% Text title            : shrIviShNu or vAsudevasahasranAmastotram
% File name             : viShNusahasranAmastotrapadmapurana.itx
% Category              : sahasranAma, vishhnu, vishnu
% Location              : doc\_vishhnu
% Transliterated by     : DPD, help from Alex
% Proofread by          : DPD, PSA Easwaran, NA
% Source                : padmapuraNe uttarakhande evaM nAradapancharAtre
% Acknowledge-Permission: Mahaperiaval Trust
% Latest update         : November 6, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ShrI Vishnu or Vasudeva Sahasranamastotram ..}##
\itxtitle{.. shrIviShNu aparanAma vAsudevasahasranAmastotram ..}##\endtitles ##
(padmapurANe uttarakhaNDe \- vAsudevasahasranAmastotraM
nAradapa~ncharAtre viShNusahasranAmaM cha
brahmanArada \- pArvatIshivasaMvAdAtmakam)

viniyogaH
OM asya shrIviShNornAmasahasrastotrasya shrImahAdeva R^iShiH |
anuShTupChandaH | shrIviShNuH paramAtmA devatA| hrIM bIjaM|
shrIM shaktiH | klIM kIlakam|
chaturvargadharmArthakAmamokShaprAptyarthe nAmapArAyaNe viniyogaH |

OM vAudevAya vidmahe | mahAhaMsAya dhImahi | tanno viShNuH prachodayAt ||

atha karanyAsaH |
shrIvAsudevaH paraM brahmetya~NguShThAbhyAM namaH |
mUlaprakR^itiriti tarjanIbhyAM namaH |
mahAvarAha iti madhyamAbhyAM namaH |
sUryavaMshadhvaja iti anAmikAbhyAM namaH |
brahmAdikAmyalalitajagadAshcharyashaishava iti kaniShThikAbhyAM namaH |
yathArthakhaNDitAsheSha iti karatalakarapR^iShThAbhyAM namaH ||
atha hR^idayAdinyAsaH |
shrIvAsudevaH paraM brahmeiti hR^idayam |
mUlaprakR^itiriti shiraH |
mahAvarAha iti shikhA |
sUryavaMshadhvaja iti kavacham |
brahmAdikAmyalalitajagadAshcharyashaishava iti netram |
pArthArthakhaNDitAsheSha ityastram |
namo nArAyaNeti nyAsaM sarvatra kArayet ||
OM namo nArAyaNAyeti digbandhaH ||

|| dhyAnam ||
OM namo nArAyaNAya puruShAya mahAtmane |
vishuddhasattvadhiShNyAya mahAhaMsAya dhImahi |
(vishuddhashuddhasattvAya mahAhaMsAya dhImahi) |
tanno devaH prachodayAt |

lamityAdi pa~nchapUjA | OM namo nArAyaNAya iti (2)
OM hrAM hrIM hrUM hraiM hrauM hraH
klIM kR^iShNAya viShNave (vidmahe) hrIM rAmAya dhImahi |
tanno devaH prachodayAt ||
kShrauM (shaM) nR^isiMhAya vidmahe shrIM shrIkaNThAya dhImahi |
tanno viShNuH prachodayAt ||
OM vAsudevAya vidmahe devakIsutAya dhImahi |
tannaH kR^iShNaH prachodayAt ||
OM hrAM hrIM hrUM hraiM hrauM hraH klIM kR^iShNAya
             govindAya gopIjanavallabhAya namaH svAhA |
iti mantraM samuchchArya yajedvA viShnumavyayam |
iti vA mantraM yathochitaM japtvA dhyAyet |

dhyAnam |
viShNuM bhAsvatkirITA~NgadavalayagaNAkalpahArodarA~NghriM
      shrIbhUShaM shrIsuvakShomaNi makaramahAkuNDalaM maNDitAsham |
hastodyachchakrasha~NkhAmbujagalamamalaM pItakausheyavAsaM
      vidyotadbhAsamudyaddinakarasadR^ishaM padmasaMsthaM namAmi ||

