% Text title : viShNustutiHkavisUkti % File name : viShNustutiHkavisUkti.itx % Category : vishhnu % Location : doc\_vishhnu % Proofread by : PSA Easwaran psawaswaran at gmail.com % Description/comments : Edited by S. V. Radhakrishna Shastriji % Acknowledge-Permission: Mahaperiaval Trust % Latest update : April 12, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIviShNustutiH (kavisUktibhyaHsankalitA) ..}## \itxtitle{.. shrIviShNustutiH (kavisUktibhyaHsa~NkalitA) ..}##\endtitles ## namastribhuvanotpattisthitisaMhArahetave | viShNave.apArasaMsArapArottaraNasetave || 1|| AdimadhyAntarahitaM dashAhInaM purAtanam | advitIyamahaM vande madvastrasadR^ishaM harim || 2|| lakShmIkapolasa~NkrAntakAntapatralatojjvalAH | dordrumAHpAntu vaH shaurerghanachChAyAmahAphalAH || 3 jayati sa bhagavAnkR^iShNaH shete yaH sheShabhogashayyAyAm | madhyepayaH payodherapara ivAmbhonidhiH kR^iShNaH || 4|| ativipulaM kuchayugalaM rahasi karairAmR^ishanmuhurlakShmyAH | tadapahR^itaM nijahR^idayaM jayati harirmR^igayamANa iva || 5|| jayati sa nAbhirjagatAM svanAbhindhrodbhavajjagadbIjaH | domodaro nijodaragahvaranirviShTajagadaNDaH || 6|| shrIkarapihitaM chakShuH sukhayatu vaH puNDarIkanayanasya | jaghanamivekShitumAgatamabjanibhaM nAbhisuShireNa || 7|| shyAmaM shrIkuchaku~Nkumapi~njaritamuro muradviSho jayati | dinamukhanabha iva kaustubhavibhAkaro yadvibhUShayati || 8|| pratibimbitapriyAtanu sakaustubhaM jayati madhubhido vakShaH | puruShAyitamabhyasyati lakShmIryadvIkShya mukuramiva || 9|| kelichalA~NgulilambhitalakShmInAbhirmuradviShashcharaNaH | sa jayati yena kR^itA shrIranurUpA padmanAbhasya || 10 romAvalI murAreH shrIvatsaniveshitAgrabhAgA vaH | unnAlanAbhinalinachChAyevottApamapaharatu || 11|| kamalAkuchakanakAchalajaladharamAbhIrasundarImadanam | adhitatasheShaphaNAvali(su)kamalavanabhR^i~NgamachyutaM vande || 12|| jIyAdambudhitanayAdhararasamAsvAdayanmurArirayam | ambudhimathanakleshaM kalayanviphalaM cha saphalaM cha || 13|| shrIdhAmni dugdhodadhipuNDarIke yashcha~ncharIkadyutimAtanoti | nIlotpalashyAmaladehakAntiH sa vo.astu bhUtyai bhagavAnmukundaH || 14|| vakShaHsthalI rakShatu sA jaganti jagatprasUtergaruDadhvajasya | shriyo.a~NgarAgeNa vibhAvyate yA saubhAgyahemnaH kaShapaTTikeva || 15|| vR^indArakA yasya bhavanti bhR^i~NgA mandAkinI yanmakarandabinduH | tavAravindAkSha padAravindaM vande chaturvargachatuShpadaM tat || 16|| jayatyupendraH sa chakAra dUrato vibhitsayA yaH kShaNalabdhalakShyayA | dR^ishaiva kopAruNayA riporuraH svayaM bhayAdbhinnamivAsrapATalam || 17|| padmApayodharataTIparirambhalagnakAshmIramudritamuro madhusUdanasya | vyaktAnurAgamiva kheladana~NgakhedasvedAmbupUramanupUrayatu priyaM vaH || 18|| shreyaH sadA dishatu sAlasapakShmapAte nidrAyite.apidR^ishau bhR^ishamunnamayya | saMvAhyamAnacharaNAmbujajAtaharSho lakShmImukhekShaNaparaH parameshvaro vaH || 19|| sakalabhuvanabandhorvairamindoH sarojaiH