% Text title            : Brahmanakritam Vishnu Stotram
% File name             : viShNustotrambrAhmaNakRRitam.itx
% Category              : vishhnu, stotra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 94
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmanakritam Vishnu Stotram ..}##
\itxtitle{.. brAhmaNakR^itam viShNustotram ..}##\endtitles ##

brAhmaNa uvAcha \-
praNipatyAkSharaM vishvaM vishvahetuM nira~njanam |
yatprArthayAmyavikalaM sakalaM tatprayachChatu || 77||
kartAramakR^itaM viShNuM sarvakAraNakAraNam |
aNoraNIyAMsamajaM sarvavyApinamIshvaram || 78||
parAtparataraM yasmAnnAsti sarveshvarAtparam |
taM praNamyAchyutaM devaM prArthayAmi yadastu tat || 79||
sarveshvarAchyutAnanta paramAtma~njanArdana |
saMsArAbdhimahApota samuddhara mahArNavAt || 80||
vyomAnilAgnyambudharasvarUpa tanmAtrasarvendriyabuddhirUpa |
antaHsthitAtmanparamAtmarUpa prasIda sarveshvara vishvarUpa || 81||
tamAdiranto jagato.asya madhyamAdestvamAdiH pralayasya chAntaH |
tvatto bhavatyetadasheShamIsha tvayyeva chAnte layamabhyupaiti || 82||
pradIpavartyantagato.agniralpo yathAtikakShe vitataM prayAti |
tadvadvisR^iShTeramarAdibhinnairvikAshamAyAsi vibhUtibhedaiH || 83||
yathA nadInAM bahavo.ambuvegAH samantato.abdhiM bhagavanvishanti |
tvayyantakAle jagadachyutedaM tathA layaM gachChati sarvabhUte || 84||
tvaM sarvametadbahudhaika eva jagatpate kAryamivAbhyupetam |
yadasti yannAsti cha tattvameva hare tvadanyadbhagavankimasti || 85||
kintvIsha mAyA bhavato nijeyamAviShkR^itAviShkR^italokasR^iShTe |
yayAhameSho.anyatamo mameti madIyamasyAbhivadanti mUDhAH || 86||
tayA vimUDhena mayAbjanAbha na yatkR^itaM tatkvachidasti ki~nchit |
bhUmyambarAgnisalileShu deva jAgratsuShuptyAdiShu duHkhitena || 87||
na santi tAvanti jalAnyapIDya sarveShu nAthAbdhiShu sarvakAlam |
stanyAni yAvanti mayAtighore pItAni saMsAramahAsamudre || 88||
sampachChilAnAM himavanmahendra kailAsamervAdiShu naiva tAdR^ik |
dehAnyanekAnyanugR^ihNato me prAptAsthisampanmahati yathesha || 89||
tvayyarpitaM nAtha punaH punarme manaH samAkShipya sudurdharo.api |
rAgo hi vashyaM kurute tato.anu lobhAdayaH kiM bhagavankaromi || 90||
ekAgratAmUlyabalena labhyaM bhavauShadhaM tvaM bhagavankilaikaH |
manaH parAyattamidaM bhave.asminsaMsAraduHkhAtkimahaM karomi || 91||
na santi te deva bhuvi pradeshA na yeShu jAto.asmi tathA vinaShTaH |
attA mayA yeShu na jantavashcha sambhakShito yaishcha na jantusa~NghaiH || 92||
siMhena bhUtvA bahavo mayAttA vyAghreNa bhUtvA bahavo mayAttAH |
tathAnyarUpairbahavo mayAttAH sambhakShito.ahaM bahubhistatashcha || 93||
utkrAntiduHkhAnyatiduHsahAni sahasrasho yAnyanusaMsmarAmi |
taiH saMsmR^itaistatkShaNameva deva taDidyathA me hR^idayaM prayAti || 94||
tatashcha duHkhAnyanivAraNAni yantrAgnishastraughasamudbhavAni |
bhavanti yAnyachyuta nArakAnAM tAnyeva teShAmupamAnamAtram || 95||
duHkhAnyasahyAni cha garbhavAse viNmUtramadhye.atinipIDitasya |