OM vAsudevaH paraM brahma paramAtmA parAtparaH |
paraM dhAma paraM jyotiH paraM tattvaM paraM padam || 1||
paraM shivaH paro dhyeyaH paraM j~nAnaM parA gatiH |
paramArthaH paraM shreyaH parAnandaH parodayaH || 2||
paro.avyaktAtparaM vyoma paramarddhiH pareshvaraH |
nirAmayo nirvikAro nirvikalpo nirAshrayaH || 3||
nira~njano nirAta~Nko nirlepo niravagrahaH |
nirguNo niShkalo.ananto.abhayo.achintyo balochitaH || 4||
atIndriyo.amito.apAro.anIsho.anIho.avyayo.akShayaH | (nityo.anIho)
sarvaj~naH sarvagaH sarvaH sarvadaH sarvabhAvanaH || 5||
sarvashAstA sarvasAkShI pUjyaH sarvasya sarvadR^ik |
sarvashaktiH sarvasAraH sarvAtmA sarvatomukhaH || 6||
sarvavAsaH sarvarUpaH sarvAdiH sarvaduHkhahA |
sarvArthaH sarvatobhadraH sarvakAraNakAraNam || 7||
sarvAtishAyitaH sarvAdhyakShaH sarvasureshvaraH |
ShaDviMshako mahAviShNurmahAguhyo mahAvibhuH || 8||
nityodito nityayukto nityAnandaH sanAtanaH |
mAyApatiryogapatiH kaivalyapatirAtmabhUH || 9||
janmamR^ityujarAtItaH kAlAtIto bhavAtigaH |
pUrNaH satyaH shuddhabuddhasvarUpo nityachinmayaH || 10||
yogipriyo yogamayo bhavabandhaikamochakaH | (yogapriyo)
purANapuruShaH pratyakchaitanyaH puruShottamaH || 11||
vedAntavedyo durj~neyastApatrayavivarjitaH |
brahmavidyAshrayo.anAdyaH svaprakAshaH svayamprabhuH || 12|| (brahmavidyAshrayo.anaaghaH)

sarvopeya udAsInaH praNavaH (100) sarvataH samaH | (sarvopAya)
sarvAnavadyo duShprApyasturIyastamasaH paraH || 13||
kUTasthaH sarvasaMshliShTo vA~NgamanogocharAtigaH |
sa~NkarShaNaH sarvaharaH kAlaH sarvabhaya~NkaraH || 14||
anulla.nghyashchitragatirmahArudro durAsadaH |
mUlaprakR^itirAnandaH pradyumno vishvamohanaH || 15||
mahAmAyo vishvabIjaM parAshaktisukhaikabhUH |
sarvakAmyo.anantalIlaH sarvabhUtavasha~NkaraH || 16||
aniruddhaH sarvajIvo hR^iShIkesho manaH patiH |
nirupAdhipriyo haMso.akSharaH sarvaniyojakaH || 17||
brahmaprANeshvaraH sarvabhUtabhR^iddehanAyakaH |
kShetraj~naH prakR^itisvAmI puruSho vishvasUtradhR^ik || 18||
antaryAmI tridhAmA.antaHsAkShI triguNa IshvaraH | (nirguaNa IshvaraH)
yogigamyaH padmanAbhaH sheShashAyI shriyaHpatiH || 19||
shrIsadopAsyapAdAbjo nityashrIH shrIniketanaH | (shrIshivopAsyapAdAbjo)
nityavakShaHsthalasthashrIH shrInidhiH shrIdharo hariH || 20||
vashyashrIrnishchalashrIdo viShNuH kShIrAbdhimandiraH |
kaustubhodbhAsitorasko mAdhavo jagadArtihA || 21||
shrIvatsavakShA niHsImakalyANaguNabhAjanam |
pItAmbaro jagannAtho jagattrAtA jagatpitA || 22||
jagadbandhurjagatsraShTA jagaddhAtA jagannidhiH |
jagadekasphuradvIryo.anahaMvAdI jaganmayaH || 23|| (vIryo nAhaMvAdI)
sarvAshcharyamayaH sarvasiddhArthaH sarvara~njitaH |
sarvAmoghodyamo brahmarudrAdyutkR^iShTachetanaH || 24||
shambhoH pitAmaho brahmapitA shakrAdyadhIshvaraH |
sarvadevapriyaH sarvadevamUrtiranuttamaH || 25||
sarvadevaikasharaNaM sarvadevaikadaivatam | (sarvadevaikadevatA)
yaj~nabhugyaj~naphalado yaj~nesho yaj~nabhAvanaH || 26||
yaj~natrAtA yaj~napumAnvanamAlI dvijapriyaH |
dvijaikamAnado (200) viprakuladevo.asurAntakaH || 27||
sarvaduShTAntakR^itsarvasajjanAnanyapAlakaH |
saptalokaikajaTharaH saptalokaikamaNDanaH || 28||
sR^iShTisthityantakR^ichchakrI shAr~NgadhanvA gadAdharaH |
sha~NkhabhR^innandakI padmapANirgaruDavAhanaH || 29||
anirdeshyavapuH sarvapUjyastrailokyapAvanaH |
anantakIrtirniHsImapauruShaH sarvama~NgalaH || 30||
sUryakoTipratIkAsho yamakoTidurAsadaH |
mayakoTijagatsraShTA vAyukoTimahAbalaH || 31|| (brahmakoTi)

