% Text title : Yadugirinarayana Stava % File name : yadugirinArAyaNastavaH.itx % Category : vishhnu, vishnu, stava % Location : doc\_vishhnu % Author : tirumalArya % Proofread by : Rajesh Thyagarajan, Divya KS % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Yadugirinarayana Stava ..}## \itxtitle{.. yadugirinArAyaNastavaH ..}##\endtitles ## (bAdhUlashrInivAsAryakR^ipAsampannavaibhavam | kaushika shrInR^isiMhArya kalyANaguNamAshraye || ) tarkAtarkimudhAgrahaprativadaddurvAdidurvAradu\- rgarvorvIdharakUTakuTTanakalAdabhbholivAggumbhanaH | vyAsonnItanishAtanItidalitaprachChannabauddhavrajaH shrIrAmAvarajo munirvijayate siddhAntajaitradhvajaH || 1|| AshAse ShaTpadAmodavahAM guruparamparAm | shrInArAyaNapAdAbjamadhudhArAmivAparam || 2|| edhatAM yatirAjasya sAmrAjyaM sarvatomukham | yatra sampatkumAro.api yuvarAjapadAspadam || 3|| vande bhagavataH pAdUM vakulAmodamedurAm | tatpadAmarshasampannama~njushi~njAmanoramAm || 4|| svAmI sushIlaH sulabhaH sarvaj~naH sarvashaktidhR^it | vatsalo yatsahAyastAM vande yadugirIshvarIm || 5|| asti svastivahaM lakShmIsaMstutaM vastu nistulam | bhUnIlA stana kastUrIbhUShitaM yadubhUdhare || 6|| samindhe shrItanulatAsvarNasabandhabandhuraH | yadubhUdharakoTIrasphuranmaratakA~NkuraH || 7|| IkShe pratikShaNaM lakShmIpAdalAkShArasokShitam | shrIyAdavAchalashikhA shekharashyAmalotpalam || 8|| pareShAM sha~NkhachakrAdyaiH svepAmabhayamudrayA | hitaM priyaM cha kalayan pAyAdyadugirIshvaraH || 9|| yadabhyastAnandAmR^itajaladhikallolakaNikA\- rasAsvAdAdhmAtA shrutirapi vihastA nivavR^ite | svakIyaM sArvaj~nyaM prabhavati na yasya svaviShaye yadukShmAbhR^innAthaM tamahaha vayaM stotumuditAH || 10|| gantuM vartma garutmataH prayatatAM kha~njaH svayaM jAnunA voDhuM valgatu DuNDubhaH svashirasA shaiShImasheShAM dhuram | svairaM prakramatAM vitastivimitastraivikramAn vikramAn AchAryaiH stutamAstumo vayamamI shrIyAdavAdrIshvaram || 11|| [ahaha gaNanAM nyakkurvANA guNA yadubhUmibhR^it\- paribR^iDha kathaM soDhAraste punaH stutisAhasam | api tu bhagavannete svairaM yatIshavashaMvadAH sarasamathurasmeshaH sampratyato.ayamupakramaH || ] vArkShaM mAkShikamAjighR^ikShati na kiM kharvo na vAdisate bAlaH kiM shashinaM siShAdhayiShati shreyo na kiM vAlasaH | tuShTUShAmitarAM na kiM yatipate sampatsutaM kiM tu tat sarvaM prApyaruchiprakarShajamiti prAj~naH samAdhitsatu || 12|| api cha mama vachAMsi prAyasho vedavAdA\- dapi yadukulanAthaM svairamAvarjayanti | na kimu mR^igamadendusmerakAshmIralepA\- dapi ramayati goShThopAntajambAlacharchA || 13|| priyaM kuladhanaM prabhuM pitaramIshvaraM mAtaraM guruM praNatavatsalaM paramabandhumApatsakham | yadukShitidharopari vyavasitAtmadAnaM na ko yatipravaranandanaM hR^idayachandanaM vandate || 14|| mahasAM nidhaye trayIshikhAmaNaye ma~Ngalama~NgalAtmane | yadubhUdharashR^i~Ngabandhave spR^ihayAmyadbhutashIlasindhave || 15|| asmai namo yadugiripravarAya sUri\- sevyA~Nghraye vimalasattvaguNottarAya | yaH shvetamR^ittilakito ghR^itavaiShNavashrIH shrIkAntamavyavahitaM jagatAM vyanakti || 16|| chAmpeyAnyapachinvatAmupavane mAlAkR^itAM shrIpate\- rAnamyopanayanti