% Text title            : Vishnu Vaibhavam
% File name             : viShNuvaibhavam.itx
% Category              : vishhnu
% Location              : doc\_vishhnu
% Proofread by          : Suba Ramesh, NA
% Latest update         : January 5, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnuvaibhavam ..}##
\itxtitle{.. viShNuvaibhavam ..}##\endtitles ##
atha viShNusaMhitAyAM tR^itIyaH paTalaH |
siddhaH\-
atha vakShyAmi sa~NkShepAd viShNorvaibhavamuttamam |
yena j~nAtena shuddhAtmA vaiShNavaM padamApnuyAt || 1||  (j~nAnena)

devateha paraM jyotireka eva paraH pumAn |
sa eva bahudhA loke mAyayA bhidyate svayA || 2||
puruShAkhyaH svayaM mAyAM prakR^itiM vyajya sa dvidhA |
sthitastridhA cha sattvAdiguNabhedAt pratIyate || 3|| (sthitaM tridhA)

viShNubrahmashivAkhyo.asau sthityutpattyantakR^inmataH | (viShNurbrahma)
mUrtayo vAsudevAdyAH dharmaj~nAnAdibhedataH || 4||
chatasrastasya vij~neyA vedavarNayugAshrayAH |
parameShThI pumAn vishvo nivR^ittiH sarva ityasau || 5||
pa~nchadhopaniShadbhedAnmahAbhUtatvamAgataH |
manaHshrotrAdibhiH ShaDbhira~Ngaishcha hR^idayAdibhiH || 6||
ShaDakSharAtmako nityamR^itubhishchaiSha bhidyate |
saptavyAhR^itibhirlokaishChandobhiH R^itubhistathA || 7||
saptadhA bhidyamAno.asau vij~nAtavyo vichakShaNaiH |
aShTaprakR^itibhishchAsAvaShTamUrtibhireva cha || 8||
aShTAkSharamayo nityamaShTadhA chaiSha bhidyate |
nArAyaNo nR^isiMhashcha varAho vAmanastathA || 9|| (vArAho)

rAmabrahmendrasUryAshcha chandrastairnavadhA sthitaH | smR^itaH)
indro.agnishcha yamashchaiva nirR^itivaruNastathA || 10||
vAyushcha soma IshAno brahmAnantashcha te dasha |
ekAdashendriyairbhinnastathA dvAdashamAsapaiH || 11|| (ekAdashendriyaishchaiva tathA)

sa trayodashadhA chaiva vishvedevAdibhiH smR^itaH |
sa chaturdashadhA bhinno manubhishchAkShuShAdibhiH || 12||
tithibhishchaiva vij~neyaH sa pa~nchadashadhA sthitaH |
svaraiH ShoDashadhA bhinno dikkoNAvAntaraistathA || 13||
mUrtyantaraishcha vij~neyo bahudhA tasya vistaraH | (mUrtyantaraistu)
ekadvitrichatuShpa~nchaShaDAdyA vishvatomukhAH || 14||
mukhabhedAH samAkhyAtAstasya vishvAtmano hareH |
hyAdayo vishvataHpANerbhujabhedAstathA smR^itAH || 15||
vividhAbharaNA dIrghA vividhAyudhadhAriNaH |
mUrdhAnashchaiva tasyoktA lasanmakuTakuNDalAH || 16|| (lasanmakarakuNDalAH)

sahasraM pauruShe sUkte pAdAshchAkShINyanekashaH |
hiraNyagarbho.anekAtmA vimalaH shyAma eva cha || 17||
nIlaH pItashcha raktashcha nAnAvarNashcha kIrtitaH |
chandrAdityau smR^itau tasya vAmadakShiNalochane || 18||
brahmANamAhurmUrdhAnaM keshAMshchAsya vanaspatIn |
bhruvormadhyaM tathA rudraM somaM cha manasi sthitam || 19||
ekAdashAsya vij~neyA rudrAH kaNThaM samAshritAH |
nakShatragrahatArAshcha dashanAstasya kIrtitAH || 20||
dharmAdharmau tathordhvAdharoShThasampuTamAshrito |
indrAgnI tAluke tasya jihvA chaiva sarasvatI || 21||
dishashcha vidishashchaiva shrotrayoH saMvyavasthitAH |
vAyuH prANeShu vij~neyo maruto.a~NgulayaH smR^itAH || 22||
R^iShayo romakUpasthAH samudrA vastigocharAH |
nadyashcha vasudhA chAsya nAgAshcha nalake sthitAH || 23||
1. ' stu' , 2. ' karaku' kha. ga. pAThaH.

