% Text title            : viShNvaShTakam
% File name             : viShNvaShTakam.itx
% Category              : aShTaka, vishhnu
% Location              : doc\_vishhnu
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : January 19, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. viShNvaShTakam ..}##
\itxtitle{.. viShNvaShTakam ..}##\endtitles ##

shrIgaNeshAya namaH |
puraH sR^iShTAviShTaH puruSha iti tatprekShaNamukhaH
sahasrAkSho bhuktvA phalamanushayI shAsti tamuta |
svayaM shuddhaM shAntaM niravadhisukhaM nityamachalaM
namAmi shrIviShNuM jaladhitanayAsevitapadam || 1||
anantaM satsatyaM bhavabhayaharaM brahma paramaM
sadA bhAtaM nityaM jagadidamitaH kalpitaparam |
muhurj~nAnaM yasmin rajatamiva shuktau bhramaharaM namAmi0|| 2||
matau yatsadrUpaM mR^igayati budho.atannirasanAt
na rajjau sarpo.api mukurajaThare nAsti vadanam |
ato.apArthaM sarvaM na hi bhavati yasmiMshcha tamahaM namAmi0|| 3||
bhramaddhIvikShiptendriyapathamanuShyairhR^idi vibhuM
nayaM vai veda svendriyamapi vasantaM nijamukham |
sadA sevyaM bhaktairmunimanasi dIptaM muninutaM namAmi0|| 4||
budhA yattadrUpaM na hi tu nairguNyamamalaM
yathA ye vyaktaM te satatamakala~Nke shrutinutam |
yadAhuH sarvatrAskhalitaguNasattAkamatulaM namAmi0|| 5||
layAdau yasminyadvilayamapyudyatprabhavati
tathA jIvopetaM gurukaruNayA bodhajanane |
gataM chAtyantAntaM vrajati sahasA sindhunadavannamAmi0|| 6||
jaDaM sa~NghAtaM yannimiShalavaleshena chapalaM
yathA svaM svaM kAryaM prathayati mahAmohajanakam |
manovAdagjIvAnAM na nivishati yaM nirbhayapadaM namAmi0|| 7||
guNAkhyAne yasminprabhavati na vedo.api nitarAM
niShidhyadvAkyArthaishchakitachakitaM yo.asya vachanam |
svarUpaM yadgatvA prabhurapi cha tUShNIM bhavati taM
namAmi shrIviShNuM jaladhitanayAsevitapadam || 8||
viNvaShTakaM yaH paThati prabhAte naro.apyakhaNDaM sukhamashnute cha |
yannityabodhAya subuddhinoktaM radhUttamAkhyena vichArya samyak || 9||

iti shrIviShNvaShTakaM sampUrNam ||
##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}