% Text title            : viThThalahRRidayam
% File name             : viThThalahRRidayam.itx
% Category              : vishhnu, hRidaya
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : April 12, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviThThalahRRidayam ..}##
\itxtitle{.. shrIviThThalahR^idayam ..}##\endtitles ##

shrIpArvatyuvAcha |
mahAshambho devadeva bhaktAnugrahakAraka |
shrIviThThalAravyaM hR^idayaM tanme brUhi sadAshiva || 1||
shrIsha~Nkara uvAcha |
shR^iNu devi mahAdevi pArvati prANavallabhe |
guhyAdguyataraM shreShThaM nAsti guhyamataH param || 2||
jIvasya jIvanaM sAkShAtprANinAM prANa uchyate |
yoginAM hi mahAgamyaM pANDura~NgAbhidhAnakam || 3||
adyApi mahimA tasya sarvathA j~nAyate na hi |
nityanUtanatatkShetrasyopamA nAsti nishchitam || 4||
mukhaM ka~njena tulitaM padmapatrasamekShaNam |
kathaM sAmyaM bhaveddevi hyantaraM mahadantaram || 5||
gajairAvatayoshchaiva ashvochchaiHshravasostathA |
sparshapAShANAyoshchaiva hyantaraM mahadantaram || 6||
kAshyAH shataguNa shreShThaM dvAravatyA dvilakShayoH |
evaM sarvANi tIrthAni kalAM nArhanti kAnichit || 7||
tIrthaM kShetraM daivataM cha mantraH stotraM mahAdbhutam |
etatsarvaM yathAshaktyA varNayAmi mama priye || 8||
ekadA kShIrasaMsthAne devadevaM jagadgurum |
gato.ahaM pAdapUjArthaM surenndrabrAhyaNaiH saha || 9||
sheShanAradapakShIndrairlakShmIkAntaM gaNaiH saha |
praNamya paramAtmAnaM tamuvAcha chaturmukhaH || 10||
brahmovAcha |
mahAviShNo jagannAtha sarvavishvaguhAshaya |
tava yachcha priyaM deva saMsthAnaM brUhi keshava || 11||
shrIbhagavAnuvAcha |
shR^iNu brahman mahAshambho adhiShThAnaM mamAlayam |
pANDura~Ngamiti khyAtaM na sAmyaM bhuvanatraye || 11||
pANDura~NgaM cha vaikuNThaM tulayitvA mayA.adhunA |
pANDura~NgaM guruM matvA pUrNatvenAsthito.asmyaham || 13||
nAhaM tiShThAmi kShIrAbdhau nAsmi sUryendumaNDale |
mannAmakartinasthAne tatra tiShThAmi sha~Nkara || 14||
kAryakAraNakartR^itve sambhavakShetramuchyate |
tAdR^ishaM nAsti tatkShetraM yatra tiShThAmi sarvadA || 15||
sukhe sa~njayati brahma brahmabIjaM prashasyate |
bIjena vyajyate bindurbindornAdaH prakIrtitaH || 16||
Ahato.anAhatashcheti dvidhA nAdastu vidyate |
o~NkAro.anAhato mUrtirAhato nAmakIrtanam || 17||
bindunAdAtmakaM kShetraM nAdo.avyaktaH pradR^ishyate |
yatra sa~NkIrtanenaiva sAkShAdbrahmamayo bhavet || 18||
kIdR^ishaM dhR^itavAn rUpamityAha parameshvaraH |
iShTikAyAM samapadaM tattvamasyAdilakShapAm || 19||
kaTivinyastahastAbjaM praNavAkR^itisaurasam |
UrdhvabIjasamAkhyAtaM pUrNendumukhamaNDanam || 20||
sarvabhUShaNashobhADhyamIdR^ishaM mokShadaM nR^iNAm |
aj~nAnajanabodhArthaM tiShThAmIha janArdanaH || 21||