yatra kapayaH svairaM durApANyapi | IDe kroDamukhAvakhAtavitatAvAlAvaTAsechana\- nya~nchatku~njarapuShkarAmbushishiraM shrIyAdavakShmAgharam || 17|| yatrAnuSha~NgikanivAsalavo.api sUri\- saMsaddhurAvinimayashriyamAtanoti | tAsu prasannaharichandanashekharAsu shrIyAdavAchalataTIShu kuTImupeyAm || 18|| iyamabhivandyatAM yadudharAdharamaulidhR^itA nR^iharigR^ihAntagopurasamunnatirunmiShitA | pariNatabhUribhAgyajanalochanabhR^i~NgakulaM lalitavataMsakaitakashikheva sukhAkurute || 19|| rahasi sahariraMsAyAtakaMsArikAntA\- charaNakamalasaktAlaktaratnopakaNThAH | yadudharaNibhR^ito.amI janmakAntArapAntha\- shramaharatarumR^iShTAH sAnavo naH punIran || 20|| raghupatichApakoTidR^iDhakuTTanavisphuTitopalochchalad\- vimalajharIShu kR^iShNabalaropitakarupamahIjarAjiShu | yatipatipAdareNuparimarshapavitrashilAsu nirbharA yadugirisAnusImasu ramemahi sAbhimatAH samAH shatam || 21|| kuravakamallikAvakulachampakakundalatA\- rpitakusumAvataMsamakarandarasopachitAH | yadukuladevatApadasarojaparAgadhara\- shchiramavagAhiShIya yadushailajharIlaharIH || 22|| pade tatra viShNoH paratvAnubhUtyA paraM nirvR^itAstasya saulabhyalobhAt | yadukShmAbhR^idante vasantyatra muktA numastAn samastAMshcharasthAsnurUpAn || 23|| adhUrjaTijaTATavItaTakapAlasampUraNA\- majahnujaTharAnalakvathanakhinnayAdaHkulAm | asAgarachitAvanopachitasAsthibhasmotkarA\- manujjhitayadukShamAdharapadAM bhaje svarnadIm || 24|| nirNIchochchabhidaM nirAkR^itaguNAvadyAvamarshaM janA\- nAplAvairanugR^ihNatIM suruchirAgAdhaprasannAdbhutAm | shrImadyAdavabhUdhare sucharitollAsAvahAmanvahaM kalyANImavagAhiShIya karuNAM nArAyaNasyAparAm || 25|| harervarAharUpiNaH shramAmbusambhavaM bhavashramApaham | bhaviShNuviShNupadyupAsitaM sarashcharIkarItu ma~Ngalam || 26|| seyaM vaiShNavanarmaharmyashikharoda~nchatpatAkAvalI\- sa~NgharShakShatachandraniHsR^itasudhAlipteva dedIpyate | shvetadvIpavivartamUrtiranaghashrIbhUminIlAsakha\- shrInArAyaNachittanirvR^itikarI nArAyaNAkhyA purI || 27|| ashrAntotsavabaddhakautukayatikShoNIshasampatsuta\- prasthAnotsukapaurayauvatasusammR^iShTapratolImukhAm | phullatpallavatoraNachyutamadhusyandApanItashramA\-\- .asheShAgantujanAmimAmanimiShaM seve purIM yAdavIm || 28|| tattAdR^ikShagajendramokShaNarathArohakShaNasvardhunI\- tIrthAdhyakShaNapUrvaparvamahite yasmin yatIndrAj~nayA | AmAta~NgavasiShThameti janatA muktaikarasyAM shriyaM so.ayaM pratyahamastu vajramakuTIdivyotsavo vAtsaraH || 29|| svA~NgIkAropahArIkR^itanataduritAH svA~NghrireNuprabhAva\- prekShAsAkShIkR^itAsmatsahapaThitachaturvedisarvAparAdhAH | shrImannArAyaNA~NghridvayaparicharaNeshvaryagarvAdudasta\- shrIvaikuNThopakaNThA yadugirikaTakasvAmino me svadantAm || 30|| shuchi ruchiraM manoj~nacharitaM nalinAkShadayA\- mR^itasarasIrasArdramanura~njitama~njuravam | idamiha pakShapAtamanimittakamAdriyate yadu girihemasAnurasikaM mayi haMsakulam || 31|| kretuM naH prabhavanti hanta yatirADjanmotsavonmastaka\- premavyutkramanR^ityadAryacharaNotkShiptA yadukShmAbhR^itaH | dhUlyo yAH kila ra~Ngave~NkaTamukhashrIdivyadeshAshritai\- rarchyante niyamena tIrthavaTikArUpeNa gopAyitAH || 