | vasudo vasudhArashcha nidrAluH pannagAshanaH || 85|| sheShashAyI jaleshAyI vyAsaH satyavatIsutaH | vedavyAsakaro vAggmI bahushAkhAvikalpakaH || 86|| smR^itiH purANadharmArthI parAvaravichakShaNaH | sahasrashIrShA sahasrAkShaH sahasravadanojjvalaH || 87|| sahasrabAhuH sahasrAMshuH sahasrakiraNo naraH | bahushIrShaikashIrShashcha trishirA vishirAH shirI || 88|| jaTilo bhasmarAgI cha divyAmbaradharaH shuchiH | aNurUpo bR^ihadrUpo virUpo vikarAkR^itiH || 89|| samudramAthako mAthI sarvaratnaharo hariH | vajravaiDUryako vajrI chintAmaNimahAmaNiH || 90|| anirmUlyo mahAmUlyo nirmUlyaH surabhiH sukhI | pitA mAtA shishurbandhurdhAtA tvaShTAryamA yamaH || 91|| antaHstho bAhyakArI cha bahiHstho vai bahishcharaH | pAvanaH pAvakaH pAkI sarvabhakShI hutAshanaH || 92|| bhagavAnbhagahA bhAgI bhavabha~njo bhaya~NkaraH | kAyasthaH kAryakArI cha kAryakartA karapradaH || 93|| ekadharmA dvidharmA cha sukhI dUtyopajIvakaH | bAlakastArakastrAtA kAlo mUShakabhakShakaH || 94|| sa~njIvano jIvakartA sajIvo jIvasambhavaH | ShaDviMshako mahAviShNuH sarvavyApI maheshvaraH || 95|| divyA~Ngado muktamAlI shrIvatso makaradhvajaH | shyAmamUrtirghanashyAmaH pItavAsAH shubhAnanaH || 96|| chIravAsA vivAsAshcha bhUtadAnavavallabhaH | amR^ito.amR^itabhAgI cha mohinIrUpadhArakaH || 97|| divyadR^iShTiH samadR^iShTirdevadAnavava~nchakaH | kabandhaH ketukArI cha svarbhAnushchandratApanaH || 98|| graharAjo grahI grAhaH sarvagrahavimochakaH | dAnamAnajapo homaH sAnukUlaH shubhagrahaH || 99|| vighnakartA.apahartA cha vighnanAsho vinAyakaH | apakAropakArI cha sarvasiddhiphalapradaH || 100|| sevakaH sAmadAnI cha bhedI daNDI cha matsarI | dayAvAndAnashIlashcha dAnI yajvA pratigrahI || 101|| haviragnishcharusthAlI samidhashchAnilo yamaH | hotodgAtA shuchiH kuNDaH sAmago vaikR^itiH savaH || 102|| dravyaM pAtrANi sa~Nkalpo mushalo hyaraNiH kushaH | dIkShito maNDapo vediryajamAnaH pashuH kratuH || 103|| dakShiNA svastimAnsvasti hyAshIrvAdaH shubhapradaH | AdivR^ikSho mahAvR^ikSho devavR^ikSho vanaspatiH || 104|| prayAgo veNumAnveNI nyagrodhashchA.akShayo vaTaH | sutIrthastIrthakArI cha tIrtharAjo vratI vataH || 105|| vR^ittidAtA pR^ithuH putro dogdhA gaurvatsa eva cha | kShIraM kShIravahaH kShIrI kShIrabhAgavibhAgavit || 106|| rAjyabhAgavido bhAgI sarvabhAgavikalpakaH | vAhano vAhako vegI pAdachArI tapashcharaH || 107|| gopano gopako gopI gopakanyAvihArakR^it | vAsudevo vishAlAkShaH kR^iShNogopIjanapriyaH || 108|| devakInandano nandI nandagopagR^ihA.a.ashramI | yashodAnandano dAmI dAmodara ulUkhalI || 109|| pUtanAriH padAkArI lIlAshakaTabha~njakaH | navanItapriyo vAggmI vatsapAlakabAlakaH || 110|| vatsarUpadharo vatsI vatsahA dhenukAntakR^it | bakArirvanavAsI cha vanakrIDAvishAradaH || 111|| kR^iShNavarNAkR^itiH kAnto veNuvetravidhArakaH | gopamokShakaro mokSho yamunApulinecharaH || 112|| mAyAvatsakaro mAyI brahmamAyApamohakaH | AtmasAravihAraj~no gopadArakadArakaH || 113|| gochArI gopatirgopo govardhanadharo balI | indradyumno makhadhvaMsI vR^iShTihA goparakShakaH || 114|| surabhitrANakartA cha dAvapAnakaraH kalI | kAlIyamardanaH kAlI yamunAhradavihArakaH || 115|| sa~NkarShaNo balashlAghyo baladevo halAyudhaH | lA~NgalI musalI chakrI rAmo rohiNinandanaH || 116|| yamunAkarShaNoddhAro nIlavAsA halo halI | revatI ramaNo lolo bahumAnakaraH paraH || 117|| dhenukArirmahAvIro gopakanyAvidUShakaH | kAmamAnaharaH kAmI gopIvAso.apataskaraH || 118|| veNuvAdI cha nAdI cha nR^ityagItavishAradaH | gopImohakaro gAnI rAsako rajanIcharaH || 119|| divyamAlI vimAlI cha vanamAlAvibhUShitaH | kaiTabhArishcha kaMsArirmadhuhA madhusUdanaH || 120|| chANUramardano mallo muShTI muShTikanAshakR^it | murahA modakA modI madaghno narakAntakR^it || 121|| vidyAdhyAyI bhUmishAyI sudAmA susakhA sukhI | sakalo vikalo vaidyaH kalito vai kalAnidhiH || 122|| vidyAshAlI vishAlI cha pitR^imAtR^ivimokShakaH | rukmiNIramaNo ramyaH kAlindIpatiH sha~NkhahA || 123|| pA~nchajanyo mahApadmo bahunAyakanAyakaH | dhundhumAro nikumbhaghnaH shambarAnto ratipriyaH || 124|| pradyumnashchAniruddhashcha sAtvatAM patirarjunaH | phAlgunashcha guDAkeshaH savyasAchI dhana~njayaH || 125|| kirITI cha dhanuShpANirdhanurvedavishAradaH || shikhaNDI sAtyakiH shaibyo bhImo bhImaparAkramaH || 126|| pA~nchAlashchAbhimanyushcha saubhadro draupadIpati | yudhiShThiro dharmarAjaH satyavAdI shuchivrataH || 127|| nakulaH sahadevashcha karNo duryodhano ghR^iNI | gA~Ngeyo.athagadApANirbhIShmo bhAgIrathIsutaH || 128|| praj~nAchakShurdhR^itarAShTro bhAradvAjo.athagautamaH | ashvatthAmA vikarNashchajahnuryuddhavishAradaH || 129|| sImantiko gadI gAlvo vishvAmitro durAsadaH | durvAsA durvinItashcha mArkaNDeyo mahAmuniH || 130|| lomasho nirmalo.alomI dIrghAyushcha chiro.achirI | punarjIvI mR^ito bhAvI bhUto bhavyo bhaviShyakaH || 131|| trikAlo.atha trili~Ngashcha trinetrastripadIpatiH | yAdavo yAj~navalkyashcha yaduvaMshavivardhanaH || 132|| shalyakrIDI vikrIDashcha yAdavAntakaraH kaliH | sadayo hR^idayo dAyo dAyado dAyabhAgdayI || 133|| mahodadhirmahIpR^iShTho nIlaparvatavAsakR^ita | ekavarNo vivarNashcha sarvavarNabahishcharaH || 134|| yaj~nanindI vedanindI vedabAhyo balo baliH | bauddhArirbAdhako bAdho jagannAtho jagatpatiH || 135|| bhaktirbhAgavato bhAgI vibhakto bhagavatpriyaH | trigrAmo.atha navAraNyo guhyopaniShadAsanaH || 136|| shAligrAmaH shilAyukto vishAlo gaNDakAshrayaH | shrutadevaH shrutaH shrAvI shrutabodhaH shrutashravAH || 137|| kalkiH kAlakalaH kalko duShTamlechChavinAsha kR^it | ku~NkumI dhavalo dhIraH kShamAkaro vR^iShAkapiH || 138|| ki~NkaraH kinnaraH kaNvaH kekI kimpuruShAdhipaH | ekaromA viromA cha bahuromA bR^ihatkaviH || 139|| vajrapraharaNo vajrI vR^itraghno vAsavAnujaH | bahutIrthakarastIrthaH sarvatIrthajaneshvaraH || 140|| vyatIpAtoparAgashcha dAnavR^iddhikaraH shubhaH | asa~Nkhyeyo.aprameyashcha sa~NkhyAkAro visa~NkhyakaH || 141|| mihikottArakastAro bAlachandraH sudhAkaraH | kimvarNaH kIdR^ishaH ki~nchitkiMsvabhAvaH kimAshrayaH || 142|| nirlokashcha nirAkArI bahvAkAraikakArakaH | dauhitraH putrikaH pautro naptA vaMshadharo dharaH || 143|| dravIbhUto dayAlushcha sarvasiddhiprado maNiH || 144|| AdhAro.api vidhArashcha dharAsUnuH suma~NgalaH | ma~Ngalo ma~NgalAkAro mA~NgalyaH sarvama~NgalaH || 145|| nAmnAM sahasraM nAmedaM viShNoratulatejasaH | sarvasiddhikaraM kAmyaM puNyaM hariharAtmakam || 146|| yaH paThetprAtarutthAya shuchirbhUtvA samAhitaH | yashchedaM shR^iNuyAnnityaM naro nishchalamAnasaH || 