% Text title : Vishnutoshini % File name : viShNutoShiNI.itx % Category : vishhnu, pradIptakumArananda % Location : doc\_vishhnu % Author : (Copyright) Pradipta Kumar Nanda, Kendrapara, Orisa pknanda65 at gmail.com % Transliterated by : Pradipta Kumar Nanda % Proofread by : Pradipta Kumar Nanda % Acknowledge-Permission: (Copyright) Pradipta Kumar Nanda % Latest update : December 16, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Vishnutoshini ..}## \itxtitle{.. viShNutoShiNI ..}##\endtitles ## AtmAnAtmavivekajanyaparamaM brahma priyaM shAshvataM mAyAyuktamalakShyatattvamamalaM nAdvaitabhinnaM jagat | itthaM gandhakutarkamandasakalaM dhvaMsIkR^itaM sAdhavaM sa.nbhrAntaM surapArthasArathivaraM shrIdAru sa.nprArthaye || 1|| mAyAvAdimataM samastakuhakaM satyaM jagadvaiShNava nityaM tvaM piba kR^iShNanAma sarasaM sevasva pAdadvayam | haMho tattvamasIti vAkyamalikaM sAraM shirovedanaM ki~nchAnyatsukhamakShayaM bhuvi sakhe nIlAdrinAthaM bhaja || 2|| siddhe shArIrakessminprachuratarasukhaM bhAskare pArijAte pUrNapraj~ne pradIptastavaguNamahimA shrIkare shaiva\-shAkte | shrIbhAShye vallabhasya tvaNumayaparame sarvavedAntasAre govinde pUjyapAde vilasati nitarAM premabhaktirharernaH || 3|| siddhAnto na hi mAna\-tarkaviShayo no nirNayastAdR^ishaiH no vAdo na cha jalpagalparahitaH kiM vA vitaNDAravaiH | dR^iShTAntAsvayavaiH sajAtikalito no nigraho dushchChlaiH hetvAbhAsamahAprayojanamaho meye harau saMshayaH || 4|| siddhAntaM shR^iNu pA~ncharAtravachanaM j~nAna~ncha sa~NkarShaNaH pradyumnashcha balaM kriyA suruchirA sR^iShTishcha saudarshanI | shaktiH syAdaniruddha\-viShNu\-bhagavAn vedArthasaMsthApakaH chAturvyUhasamAshrayo harirabhUt shrIvAsudevaprabhuH || 5|| mohAbaddhanipIDitA hatadhiyo naiyAyikAstArkikAH nityaM saptapadArthatattvaviShayAH kechittu vai ShoDasha | pakSha\-vyApti\-sahetu\-mAnasahitAH niHshreyasAkA~NkShiNaH vAchAlAH khalu shuShkatarkamukharAH kiM vA parairdurjanaiH || 6|| AjIve yadi durgatiH pravidhinA yAjishcha nIlAchale vyAjI mA bhava vAsudeva matiman vAjIva kAryaM chara | rAjIbhUtasamastadarshanachaye chAvjI chiraM sundare sajjIbhUtasamastatattvapuruShe rAjIvanetre manaH || 7|| snAnaM vedyAM rathagatisukhaM shAyanaM chAyane dve prAvArashcha pratidinamaho chandanashchApakeliH | pArshvatyAgo damanakasahotthAnapuShyAbhiShekA bhavyA yAtrA vipulalalitA dvAdashaiva prasiddhAH || 8|| satyAsatyakathAM pradIpta\-matiman karNau kuru svAdaraM prasthAnIkR^itasarvadarshanamataM vakShyAmi sAraM param | AnandAmR^itayogasA~NkhyasahitaM vedAntavedAnvitaM dR^ishyAdR^ishyapadArthatattvasarasaM bhaktipriyaM mAdhavam || 9|| divyaM koTisharatkalAkararuchaM sha~NkhAkR^itirstaijasaM nIlAdripraNavAdyatattvagahanaM prAchIrabibhrattrayam | chAtuShkoNitanAdavindurahitaM dIptaM chaturdvArakaM traimAtraM haridhAmashAshvatasukhaM vaikuNThanAmojjvalam || 10|| dvAdashyAM priyakArtike malatithau