jAnusthAvashvinau devau parvatAshchorusaMshritAH |
guhye.asya guhyakA j~neyA vasavashchorasi sthitAH || 24|| (vasavashchorusaMsthitAH, vasavashchorarasthitAH)

nakhAgreShu cha vij~neyA divyA oShadhayaH sthitAH |
nAsikAyAH puTau j~neyAvayane dakShiNottare || 25||
R^itavo bAhumUlasthA mAsAstasya kareShu cha |
lalATAgre sthitAH siddhA bhruvormeghAH savidyutaH || 26||
yakShakinnaragandharvA daiteyA dAnavAstathA |
rAkShasAshchAraNAshchAsya jaTharaM tu samAshritAH || 27|| (jaTharaM cha)

pitaraH pretakUshmANDavetAlapramathAstathA | (vetAlAH pramathAstathA)
pAtAlagocharAshchAsya pAdayugme vyavasthitAH || 28||
pArshvayostasya vij~neyA yaj~nA vaidikatAntrikAH |
agnihotrAdikarmANi varNAshramagatAni cha || 29||
svAhAsvadhAvaShaTkArAH sarve.asya hR^idaye sthitAH |
ye vai sahasranAmAno viShNavaH parikIrtitAH || 30||
sahasramUrtayaste.atra yathAyogamavasthitAH |
yataH sahasrasa~NkhyApi bahusa~NkhyA prakIrtitA || 31||
mUrtayashchAsya sarvAstAH sa~NkhyAtItA hyanekashaH |
devAdInAM cha sarveShAM mUrtayo.atraiva kIrtitAH || 32||
tasmAt sahasramUrtiH san viShNuH sarvAtmako mataH | (saM  viShNuH)
darpaNAnAM bahutve tu dR^ishyate naikatA yathA || 33||
tadvad bahutvaM manyante viShNostasyAlpachetasaH |
yathAmbhasIndubimbAni pratishabdAshcha naikadhA || 34||
eko.apyAtmA bahuShvevamityAhustattvadarshinaH |
paramArthamajAnanto mUDhAstvaj~nAnamohitAH || 35||
kShetraj~nasya bahutvaM hi vadantIha ramanti cha |
brAhmaNA yasya mukhataH kShatriyA yasya bAhutaH || 36||
vaishyA yasyoruto jAtAstadviShNoH paramaM padam |
IdR^ishaM taM mahAviShNumaprameyamanAmayam || 37||
tatprasAdAdR^ite vaktuM j~nAtuM vA naiva shakyate |
sarvadevAshrayo viShNuH sarve devAstadAtmakAH || 38||
asheShaM vA~NmayaM chedaM lokAlokaM charAcharam |
vyAptaM viShNusharIreNa vAyunevAmbaraM sadA || 39||
sarve viShNuparA devAH sarvashAstreShu kIrtitAH |
yato jAtAkhilA sR^iShTirante tallayabhAginI || 40||
tato.anyaH puNDarIkAkShAt ko vishvaM vyApya tiShThati |
AdhArAdheyabhAvena dvidhAvastho janArdanaH || 41||
sarvabhUtahitAyAsauM sthitaH sakalaniShkalaH |
evaM chobhayarUpo.asau j~neyo viShNuH parAtparaH || 42|| (parAvaraH)

