% Text title            : Vishnuvallabhastotra or Sixtysix Vishnu Names and Sacred places
% File name             : viShNuvallabhAShTaShaShTinAmatIrthastotra.itx
% Category              : vishhnu, stotra
% Location              : doc\_vishhnu
% Proofread by          : Singanallur Ganesan singanallur at gmail.com
% Translated by         : https://archive.org/details/NarsimhaPuranGitapress
% Description-comments  : Narasimhapurana adhyAya 65.
% Latest update         : June 29, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIVishnuvallabhastotra or Sixtysix Vishnu Names and Sacred places ..}##
\itxtitle{.. shrIviShNuvallabha athavA aShTaShaShTinAmatIrthastotraM narasi.nhapurANe ..}##\endtitles ##

bharadvAja uvAcha
tvatto hi shrotumichChAmi guhyakShetrANi vai hareH |
nAmAni cha suguhyAni vada pApaharANi cha || 1||
sUta uvAcha
mandarasthaM hari.n devaM brahmA pR^ichChati keshavam |
bhagavantaM devadevaM sha~NkhachakragadAdharam || 2||
brahmovAcha
keShu keShu cha kShetreShu draShTavyo.asi mayA hare |
bhaktairanyaiH surashreShTha muktikAmairvisheShataH || 3||
yAni te guhyanAmAni kShetrANi cha jagatpate |
tAnyahaM shrotumichChAmi tvattaH padmAyatekShaNa || 4||
kiM japan sugatiM yAti naro nityamatandritaH |
tvadbhaktAnAM hitArthAya tanme vada sureshvara || 5||
shrIbhagavAnuvAcha
shR^iNuShvAvahito brahman guhyanAmAni me.adhunA |
kShetrANi chaiva guhyAni tava vakShyAmi tattvataH || 6||
kokAmukhe tu vArAhaM mandare madhusUdanam |
anantaM kapiladvIpe prabhAse ravinandanam || 7||
mAlyodapAne vaikuNThaM mahendre tu nR^ipAtmajam |
R^iShabhe tu mahAviShNuM dvArakAyAM tu bhUpatim || 8||
pANDusahye tu deveshaM vasurUDhe jagatpatim |
vallIvaTe mahAyogaM chitrakUTe narAdhipam || 9||
nimiShe pItavAsaM cha gavAM niShkramaNe harim |
shAlagrAme tapovAsamachintyaM gandhamAdane || 10||
kubjAgAre hR^iShIkeshaM gandhadvAre payodharam |
garuDadhvajaM tu sakale govindaM nAma sAyake || 11||
vR^indAvane tu gopAlaM mathurAyAM svayambhuvam |
kedAre mAdhavaM vindyAdvArANasyAM tu keshavam || 12||
puShkare puShkarAkShaM tu dhR^iShTadyumne jayadhvajam |
tR^iNabinduvane vIramashokaM sindhusAgare || 13||
kaseraTe mahAbAhumamR^itaM taijase vane |
vishvAsayUpe vishveshaM narasiMhaM mahAvane || 14||
halA~Ngare ripuharaM devashAlAM trivikramam |
puruShottamaM dashapure kubjake vAmanaM viduH || 15||
vidyAdharaM vitastAyAM vArAhe dharaNIdharam |
devadAruvane guhyaM kAveryAM nAgashAyinam || 16||
prayAge yogamUrti.n cha payoShNyAM cha sudarshanam |
kumAratIrthe kaumAraM lohite hayashIrShakam || 17||
ujjayinyAM trivikramaM li~NgakUTe chaturbhujam |
hariharaM tu bhadrAyAM dR^iShTvA pApAt pramuchyate || 18||
vishvarUpaM kurukShetre maNikuNDe halAyudham |
lokanAthamayodhyAyAM kuNDine kuNDineshvaram || 19||
bhANDAre vAsudevaM tu chakratIrthe sudarshanam |
ADhye viShNupadaM vidyAchChUkare shUkaraM viduH || 20||
brahmeshaM mAnase tIrthe daNDake shyAmalaM viduH |
trikUTe nAgamokShaM cha merupR^iShThe cha bhAskaram || 21||
virajaM puShpabhadrAyAM bAlaM keralake viduH |
yashaskaraM vipAshAyAM mAhiShmatyAM hutAshanam || 22||
kShIrAbdhau padmanAbhaM tu vimale tu sanAtanam |
shivanadyAM shivakaraM gayAyAM cha gadAdharam || 23||
sarvatra paramAtmAnaM yaH pashyati sa muchyate |
aShTaShaShTishcha nAmAni kathitAni mayA tava || 24||
kShetrANi chaiva guhyAni kathitAni visheShataH |
etAni mama nAmAni rahasyAni prajApate || 25||
yaH paThet prAtarutthAya shR^iNuyAdvApi nityashaH |
gavAM shatasahasrasya dattasya phalamApnuyAt || 26||
dine dine shuchirbhUtvA nAmAnyetAni yaH paThet |
duHsvapnaM na bhavet tasya matprasAdAnna saMshayaH || 27||
aShTaShaShTistu nAmAni trikAlaM yaH paThennaraH |
vimuktaH sarvapApebhyo mama loke sa modate || 28||
draShTavyAni yathAshaktyA kShetrANyetAni mAnavaiH |
vaiShNavaistu visheSheNa teShAM muktiM dadAmyaham || 29||
sUta uvAcha
hariM samabhyarchya tadagrasaMsthito hari.n smaran viShNudine visheShataH |
imaM stavaM yaH paThate sa mAnavaH prApnoti viShNoramR^itAtmakaM padam || 30||

iti shrInarasiMhapurANe Adye dharmArthamokShadayini viShNuvallabhe
pa~nchaShTitamo.adhyAyaH || 65||

##
From Narasimhapurana adhyAya 65.
https://archive.org/details/NarsimhaPuranGitapress

Proofread by Singanallur Ganesan singanallur at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}