viThThalaH paramo devastrayIrUpeNa tiShThati |
tIrthaM kShetraM tathA devo brahma brahmavidAM vara || 22||
guhyAdguhyataraM devaM kShetrANAM kShetramuttamam |
chandrabhAgAvaraM tIrthaM na bhUtaM na bhaviShyati || 23||
iti shrutvA rameshasya vachanaM paramAmR^itam |
brahmA nAradasaMyukto hR^idayaM kIrtayan yayau || 24||
idaM viThThalahR^idayaM sarvadAridryanAshanam |
sakR^itpaThanamAtreNa labhate paramaM padam || 25||
omasya hR^idayamantrasya parabrahma R^iShiH smR^itaH |
Chando.anuShTup pravikhyAto devaH shrIviThThalo mahaH || 26||
OM namo bIjamAkhyAtaM shrIM pAtu shaktirIDitA |
OM shrIM klIM kIlakaM yasya vedhako devaviThThalaH || 27||
tribIjaira~NgulinyAsaH ShaDa~NgAni tataH param |
dhyAnAdikaM mahAdivyaM hR^idayaM hR^idaye smaret || 28||

OM asya shrIviThThalahR^idayastotramatrasya parabrahA R^iShiH |
anuShTup ChandaH | shrIviThThalaH paramAtmA devatA | OM nama iti bIjam |
OM shrIM shaktiH | OM shrIM klIM kIlakam | OM shrIM viThThalo vedhakaH |
shrIviThThalaprItyarthaM jape viniyogaH |
OM shrIM klIM a~NgulyAdi\- ShaDaganyAsaH ||
atha dhyAnam
OM shrIM klIM prahasitamukhachandraM prollasatpUrNabimbaM
praNamadabhayahastaM chArunIlAmbudAbham |
samapadakamanIyaM tattvabodhAvagamyaM
sadayavaradadevaM viThThalaM taM namAmi || 29||
klIM shrIM OM OM shrIM klIm ||
pANDura~NgaH shikhAM pAtu mUrdhAnaM pAtu viThThalaH |
mastakaM mAdhavaH pAtu tilakaM pAtu shrIkaraH || 30||
bhargaH pAtu bhuvormadhye lochane viShNurojasA |
dR^iShTiM sudarshanaH pAtu shrotre pAtu digambaraH || 31||
nAsAgraM sR^iShTisaundarya oShThau pAtu sudhArNavaH |
dantAn dayAnidhiH pAtu jihvAM me vedavallabhaH || 32||
tAludeshaM hariH pAtu rasanAM gorasapriyaH |
chibukaM chinmayaH pAtu grIvAM me garuDadhvajaH || 33||
kaNThaM tu kambukaNThashcha skandhau pAtu mahAbalaH |
bhujau giridharaH pAtu bAhU me madhusUdanaH || 34||
kUrparau kR^ipayAviShTaH karau me kamalApatiH |
agulIrachyutaH pAtu nakhAni narakesarI || 35||
vakShaH shrIlA~nChanaH pAtu stanau me stanalAlasaH |
hR^idayaM shrIhR^iShIkesha udaraM paramAmR^itaH || 36||
nAbhiM me padmanAbhashcha kukShiM brahayADanAyakaH |
kaTiM pAtu kaTikaro jaghanaM tu janArdanaH || 37||
shishnaM pAtu smarAdhIsho vR^iShaNe vR^iShabhaH patiH |
guhyaM guhyataraH pAtu UrU pAtUruvikramaH || 38||
jAnU pAtu jagannAtho ja~Nghe me manamohanaH |
gulphau pAtu gaNAdhIshaH pAdau pAtu trivikramaH || 39||
sharIraM chAkhilaM pAtu naranArAyaNo hariH |
agre hyagrataraH pAtu dakShiNe dakShakapriyaH || 40||
pR^iShThe puShTikaraH pAtu vAme me vAsavaprabhuH |
pUrve pUrvAparaH pAtu AgneyyAM chAgnirakShakaH || 41||
dakShiNe dIkShitArthashcha nairR^ityAmR^itunAyakaH |
