% Text title : Shri Vishnu Stavaraja 2 03 13 % File name : viShNustavarAjaH2.itx % Category : vishhnu, shataka, stavarAja, vishnu % Location : doc\_vishhnu % Proofread by : Rajesh Thyagarajan % Description/comments : From stotrArNavaH 03-13 % Latest update : August 14, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Vishnu Stavaraja 2 ..}## \itxtitle{.. shrIviShNustavarAjaH 2 ..}##\endtitles ## (bhIShmastavarAjaH) janamejaya uvAcha\- sharatalpe shayAnastu bharatAnAM pitAmahaH | kathamutsR^iShTavAn dehaM kaM cha yogamadhArayat || 1|| vaishampAyana uvAcha\- shR^iNuShvAvahito rAjan shuchirbhUtvA samAhitaH | bhIShmasya kurushArdUla dehotsargaM mahAtmanaH || 2|| pravR^ittamAtre tvayana uttare vai divAkare | shuklapakShasya chAShTamyAM mAghamAsasya pArthiva || 3|| prAjApatye cha nakShatre madhyaM prApte divAkare | samAveshayadAtmAnamAtmanyeva samAhitaH || 4|| vikIrNAMshurivAdityo bhIShmaH shitasharaishchitaH | shishye paramayA lakShmyA vR^ito brAhmaNasattamaiH || 5|| vyAsena vedaviduShA nAradena surarShiNA | devarAtena vAtsena tathA shyenasumantunA || 6|| tathA jaimininA chaiva pailavena mahAtmanA | shANDilyadevalAbhyAM cha maitreyeNa cha dhImatA || 7|| asitena vasiShThena kaushikena mahAtmanA | harItaromashAbhyAM cha tathAtreyeNa dhImatA || 8|| bR^ihaspatishcha shukrashcha chyavanashcha mahAmuniH | sanatkumArakapilau vAlmIkistumburuH kuruH || 9|| maudgalyo bhArgavo rAmastR^iNabindumahAmuniH | pippalAdashcha vAyushcha saMvartaH pulahaH kachaH || 10|| kAshyapashcha pulastyashcha kraturdakShaH parAsharaH | marIchira~NgirAH kaNvo gautamo gAlavo muniH || 11|| dhaumyo vibhANDo mANDavyo dhaumrakR^iShNAnubhautikaH | ulUkaH paramo vipro mArkaNDeyo mahAmuniH || 12|| bhAskaraH pUraNaH kR^iShNaH sUtaH paramadhArmikaH | shaibyena yAj~navalkyena sha~Nkhena likhitena cha || 13|| etaishchAnyairmunigaNairmahAbhAgairmahAtmabhiH | shraddhAdamapuraskArairvR^itashchandra iva grahaiH || 14|| bhIShmastu puruShavyAghraH karmaNA manasA girA | sharatalpagataH kR^iShNaM pradadhyau prA~njaliH shuchiH || 15|| svareNa hR^iShTapuShTena tuShTAva madhusUdanam | yogeshvaraM padmanAbhaM viShNuM jiShNuM jagatpatim || 16|| kR^itA~njaliH shuchirbhUtvA vAgvidAM pravaraH prabhuH | bhIShmaH paramadharmAtmA vAsudevamadhAstuvat || 17|| bhIShma uvAcha\- ArirAdhayiShuH kR^iShNaM vAchaM jigadiShAmi yAm | tayA vyAsasamAsinyA prIyatAM puruShottamaH || 18|| shuchiM shunpidaM haMsaM tatpadaM parameShThinam | yuktvA sarvAtmanAtmAnaM taM prapadye prajApatim || 19|| anAdyantaM paraM brahma na devA narShayo viduH | eko.ayaM veda bhagavAn dhAtA nArAyaNo hariH || 20|| nArAyaNAdR^iShigaNAstathA siddhamahoragAH | devA devarShayashchaiva yaM viduH paramavyayam || 21|| devadAnavagandharvA yakSharAkShasapannagAH | yaM na jAnanti ko hyeSha kuto vA