koTIndujagadAnandI shambhukoTimaheshvaraH |
kandarpakoTilAvaNyo durgAkoTyarimardanaH || 32||
samudrakoTigambhIrastIrthakoTisamAhvayaH |
kuberakoTilakShmIvA~nshakrakoTivilAsavAn || 33||
himavatkoTiniShkampaH koTibrahmANDavigrahaH |
koTyashvamedhapApaghno yaj~nakoTisamArchanaH || 34||
sudhAkoTisvAsthyahetuH kAmadhukkoTikAmadaH |
brahmavidyAkoTirUpaH shipiviShTaH shuchishravAH || 35||
vishvambharastIrthapAdaH puNyashravaNakIrtanaH |
Adidevo jagajjaitro mukundaH kAlanemihA || 36||
vaikuNTheshvaramAhAtmyo mahAyogeshvarotsavaH | (vaikuNTho.anantamAhAtmyo)
nityatR^ipto lasadbhAvo niHsha~Nko narakAntakaH || 37||
dInAnAthaikasharaNaM vishvaikavyasanApahaH |
jagatkR^ipAkShamo nityaM kR^ipAluH sajjanAshrayaH || 38||
yogeshvaraH sadodIrNo vR^iddhikShayavivarjitaH |
adhokShajo vishvaretAH prajApatishatAdhipaH || 39||
shakrabrahmArchitapadaH shambhubrahmordhvadhAmagaH |
sUryasomekShaNo vishvabhoktA sarvasya pAragaH || 40||
jagatseturdharmasetudharo vishvadhurandharaH |
nirmamo.akhilalokesho niHsa~Ngo.adbhutabhogavAn || 41||
vashyamAyo vashyavishvo viShvakseno surottamaH |
sarvashreyaHpatirdivyo.anarghyabhUShaNabhUShitaH || 42|| (divyAnarghya)

sarvalakShaNalakShaNyaH sarvadaityendradarpahA |
samastadevasarvasvaM sarvadaivatanAyakaH || 43||
samastadevakavachaM sarvadevashiromaNiH |
samastadevatAdurgaH prapannAshanipa~njaraH || 44||
samastabhayahR^innAmA bhagavAnviShTarashravAH |
vibhuH sarvahitodarko hatAriH svargatipradaH (300) || 45||
sarvadaivatajIvesho brAhmaNAdiniyojakaH |
brahmashambhuH shatArdhAyurbrahmajyeShThaH shishuH svarAT || 46|| (shambhuparArdhAyu)

virAD bhaktaparAdhInaH stutyaH stotrArthasAdhakaH |
parArthakartA kR^ityaj~naH svArthakR^ityasadojj~nitaH || 47||
sadAnandaH sadAbhadraH sadAshAntaH sadAshivaH |
sadApriyaH sadAtuShTaH sadApuShTaH sadArchitaH || 48||
sadApUtaH pAvanAgryo vedaguhyo vR^iShAkapiH |
sahasranAmA triyugashchaturmUrtishchaturbhujaH || 49||
bhUtabhavyabhavannAtho mahApuruShapUrvajaH |
nArAyaNo mu~njakeshaH sarvayogaviniHsR^itaH || 50|| (ma~njukeshaH)

vedasAro yaj~nasAraH sAmasArastaponidhiH |
sAdhyaH shreShThaH purANarShirniShThAshAntiH parAyaNam || 51||
shivastrishUlavidhvaMsI shrIkaNThaikavarapradaH |
naraH kR^iShNo harirdharmanandano dharmajIvanaH || 52||
AdikartA sarvasatyaH sarvastrIratnadarpahA |
trikAlajitakandarpa urvashIsR^i~NmunIshvaraH || 53||
AdyaH kavirhayagrIvaH sarvavAgIshvareshvaraH |
sarvadevamayo brahmagururvAgIshvarIpatiH || 54||
anantavidyAprabhavo mUlAvidyAvinAshakaH |
sarvaj~nado jagajjADyanAshako madhusUdanaH || 55|| (namajjADya)

anantamantrakoTIshaH shabdabrahmaikapAragaH |
AdividvAnvedakartA vedAtmA shrutisAgaraH || 56||
brahmArthavedaharaNaH sarvavij~nAnajanmabhUH |
vidyArAjo j~nAnamUrtirj~nAnasindhurakhaNDadhIH || 57||
matsyadevo mahAshR^i~Ngo jagadbIjavahitradhR^ik | (dR^ik)
lIlAvyAptAkhilAmbhodhishchaturvedaprarvatakaH || 58|| (ambhodhieR^igveAdipravartakaH)

