% Text title            : viShNustutiH satyasandhatIrtha
% File name             : viShNustutiHsatyasandha.itx
% Category              : vishhnu
% Location              : doc\_vishhnu
% Proofread by          : Daya Aithal
% Latest update         : December 23, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. viShNustutiH ..}##
\itxtitle{.. viShNustutiH ..}##\endtitles ##
murArAte viShNo haramukhasurArAdhya bhavato
      dharAyAM nAstyanyo bhavajaladhipAraM gamayitum |
durAchArAn vA.asmAnava guruvarAnugrahabalAt
      jarAdUrAdhArAmayahara nirAlambanadaya || 1||
ahaM saktaH pote bhavajaladhipote tvayi na vai
      rataH pAke lakShmIramaNa tava pAke na hi rataH |
tathA.apyAchAryANAM sukhapadajuShAM sanmatarata\-
      svR^itaj~nAnAryasyAvinayamapineyaM tvamava mAm || 2||
ramA kAmArAtiH kamalabhavanaH shyAmalatano
      yadA.ashaktAH stotuM jaDamatirahaM kva vra japate |
tathA.apyarghyam sindhoriva tava bhavatvIsha karuNA\-
      samudraiShA vANI tava hR^idayatoShAya satatam || 3||
na jAne shrIjAne kimapi savane nApi namane
      rataH snAne dAne raghukulajane hR^inniyamane |
dhane yAne gAne.avanipasabhamAne cha bhavane
      rato hIne sthAne.avasi tadapi mAnaikakaruNa || 4||
janA dInA nAnAvR^ijinashamanAmnAyamananA\-
      dvinA vInAsInAdhigatiriha nAsaukhyamathana |
dhanAdhInA hInA bhuvanabhavanAtreyavadanA
      ghanAnUnA j~nAnApahatamadhunAyAtamadhunA || 5||
narAn stutvA nIchAnudarabharaNAsaktahR^idayo
      dayodArAdhArA.amaravaranuta tvatpadayugam |
na chAvande viShNo tadapi bhavavArIsha patitaM
      pate mAyA mAyAvaraNaharaNAdrakSha nR^ihare || 6||
hare nAnAyoniprabhavananidAnAnyanudinam
      ghanAbhainAMsi shrIvanajanayanAnekaguNaka |
kShamasva kShemaM me sasha disha dashasyandanajane
      shashA~NkAsya tvaM me bhavajanitatApaM parihara || 7||
hare rAjAno.amI svabhaTatanayAn doShanilayAn
      guNairhInAn sauvA iti matiyutAH pAnti sadayAH |
madAryA AbAlyaM tava bhajanasaMsaktahR^idayA
      jahurnidrAM teShAM raghuvara vineyo.asmyavatu mAm || 8||
vayaM prAtaHsnAnaM raghupanamanaM supravachanam
      gurudhyAnaM padmAramaNabhajanaM nApi mananam |
akArShmAlaM shrIlaM dashavadanakAlaM gatatulaM
      ramAlolam yAmaH sharaNamamalaM vItashamalam || 9||
gurusvAntasthAnyAgaNitaguNamANikyanikara\-
      chChavivrAtopetAmitasukha makhAnneDita hare |
namaH shrIman vyAsa svajanaduritAhAryavidhura
      tvadIye vAyau me bhavati bhavatAdbhaktiratulA || 10||
ramArAma shrImannamalakamalAsomanata bho
      namAmo hemAbhAmitamahima he mAdhava na te |
samo bhUmA bhUmau shamadamavimAnAdiniyama\-
      shramastomapremannava malahimAnImihira bhoH || 11||
virAgAsaktiste vayamaja purAgAraramaNI
      dharAgAnAsaktA na cha padaparAgAdarayutAH |
purAgArAtyAdipraNuta vitarAgAdhamahiman
      surAgAvA bhUtIH sumatimukharA gAdhijasakha || 12||
ghanopamatano mama tvayi mano na saktaM jano
      vinindati dhanonmado yadi tanoShi na tvam dayAm |
svanogatamanoharAgama vanodbhavAbhaM padaM
      vinottama gatishcha kA jagadanoddharainogaNAt || 13||
manAgapi vinA hare tava dayAm na shaM kasyachit
      dhanAdhipajanArjane ratimatAM kathaM sA bhavet |