pashchime varuNAdhIsho vAyavye vAtajApatiH || 42||
uttare dhR^itakhaDgashcha IshAnye pAtu IshvaraH |
upariShTAttu bhagavAnantarikShe chidambaraH || 43||
bhUtale dharaNInAthaH pAtAle kUrmanAyakaH |
svarge pAtu suredrendro brahmANDe brahmaNaspatiH || 44||
aTavyAM nR^ihariH pAtu jIvane vishvajIvanaH |
mArge pAtu manogamyaH sthAne pAtu sthirAsanaH || 45||
sabAhyAbhyantaraM pAtu puNDarIkavarapriyaH |
viShNurme viShayAn pAtu vAsanAH pAtu vAmanaH || 46||
kartA karmendriyaM pAtu j~nAtA j~nAnendriyaM sadA |
prANAn pAtu prANanAtha AtmArAmo manAdiShu || 47||
jAgatiM me jagadbrahma svapnaM pAtu sutejakaH |
suShuptiM me samAdhIshasturyAM pAtu munipriyaH || 48||
bhAryAM pAtu ramAkAntaH putrAnpAtu prajAnidhiH |
kanyAM me karuNAnAtho bAndhavAnbhaktavatsalaH || 49||
dhanaM pAtu dhanAdhyakSho dhAnyaM vishvakuTumbakaH |
pashUnme pAlakaH pAtu vidyAM pAtu kalAnidhiH || 50||
vAchaspatiH pAtu vAde sabhAyAM vishvamohanaH |
kAmakrodhodbhavAtpAtu pUrNakAmo manoramaH || 51||
vastraM ratnaM bhUShaNaM cha nAma rUpaM kulaM gaham |
sarvaM sarvAtmakaH pAtu shuddhabrahmaparAtparaH || 52||
klI shrIM OM OM shrI klIm |
viShTalaM mUrdhni vinyasya lalATe shrIkaraM nyaset |
pANDura~NgaM bhruvormadhye netrayorvyApakaM nyaset || 53||
karNayornigamArthaM cha gallayorvallabhaM nyaset |
nAsikAyAM nyasetkR^iShNaM mukhe vai mAdhavaM nyaset || 54||
oShThayormuralIkAntaM dantapa~NktyAM suhAsakam |
rasanAyAM rasAdhIshaM jihvAragre kIrtanaM nyaset || 55||
kaNThe nyasenmahAviShNuM skandhayoH kamalApatim |
bAhvorbalAnujaM nyasya kare chakradharaM nyaset || 56||
pANitale padmadharaM karAgre varadAbhayam |
vakShaHsthale vareNyaM cha hR^idaye shrIhariM nyaset || 1 7||
udare vishvabhartAraM nAbhau nAbhikaraM nyaset |
kaTyAM nyasetkriyAtItamUrau tu uddhavapriyam || 58||
jAnudvaye nyasechChaktiM pAdayoH pAvanaM nyaset |
sabAhyAbhyantaraM nyasya devadevaM jagadgurum || 59||
klIM shrIM OM OM shrIM klIm |
viShThalAya namastubhyaM namo vij~nAnahetave |
viShNujiShNusvarUpAya shrIviShNave namo namaH || 60||
namaH puNDarIkAkShAya pUrNabimbAtmabhe namaH |
namaste pANDura~NgAya pAvanAya namo namaH || 61||
namaH pUrNaprakAshAya namaste pUrNatejase |
pUrNaishvaryasvarUpAya pUrNaj~nAnAtmane namaH || 62||
sachchidAnandakandAya namo.anantasukhAtmane |
namo.anantAya shAntAya shrIrAmAya namo numaH || 63||
namo jyotiHsvarUpAya namo jyotirmayAtmane |
namo jyotiHprakAshAya sarvotkR^iShTAtmane namaH || 64||
OM namobrahmarUpAya nama OM~NkAramUrtaye |
nirvikalpAya satyAya shuddhasattvAtmane namaH || 65||
mahadbrahma namaste.astu satyasa~Nkalpahetave |
namaH sR^iShTiprakAshAya guNasAmyAyate namaH || 66||
brahmaviShNumaheshAya nAnAvarNAtmarUpiNe |