AdikUrmo.akhilAdhArastR^iNIkR^itajagadbharaH |
amarIkR^itadevaughaH pIyUShotpattikAraNam || 59||
AtmAdhAro dharAdhAro yaj~nA~Ngo dharaNIdharaH |
hiraNyAkShaharaH pR^idhvIpatiH shrAddhAdikalpakaH || 60||
samastapitR^ibhItighnaH samastapitR^ijIvanam |
havyakavyaikabhuk (400) havyakavyaikaphaladAyakaH || 61||
romAntarlInajaladhiH kShobhitAsheShasAgaraH |
mahAvarAho yaj~nasya dhvaMsako yAj~nikAshrayaH || 62|| (yaj~naghnadhvaMsako)

shrInR^isiMho divyasiMhaH sarvAniShTArthaduHkhahA |
ekavIro.adbhutabalo yantramantraikabha~njanaH || 63||
brahmAdiduHsahajyotiryugAntAgnyatibhIShaNaH |
koTivajrAdhikanakho jagadduShprekShyamUrtidhR^ik || 64||
mAtR^ichakrapramathano mahAmAtR^igaNeshvaraH |
achintyAmoghavIryADhyaH samastAsuraghasmaraH || 65||
hiraNyakashipuchChedI kAlaH sa~NkarShiNIpatiH |
kR^itAntavAhanAsahyaH samastabhayanAshanaH || 66|| (vAhanaH sadyaH)

sarvavighnAntakaH sarvasiddhidaH sarvapUrakaH |
samastapAtakadhvaMsI siddhamantrAdhikAhvayaH || 67||
bhairavesho harArtighnaH kAlakalkoTidurAsadaH |
daityagarbhasrAvinAmA sphuTadbrahmANDagarjitaH || 68||
smR^itamAtrAkhilatrAtA.adbhutarUpo mahAhariH |
brahmacharyashiraHpiNDI dikpAlo.ardhA~NgabhUShaNaH || 69||
dvAdashArkashirodAmA rudrashIrShaikanUpuraH |
yoginIgrastagirijAtrAtA bhairavatarjakaH || 70||
vIrachakreshvaro.atyugro.apamAriH kAlashambaraH | (ugro yamAriH kAlasaMvaraH)
krodheshvaro rudrachaNDIparivArAdiduShTabhuk || 71||
sarvAkShobhyo mR^ityumR^ityuH kAlamR^ityunivartakaH |
asAdhyasarvadevaghnaH sarvadurgrahasaumyakR^it || 72|| (sarvarogaghnaH)

gaNeshakoTidarpaghno duHsahAsheShagotrahA |
devadAnavadurdarsho jagadbhayadabhIShaNaH || 73|| (bhIShakaH)

samastadurgatitrAtA jagadbhakShakabhakShakaH |
ugrashAmbaramArjAraH kAlamUShakabhakShakaH || 74|| (ugresho.ambara)

anantAyudhadordaNDI nR^isiMho vIrabhadrajit |
yoginIchakraguhyeshaH shakrAripashumAMsabhuk || 75||
rudro nArAyaNo meSharUpasha~NkaravAhanaH |
meSharUpashivatrAtA duShTashaktisahasrabhuk || 76||
tulasIvallabho vIro vAmAchAro.akhileShTadaH | (vAmAchArAkileShTadaH)
mahAshivaH shivAruDho bhairavaikakapAladhR^ik || 77||
jhillIchakreshvaraH shakradivyamohanarUpadaH | (killI, hillI)
gaurIsaubhAgyado mAyAnidhirmAyAbhayApahaH || 78||
brahmatejomayo brahmashrImayashcha trayImayaH |
subrahmaNyo balidhvaMsI vAmano.aditiduHkhahA || 79||
upendro nR^ipatirviShNuH kashyapAnvayamaNDanaH |
balisvArAjyadaH sarvadevaviprAnnado.achyutaH (500) || 80||
urukramastIrthapAdastripadasthastrivikramaH |
vyomapAdaH svapAdAmbhaHpavitritajagattrayaH || 81||
brahmeshAdyabhivandyA~NghrirdrutadharmA~NghridhAvanaH | 
##var ## drutakarmAdridhAraNaH drutadharmA.ahidhAvanaH
achintyAdbhutavistAro vishvavR^ikSho mahAbalaH || 82||
rAhumUrdhAparA~NgaChid bhR^igupatnIshiroharaH |
pApatrastaH sadApuNyo daityAshAnityakhaNDanaH || 83||
pUritAkhiladevesho vishvArthaikAvatArakR^it |
svamAyAnityaguptAtmA bhaktachintAmaNiH sadA || 84||
varadaH kArtavIryAdirAjarAjyaprado.anaghaH |
vishvashlAghyo.amitAchAro dattAtreyo munIshvaraH || 85||
parAshaktisadAshliShTo yogAnandaH sadonmadaH |
samastendrAritejohR^itparamAmR^itapadmapaH || 86||
anasUyAgarbharatnaM bhogamokShasukhapradaH |
jamadagnikulAdityo reNukAdbhutashaktikR^it || 87|| (shaktidhR^ik)