ghanAn supavanA iva tvamaja kalmaShaM dUrato
      vinAshya vasanAshanAdaramavesha nArAyaNa || 14||
hare tava padasmR^itiM sakalajanmadoShApahAm
      vadanti nigamA ramAramaNa mAmakAghaM kutaH |
na hanti na hi santi kiM mayi guruprasAdAdayo 
      dayodadhivayodhipAsana bhiyo.arito.apAkuru || 15||
hare bharatasodare dayitasAgare shrIdhare
      manashcharatu bhAsure sakaladoShadUre.ajare |
vare danujabhIkare bahuguNAkare madhvare
      mayIsha paramAdare tanu dayAM bhavenAture || 16||
jagajjanakajAnakIkamanabhImasomA.adimA\-
      maravrajasupUjita vR^ijinanAshana shrIsha naH |
Ava pravaNavargavattava nisargabhaktAnalam
      subhArgavatano tapoharaNa bhargajapyAbhidha || 17||
dvipAdhipamapAH purA.ajita vipAsano.atitvaraH
      kR^ipAparavashastathA drupadajAmupAsad vrajam |
kShapAcharavipATane paTumapAstadoShaM vayaM
      hyapAvR^itamupAsmahe viShayalolupAnapyava || 18||
mayA kimapi sAdhanaM na kR^itamIsha vittArjane
      sadAratimatA ramAramaNa satyadhIsannata |
dayAluriti vaidikI prathitirasti yA tAM hare
      na nAshaya ghanAshaya prashamayAmayaM bhautikam || 19||
nutiM hi karavAma no dishatu dIdiviM vAmano
      raghUttama na vA mano bhavatu cha~nchalaM vA mano |
hare ditijanAma no lavanakaushalAvAmano
      na vAmani bhavAmano hara sharIrikA vAmano || 20||
aye purudaye.avyaye sukhamaye shriye saMshraye
      dhiye bhuvanajAlaye shubhajayebhyatAprAptaye |
vaye.araNamanAmaye rachitabhaktalokAbhaye
      mayepsitamadashshaye tava na kiM murAripriye || 21||
viruddhagatirIshitA mahadaNutvayorAshrayaH
      kathaM tvati mamAbhavat pratidinaM mahAdvAparaH |
hiraNyakashipoH sute narakanandane yaddayAm
      vidhAya R^itadhIsute mayi tanoShi no tadgataH || 22||
ajAmilagajAdhipadrupadajAstvayA pAlitA\-
      stvahaM tava bhaTo na kiM kimavane gataM pATavam |
guNA mayi nahIti vA raghupate dayAm nAcharaH
      shilAkaluShanAshane.akR^ita kilAbalAsAdanam || 23||
mahAbhiShagabhUt purA jalanidhirvidherAj~nayA
      nijApakaNapAtanAdapaghane tathA shantanuH |
kuto.alasamatirvR^ithA bhava bhavAmaye tvaM mahA\-
      bhiShagvapuShi me kShipaMstava hi shAmbaraM shaM tanuH || 24||
nindAvandArulokAnavanamurudaya tadvidhAnAmudArA
      mandA nandA cha bhargaprabhR^itisuravarArAdhyapAdAravinda |
mandAvR^indAvanakShmAviharaNa karuNAleshataH pAhi jAtaM
      nandA vandAmahe tvAM guruvarahR^idayakShIrajastham mukundam || 25||
sIte mAteva pote guNalavarahite mayyavidyAvibhUte
      pote devaiH parite kuru guNabharite kA.anukampA samAte |
khyAte vAtena gIte parihR^itadurite sannate bhUmijAte
      bhaktiM lakShmInikete guruhR^idayagate dehi me tvatsamete || 26||
vAyo shreyo.api rAyo haririti sudhiyo dehi bhUyo namaste
      preyo heyo hi kAyo na cha balanichayo bhUrayo nArayo vai |
preyo jyAyo.anapAyorjitasujanadayodAra yogipriyomA
      dhyeyopeyotadeyonR^ipasabhavijayo nAmado he.abjayone || 27||
seve devesha bhAve mama vasa gurave te namaHshrIshabhAve
      sR^ityabdhebhUryamIve dyutivijitarave syAddayA.atIvajIve |
sauve he vedarAveDitacharaNa bhave magnamuddhR^itya dAsaM
      shaive daive tvayIne ratimativibhave mAmaveShTapradAtaH || 28||