sadoditAya shuddhAya guNAtItAya te namaH || 67||
namaH sahasranAmne cha namaH sahasrarUpiNe |
namaH sahasravaktrAya sahasrAkShAyate namaH || 68||
keshavAya namastubhyaM namo nArAyaNAyacha |
mAdhavAya namaste.astu govindAya namo namaH || 69||
shrIviShNave namastubhyaM madhusUdanarUpiNe |
trivikrama sudIrghAya vAmanAya namo namaH || 70||
shrIdharAya namastubhyaM hR^iShIkeshAya te namaH |
namaste padmanAbhAya dAmodarAya te namaH || 71||
namaste sa~NkarShaNAya vAsudevAya te namaH |
pradyumnAya namaste.astu aniruddhAyate namaH || 72||
namaH puruShottamAyAdhokShajAya te namo namaH |
namaste nArasiMhAya achyutAya namo namaH || 73||
namo janArdanAyAstUpendrAya cha namo namaH |
shrIharaye namastubhyaM shrIkR^iShNAya namo namaH || 74||
namaH paNDharinAthAya bhImAtIranivAsine |
namo R^iShiprasannAya varadAya namo namaH || 75||
iShTikArUDharUpAya samapAdAya te namaH |
kaTivinyastahastAya mukhabrahmAtmane namaH || 76||
namastIrthasvarUpAya kShetrarUpAtmane namaH |
namo.astu mUrtimUrtAya trimUrtaye namo namaH || 77||
namaste bindutIrthAya namo.amR^iteshvarAya cha |
namaH puShkaratIrthAya chandrabhAgAya te namaH || 78||
namaste jAnudevAya dhIrAvatyai namo namaH |
namaste puNDarIkAya bhImarathyai namo namaH || 79||
muktikeshapravarAya veNuvAdAtmane namaH |
namaste.anantapAdAya dvipadAya namo namaH || 80||
namo govatsapAdAya gopAlAya namo namaH |
namaste padmatIrthAya naranArAyaNAtmane || 81||
namaste pitR^itIrthAya lakShmItIrthAya te namaH |
namo.astu sha~NkhachakrAya gadApadmAya te namaH || 82||
namo.ashvatthanR^isiMhAya kuNDalAkhyasvarUpiNe |
namaste kShetrapAlAya mahAli~NgAya te namaH || 83||
namaste ra~NgashAlAya namaH kIrtanarUpiNe |
mamau rukmiNinAthAya mahAmUrtyai namo namaH || 84||
namo vaikuNThanAthAya namaH kShIrAbdhishAyine |
sarvabrahma namastubhyamahambrahmAtmane namaH || 85||
namo namo namastubhyaM namaste.astu namo namaH |
klIM shrIM om |
Adyante sampuTIkR^itya bIjaishcha prANavallabhe || 86||
aShTottarashataM mantrAn hR^idayaM namanaiH saha |
urananyaiH kIrtitaM yaishcha teShAmAj~nAM vahAmyaham || 87||
yAvadyasya yathA bhAvo yannAmanyAsapUrvakam |
tAvadeva hi vij~nAnaM gaditaM madanugrahAt || 88||
shrIsha~Nkara uvAcha |
ityuktaM vAsudetroktaM gopyAdgopyataraM mahat |
nityaM sa~NkIrtanaM yasya prAptamuktirna saMshayaH || 89||
idaM guhyaM hi hR^idayaM viThThalasya mahAdbhutam |
shR^iNuyAchChraddhayA yukto vaikuNThe labhate ratim || 90||
evamuktvA mahAdevaH pArvatImanukampayA |
samAdhistho.abhavachChabhuH susmitaH kamalAnanaH || 91||

(shrIbhaviShyottarapurANe pANDura~NgamAhAtmyataH)
iti viThThalahR^idayaM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}