bhagavAniti || 22|| yasmin vishvAni bhUtAni tiShThinti cha vishanti cha | guNIbhUtAni bhUteshe sUtre maNigaNA iva || 23|| yasminnitye tate tantau dR^iDhe sragiva tiShThati | sadasadgrathitaM vishvaM vishvage vishvakarmaNi || 24|| hariM sahasrashirasaM sahasracharaNekShaNam | sahastrabAhumukuTaM sahasravadanojjvalam || 25|| prAhurnArAyaNaM devaM yaM vishvasya parAyaNam | aNIyasAmaNIyAMsaM sthaviShTaM cha sthavIyasAm || 26|| garIyasAM gariShThaM cha shreShThaM cha shreyasAmapi | ya vAkeShvanuvAkeShu niShatsUpaniShatsu cha || 27|| gR^iNanti sarvakarmANaM satvaM satyeShu sAmasu | chaturbhishchaturAtmAnaM satvasthaM sAttvatAM patim || 28|| yaM divyairdevamarchanti guhyaiH paramanAmabhiH | yasminnityaM tapastaptaM yada~NgeShvanutiShThati || 29|| sarvAtmA sarvavit sarvaH sarvagaH sarvabhAvanaH | yaM devaM devakI devI vasudevAdajIjanat || 30|| bhaumasya brahmaNo guptyai dIptamagnimivAraNiH | yamananyo vyapetAsirAtmAnaM vItakalmaSham || 31|| iShTvAnantyAya govindaM pashyatyAtmAnamAtmani | ativAyvindrakarmANamatisUryAgnitejasam || 32|| atibudhdIndriyAtmAnaM taM prapadye prajApatim | purANe puruShaM proktaM brahma proktaM yugAdiShu || 33|| kShaye sa~NkarShaNaM proktaM tamupAsyamupAsmahe | yamekaM bahudhAtmAnaM prAtarbhUtamadhokShajam || 34|| nAnyabhaktAH kriyAvanto yajante sarvakAmadam | yaM prAhurjagataH koshaM yasmin saMvihitAH prajAH || 35|| yasmin lokAH sphurantIme jale shakunayo yathA | R^itamekAkSharaM brahma yattatsadasataH param || 36|| anAdimadhyaparyantaM na devA narShayo viduH | yaM surAsuragandharvasasiddharShimahoragAH || 37|| prayatA nityamarchanti paramaM duHkhabheShajam | anAdinidhanaM devamAtmayoniM sanAtanam || 38|| apratarkyamavij~neyaM hariM nArAyaNaM prabhum | yaM vai vishvasya kartAraM jagatastasthuShAM patim || 39|| vadanti jagato.adhyakShamakSharaM paramaM padam | hiraNyavarNaM yaM garbhamaditerdaityanAshanam | ekaM dvAdashadhA jaj~ne tasmai sUryAtmane namaH || 40|| shukle devAn pitR^In kR^iShNe tarpayatyamR^itena yaH | yashcha rAjA dvijAtInAM tasmai somAtmane namaH || 41|| mahatastamasaH pAre puruShaM hyatitejasam | yaM j~nAtvA mR^ityumatyeti tasmai j~neyAtmane namaH || 42|| yaM bR^ihantaM bR^ihatyukthye yamagnau yaM mahAdhvare | yaM viprasa~NghA gAyanti tasmai vedAtmane namaH || 43|| R^igyajussAmadhAmAnaM dashArdhaM havirAtmakam | yaM saptatantuM tanvanti tasmai yaj~nAtmane namaH || 44|| chaturbhishcha chaturbhishcha dvAbhyAM pa~nchabhireva cha | hUyate cha punardvAbhyAM tasmai homAtmane namaH || 45|| yaH suparNo yajurnAma chChandogAtrastrivR^ichChirAH | rathantarabR^ihatpakShastasmai stotrAtmane namaH || 46|| yaH sahasrasave satre jaj~ne vishvasR^ijAmR^iShiH | hiraNyavarNaH shakuniH tasmai tArkShyAtmane namaH || 47|| padA~NgaM sandhiparvANaM svaravya~njanabhUShaNam | yamAhushchAkSharaM