% Text title            : viShNustuti by nArada and shaunaka from nAradapurANa
% File name             : viShNustutinAradakRitanAradapurANa.itx
% Category              : vishhnu, vishnu
% Location              : doc\_vishhnu
% Proofread by          : PSA Easwaran psaeaswaran at gmail.com
% Source                : Naradapurana Purvabhag Adhyaya 2
% Latest update         : January 4, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nAradAya shaunakakRitaviShNustutiH ..}##
\itxtitle{.. nAradAya shaunakakR^itaviShNustutiH ..}##\endtitles ##
R^iShaya UchuH ||
kathaM sanatkumArastu nAradAya mahAtmane |
proktavAnsakalAndharmAnkathaM tau militAvubhau || 1||
kasminsthAne sthitau sUta tAvubhau brahmavAdinau |
harigItasamudgAne chakratustadvadasva naH || 2||
sUta uvAcha ||
sanakAdyA mahAtmAno brahmaNo mAnasAH sutAH |
nirmamA niraha~NkArAH sarve te hyUrdhvaretasaH || 3||
teShAM nAmAni vakShyAmi sanakashcha sanandanaH |
sanatkumArashcha vibhuH sanAtana iti smR^itAH || 4||
viShNubhaktA mahAtmAno brahmadhyAnaparAyaNAH |
sahasrasUryasa~NkAshAH satyasandhA mumukShavaH ||  5||
ekadA merushR^i~NgaM te prasthitA brahmaNaH sabhAm |
iShTAM mArge.atha dadR^ishuH ga~NgAM viShNupadIM dvijAH || 6||
tAM nirIkShya samudyuktAH snAtuM sItAjale.abhavan |
etasminnantare tatra devarShirnArado muniH || 7||
AjagAma dvijashreShThA dR^iShTvA bhrAtRRInsvakAgrajAn |
tAndR^iShTvA snAtumudyuktAnnamaskR^itya kR^itA~njiliH || 8||
guNannAmAni sapremabhaktiyukto madhudviShaH |
nArAyaNAchyutAnanta vAsudeva janArdana || 9||
yaj~nesha yaj~napuruSha kR^iShNa viShNo namo.astu te ||
padmAkSha kamalAkAnta ga~NgAjanaka keshava |
kShirodashAyindevesha dAmodara namo.astu te || 10||
shrIrAma viShNo narasiMha vAmana pradyumnasa~NkarShaNa vAsudeva |
ajAniruddhAmalaru~NmurAre tvaM pAhi naH sarvabhayAdajasram || 11||
ityuchcharanharernAma natvA tAnsvAgrajAnmunIn |
upAsInashcha taiH sArddhaM sasnau prItisamanvitaH || 12||
teShAM chApi tu sItAyA jale lokamalApahe |
snAtvA santarpya devarShipitRRInvigatakalmaShAH || 13||
uttIryya sandhyopAsyAdi kR^itvA.a.achAraM svakaM dvijAH |
kathAM prachakrurvividhAH nArAyaNaguNAshritAH || 14||
kR^itatriyeShu muniShu ga~NgAtIre manorame |
chakAra nAradaH prashnaM nAnAkhyAnakathAntare | 15||
nArada uvAcha |
sarvaj~nAH stha munishreShThAH bhagavadbhaktitatparAH |
yUyaM sarve jagannAthA bhagavantaH sanAtanAH || 16||
lokoddhAraparAnyuShmAndIneShu kR^itasauhR^idAn |
pR^ichChe tato vadata me bhagavallakShaNaM budhAH || 17||
yenedamakhilaM jAtaM jagatsthAvaraja~Ngamam |
ga~NgApAdodakaM yasya sa kathaM j~nAyate hariH || 18||
kathaM cha trividhaM karma saphalaM jAyate nR^iNAm |
j~nAnasya lakShaNaM brUta tapasashchApi mAnadAH || 19||
atitheH pUjanaM vApi yena viShNuH prasIdati ||
evamAdIni guhyAni harituShTikarANi cha |
anugR^ihya cha mAM nAthAstattvato vaktumarhatha ||  20||
shaunaka uvAcha ||
namaH parAya devAya parasmAtparamAya cha |
parAvaranivAsAya saguNAyAguNAya cha || 21||
amAyAyA.a.atmasaMj~nAya mAyine vishvarUpiNe |
yogIshvarAya yogAya yogagamyAya viShNave || 22||
j~nAnAya j~nAnagamyAya sarvaj~nAnaikahetave |
j~nAneshvarAya j~neyAya j~nAtre vij~nAnasampade || 23||
dhyAnAya dhyAnagamyAya dhyAtR^ipApaharAya cha |
dhyAneshvarAya sudhiye dhyeyadhyAtR^isvarUpiNe || 24||
AdityachandrAgnividhAtR^idevAH siddhAshcha yakShAsuranAgasa~NghAH |
yachChaktiyuktAstamajaM purANaM satyaM stutIshaM satataM nato.asmi || 25||
yo brahmarUpI jagatAM vidhAtA sa eva pAtA dvijaviShNurUpI |
kalpAntarudrAkhyatanuH sa devaH sheteM.aghripAnastamajaM bhajAmi || 26||
yannAmasa~NkIrttanato gajendro grAhograbandhAnmumuche sa devaH |
virAjamAnaH svapade parAkhye taM viShNumAdyaM sharaNaM prapadye || 27||