mAtR^ihatyAdinirlepaH skandajidviprarAjyadaH |
sarvakShatrAntakR^idvIradarpahA kArtavIryajit || 88||
saptadvIpavatIdAtA shivAchAryayashaHpradaH |
bhImaH parashurAmashcha shivAchAryaikaviprabhuk || 89|| (vishvabhUH)

shivAkhilaj~nAnakoSho bhIShmAchAryo.agnidaivataH |
droNAchAryagururvishvajaitradhanvA kR^itAntajit || 90||
advitIyatapomUrtirbrahmacharyaikadakShiNaH |
manuH shreShThaH satAM seturmahIyAnvR^iShabho virAT || 91||
AdirAjaH kShitipitA sarvaratnaikadohakR^it |
pR^ithurjanmAdyekadakSho gIHshrIkIrtisvayaMvR^itaH || 92||
jagadvR^ittipradashchakravartishreShTho.advayAstradhR^ik | (jagadgati)
sanakAdimuniprApyabhagavadbhaktivardhanaH ||| 93||
varNAshramAdidharmANAM kartA vaktA pravartakaH |
sUryavaMshadhvajo rAmo rAdhavaH sadguNArNavaH || 94||
kAkutstho vIrarAD rAjA rAjadharmadhurandharaH | (vIrarAjAryo)
nityasvaHsthAshrayaH sarvabhadragrAhI shubhaikadR^ik ||| 95||
nararatnaM ratnagarbho dharmAdhyakSho mahAnidhiH |
sarvashreShThAshrayaH sarvashAstrArthagrAmavIryavAn || 96|| (sarvashastrAstragrAmavIryavAn)

jagadvasho dAsharathiH sarvaratnAshrayo nR^ipaH | (jagadIsho)
samastadharmasUH sarvadharmadraShTA.akhilAghahA || 97||
atIndro j~nAnavij~nAnapAradashcha kShamAmbudhiH |
sarvaprakR^iShTashiShTeShTo (600) harShashokAdyanAkulaH || 98||
pitrAj~nAtyaktasAmrAjyaH sapatnodayanirbhayaH |
guhAdeshArpitaishvaryaH shivaspardhijaTAdharaH ||| 99|| (shivaspardhAjaTAdharaH)
chitrakUTAptaratnAdrirjagadIsho vanecharaH |
yatheShTAmoghasarvAstro devendratanayAkShihA || 100||
brahmendrAdinataiShIko mArIchaghno virAdhahA |
brahmashApahatAsheShadaNDakAraNyapAvanaH || 101||
chaturdashasahasrograrakShoghnaikasharaikadhR^ik |
kharAristrishirohantA dUShaNaghno janArdanaH || 102||
jaTAyuSho.agnigatido.agastyasarvasvamantrarAT | (kabandhasvargadAyakaH, pAtrarAT))
lIlAdhanuShkoTyApAstadundubhyasthimahAchayaH || 103||
saptatAlavyadhAkR^iShTadhvajapAtAladAnavaH |
sugrIvarAjyado.ahInamanasaivAbhayapradaH || 104||
hanUmadrudramukhyeshaH samastakapidehabhR^it |
sanAgadaityabANaikavyAkulIkR^itasAgaraH || 105||
samlechChakoTibANaikashuShkanirdagdhasAgaraH |
samudrAdbhutapUrvaikabaddhaseturyashonidhiH || 106||
asAdhyasAdhako la~NkAsamUlotkarShadakShiNaH | (samUlotsAdadakShiNaH)
varadR^iptajagachChalyapaulastyakulakR^intanaH || 107||
rAvaNighnaH prahastachChit kumbhakarNabhidugrahA |
rAvaNaikashirachChettA niHsha~NkendraikarAjyadaH || 108||
svargAsvargatvavichChedI devendrAnindratAharaH | (devendrArAtinirharaH)
rakShodevatvahR^iddharmAdharmadhnashcha puruShTutaH || 109||
natimAtradashAsyArirdattarajyavibhIShaNaH |
sudhAvR^iShTibhR^itAsheShasvasainyojjIvanaikakR^it || 110||
devabrAhmaNanAmaikadhAtA sarvAmarArchitaH |
brahmasUryendrarudrAdivR^indArpitasatIpriyaH || 111|| (rudrAdivandhyAyitashatApriyaH)

ayodhyAkhilarAjanyaH sarvabhUtamanoharaH | (rAjAgryaH)
svAmitulyakR^ipAdaNDo hInotkR^iShTaikasatpriyaH || 112|| (svAmyatulya)

svapakShAdinyAyadarshI hInArthAdhikasAdhakaH |
vyAdhavyAjAnuchitakR^ittArako.akhilatulyakR^it || 113|| (vadhayAjAnu)

pArvatyA.adhikayuktAtmA priyAtyaktaH smarArijit | (pAvitryAdhikya)
sAkShAtkushalavachChadmendrAditAto.aparAjitaH || 114|| (ChadmadrAvito hyaparAjitaH)