sthUlasUkShmaparatvena tridhA cha bhagavAn sthitaH |
prabhaviShNurmahAviShNuH sadAviShNushcha sa smR^itaH || 43||
sa hyAtmA chAntarAtmA cha paramAtmA cha sa smR^itaH | (cha kIrtitaH)
vairAjaM lai~NgikaM chaishaM bahirantashcha sarvashaH || 44||
shabdAdishchinmayaM rUpaM jAgratsvagnasuShuptigam | (shabdArthashchinmayaM)
mantrAnusvAranAdeShu trayamanveShayed budhaH || 45||
vede sA~Nkhaye cha yoge cha pa~ncharAtre cha kevale | (kevalam)
dharmashAstre purANe cha munibhirdevamAnuShaiH || 46||
paThyate nikhilairnityaM vishvaM viShNumayaM jagat |
atItAnAgataM chaiva vartamAnaM cha ki~nchana || 47||
indriyANIndriyArthAshcha bhUtAntaHkaraNAni cha |
avyaktaM triguNA mAyA vidyA dharmAdayastathA || 48||
niyatishcha kalA kAlaH sarvamanyachcha tanmayam |
viShNureva paro devaH sarvabhUteShvavasthitaH || 49||
sarvabhUtAni chaivAsau na tadastIha yanna saH |
devAsurAdayo mrtyAH pashavashcha sarIsR^ipAH || 50||
taruvallItR^iNauShadhyo mahAbhrAshanividyutaH |
shailAbdhisaridArAmanagarANi sarAMsi cha || 51||
lokAshchAnantakAlAgnipretAvAsoragAlayAH |
sapta bhUrAdayo brAhmashaivavaiShNavasa.nj~nitAH || 52||
sarve cha viShNunaikena vyAptA ityavadhAraya |
varAho bhArgavaH siMho rAmashrIdharavAmanAH || 53||
ashvakR^iShNau cha dikShveShAM lokairaNDaM sahAkhilam |
yachchAnuktamasheSheNa viShNoretA vibhUtayaH || 54||
vishvavyApitayaivaiSha viShNutvaM prAptavAn prabhuH |
(vishvavyAptitayaivaiSha viShNutvaM prAptavAn vibhuH)
vasanAt sarvabhUteShu vAsudevatvameva cha || 55||
AdimUrteH samAkR^iShTa iti sa~NkarShaNaH smR^itaH |
pradyumno dyumnapuShTatvAdaniruddho.anirodhanAt || 56||
achyuto.achyavanAd yogAt tridhAmA dhAmabhistribhiH |
vilomendriyagamyatvAjj~neyo.antaryAmyadhokShajaH || 57
vaikuNThAmalavarNatvAd vaikuNThashchAyamuchyate | (vekuNThAmalavarNatvAd)
keshau sargAntayorasya sta ityevaiSha keshavaH || 58||
naranArIprakartR^itvAnnarANAM chAyanAdayam |
nArAyaNo narotthAnAmayanatvAdapAM cha saH || 59||
mAdhavo madhuShUtpattyA dhavatvAd vA shriyaH smR^itaH |
gAM vindatIti govindo duHkhAnAM haraNAddhariH || 60||
madhvAkhyAsuraghAtitvAduchyate madhusUdanaH |
tribhiH svairvikramairvyApta iti j~neyastrivikramaH || 61||
vAmano hrasvatAyogAchChrIdharo vahanAchChriyaH |
hR^iShIkAkhyendriyeshatvAddhR^iShIkesho.ayamIritaH || 62||
padmaM nAbherabhUd yasya padmanAbhastataH smR^itaH |
udarAlambi dAmAsyetyukto dAmodarashcha saH || 63||
sa rudro rodanAjjAto brahmA bR^iMhaNakarmaNA |
indrashcha paramaishvaryAd vahanAd vahniruchyate || 64||
yamaH saMyamanAt puMsAM varaNAd varuNastathA |
vAyurvAnAta savAta soma IshashcheShTo janeShvataH || 65||
Adityo.aditiputratvAchchandrashchandayatIti saH |
ityevaM guNavR^ittyAhyaiH shabdaireko.apyanekadhA || 66||