147|| trisandhyaM shraddhayA yuktaH sarvapApaiH pramuchyate | nandate putrapautraishcha dArairbhR^ityaishcha pUjitaH || 148|| prApnute vipulAM lakShmIM muchyate sarvasa~NkaTAt | sarvAnkAmAnavApnoti labhate vipulaM yashaH || 149|| vidyAvA~njAyate vipraH kShatriyo vijayI bhavet | vaishyashcha dhanalAbhADhyaH shUdraH sukhamavApnuyAt || 150|| raNe ghore vivAde cha vyApAre pAratantrake | vijayI jayamApnoti sarvadA sarvakarmasu || 151|| ekadhA dashadhA chaiva shatadhA cha sahasradhA | paThate hi naro nityaM tathaiva phalamashnute || 152|| putrArthI prApnute putrAndhanArthI dhanamavyayam | mokShArthI prApnute mokShaM dharmArthI dharmasa~nchayam || 153|| kanyArthI prApnute kanyAM durlabhAM yatsurairapi | j~nAnArthI jAyate j~nAnI yogI yogeShu yujyate || 154|| mahotpAteShu ghoreShu durbhikShe rAjavigrahe | mahAmArIsamudbhUte dAridrye duHkhapIDite || 155|| araNye prAntare vA.api dAvAgniparivArite | siMhavyAghrAbhibhUte.api vane hastisamAkule || 156|| rAj~nA kruddhena chAj~napte dasyubhiH saha sa~Ngame | vidyutpAteShu ghoreShu smartavyaM hi sadA naraiH || 157|| grahapIDAsu chogrAsu vadhabandhagatAvapi | mahArNave mahAnadyAM potastheShu na chApadaH || 158|| rogagrasto vivarNashcha gatakeshanakhatvachaH | paThanAchChavaNAdvApi divyakAyA bhavanti te || 159|| tulasIvanasaMsthAne sarodvIpe surAlaye | badrikAshrame shubhe deshe ga~NgAdvAre tapovane || 160|| madhuvane prayAge cha dvArakAyAM samAhitaH | mahAkAlavane siddhe niyatAH sarvakAmikAH || 161|| ye paThanti shatAvartaM bhaktimanto jitendriyAH | te siddhAH siddhidA loke vicharanti mahItale || 162|| anyonyabhedabhedAnAM maitrIkaraNamuttamam | mohanaM mohanAnAM cha pavitraM pApanAshanam || 163|| bAlagrahavinAshAya shAntIkaraNamuttamam | durvR^ittAnAM cha pApAnAM buddhinAshakaraM param || 164|| patadgarbhA cha vandhyA cha srAviNI kAkavandhyakA | anAyAsena satataM putrameva prasUyate || 165|| payaHpuShkaladA gAvo bahudhAnyaphalA kR^iShiH | svAmidharmaparA bhR^ityA nArI pativratA bhavet || 166|| akAlamR^ityunAshAya tathA duHsvapnadarshane | shAntikarmaNi sarvatra smartavyaM cha sadA naraiH || 167|| yaH paThatyanvahaM martyaH shuchiShmAnviShNusannidhau | ekAkI cha jitAhAro jitakrodho jitendriyaH || 168|| garuDArohasampannaH pItavAsAshchaturbhujaH | vA~nChitaM prApya loke.asminviShNuloke sa gachChati || 169|| ekataH sakalA vidyA ekataH sakalaM tapaH | ekataH sakalo dharmo nAma viShNostathaikataH || 170|| yo hi nAmasahasreNa stotumichChati vai dvijaH | so.ayamekena shlokena stuta eva na saMshayaH || 171|| (## var ## so.ahamekena) sahasrAkShaH sahasrapAtsahasravadanojjvalaH | sahasranAmAnantAkShaH sahasrabAhurnamo.astu te || 172|| viShNornAmasahasraM vai purANaM vedasammatam | paThitavyaM sadA bhaktaiH sarvama~Ngalama~Ngalam || 173|| iti stavAbhiyuktAnAM devAnAM tatra vai dvija | pratyakShaM prAha bhagavAnvarado varadArchitaH || 174|| shrIbhagavAnuvAcha \- vriyatAM bhoH surAH sarvairvaro.asmattobhivA~nChitaH | tatsarvaM sampradAsyAmi nA.atra kAryA vichAraNA || 175|| iti shrIskandamahApurANe AvantyakhaNDe.avantIkShetramAhAtmye viShNusahasranAmo.adhyAyaH || ## Encoded and proofread by Gopal Upadhyay gopal.j.upadhyay at gmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}