koshalendro vIrabAhuH satyArthatyaktasodaraH |
sharasandhAnanirdhUtadharaNImaNDalodayaH || 115|| (maNDalo jayaH)

brahmAdikAmyasAnnidhyasanAthIkR^itadaivataH |
brahmalokAptachANDAlAdyasheShaprANisArthakaH || 116||
svarnItagardabhAshvAdishchirAyodhyAvanaikakR^itt |
rAmo dvitIyasaumitrirlakShmaNaH prahatendrajit || 117||
viShNubhaktyAptarAmA~NghriH pAdukArAjyanirvR^itaH | (viShNubhaktaH sarAmA~Nghri)
bharato.asahyagandharvakoTighno lavaNAntakaH || 118||
shatrughno vaidyarAjAyurvedagarbhauShadhIpatiH | (vaidyarAD)
nityAmR^itakaro dhanvantariryaj~no jagaddharaH || 119||
sUryArighnaH surAjIvo dakShiNesho dvijapriyaH |
ChinnamUrdhopadeshArkaH sheShA~NgasthApitAmaraH || 120||
vishvArthAsheShakR^idrAhushirashChedAkShatAkR^itiH |
vAjapeyAdinAmAgnirvedadharmAparAyaNaH (700) || 121||
shvetadvIpapatiH sA~NkhyapraNetA sarvasiddhirAT |
vishvaprakAshitaj~nAnayogo mohatamisrahA || 122||
devahUtyAtmajaH siddhaH kapilaH kardamAtmajaH |
yogasvAmI dhyAnabha~NgasagarAtmajabhasmakR^it || 123||
dharmo vR^iShendraH surabhIpatiH shuddhAtmabhAvitaH |
shambhustripuradAhaikasthairyavishvarathodvahaH || 124||
bhaktashambhujito daityAmR^itavApIsamastapaH |
mahApralayavishvaiko.advitIyo.akhilanAgarAT || 125||
sheShadevaH sahasrAkShaH sahasrAsyashirobhujaH |
phaNAmaNikaNAkArayojitAbdhyambudakShitiH || 126||
kAlAgnirudrajanako musalAstro halAyudhaH |
nIlAmbaro vAruNIsho manovAkkAyadoShahA || 127||
asantoShadR^iShTimAtrapAtitaikadashAnanaH |
balisaMyamano ghoro rauhiNeyaH pralambahA || 128||
muShTikaghno dvividahA kAlindIkarShaNo balaH |
revatIramaNaH pUrvabhaktikhedAchyutAgrajaH || 129||
devakIvasudevAhvakashyapAditinandanaH |
vArShNeyaH sAtvatAM shreShThaH shauriryadukulodvahaH || 130|| (kuleshvaraH)

narAkR^itiH paraM brahma savyasAchivarapradaH |
brahmAdikAmyalAlityajagadAshcharyashaishavaH || 131||
pUtanAdhnaH shakaTabhidyamalArjunabha~njanaH | (bha~njakaH)
vAtAsurAriH keshighno dhenukArirgavIshvaraH || 132||
dAmodaro gopadevo yashodA.a.anandadAyakaH | (AnandakArakaH)
kAlIyamardanaH sarvagopagopIjanapriyaH || 133||
lIlAgovardhanadharo govindo gokulotsavaH |
ariShTamathanaH kAmonmattagopIvimuktidaH || 134||
sadyaH kuvalayApIDaghAtI chANUramardanaH |
kaMsArirugrasenAdirAjyavyApAritAparaH || 135||
sudharmA~NkitabhUrloko jarAsandhabalAntakaH |
tyaktabhagnajarAsandho bhImasenayashaHpradaH || 136||
sAndIpanimR^itApatyadAtA kAlAntakAdijit |
samastanArakitrAtA sarvabhUpatikoTijit || 137||
rukmiNIramaNo rukmishAsano narakAntakaH |
samastasundarIkAnto murArirgaruDadhvajaH || 138||
ekAkijitarudrArkamarudAdyakhileshvaraH |
devendradarpahA kalpadrumAla~NkR^itabhUtalaH || 139||
bANabAhusahasrachChinnandyAdigaNakoTijit |
lIlAjitamahAdevo mahAdaivekapUjitaH || 140||
indrArthArjunanirbha~NgajayadaH pANDavaikadhR^ik |
kAshIrAjashirashChettA rudrashakttyekamardanaH || 141||
vishveshvaraprasAdAkShaH kAshIrAjasutArdanaH | (prasAdADhyaH)
shambhupratij~nAvidhvaMsI kAshInirdagdha nAyakaH (800) || 142||
kAshIshagaNakoTighno lokashikShAshivArchakaH | (dvijArchakaH)
yuvatIvratapovashyaH purA shivavarapradaH || 143|| (shivatIvrata)