pratIyate.ambhasIvendurbahutvaM nAsya tAvatA |
yathA sarvagato vAyuratisUkShmo na dR^ishyate || 67||
tathA sarvagato viShNuraj~naistaj~naistu dR^ishyate |
ichChAj~nAnakriyAbhedAna tisro vai tasya shaktayaH || 68||
yAbhirdvAdashadhA bhinnAshchatasrastasya mUrtayaH |
sA tu shaktiH parA sUkShmA yechChAkhyA kAmarUpiNI || 69||
otaM protaM yayA sarvaM dR^ishyate sacharAcharam |
dvidhA vibhajya sAtmAnaM kriyAj~nAnapravartanam || 70||
prakaroti jagat kR^itsnaM svatantramiva tadvashAt |
kriyAshaktyAparo viShNuH j~nAnashaktyA khageshvaraH || 71||
taM yaj~napuruShaM prAhustapashChandomayaM khagam |
ichChAshaktyA tu vij~neyaH puruSho yaH paro.avyayaH || 72||
j~nAnapUrvaM pravarteta kriyA kartA tataH punaH |
j~nAnAdhArA kriyA j~neyA na chaikA sampravartate || 73||
kriyAj~nAnaprabhedena shaktirekA parasya nuH |
dvidhA vyApya jagat kR^itsnaM charAcharamavasthitA || 74||
shaktishaktimatoryasmAnna bhedo.asti parasparam |
abhinnaM tena boddhavyaM kriyAj~nAnadvayaM budhaiH || 75||
eka eva tridhArUpo bhedenAnena saMsthitaH |
kriyA j~nAnaM tathechChA cha tritayaM chaikameva hi || 76||
upachAraH smR^ito bheda ekasyaiva mahAtmanaH |
khagopendrashivAshchaivamabhinnAstena kIrtitAH || 77||
indriyANIndriyArthAshcha buddhereva vibhUtayaH |
aha~NkAravikArAshcha jalabudbudavanmatAH || 78||
goShvapyanekavarNAsu yathA kShaurakavarNatA |
tathAshrayeShu bhinneShvapyekarUpamavekShyatAma || 79||
kShaNabha~Ngi jagat sarvaM viddhyetat sacharAcharam |
tadabha~Ngyekameveha yad viShNoH paramaM padam || 80||
tasyeshvarasya chaishvaryAt sarvametat pravartate |
seshvaraM hi jagat kR^itsnaM nAnIshvaramidaM bhavat || 81||
kShetraj~nasya bahutvaM cha vadantyaj~nAnamohitAH |
na kShetraj~nabahutvaM tu tattvaj~nAnAM tu sammatam || 82||
upAdhibhedAd ye tvAhurbahutvaM paramAtmanaH |
saMsarantyeva te mUDhA nApnuvanti paraM padama || 83||
yeShAM vishvasR^ijo.apyasya sarvaj~natvamanIpsitama |
taiH pramANaprameyAnAM sambandho no.avadhAritaH || 84||
saMsthAninAM samutpattyA jagato janma yanmatam |
tadIshakR^itamanyo.alaM prakR^iterna hi chodane || 85||
tasmAdIshakR^itaM vishvaM tadUDhaM tanmayaM tathA |
tatpAlitaM tadartha cha tadIyaM cheti gR^ihyatAm || 86||
tasyedR^ishasya devasya prabhAvo nanvadurgamaH |
svayameva sa taM veda yadi vA na tathA shruteH || 87||
yato jAtAkhilA sR^iShTiriyaM ko veda tat param |
arvAgdevA hi tatsR^iShTA brahmAdyA api mUrtayaH || 88||
tathApi mahimoddeshastasyokto.achintyarUpiNaH |
vakti yanmahimAnantyaM na te viShNaviti shrutiH || 89||

iti viShNusaMhitAyAM viShNuvaibhavaM nAma tR^itIyaH paTalaH ||
##

Proofread by Suba Ramesh, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}