ShaTke jagannAtha he vyAghratvakparidhAnakuNDamukuTo nAgArjuno durlabhaH | divyAslaukikaShoDashAyudhayutaH kairAtaveshojjvalo rAmAnandapurIshvara tvayi sakhe duShprApyabodhasthitiH || 11|| lIlAM kolakR^ite kalAkaravR^ite shArdUlavikrIDite vA~nChAkalpavaTAvR^ite taTadhR^ite dAruprabhAbhAsvate | jyeShThaM shreShThayate shubhaM vijayate gItAkathAM bhAShate bhaktiM prArthayate mahAprabhu\-jagannAthAya tasmai namaH || 12|| shraddhAreNumahAsukhaM virahitaH shrIguNDichAvihvalaH rajjvAkarShaNahInadurbalataro nandAbhidhAnosdhamaH | AshA vaitaraNI prabhAtakiraNe shrImandire darshanaM chitte tIvravatI karoti kavitAM hA bhAgyahInaH kaviH || 13|| buddhiM vardhayate guNaM gaNayate kR^iShNa~ncha rAmAyate chittaM chorayate svabhaktamahate kAruNyamAtanvate | shiShTAnpAlayate khalAndalayate kaShTaM parAkurvate bhaktiM prArthayate mahAprabhu\-jagannAthAya tasmai namaH || 14|| kaNThe hAravishAlalambitapadaH nAnAsukhaiH puShpitaH bhAle divyashikhaNDadIptamakuTaH pratyakShadIptadyutiH | nAsAlambitapuShpahAratilakaM shIrShe manora~njanaM dR^ishyo vishvaguruH purIshaparamo bhaktipriyo dAravaH || 15|| taptasvarNasavarNama~NganichayaM rakto rajashchAdharaH AsyaM kR^iShNakalApramugdhasaralaM hAsyaM jaganmohanam | netre vIkShaNamugdhadugdhamadhuraM bhUgolakolAgrataM phullaM ghrANavihArachitrakusumaM ko vA tiraskurvate || 16|| shrImad govindachandro nikhilasahR^idayo nIlajImUtakAntaH shrImadrAjAdhirAjo raghukulatilako nIladUrvAdalAbhaH | shrIsatsa~NgAdhirUDho vipulapulakito brahmadArupradIptaH shrIsatkAreShu bhAntaH pravilasatu tarAM prArthanA\-kAmadhenuH || 17|| eShA viShNupurI mahAjanacharI siddhAntashiromaNiH nityA nIlamaNiprakAshasahajA taddArukolAgratI | bhedAbhedavisheShatattvagahanapratyakShadR^ishyAsdhvarI svAhAkArakarI prabhAtasamaye sarvArthasiddhipradA || 18|| rAdhAkR^iShNapadAravindayugalA sarvatra sa~njIvanI tR^iShNAtApavighAtinI nigaditA saddarshane shAshvatI | tarkAtItasamastamArgasaralA chaitanyasaMyojinI sA mA pAtu vimuktibhaktilalitA mAtA manora~njinI || 19|| premAli~NgitashuddhabuddhanikhilAmnAyaprabhAmaNDalo lIlAdainikakautukI ruchikarI lakShmIparAkarShiNI | vesho bhUShaNasundaraM nirupamaM bhogashcha nAnAvidhai\- rarchArUpamidaM hareH priyatamaM shrImandire nandati || 20|| vyUhAtItasamastadR^ishyapaTalaM taddArudehAshritaH sUkShmasthUlachatuShTayairvilasito vedAntasArottamaH | nityaM tattvamasi pradhAnapuruSho mAyAmayo nirjara Aste miShTamahAprasAdajanakaH kaivalyadAtA hariH || 21|| pratyakShaM sukhamaihikaM bhajata re AmuShNikaM naiva sat sambhoge puruShArthasiddhirakhilA saMsArabhUmau sadA | svargo nAsti na vedamantrasaphalo mR^ityushcha mokShasthitiH chArvAko bahubhAShate khalavaro mUrkhashcha vAchAladhIH || 22|| duHkhaM janma tathA pravR^ittirakhilA doShashcha mithyAmitiH paurvApaurvavichArakAH shramakR^itAH sambhAvayanti prathAm | svachChandaM na hi nApavargaramR^itaM