bhavanti yAni chyavatashcha garbhAtteShAM svarUpaM gadituM na shakyam || 96||
duHkhAni bAleShu mahAnti nAtha kaumArake yauvaninashcha puMsaH |
jvarAtisArAkShirugAdikAni samastaduHkhAlaya eva vR^iddhaH || 97||
karoti karmAchyuta tatkShaNena pApaM naraH kAyamanovachobhiH |
yasyAbdalakShairapi nAntameti shastrAdiyantrAgninipIDaneShu || 98||
duHkhAni yAnIShTaviyogajAni bhavanti saMsAravihArabhAjAm |
pratyekashasteShu narA vinAshamichChantyasUnAM mamatAbhibhUtAH || 99||
shokAbhibhUtasya mamAshru deva yAvatpramANaM na jalaM payodA |
tAvatpramANaM na jalaM payodA mu~nchantyanekairapi varShalakShaiH || 100||
manye dharitrI paramANusa~NkhyAmupaiti pitrorgaNanAmasheSham |
mitrANyamitrANyanujIvibandhUnsa~NkhyAtamIsho.asmi na devadeva || 101||
so.ahaM bhR^ishArtaH karuNAM kuru tvaM saMsAragarte patitasya viShNo |
mahAtmanAM saMshrayamabhyupeto naivAvasIdatyatidurgato.api || 102||
parAyaNaM rogavatAM hi vaidyo mahAbdhimagnasya cha naurnarasya |
bAlasya mAtApitarau sughorasaMsArakhinnasya hare tvamekaH || 103||
prasIda sarveshvara sarvabhUta sarvasya heto paramArthasAra |
mAmuddharAsmAduruduHkhapa~NkAtsaMsAragartAtsvaparigraheNa || 104||
dharmAtmanAmavikalAM tvayi nAtha bhaktiM
shraddhAvatAM satatamudvahatAM vareNya |
kAryaM kiyanmama vimUDhadhiyo.adhamasya
bhUtvA kR^ipAluramalAmaja dehi buddhim || 105||
j~nAtvA yayAkhilamasAramasArameva
bhUtendriyAdikamapAramamuktimUlam |
mAyAntareyamachalAM tava vishvarUpa
sammohitaM sakalameva jagadyayaitat || 106||
brahmendrarudramarudashvidivAkarAdyA
j~nAtuM na yaM paramaguhyatamaM samarthAH |
na tvAmalaM stutipatheShvahamIshitAraM
stoShyAmi mohakaluShAlpamatirmanuShyaH || 107||
yasmAdidaM bhavati yatra jagattathedaM
yasmiMllayaM vrajati yashcha jagatsvarUpaH |
taM sargasaMsthitivinAshanimittabhUtaM
stotuM bhavantamalamIsha na kashchidasti || 108||
mUDho.ayamalpamatiralpasucheShTito.ayaM
kliShTaM mano.asya viShayairna mayi prasa~Ngi |
 itthaM kR^ipAM kuru mayi praNate kilesha
tvAM stotumambujabhavo.api hi deva neshaH || 109||
yasyodare sakala eva mahIdhrachandra \-
devendrarudramarudashvidivAkarAgni\- |
bhUmyambuvAyugaganaM jagatAM samUhaM
stoShyAmi taM stutipadaiH katamairbhavantam || 110||
yasyAgnirudrakamalodbhavavAsavAdyaiH
svAMshAvatArakaraNeShu sadA~Nghriyugmam |
abhyarchyate vada hare sa kathaM mayAdya
sampUjitaH paramupaiShyasi toShamIsha || 111||
na stotumachyuta bhavantamahaM samartho
naivArchanairalamahaM tava deva yogyaH |
chittaM cha na tvayi samAhitamIsha doShaiH
AkShipyate kathaya kiM nu karomi pApaH || 112||
tattvaM prasIda bhagavankuru mayyanAthe
viShNo kR^ipAM paramakAruNikaH kila tvam |
saMsArasAgaranimagnamananta dInaM
uddhartumarhasi hare puruShottamo.asi || 113||

iti viShNudharmeShu chaturnavatitamo.adhyAyAntargataM brAhmaNakR^itaM
                           viShNustotraM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}