32|| madhuripujalanidhidR^igamR^itavIchIkR^itaparichitimurumaNigaNakIrNAm | parisaranatasurasadasamupAse yadugiritaTabhuvi tadajiravelAm || 33|| tAmbUladarpaNapatadgrahatAlavR^inta\- bhR^i~NgAradhautavasanAbharaNasragAdIn | Abibhrato yatipatipraNidhIn vibhordvi\- pa~nchAshataH parijanapravarAn bhajAmaH || 34|| druhiNasanakayoginArAyaNAtreyasaMrakShitaM yatipatikR^ipayeha sarvAtmasevyAM dashAM prApitam | nigamashikharavat parabrahmagarbhaM yadukShmAdhara\- pravaNamanubhaveyamAnandasa.nj~naM vimAnaM muhuH || 35|| shubhedArasnigdhAdbhutamahitasaMsthAnamabhitaH sarantIbhirbhAbhirharitayadasheShAshcha haritaH | paraM jyotiH sAkShAdakaravamihAnandanilaye vimAne ma~njUShonmiShitamiva ?shAtammaratakam || 36|| yugapaduditabhAsvatkoTidhAmA sudhAbdhi\- snapita iva sujAtasnigdhadivyAdbhutashrIH | bhuvanabhavanabhUShA jyotiShAM jyotireSha sphurati yadumahIbhR^inmauliratnapradIpaH || 37|| jagatsambhavakShemashikShAdidakShaM paraM kShoNilakShmIkaTAkShaikalakShyam | yadukShmAdhare mokShadAnaikadIkShaM mahaH puNDarIkAkShamadhyakShayAmaH || 38|| aye shyAmodAraH kimayamamR^itAdhmAtajalada\- stamAladruH kiMvA pR^ithulalalitoddAmaviTapaH | yadukShmAbhR^itsAnupraguNitavilAso nu kalamaH kimu krIDAshaila shriya iha mahAnIlamahitaH || 39|| darIdharti nIlAdrilIlAM mukundo barIbharti hemasnutAM pItavAsaH | varIvarti chakrAmbujaM puShpavattAM charIkarti shR^i~NgashriyaM ratnamauliH || 40|| mukhAmbhojAsaktaH kimalakatamaH kopakaluShaH kimu shrImachchakShuHsvajanivanotkaH kimathavA | jagachchakShuH sAkShAnmiShati yadushaileshamakuTI\- miSheNa pratyUShe tadidamupatiShTemahi mahaH || 41|| nya~nchanmaulimaNiprabhAvinamitaM prodyanmukhendudyuti\- pratyAvartitamUrdhvapuNDravimalachChAyAvibhaktAkR^iti | pArshvochChR^i~Nkhalasha~NkhachakraruchibhiH prAyo vishIrNaM yadu\- kShmAbhR^idvallabhachUrNakuntalatamaH phAlAntamAlambate || 42|| amI yadudharAdhareshvarakirITaratnAkurAH paratvamukharAmuhurmuhurabhIShayipyanta naH | mR^idusmitasudhArasokShitakaTAkShalIlAyitA\- nyakR^itrimasushIlatAM sapadi nAvadipyan yadi || 43|| animittadayAmR^itasiktamR^idusmitachandrikamastasamastatamaH | yadushailapatermukhamindusakhaM pramadaM mama dR^ikkumudaM kurute || 44|| dR^ishorvishAlamAyataM bhruvoshcha nIlamannataM smite mR^idUdgataM sitaM radeShu sAndramujjvalam | sphuradvikAsi gaNDayoshchalaM vilambi kuntale | yadukShamAdhareshiturmukhaM sukhaM karoti naH || 45|| nIlabhrUmarukagramAyatadR^igambhojaM miShannAsikA\- chAmpeyaM dhavalordhvapuNDrakapaToda~nchachChikhAkaitakam | utphullAdharapallavaM kShitiramAlIlochitaM kandharA\- kANDoda~nchi yadukShamAdharapatermanye mukhaM kantukam || 46|| sphurachchakShurmInAchChravaNalalitAvartamahitAd yadukShmAbhR^itsAnupraNayimukhalAvaNyajaladheH | subAsUteroShThadvayaruchiravIchI viShamitA\- dudeti bhrUvelAvanapihitabhAgo.alikashashI || 47|| bhrUmadhyataH pratipadindukalAvadAta\- shcheto dhinoti tilako yadushailabandhoH | lAlATakAntyamR^itasa~NgrahaNAya lakShmI\- nikShiptamauktachavakashriyamAdadAnaH || 48|| bhrUsetubandhavidhR^itAkShitaTAkakulyA kalyA kaTAkShasaraNiryadushailanetuH | nimnonnatasthalajalAdibhidAnapekSha\- mAplAvayatyamumimaM