sha~NkaraikapratiShThAdhR^ik svAMshasha~NkarapUjakaH |
shivakanyAvratapatiH kR^iShNarUpashivArihA || 144|| (vrataprItaH)

mahAlakShmIvapurgaurItrAtA vaidalavR^itrahA |
svadhAmamuchukundaikaniShkAlayavaneShTakR^it || 145||
yamunApatirAnItaparilInashivAtmajaH | (dvijAtmajaH)
shrIdAmara~NkabhaktArthabhUmyAnItendravaibhavaH || 146||
durvR^ittashishupAlaikamuktikoddhArakeshvaraH | (muktido dvArakeshvaraH)
AchANDAlAdikaprApyadvArakAnidhikoTikR^it || 147||
akrUrodbhavamukhyaikabhaktasvachChandamuktidaH |
sabAlastrIjalakrIDo.amR^itavApIkR^itArNavaH || 148||
brahmAstradagdhagarbhasthaparIkShijjIvanaikakR^it |
parilInadvijasutAnetA.arjunamadApahaH || 149||
gUDhamudrAkR^itigrastabhIShmAdyakhilagauravaH |
pArthArthakhaNDitAsheShadivyAstraH pArthamohahR^it || 150||
garbhashApachChaladhvastayAdavorvIbhayApahaH |
jarAvyAdhArigatidaH smR^itimAtrAkhileShTadaH || 151||
kAmadevo ratipatirmanmathaH shambarAntakaH |
ana~Ngo jitagaurIsho ratikAntaH sadepsitaH || 152||
puShpeShurvishvavijayI smaraH kAmeshvarIpriyaH | (kAmeshvarIpatiH)
uShApatirvishvaketurvishvatR^ipto.adhipUruShaH || 153||
chaturAtmA chaturvyUhashchaturyugavidhAyakaH |
chaturvedaikavishvAtmA sarvotkR^iShTAMshakoTikaH || 154|| (koTisUH)
AshramAtmA purANarShirvyAsaH shAkhAsahasrakR^it |
mahAbhAratanirmAtA kavIndro bAdarAyaNaH || 155||
kR^iShNadvaipAyanaH sarvapuruShArthaikabodhakaH |
vedAntakartA brahmaikavya~njakaH puruvaMshakR^it || 156||
buddho dhyAnajitAsheShadevadevo jagatpriyaH |
nirAyudho jagajjaitraH shrIdharo duShTamohanaH || 157|| (shrIdhano)

daityavedabahiShkartA vedArthashrutigopakaH |
shauddhodanirdR^iShTadiShTaH sukhadaH sadasaspatiH || 158||
yathAyogyAkhilakR^ipaH sarvashUnyo.akhileShTadaH |
chatuShkoTipR^ithaktattvaM praj~nApAramiteshvaraH || 159||
pAkhaNDavedamArgeshaH pAkhaNDashrutigopakaH |
kalkI viShNuyashaHputraH kalikAlavilopakaH || 160||
samastamlechChaduShTaghnaH sarvashiShTadvijAtikR^it |
satyapravartako devadvijadIrghakShudhApahaH || 161||
ashvavArAdirevAntaH pR^ithvIdurgatinAshanaH |
sadyaHkShmAnantalakShmIkR^it naShTaniHsheShadharmavit || 162||
anantasvarNayAgaikahemapUrNAkhiladvijaH | (svarga)
asAdhyaikajagachChAstA vishvavandyo jayadhvajaH || 164|| (vishvabandho)
AtmatattvAdhipaH kartR^ishreShTho vidhirumApatiH |
bhartR^ishreShThaH (900) prajeshAgryo marIchirjanakAgraNIH || 164||
kashyapo devarAjendraH prahlAdo daityarAT shashI | (devarADindraH)
nakShatresho ravistejaHshreShThaH shukraH kavIshvaraH || 165||
maharShirAD bhR^igurviShNurAdityesho baliH svarAT |
vAyurvahniH shuchishreShThaH sha~Nkaro rudrarAD guruH || 166||
vidvattamashchitraratho gandharvAgryo.akSharottamaH |
varNAdiragryaH strI gaurI shaktyAgryA shrIshcha nAradaH || 167||
devarShirAT pANDavAgryo.arjuno vAdapravAdarAT |
pavanaH pavaneshAno varuNo yAdasAM patiH || 168|| (pAvanaH pAvaneshAno)