kiM vaiparItye matiH tyaktvA dhUrtamataM ramasva satataM bhaktipriya premika || 23|| taddravyaM guNakarmabhedanichayaM sAmAnyaj~nAnaM tathA saptasheShTha\-visheShashabdaviShayAbhAvAH padArthAstvamI | sAdharmyAH samavAyayogaruchirA vaidharmyatattvAshritAH rugNAH mAMsarasaM pibanti rudhiraM tarkAndhakAresdhvani || 24|| shrInIlAchalamaulimaNDanamaNiM saMvinmayaM shAshvataM mityAj~nAnavitADanaM priyatamaM tatkR^iShNavarNadvayam | jij~nAsAtibalA purIpriyakathA shrImandirapremikaM tattvAtItamidaM hareH khilasukhaM karNAmR^itaM bhAvaye || 25|| nityA saukhyakarI vimuktisahitA vedAntavedyA rati\- ryuktirdArumayI sadaivalalitA svAtmAnusandhAyinI | vidyA dvaitamahArasA madhumayI sanmArgasadbhAvinI shlAghyA shrIparameshvarapriyatamA bhaktirmahA sAttvikI || 26|| mUrtirbhaktijanI vishalyakaraNI nAdvaitavaiyAsakI no tarka\-prabalA na sA~Nkhya\-saralA no yoga\-vidveShiNI | ArAdhyA tulasIdalAyitapadA shrIbrahmadArupriyA saMsArAmayanAshinI nigamajA manmAnasI vaikharI || 27|| kR^iShNaM kIrtaya sundaraM shR^iNu kathAM govindanAma smara dArubrahma samarchaya priyatamaM sevasva pAdau chiram | sakhyaM shrIpuruShottame pratidinaM shrIrAmadAso bhava sarvasvAtmanivedanaM kuru harau tadvandane nandaya || 28|| shrImadbhAgavataM purANamashanaM gItAmR^itaM pAnakaM nityaM dArumukhaM nirIkShaNamahatsaukhyaM purIsevanam | tannAmashravaNaM saharShayajanaM sa~NkIrtanaM jIvanaM sAkShAchChrIharibhaktisAdhakavaraM susvAgataM kurmahe || 29|| shrIkShetraM puruShottamasya sadanaM brahmamahAvaiShNavo lIlAdvaitakalAkaro harivaro brahmANDapiNDAdhipaH | nityaM sevaka\-sevyabhAvalasito bhogAlaye saMsthita\- staddivyaM harikIrtanaM vitanute pradIptanandAsdhamaH || 30|| dAsIbhUtAM harestAM triguNaparihitAM viShNumAyAM sushaktiM vidyAsvidyAsvarUpAM prakR^itipadagatAM mokShabhogapradAtrIm | mUlAM sUkShmAM sabIjAM pracharati bahulAM sR^iShTikAle pareshIM mAnyAM gaNyAM bhajembAM puruShasukhakarIM prArthaye sarvadAham || 31|| tvaM buddhirmAnasI vai tvamasi cha sakalaM j~nAnavij~nAnarUpaM tva~nchAhA~NkArarUpo vikR^itikaluShitashchendriyANAM samUhaH | tanmAtrANi tvameva tribhuvanabhavane pa~nchabhUtAni yAni sarvANi tva~ncha tAni pravara yadupate nAsti kashchitparo vA || 32|| jIvAjIvapadArthayugmakathitaH syAdvAdayuktyAshrito bandhaH sambaranirjarAshravayutAH mokShashcha tattvAni vai | samyagdarshanamAdyaratnamamalaM j~nAnaM charitraM trayaM sarvaj~no bahu vakti nAsti charamaM tattvAntaraM bhAvaye || 33|| bhrAjatsatyachatuShTayena karuNo hiMsAvihIno muniH shrIviShNoH navamAvatAranigamaprakShiptavidhvaMsakaH | siddhaH shAkyakulAvatIrNabhagavAn buddho mahAvaiShNavaH nirvANAmR^itadhArakaH smitamukhaH pAyAddayAsAgaraH || 34|| iti pradIptanandasharmavirachitA viShNutoShiNI samAptA | ## Composed, encoded, and proofread by Dr. Pradipta Kumar Nanda, Kendrapara, Orisa pknanda65 at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}