adhunA sa dhunAtu bhUtabandham madhunAshI madhunA dhiyA cha pUrNaH
madhunA vidhunA samAnavaktro vidhinAtho vidhinA samarchito me || 29||
smR^itistvanugatA harermatita eva naShTA bhave\-
      nnutirna rachitA mayA na cha natirna vApi smR^itiH |
matirmama na vidyate yatipate bhavantaM vinA
      shrutiprabhR^itisAdhanaiH shrutitatIDitaM darshaya || 30||
hare suresha rekhayA nataM nutaM cha taM tatam |
bhaje nije gaje shivakriyA dayA mayA dare || 31||
hare smR^itirna chAsti chet kathaM mamAgasAm smR^itiH
kR^itaM smareti cha trayI yadAha vetsi tanna kim || 32||
hare tava priyAtmajasnuShAnapAttadAtmajAH |
mayA dayArthamAdR^itA vadanti kiM na te.antikam || 33||
tAta shrIrAmamUrtIramalakamalato.abhyarchya mAturna shiShTaM
      ka~njaM ka~njAlayAyA iti yadamaniShi prAdadAH ka~njamekam |
tatkiM jAyAdayAtaH kimu mayi dayayA naiva jAne.ahamaj~naH
      svAmin shrIsatyabodhavrativarahR^idayAmbhojavAsin vada tvam || 34||
purA purAripAlane tvarA murAriNA kR^itA |
dharAmarAvane na kim paTuH parAparAjitaH || 35||
indirA satyabodhAryahR^idayAmbhojamandirA |
indidirAn svapAdAbje.avyAnnobhAjitachandirA || 36||
priyA yasya mAyA kriyA.amnAyameyA
      bhiyA yasya mAyA vinaShTA.anyadIyA |
nayAttam jayArthaM dayAlum hayAsyam
      bhayArtAshcha yAmaH shriyAyadya viShNum || 37||
netA yaH kamalAlayAdijagato mAtA yathA sarvataH
      pAtA satyamativratIshahR^idayAbjAtAlayo yashcha tam |
bhUtAdhIshashachIpatiprabhR^itibhiH pItAmR^itairAdR^itaM
      dhUtAsheShabhayaM namAma satataM sItApatim rAghavan || 38||
gharmasUktavyAkaraNadharmaprIto raghUttamaH
karmapaurvaM parAkR^itya sharma mauktaM prayachChatu || 39||
samudrasUtravyAkhyAnasamud\-raghupatirhi naH |
samudrajaskAn sukShIrasamudravasatInkriyAt || 40||
kamalA mahilA suto.abjajAto
      nanu pautraH purashAtravo.anyalekhAH |
tava yasya bhaTA namatkirITAH
      puruTAbhAmbara saMstuvIta kastvAm || 41||
na me vapuShi pATavaM na nayane na shabdagrahe
      sitA mama tanUruhAH prashithilA dvijAnAM tatiH |
tathAShi viShaye.ashubhe charati me manaH shrIhare
      tvadIyahR^idayaM vinA nahi nidAnamastyatra vai || 42||
AmnAyoddhAra bhUbhR^iddhara dharaNidhara shrIhiraNyAsurAre
kharvA~Nga kShatragotrApaha dasharathabhUH kaMsashatro vinetra || 43||
Arvin sharveshapUrvAmaragaNavinutAnantarUpakriyAvan
vyAsa shrIsatyabodhAhvayaguruhR^idayAvAsa viShNo namaste || 44||
madhvAryamIDe yo mukteradhvAnaM mAmadarshayat |
vidhvAnanamupanyAsasudhvAnajitavAdinam || 45||
bhAgirathiguNAnvaktuM bhogIsho bahulAnanaH |
vAgIsho.api kShamo naiva he gIrvANatara~NgiNi || 46||
a~NgIkR^itAna~NgaripUttamA~NgaM sa.ngItacharyAmagharAshibha~NgAm |
bha~NgAgryadUrIkR^itasattura~NgAm ga~NgAmahaM naumi lasattara~NgAm || 47||
bherI gaurIsharAmasya nArIkR^itashilasya yA |
vairI na sahate tAM taM dUrIkuru tava sthalAt
viShNuprItyai charako naiva kiM tu
      vyarthaM nIchAnkarakassannupAse |
AgaHpUgAnmAmakAdduHkhahetoH
      heyAtpAyAchChrInivAsAkhyadaivam || 48||

iti shrIsatyasandhatIrthakR^itA viShNustutiH samAptA |

##
Proofread by Daya Aithal

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}