anuchitamiti matvA yaH svapAdAravindam | ghaTayitumiva mAyI yojayatyAnanendau vaTadalapuTashAyI ma~NgalaM vaH kR^iShIShTa || 20|| varavakuchachubukAgre pANiShu vyApR^iteShu prathamajaladhiputrIsa~Ngame.ana~NgadhAmni | grathitanibiDanIvIvandhanirmochanArthaM chaturadhikakarAshaH pAtuvashchakrapANiH || 21|| viramati mahAkalpe nAbhIpathaikaniketanaH tribhuvanapuraHshilpI yasya pratikShaNamAtmabhUH | kimadhikaraNaM kIdR^ikkasyavyavasthitirityasau udaramavishaddraShTuM tasmai jagannidhaye namaH || 22|| lakShmIpANidvayavirachitaM mUlamUrdhashrutInAM vyaktaM vande charaNakamaladvandvamAdyasya puMsaH | yatraikasya vyadhita balinA pAdyatoyairvitIrNaiH Adrasyaiva praNatitaralaH kShAlanaM padmayoniH || 23|| anAdR^itachamUpatiprahitahastamasvIkR^ita praNItamaNipAdukaM kimiti vismitAntaHpuram | avAhanapariShkriyaM patagarAjamArohataH karipravarabR^iMhite bhagavatastvarAyai namaH || 24|| dR^ikpAtaH kamalAsane.a stu bhavato j~nAnaM manA~NmArute shrIkaNTho.ayamitaH surAniti natAstArkShyeNa vij~nApitaH | preyasyAH kva tadAsanaM kva cha rutaM kaNThaH ka chetyullasat lakShmyAvAsitamAnaso vijayate suptaprabuddho hariH || 25|| nirmagnena mayAmbhasi smarabharAdAliH samAli~NgitA kenAlIkamidaM tavAdya kathitaM rAdhe mudhA tAmyasi | ityutsvapnaparamparAsu shayane shrutvA vachaH shAr~NgiNaH savyAjaM shithilIkR^itaH kamalayA kaNDagrahaH pAtu vaH || 26|| yaM shaivAH samupAsate shiva iti brahmeti vedAntino bauddhA buddha iti pramANapaTavaH karteti naiyAyikAH | arhannityatha jainashAsanaratAH karmeti mImAMsakAH so.ayaM vo vidadhAtu vA~nChitaphalaM trailokyanAtho hariH || 27|| yenotthApya samUlamandaragirishChatrIkR^ito gokule rAhuryena mahAbalaH suraripuH kAryAdasheShIkR^itaH | kR^itvA trINi padAni yena vasudhA baddho balilarliyA so.ayaM pAtu yuge yuge yugapatistrailokyanAtho hariH || 28|| mugdhe mu~ncha viShAdamatra balabhitkampo gurustyajyatAM sadbhAvaM bhaja puNDarIkanayane mAnyAnimAnmAnaya | itthaM shikShayataH svayaMvaravidhau dhanvantarervAkChalAt anyatra pratiShedhamAtmani vidhiM shR^iNvanhariH pAtu vaH || 29|| nAbhIpadmavasachchaturmukhamukhodgItastavAkarNana\- pronmIlatkamanIyalochanakalAkhelanmukhendudyutiH | sakrodhaM madhukaiTabhau sakaruNasnehaM sutAmambudheH sotprAsapraNayaM sarojavasatiM pashyanhariH pAtu vaH || 30|| niShpratyUhamupAsmahe bhagavataH kaumodakIlakShmaNaH kokaprItichakorapAraNapaTujyotiShmatI lochane | yAbhyAmardhavibodhamugdhamadhurashrIrardhanidrAyito nAbhIpalvalapuNDarIkamukulaH kamboH sapatnIkR^itA || 31|| bhaktiprahvavilokanapraNayinI nIlotpalaspardhinI dhyAnAlambanatAM samAdhiniratairnIte hitaprAptaye | lAvaNyaikamahAnidhI rasikatAM lakShmIdR^ishostanvatI yuShmAkaM kurutAM bhavArtishamanaM netre tanurvA hareH || 32|| chatvAraH prathayantu vidrumalatAraktA~NgulishreNayaH shreyaH shoNasarojakorakaruchaste shAr~NgiNaH pANayaH | bhAleShvabjabhuvo likhanti yugapadye puNyavarNAvalIH kastUrImakarIH payodharayuge