% Text title            : viThThalastotram 2
% File name             : viThThalastotram2.itx
% Category              : vishhnu
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : September 15, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Viththalastotram 2 ..}##
\itxtitle{.. viThThalastotram 2 ..}##\endtitles ##
jIvanajIgosvAmikR^itaM
shrIviThThalaM nato.asmi shrIvallabhavallabhaM sumArtaNDam |
shrIpuNDarIkasukhadaM rukmiNyA vallabhaM paramaruchiram || 1||
shrIviThThaletyabhikhyAM pUrNAM yuktAM vidhAtumiha nikaTe |
kR^itvemAM vaidarbhIM kamalAM kamalekShaNa sthito.asmi vibho || 2||
patitAnuddhR^itya tvaM sa~NkhyAtItAnvidAvihInatarAn |
shrAnto bhR^ishaM tataH kila kaTideshe dhR^itakaro.asi karuNAbdhe || 3||
dhR^itamanujAkR^itirasmyahamathApi loke.asti ko.api matsadR^ishaH |
iti parichichIShayA tvaM parirambhaNa utsuko.asi lokAnAm || 4||
saMsAroShNakarodbhavatApanivR^ityai rasasvarUpa hare |
sAndraghanAbhaM dhR^itvA vigrahamanyAdR^ishaM sthito.asi kila || 5||
daravaramatha te karagaM dR^iShTvA saMsAradaradaraM daratAm |
adarAmabhajannaravara shashadharakarabharamivAndhakArabharaH || 6||
svIyajanAbhayadAne dakShiNahasto.asti yuktasa.nj~no me |
iti tathyaM sUchayituM nAlIkaM sambibharShi tasmiMstvam || 7||
tvayi puNDarIkasukhade gogaNasaMveShTite trayInilaye |
pApAndhanAshakatvaM yuktaM sa.nj~nAsukhaprade.akShichare || 8||
dAkShiNyaM svIkartuM deshe.asmiMstvaM sthito.asi yadapi vibho |
vAmatvaM tvayyAptaM svIyavrajamA tyajatyaho vimalam || 9||
dhyAyaM dhyAyaM nityaM shailaM govardhanaM priyaM dAsam |
tadviprayogayogAt shailasurUpaM bhajasyatho maunam || 10||
svargaM vANIM pR^ithvIM dhenuM karaNAni pAsyajasramaye |
tatsUchanAya vibhurapi gopAkR^itikaH sthito.asi deshe.asmin || 11||
seShTakamayapAdayugaM mama tasmAdiShTasiddhaye bhajata |
saukhyAptyai sUchayituM pAdayuge seShTako.asi tatsukhada || 12||
svacharaNanalinodbhUtAM taTinImugrottamA~NgasamparkAt |
doShAkaranaikaTyAdbhImAbhikhyAyutAmimAM matvA || 13||
yuktArthA tvaM mA bhava madbhakteShvatha bhavAghasenAyAm |
iti shikShayituM nityaM taTadeshe vAsatatparo.asyasyAH || 14||
sudvijagaNasevyastvaM sumanoyuktaH suparNakaH phaladaH |
samaghananIlaH kalpadrumakalpo.analpapa~nchashAkho.asi || 15||
sanmAnasavartI shrIsthAnaM tvaM sannilimpagaNasevyaH |
haMsakaraiH pUjyaH kila rakto.antamodadaH prasannashcha || 16||
priyapuNDarIkabhaktAsakteH prAptastadIyasAjAtyam |
kiM vA tvatsArUpyAlloke khyAtaH sa puNDarIka iti || 17||
shritapuNDarIkataTinItIre lakShmyAgatirhi yuktatamA |
tava kila nilimpabhartudrumasumashobhe.asti kR^iShNa rasikavara || 18||
sAlokyaM sAmIpyaM loke.asmin pApakAriNAM niyatam |
durlabhamapi dattaM tanmatsadR^ishAyAtha viThThalo.asi tataH || 19||
nakharoDupaiH parItaM charaNataraNyoryugaM purA rachitam |
yadyapi magnaM matvA tathAvidhaM nishchitaM hi mAmasmin || 20||
smaraNAbhidhasUryastava saMsArAbdhiM hyashUshuShachChreShThaH |
nAmAmR^itabahuvR^iShTyA pa~NkaM niHsheShatAmagAtpashchAt || 21||
tena svachChataro.ahaM sotkaNThaH svachChavartmanA kShipram |
upakaNThaM te bhUman samprAptaH kila dayAmR^itAbdhavara || 22||