nityaM tasmai vIryAtmane namaH || 48|| yaj~nA~Ngo yo varAho vai bhUtvA gAmujjahAra hA | lokatrayahitArthAya tasmai vIryAtmane namaH || 49|| yaH shete yogamAsthAya parya~Nke nAgabhUShite | phaNAsahasrarachite tasmai nidrAtmane namaH || 50|| yashchinoti satAM setumR^itenAmR^itayoninA | dharmArthaM vyavahArArthaM tasmai satyAtmane namaH || 51|| yaM pR^ithagdharmacharaNAH pR^ithagdharmaphaleShiNaH | pR^ithagdharmaiH samarchanti tasmai dharmAtmane namaH || 52|| yataH sarve prasUyante hyana~NgAtmA~NgadehinaH (?) | unmAdaH sarvabhUtAnAM tasmai kAmAtmane namaH || 53|| yaM taM vyaktasthamavyaktaM vichinvanti maharShayaH | kShetre kShetraj~namAsInaM tasmai kShetrAtmane namaH || 54|| yaM tridhAtmAnamAtmasthaM vR^itaM ShoDashabhirguNaiH | prAhuH saptadashaM sA~NkhyAstasmai sA~NkhyAtmane namaH || 55|| yaM vinidrAjitashvAsAH shAntA dAntA jitendriyAH | jyotiH pashyanti yu~njAnAstasmai yogAtmane namaH || 56|| apuNyapuNyaH parame yaM punarbhavanirbhayAH | shAntAH sa.nnyAsaino yAnti tasmai mokShAtmane namaH || 57|| yo.asau yugasahasrAnte pradIptArchirvibhAvasuH | sa~NkShobhayAti bhUtAni tasmai ghorAtmane namaH || 28|| sambhakShya sarvabhUtAni kR^itvA chaikArNavaM jagat | bAlaH svapiti yashchaikastasmai mAyAtmane namaH || 59|| ajasya nAbhyAM sambhUtaM yasmin vishvaM pratiShTitam | puShkaraM puShkarAkShasya tasmai padmAtmane namaH || 60|| sahasrashirase chaiva puruShAyAmitAtmane | chatussamudraparya~Nke yoganidrAtmane namaH || 61|| yasya kesheShu jImUtA nadyaH sarvA~NgasandhiShu | kukShau samudrAshchatvArastasmai toyAtmane namaH || 62|| yasmAt sarvAH prasUyante sargapralayavikriyAH | yasmiMshchaiva pralIyante tasmai hetvAtmane namaH || 63|| yo niShaNNo bhavedrAtrau divA bhavati viShThitaH | iShTAniShTatya cha draShTA tasmai draShTrAtmane namaH || 64|| akuNThaM sarvakAryeShu dharmakAryArthamudyatam | vaikuNThasya hi tadrUpaM tasmai kAryAtmane namaH || 65|| vibhajya pa~nchadhAtmAnaM vAyurbhUtasharIragaH | yashcheShTayati bhUtAni tasmai vAyvAtmane namaH || 66|| brahma vaktraM bhujau kShatraM kR^itsnamUrUdaraM vishaH | pAdau yasyAshritAH shUdrAstasmai varNAtmane namaH || 67|| yugeShvAvartate yogairdinartvayanahAyanaiH | sargapralayayoH kartA tasmai kAlAtmane namaH || 68|| yasyAgnirAsyaM dyaurmUrdhA khaM nAbhishcharaNau kShitiH | sUryashchakShurdishaH shrotre tasmai lokAtmane namaH || 69|| viShaye vartamAno yaM taM vaisheShikanirguNaiH | prAhurviShayagoptAraM tasmai goptrAtmane namaH || 70|| annapAnendhanamayo rasaprANavivardhanaH | yo dhArayati bhUtAni tasmai prANAtmane namaH || 71|| prANAnAM dhAraNArthAya yo.annaM bhu~Nkte chaturvidham | antarbhUtaH pachatyagnistasmai pAkAtmane namaH || 72|| pi~NgekShaNasaTaM yasya rUpaM daMShTrAnakhAyudham | dAnavendrAntakaraNaM tasmai dR^iptAtmane namaH || 73|| rasAtalagataH