% Text title            : shrIviShNuvijayastotram
% File name             : viShNuvijayastotram.itx
% Category              : vishhnu, vishnu
% Location              : doc\_vishhnu
% Proofread by          : PSA Easwaran
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Latest update         : March 25, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviShNuvijayastotram ..}##
\itxtitle{.. shrIviShNuvijayastotram ..}##\endtitles ##

shrIgaNeshAya namaH ||
devA UchuH |
natAH sma viShNuM jagadAdibhUtaM surAsurendraM jagatAM prapAlakam |
yannAbhipadmAtkila padmayonirbabhUva taM vai sharaNaM gatAH smaH || 1||
namo namo matsyavapurdharAya namo.astu te kachChaparUpadhAriNe |
namaH prakurmashcha nR^isiMharUpiNe tathA punarvAmanarUpiNe namaH || 2||
namo.astu te kShatravinAshanAya rAmAya rAmAya dashAsyanAshine |
pralambahantre shitivAsase namo namo.astu buddhAya cha daityamohine || 3||
mlechChAntakAyApi cha kalkinAnne namaH punaH kroDavapurdharAya |
jagaddhitArthaM cha yuge yuge bhavAn vibharti rUpaM tvasurAbhavAya || 4||
niShUdito.ayaM hyadhunA kila tvayA daityo hiraNyAkSha iti pragalbhaH |
yashchendramukhyAn kila lokapAlAnsaMhelayA chaiva tirashchakAra || 5||
sa vai tvayA devahitArthameva nipAtito devadhara prasIda |
tvamasya vishvasya visargakartA brAhmeNa rUpeNa cha devadeva || 6||
pAtA tvamevAsya yuge yuge cha rUpANi dhatse sumanoharANi |
tvameva kAlAgniharashcha bhUtvA vishvaM kShayaM neShyasi chAntakAle || 7||
ato bhavAneva cha vishvakAraNa na te paraM jIvamajIvamIsha |
yatki~ncha bhUtaM cha bhaviShyarUpaM pravartamAnaM cha tathaiva rUpam || 8||
sarvaM tvamevAsi charAcharAkhyaM na bhAti vishvaM tvadR^ite cha ki~nchit |
astIti nAstIti cha bhedaniShThaM tvayyeva bhAtaM sadasatsvarUpam || 9||
tato bhavantaM katamo.api deva na j~nAtumarhatyavipakvabuddhiH |
R^ite bhavatpAdaparAyaNaM janaM tenAgatAH smaH sharaNaM sharaNyam || 10||
vyAsa uvAcha |
tato viShNuH prasannAtmA uvAcha tridivaukasaH |
tuShTo.asmi devA bhadraM vo yuShmatstotreNa sAmpratam || 11||
ya idaM prapaThedbhaktyA vijayastotramAdarAt |
na tasya durlabhaM devAstriShu lokeShu ki~nchana || 12||
gavAM shatasahasrasya samyagdattasya yatphalam |
tatphalaM samavApnoti kIrtanAchChravaNAnnaraH || 13||
sarvakAmapradaM nityaM devadevasya kIrtanam |
ataH paraM mahAj~nAnaM na bhUtaM na bhaviShyati || 14||

iti padmapurANoktaM viShNuvijayastotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}