ga~NgAtIrthottamo dyUtaM ChatrakAgryaM varauShadham |
annaM sudarshano.astrAgryaM vajraM praharaNottamam || 169||
uchchaiHshravA vAjirAjaH airAvata ibheshvaraH |
arundhatyekapatnIsho hyashvattho.asheShavR^ikSharAT || 170||
adhyAtmavidyA vidyAgryaH praNavashChandasAM varaH |
merurgiripatirmArgo mAsAgryaH kAlasattamaH || 171||
dinAdyAtmA pUrvasiddhaH kapilaH sAmavedarAT |
tArkShyaH khagendro R^itvagryo vasantaH kalpapAdapaH || 172||
dAtR^ishreShThaH kAmadhenurArtighnAgryaH suhR^ittamaH |
chintAmaNirgurushreShTho mAtA hitatamaH pitA || 173||
siMho mR^igendro nAgendro vAsukirnR^ivaro nR^ipaH |
varNesho brAhmaNashchetaH karaNAgryo (1000) namo namaH || 174||

ityetadvAsudevasya viShNornAmasahasrakam |
sarvAparAdhashamanaM paraM bhaktivivardhanam || 175||
akShayabrahmalokAdisarvArthApyekasAdhanam | (sarvasvargaikasAdhanam)
viShNulokaikasopAnaM sarvaduHkhavinAshanam || 176||
samastasukhadaM sadyaH paranirvANadAyakam |
kAmakrodhAdi niHsheShamanomalavishodhanam || 177||
shAntidaM pAvanaM nR^INAM mahApAtakinAmapi |
sarveShAM prANinAmAshu sarvAbhIShTaphalapradam || 178||
samastavighnashamanaM sarvAriShTavinAshanam |
ghoraduHkhaprashamanaM tIvradAridryanAshanam || 179||
R^iNatrayApahaM guhyaM dhanadhAnyayashaskaram |
sarvaishvaryapradaM sarvasiddhidaM sarvadharmadam || 180||
tIrthayaj~natapodAnavratakoTiphalapradam |
jagajjADyaprashamanaM sarvavidyApravartakam || 181||
rAjyadaM bhraShTarAjyAnAM rogiNAM sarvarogahR^it |
vandhyAnAM sutadaM chAyuHkShINAnAM jIvitapradam || 182|| (chA.a.ashu)

bhUtagrahaviShadhvaMsi grahapIDAvinAshanam |
mA~NgalyaM puNyamAyuShyaM shravaNAt paThanAjjapAt || 183||
(sakR^idasyAkhilA vedAH sA~NgA mantrAshcha koTishaH |
purANashAstrasmR^itayaH shrutAH syuH paThitAstathA ||
japtvA.asyaikAkSharaM shlokaM pAdaM vA paThati priye |
nityaM sidhyati sarveShTamachirAtkimutAkhilam ||
nAnena sadR^ishaM sadyaHpratyayaM sarvakarmasu |
idaM bhadre tvayA gopyaM pAThyaM svArthaikasiddhaye ||
nAvaiShNavAya dAtavyaM vikalpApahatAtmane |
bhaktishraddhAvihInAya viShNusAmAnyadarshine ||
deyaM putrAya shiShyAya suhRRide hitakAmyayA |
matprasAdAdato nedaM grahIShyantyalpamedhasaH ||
kalau sadyaHphalaM kalpagrAmaM neShyati nAradaH |
lokAnAM bhAgyahInAnAM yena duHkhaM vinashyati ||
dvitreShu vaiShNaveShvetadAryAvarte bhaviShyati ||)
nAsti viShNoH paraM dhAma nAsti viShNoH parantapaH | (paro japaH)
nAsti viShNo paro dharmo nAsti mantro hyavaiShNavaH || 184||
nAsti viShNoH paraM dhyAnaM nAsti viShNoH parA gatiH |
sarvatIrthamayo viShNuH sarvashAstramayaH prabhuH || 185
sarvakratumayo viShNuH satyaM satyaM vadAmyaham |
pArvatyuvAcha
dhanyAsmyanugR^ihitAsmi kR^itArthAsmi jagatpate || 186||
yanmayedaM shrutaM stotraM tvadrahasyaM sudurlabham |
kAmAdyAsaktachittatvAtkiM tu sarveshvara prabho || 187||
tvanmayatvAtpramAdAdvA shaknomi paThituM na chet |
viShNoH sahasranAmaitat pratyahaM vR^iShabhadhvaja || 188||
nAmnaikena tu yena syAttatphalaM brUhi me prabho |
mahAdeva uvAcha
rAma rAmeti rAmeti rame rAme manorame |
sahasranAma tattulyaM rAmanAma varAnane || 189||

|| iti shrIpadmapurANe uttarakhaNDe pArvatIshivasaMvAde
shrIviShNornAmasahasraM cha vAsudevasahasranAmastotraM sampUrNam ||
(dvIsaptatitamo.adhyAyaH)

## Variations are shown witn parenthesis on the right side of
any line.  Also this appears to be almost same s Vishnusahasranamastotram
from Narada pancharatra##

##
Proofread by DPD, PSA Easwaran, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}