shrImAnananto bhagavAn vibhuH | jagaddhArayate kR^itsnaM tasmai vIryAtmane namaH || 74|| yo mohayati bhUtAni snehapAshAnubandhanaiH | sargasya rakShaNArthAya tasmai mohAtmane namaH || 75|| sutalAtalamadhyastho hatvA tu madhukaiTabhau | uddhR^itA yena vai vedAstasmai matsyAtmane namaH || 76|| sasAgaranagAM bibhrat saptadvIpAM vasundharAm | yo dhArayati pR^iShThena tasmai kUrmAtmane namaH || 77|| ekArNave hi magnAM tAM vArAhaM rUpamAsthitaH | uddadhAra mahIM yo.asau tasmai kroDAtmane namaH || 78|| nArasiMhavapuH kR^itvA yastrailokyabhaya~Nkarama | hiraNyakashipuM jaghne tasmai siMhAtmane namaH || 79|| vAmanaM rUpamAsthAya baliM saMyamya mAyayA | ime krAntAstrayo lokAstasmai krAntAtmane namaH || 80|| jamadagnisuto bhUtvA rAmaH parashudhR^it prabhuH | sahasrArjunahantaiva tasmA ugrAtmane namaH || 81|| rAmo dAsharathirbhUtvA paulastyakulanandanam | jaghAna rAvaNaM sa~Nkhye tasmai kShattrAtmane namaH || 82|| vasudevasutaH shrImAn vAsudevo jagatpatiH | jahAra vasudhAbhAraM tasmai kR^iShNAtmane namaH || 83|| buddharUpaM samAsthAya sarvadharmaparAyaNaH | mohayan sarvabhUtAni tasmai mohAtmane namaH || 84|| haniShyati kalerante mlechChAMsturagavAhanaH | dharmasaMsthApanArthAya tasmai kalkyAtmane namaH || 85|| Atmaj~nAnamidaM j~nAnaM j~nAtvA pa~nchasvavasthitaH | yaM j~nAnenAdhigachChanti tasmai j~nAnAtmane namaH || 86|| atrameyasharIrAya sarvato buddhichakShuShe | apAraparameyAya tasmai divyAtmane namaH || 87|| jaTine daNDine nityaM lambodarasharIriNe | kamaNDaluniSha~NgAya tasmai brahmAtmane namaH || 88|| shUline tridasheshAya tryambakAya mahAtmane | bhasmadigdhordhvali~NgAya tasmai rudrAtmane namaH || 89|| chandrArdhakR^itashIrShAya vyAlayaj~nopavItine | pinAkashUlahastAya tasmA ugrAtmane namaH || 90|| pa~nchabhUtAtmabhUtAya bhUtAdinidhanAya cha | akrodhadrohamohAya tasmai shAntAtmane namaH || 91|| yasmin sarvaM yataH sarvaM yaH sarvaM sarvatashcha yaH | yashcha sarvamayo devastasmai sarvAtmane namaH || 92|| vishvakarmannamaste.astu vishvAtman vishvasambhava | apavargastha bhUtAnAM pa~nchAnAM purataH sthita || 93|| namaste triShu lokeShu namaste paratastriShu | namaste dikShu sarvAsu tvaM hi sarvamayo nidhiH || 94|| namaste bhagavan viShNo lokAnAM prabhavApyayam | tvaM hi kartA hR^iShIkesha saMhartA chAparAjitaH || 95|| tena pashyAmi bhagavan divyeShu triShu vartmasu | tachcha pashyAmi tattvena yatte rUpaM sanAtanam || 96|| divaM te shirasA vyAptaM padbhyAM devI vasundharA | vikrameNa trayo lokAH puruSho.asi sanAtanaH || 97|| disho bhujA ravishchakShurvIryaM shukraH prajApatiH | saptamArgA niruddhAste vAyoramitatejasaH || 98|| atasIpuShpasa~NkAshaM pItakausheyavAsasam | namasyanti cha govindaM na teShAM vidyate bhayam || 99|| namo narakasantrAsarakShAmaNDalakAriNe | saMsAranimnagAvartatarikAShThAya