gaNDadvaye cha shriyaH || 33|| AkalpaM murajinmukhendumadhuronmIlanmarunmAdhurI dhIrodAttamanoharaH sukhayatu tvAM pA~nchajanyadhvaniH | lIlAla~NghitameghanAdavibhavo yaH kumbhakarNavyathA\- dAyI dAnavadantinAM dashamukhaM dikchakramAkrAmati || 34|| bhrAmyanmandarakandarodaradarIvyAvartibhirvAridheH kallolairalamAkulaM kalayato lakShayA mukhAmbhoruham | autsukyAttaralAH smarAdvikasitA bhItyA samAku~nchitAH krodhena jvalitA mudA mukulitAH shaurerdR^ishaH pAntu vaH || 35|| parya~NkIkR^itanAganAyakaphaNAshreNImaNInAM gaNe sa~NkrAntapratibimbasaMvalanayA bibhradvapurvikriyAm | pAdAmbhoruhadhArivAridhisutAmakShNAM didR^ikShuH shataiH kAyavyUhamivAcharannupachitAkUto hariH pAtu vaH || 36|| manthakShmAdharaghUrNitArNavapayaH pUrAntarAlollasat lakShmIkandalakomalA~NgadalanaprAdurbhavatsambhramAH | harShotkaNTakitatvacho madhuripordevAsurAkarShaNa\- vyApAroparamAya pAntu jagatImAbaddhavIpsA giraH || 37|| chakra brUhi vibho gade jaya hare kambo samAj~nApaya bho bho nandaka jIva pannagaripo kiM nAtha bhinno mayA | ko daityaH katamo hiraNyakashipuH satyaM bhavadbhyaH shape kenAstreNa nakhairiti pravadato viShNormukhaM pAtu vaH || 38|| pratyagronmeShajihmA kShaNamanabhimukhI ratnadIpaprabhANAM AtmavyApAragurvI janitajalalavAjR^imbhitaiH sA~Ngabha~NgaiH | nAgA~NgaM bhoktumichChoH shayanamuruphaNAchakravAlopadhAnaM nidrAchChedAbhitAmrA chiramavatu harerdR^iShTirAkekarA vaH || 39|| shrIrAjIvAkShavakShaHsthalanilayaramAhastavAstavyalolat lIlAbjAnniHsarantI madhuramadhujharI nAbhipadme murAreH | astokaM lokamAtrA dviyugamuravashishorAnaneShvarpyamANaM sha~NkhaprAntena divyaM paya iti vibudhaiH sha~NkamAnA punAtu || 40|| kishchinnirmuchyamAne gagana iva mukhe shAThyanidrApayodaiH nyakkurvANe svabhAsA phaNipatishirasAM ratnadIpAMshujAlam | pAyAstAM vo murAreH shashitapanamaye lochane yadvibhAsA lakShmyA hastasthamardhaM vikasati kamalasyArdhamabhyeti nidrAm || 41|| ekasthaM jIviteshe tvayi sakalajagatsAramAlokayAmaH shyAme chakShustavAsminvapuShi nivishate nAlpapuNyasya puMsaH | kasyAnyatrAmR^ite.asminnatirativipulA dR^iShTirevAmR^itaM te daityairityuchyamAno munibhirapi hariH straiNarUpo.avatAdvaH || 42|| yasyodyadbANabAhudrumagahanavanachChedagoShThIkuThAraM chakraM niShkrAntatIvrAnalabahalakaNAkIrNadhAraM vichintya | jAtagrAsAvasAyo divasakR^itilasanmAMsalAMshupravAhe muhyatyadyApi rAhuH sa dahatu duritAnyAshu daityAntako vaH || 43|| triMshatkoTivasurudradivAkarAdi\- devAdidevagaNasantatasevyamAnam | ambhojasambhavachaturmukhagIyamAnaM vande shayAnamiha bhogini shAr~NgapANim || 44|| lakShmIryasya parigrahaH kamalabhU sUnuH garutmAn rathaH pautrashchandravibhUShaNaH suraguruH sheShashcha shayyA.a.asanaH | brahmANDaM varamandiraM suragaNA yasya prabhoH sevakAH sa trailokyakuTumbapAlanaparaH kuryAtsadA ma~Ngalam || 45|| iti kavisUktibhyaH sa~NkalitA shrIviShNustutiH samAptA | ## Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}