patitoddharaNajavirudaM lokaprakhyAtamAditastasmAt |
etachChramanirato.abhUrno cheddhetvantaraM na hi prakR^ite || 23||
shrIvallabhakalpadrumaphalarUpatvaM nijechChayA yatnAt |
svIkR^itamiha loke nanu lokoddhArAya tatpriyAya bhR^isham || 24||
ShaDdharmairnijarUpaM putratve saptadhA.adhunA kR^itvA |
dharaNItalaM sanAthaM kR^itavAnasi shaurisadmanIva mudA || 25||
rAjanyAsuravR^indaM prAkkAle saMhR^itaM tvayA niyatam |
pAkhaNDyasuravinAshaH kR^ito.adhunA vipravigraheNa muhuH || 26||
ki~ncha svIyAM bhaktiM shuddhAdvaitAnusAriNIM vipulAm |
kartuM vedoddhAraM vAraM vAraM kR^itashramo.asi bhR^isham || 27||
sAmpratamiha yAmyAyAM saraNAvatipApakAriNAM kR^ipayA |
vasasi tvaM tAnnetuM svaM lokaM viThThala prabho yuktam || 28||
sAmodasnehArpaNayogAtsnehAnvitAshcha sAmodAH |
hR^idaye bhavanti tasmAtteShAM tasmin hi kR^iShNavartmA.a.aste || 29||
pa~nchAmR^itairmitairapi pUjAM kurvanti ye janAstebhyaH |
pa~nchAmR^itamatyantaM dadAsi dAsyaM dayodadhe prArthyam || 30||
pa~nchAmR^italiptastvaM hyaghaTitaghaTanApaTo vibhAsyevam |
chandrashataiH saMvalitaH sAndrapayodaH kimAgataH pR^ithvyAm || 31||
toyadakAnta nitAntaM toyAsAreNa yaH pumAn bhaktyA |
snapayati shIghraM tasmai dadAsi toyadasamaM vapurniyatam || 32||
ghusR^iNAgurupa~Nkairnanu kR^itvA tvAM pa~NkilaM prayatnena |
niShpa~NkAH sAmodA bhavanti rAgAnvitA vinAyAsam || 33||
parimitamatha vAsaH kila janAdgR^ihItvA.alpakairguNai rachitam |
sthUlairdivyaguNairyuktvAnantavAso.ayi dIyate satatam || 34||
ye tvAM sAla~NkAraM maNibhiH svarNena parimitairmanujAH |
nanu tAnala~NkaroShi dyumaNisadR^ishAn suvarNakAn bhaktyA || 35||
kR^itvA sumanaHpUjAM kShaNikAmapyApnuvanti te.ajasram |
sumano.adhipa martyAste sumanastvaM dviprakArakaM chitram || 36||
bhaktyA tava pAdadale datvA vR^indAdalaM vibalamanujaH |
dalayati duritadalAnyatha padmadalAyatavilochanA.ayi kila || 37||
kR^iShNatvAnnanu kR^iShNaM chUrNaM bhaktyA samarpayanti muhuH |
atratyA manujAste chUrNayituM svIyakR^iShNakarmANi || 38||
amR^itAndho.adhipa jagdhvA parimitamannaM nijaM hi martyaM drAk |
amR^itAbdhau sthApayase chitraM saghR^iNo.asi yatnataH kiM nu || 39||
nIrAjanaishcha dIpaiH svayaM prakAshaM prakAshayantyete |
aj~nAMstAnapi malinAn svayaM prakAshAn karoShi tachchitram || 40||
saMsR^itichitramayUkhotthitadhUmairdhUmravIkShaNAn manujAn |
tebhyaH svIkR^itadhUpo vimaladR^ishastAn karoShi karuNAbdhe || 41||
prAkR^itabhAShArachitaiH stavaiH stutaH stotR^imAnuShAyApi |
aprAkR^itAkR^itiM tviha datse kShipraM kShamaM kShamAjaladhe || 42||
etAvatsamprArthyaM duritochchayarUpiNA mayA bahudhA |
patitasamuddhR^itivirudaM no vismAryaM kShaNAntare.apyArya || 43||
shrIgokulotsavAtmajajIvanajIsharmaNA mudA stotram |
shrIviThThalasya rachitaM tuShTastenA.astu sa prabhuH satatam || 44||
govardhanagurucharaNaprasAdataH prAptaviThThaleshapuraH |
kR^itakR^ityo.ahaM bhR^ityo bhUvaM tasyaiva lokavandyasya || 45||
rasashashadharanandakShitimitavarShe vikramasya sitapakShe |
pauShe saumyachaturthyAM pUrNamabhUtpuNDarIkapura etat || 46||

iti jIvanajIgosvAmikR^itaM viThThalastotraM 2 sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}