shivasvarUpI shivabhaktibhAjAM yo viShNurUpI haribhAvitAnAm |
sa~NkalpapUrvAtmakadehahetustameva nityaM sharaNaM prapadye || 28||
yaH keshihantA narakAntakashcha bAlo bhujAgreNa dadhAra gotram |
devaM cha bhUmAravinodashIlaM taM vAsudevaM satataM nato.asmi || 29||
lebhe.avatIryogranR^isiMharUpI yo daityavakShaH kaThinaM shilAvat |
vidArya saMrakShitavAnsvabhaktaM prahlAdamIshaM tamajaM namAmi || 30||
vyomAdibhirmUShitamAtmasaMj~naM nira~njanaM nityamameyatattvam |
jagadvidhAtAramakarmakaM cha paraM purANaM puruShaM nato.asmi || 31||
brahmendrarudrAnilavAyumartyagandharvayakShAsuradevasa~NghaiH |
svamUrtibhedaiH sthita eka IshastamAdimAtmAnamahaM bhajAmi || 32||
yato bhinnamidaM sarvaM samudbhUtaM sthitaM cha vai |
yasminneShyati pashchAchcha tamasmi sharaNaM gataH || 33||
yaH sthito vishvarUpeNa sa~NgIvAtra pratIyate |
asa~NgI paripUrNashcha tamasmi sharaNaM gataH || 34||
hR^idi sthito.api yo devo mAyayA mohitAtmanAm |
na j~nAyate paraH shuddhastamasmi sharaNaM gataH || 35||
sarvasaMganivR^ittAnAM dhyAnayogaratAtmanAm |
sarvatra bhAti j~nAnAtmA tamasmi sharaNaM gataH || 36||
dadhAra mandaraM pR^iShThe nIrode.amR^itamanthane |
devatAnAM hitArthAya taM kUrmaM sharaNaM gataH || 37||
daMShTrA~NkureNa yo.anantaH samuddhR^ityArNavAddharAm |
tasthAvidaM jagatkR^itsnaM vArAhaM taM nato.asmyaham || 38||
prahlAdaM gopayandaityaM shilAtikaThinorasam |
vidArya hatavAnyo hi taM nR^isiMhaM nato.asmyaham || 39||
labdhvA vairochanerbhUmiM dvAbhyAM padbhyAmatItya yaH |
AbrahmabhuvanaM pAdAtsurebhyastaM nato.ajitam || 40||
haihayasyAparAdhena hyekaviMshatisa~NkhyayA |
kShatriyAnvayabhettA yo jAmadagnyaM nato.asmi tam || 41||
AvirbhUtashchaturddhA yaH kapibhiH parivAritaH |
ghnatavAnrAkShasAnIkaM rAmachandraM nato.asmyaham || 42||
mUrtidvayaM samAshritya bhUbhAramapahR^itya cha |
sa~njahAra kulaM svaM yastaM shrIkR^iShNamahaM bhaje || 43||
bhUmyAdilokatritayaM santR^iptAtmAnamAtmani |
pashyanti nirmalaM shuddhaM tamIshAnaM bhajAmyaham || 44||
yugAnte pApino.ashuddhAnbhittvA tIkShNasudhArayA |
sthApayAmAsa yo dharmaM kR^itAdau taM namAmyaham || 45||
evamAdInyanekAni yasya rUpANi pANDavAH |
na shakyaM tena sa~NkhyAtuM koTyabdairapi taM bhaje || 46||
mahimAnaM tu yannAmnaH paraM gantuM munIshvarAH |
devAsurAshcha manavaH kathaM taM kShullako bhaje || 47||
yannAmashravaNenApi mahApAtakino narAH |
pavitratAM prapadyante taM kathaM staumi chAlpadhIH || 48||
yathAkatha~nchidyannAmni kIrtite vA shrute.api vA |
pApinastu vishuddhAH syuH shuddhA mokShamavApnuyuH || 49||
AtmanyAtmAnamAdhAya yogino gatakalmaShAH |
pashyanti yaM j~nAnarUpaM tamasmi sharaNaM gataH || 50||
sA~NkhyAH sarveShu pashyanti paripUrNAtmakaM harim |
tamAdidevamajaraM j~nAnarUpaM bhajAmyaham || 51||
sarvasattvamayaM shAntaM sarvadraShTAramIshvaram |
sahasrashIrShakaM devaM vande bhAvAtmakaM harim || 52||
yadbhUtaM yachcha vai bhAvyaM sthAvaraM ja~NgamaM jagat |
dashA~NgulaM yo.atyatiShThattamIshamajaraM bhaje || 53||
aNoraNIyAMsamajaM mahatashcha mahattaram |
guhyAdguhyatamaM devaM praNamAmi punaH punaH || 54||
dhyAtaH smR^itaH pUjito vA shritaH praNamito.api vA |
svapadaM yo dadAtIshastaM vande puruShottamam || 55||
iti stuvantaM paramaM pareshaM harShAmbusaMruddhavilochanAste |
munIshvarA nAradasaMyutAstu sanandanAdyAH pramudaM prajagmuH || 56||
ya idaM prAtarutthAya paThedvai pauruShaM stavam |
sarvapApavishuddhAtmA viShNulokaM sa gachChati || 57||

iti shrIbR^ihannAradIyapurANe pUrvabhAge prathamapAde sanatkumAranAradasaMvAde 
nAradAya shaunakakR^itaviShNustutirnAma dvitIyodhyAyaH || 2||
##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}