% Text title            : viThThalastavarAjaH
% File name             : viThThalastavarAjaH.itx
% Category              : vishhnu, stavarAja
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Source                : rudrapurANe vAmakeshvaratantre
% Acknowledge-Permission: Mahaperiaval Trust
% Latest update         : September 15, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Viththalastavarajah ..}##
\itxtitle{.. viThThalastavarAjaH ..}##\endtitles ##

oM asya shrIviThThalastavarAjastotramahAmantrasya bhagavAn vedavyAsa R^iShiH
atijagatI ChandaH shrIviThThalaH paramAtmA devatA |
trimUrtyAtmaka iti bIjam | sR^iShTisaMrakShaNArtha iti shaktiH |
varadAbhayahasta iti kIlakam |
mama sarvAbhIShTaphalasiddhayarthe jape viniyogaH |
atha nyAsaH\-
oM namo bhagavate viThThalAya a~NguShThAbhyAM namaH |
oM tattvaprakAshAtmane tarjanIbhyAM namaH |
oM sha~NkhachakragadAdharAtmane madhyamAbhyAM namaH |
oM sR^iShTisaMrakShaNArthAya anAmikAbhyAM namaH |
oM trimUrtyAtmakAya kaniShThikAbhyAM namaH |
oM varadAbhayahastAya karatalakarapR^iShThAbhyAM namaH |
evaM hR^idayAdinyAsaH | bhUrbhuvassuvaromiti digbandhaH |
dhyAnam \-
shrIguruM viThThalAnandaM parAtparajagatprabhum |
trailokyavyApakaM devaM shuddhamatyantanirmalam || 1||
nAsAgre.avasthitaM devamAbrahmastambasaMyutam |
UrNAtantunibhAkAraM sUtraj~naM viThThalaM svayam || 2||
ga~NgAyamunayormadhye trikUTaM ra~Ngamandaram |
j~nAnaM bhImarathItIraM svadevaM paNDarIpuram || 3||
rukmiNIshaktihastena krIDantaM chalalochanam |
Aj~nAbrahmabilAntaHsthajyotirmayasvarUpakam || 4||
sahasradalapadmasthaM sarvAbharaNabhUShitam |
sarvadevasamutpannaM omitijyotirUpakam || 5||
samaparvata UrdhvasthaM shroNitrayasahasrakam |
stambho madhyaM yathA sthAnaM kalau ve~NkaTanAyakam || 6||
pItavastraparIdhAnaM tulasIvanamAlinam |
sha~NkhachakradharaM devaM varadAbhayahastakam || 7||
UrdhvapuNDramayaM devaM chitrAbharaNabhUShitam |
ratnasiMhAsanaM devaM suvarNamukuTojjvalam || 8||
ratnaki~NkiNikeyUraM ratnamaNDapashobhitam |
pauNDraM cha pAlinaM ra~NgaM yadUnAM kuladIpakam || 9||
devAridaityadarpaghnaM sarvalokaikanAyakam |
oM namashshAntarUpAya sarvalokaikasiddhaye || 10||
sarvadevasvarUpAya sarvayantrasvarUpiNe |
sarvatantrasvarUpAya viThThalAya namo namaH || 11||
paramantrapraNAshAya parayantranivAriNe |
paratantravinAshAya viThThalAya namo namaH || 12||
parAtparasvarUpAya paramAtmasvarUpiNe |
parabrahmasvarUpAya viThThalAya namo namaH || 13||
vishvarUpasvarUpAya vishvavyApisvarUpiNe |
vishvambharasvamitrAya viThThalAya namo namaH || 14||
parahaMsasvarUpAya so.ahaM haMsasvarUpiNe |
haMsamantrasvarUpAya viThThalAya namo namaH || 15||
anirvAchyasvarUpAya akhaNDabrahmarUpiNe |
AtmatattvaprakAshAya viThThalAya namo namaH || 16||
kSharAkSharasvarUpAya akSharAya svarUpiNe |
o~NkAravAchyarUpAya viThThalAya namo namaH || 17||
bindunAdakalAtItabhinnadehasamaprabha |
abhinnAyaiva vishvAya viThThalAya namo namaH || 18||
bhImAtIranivAsAya paNDarIpuravAsine |
pANDura~NgaprakAshAya viThThalAya namo namaH || 19||
sarvayogArthatattvaj~na sarvabhUtahite rata |
sarvalokahitArthAya viThThalAya namo namaH || 20||
ya idaM paThate nityaM trisandhyaM stauti mAdhavam |
sarvayogapradaM nityaM dIrghamAyuShyavardhanam || 21||
sarve jvarA vinashyanti muchyate sarvabandhanAt |
AvartanasahasrAttu labhate vA~nChitaM phalam || 22||
ya idaM paramaM guhyaM sarvatra na prakAshayet |
sa brahmaj~nAnamApnoti bhuktiM muktiM cha vindati || 23||
sarvabhUtaprashamanaM sarvaduHkhanivAraNam |
sarvApamR^ityushamanaM sarvarAjavashIkaram || 24||
trisandhyaM paThate bhaktyA nirbhayo bhavati dhruvam || 25||
sa~NgrAme sa~NkaTe chaiva vivAde shatrumadhyage |
shR^i~NkhalAbandhane chaiva muchyate sarvakilvaShAt || 26||
rAjadvAre sabhAsthAne siMhavyAghrabhayeShu cha |
sAdhakastambhane chaiva sarvatra vijayI bhavet || 27||

iti shrIrudrapurANe vAmakeshvaratantre viThThalastavarAjaH sampUrNaH |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}