viShNave || 100|| namo brahmaNyadevAya gobrAhmaNahitAya cha | jagaddhitAya kR^iShNAya govindAya namo namaH || 101|| prANakAntArapAtheyaM saMsArachChedabheShajam | duHkhashokaparitrANaM harirityakSharadvayam || 102|| yathA viShNumayaM satyaM yathA viShNumayaM jagat | yathA viShNumayaM sarvaM pApaM me nashyatAM tathA || 103|| tvAM prapannAya bhaktAya gatimiShTAM jigIShave | yachChreyaH puNDarIkAkShaM taM dhyAyasva sureshvaram || 104|| iti vidyAtapoyonirayonirviShNurIDitaH | vAgyaj~nenArchito devaH prIyatAM me janArdanaH || 105|| nArAyaNaM paraM brahma nArAyaNaparaM tapaH | nArAyaNaparaM chedaM sarvaM nArAyaNAtmakam || 106|| vaishampAyana uvAcha\- etAvaduktvA vachanaM bhIShmastvAhatamAnasaH | nama ityeva kR^iShNAya praNAmamakarottadA || 107|| adhigamya tu yogena bhaktiM bhIShmasya mAdhavaH | trailokyadarshanaM j~nAnaM divyaM dattvA yayau hariH || 108|| tasminnuparate shabde tataste brahmavAdinaH | bhIShmaM vAgbhirbAShpakaNThAstamAnarchurmahAmatim || 109|| te stuvantashcha viprAgryAH keshavaM puruShottamam | bhIShmaM cha shanakaiH sarve prashashaMsuH punaH punaH || 110|| yaM yoginaH prANavimokShakAle yatnena chitte viniveshayanti | sAkShAtpurastAddharimIkShamANaH prANAn jahA.N prAptakAlo hi bhIShmaH || 111|| shuklapakShe divA bhUmau ga~NgAyAM chottarAyaNe | dhanyAstAta mariShyanti hR^idayasthe janArdane || 112|| viditvA bhaktiyogaM tu bhIShmasya puruShottamaH | sahasotthAya santuShTo yAnamevAnyapadyata || 113|| keshavaH sAtyakishchaiva rathenaikena jagmatuH | apareNa mahAtmAnau yudhiShThiradhana~njayau || 114|| bhImaseno yamau chobhau rathamekaM samAsthitAH | kR^ipo yuyutsuH sUtashcha sa~njayashchAparaM ratham || 115|| tai rathairnagarAkAraiH prayAtAH puruSharShabhAH | nemighoSheNa mahatA kampayanto vasundharAm || 116|| tato giraH puruShavaraiH stavAnvitA dvijeritAH pathi sumanAH sushushruve | kR^itA~njAleM praNatamathAparaM janaM sa keshihA muditamanAbhyanandat || 117|| anAdinidhanaM viShNuM sarvalokamaheshvaram | dharmAdhyakShaM stuvannityaM sarvapApaiH pramuchyate || 118|| imaM stavaM yaH paThati shAr~NgadhanvanaH shR^iNoti vA bhaktisamanvito janaH | sa chakradhR^ita pratihatadagdhakalmaSho janArdanaM pravishati dehasa~NkShaye || 119|| ashanishitasudhAraM yasya chakraM suchAru maNikanakavichitre kuNDale yasya karNe | bhramarashatasahasraiH sevitA yasya mAlA asurakulanihantA prIyatAM vAsudevaH || 120|| stavarAjaH samApto.ayaM viShNoradbhutakarmaNaH | gA~Ngeyena purA gIto mahApAtakanAshanaH || 121|| shrIbhagavAnuvAcha \- yaH paTheta idaM stotraM mama janmAnukIrtanam | devalokamatikramya tasya loko yathA mama || 122|| iti shrImahAbhAratAntargataH shrIviShNustavarAjaH athavA bhIShmastavarAjaH sampUrNaH | ## Proofread by Rajesh Thyagarajan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}