karuNAsakulyA || 49|| akasmAdasmAkaM prachuraparitApaprashamanaiH kaTAkShormikShepairanavadhikR^ipAsaurabhavahaiH | sudhAsindhuH sAkShAdayamiha yadukShmAgharataTe svasevAsAmrAjyaupayikamabhiShekaM vitanute || 50|| tanmandasmitavismitaM tadalakAvartAnuvR^ittaM muhu\- stadbimbAdhararAgaraktamanu tatsaugandhyasammoditam | tadbhrUvibhramalabdhavibhramashataM tadddR^iktara~NgormilaM machcheto yadushailavallabhamukhachChAyonmukhaM vartate || 51|| karNikAmakarayugmamudagraM karNapAshabaDishaM vinigIrya | veShTate yadugirIshamukhAMshUtkR^iShyamANamidamaMsataTAkAt || 52|| pA~nchajanyamupanIya sarUpaM rUpasauShThavavivechanacha~nchuH | yAdavAchalapatirgalakambuM tArahArakalitaM kimatAnIt || 53|| pArshvoda~nchannya~nchatku~nchadbhujakalpaviTapama~njaryaH | sha~NkharathA~NgagadAbhayamudrA bhadrAya yAdavAdrIndoH || 54|| shrIbhUmIkuchakumbhanirbharaparIrambhapramodAdiva shrIdivyAyudhabhavyabhUShaNaparAmarshAvalepAdiva | tAruNyAdbhutayauvanavyatikarotsAhAdivAmI yadu\- kShmAbhR^idvallabhabAhavaH supR^ithulodagrAH paraM jAgrati || 55|| viTapAH kila kalpapAdapAnAM madhupAvarjitapallavaprasUnAH | yadushailapaterbhujAH suvR^ittAH phalavargAn suvate.atra sUribhogyAn || 56|| AbhyAma~Nkayateti vopanayataH shrIsha~Nkhachakre ubhA\- vetAvAshrayateti vakti gadayA nirdishya pAdau paraH | mA bhaiShTetyaparo vyanakti yadubhUbhR^idvallabhAsmAdR^ishA\- mAdyAchArya chaturbhujaiH praguNayasyAchAryakaprakriyAm || 57|| svataH shyAmodAraM taruNatulasIdAmaharitaM sitaM muktAhArairmaNivararuchA bhAsvaramidam | ramApAdAlaktArUNamiha yadukShmAdharapate\- rurashchitte dhatte mama ruchivibhedAn navanavAn || 58|| shrIkAntakalyANaguNAnuShaktamuktAvalIsaMskR^itadivyadhAma | vakSho yadukShoNidhareshvarasya manye paraM vyoma parArdhyabhUma || 59|| nigiradapi jaganti kShAmamudyadbubhukShaM sucharitasutabhikShAsvAdasampUrNakAmam | yaduvaraNidharendostundamAdau yashodA\- kalivakinakadAmagranthilakShma pratIkShe || 60|| shrIyAdavAchalapateH kalyeva lagnaM kakShyAvanaddhakanakatsarukhaDgavalli | gADhaM nikR^intadiva niShThurakarmabandha\- nirbandhabandhurachaturvidhadehabandham || 61|| vidyudbhUmnA taTitvAniva navataraNichChAyayevA~njanAdri\- rvelaHhaimasthalIbhirjaladhiriva nabhaH sAndrasAndhyashriyeva | AkrIDaH karNikArairiva kanakakutheneva dantAvalo.asau devaH pItAmbareNa prathayati suShumAM yAdavakShmAdharenduH || 62|| evamprAyAnupUrvI yadapi karikare snigdhatA dUradUre rambhAstambhe prasaktA yadapi cha kiyatI snigdhatA kvAnupUrvI | syAtAM snaigdhyAnupUryau kR^itakamaratakastambhake no mR^idutvaM manye mR^igyopamAne yadushikharipaterurukANDaprakANDe || 63|| kiM kAhalyau kinnu pUgIkuhalyau shrIbhUvAhye kiM samIchyau kalAchyau | mugdhasnigdhodAradivyAnupUrvyau kiMvA ja~Nghe shrIyadukShmAdharendoH || 64|| vibhoH pAdAmbhojaM tadidamasharaNyaikasharaNaM paraM prApyaM prAptaM yadugirishikhAshekharasakham | yadAmarshAdAshu dravati bhR^ishamAkAshamavashA\- dapi grAvA jIvatyapi miShati dagdhAmiShamapi || 65|| sucharitasumatisahitaparacharaNapraNayamananuguNamiva parigaNayan | yadugiriparibR^iDhacharaNamasharaNaH sharaNamagamamiha paricharaNaparaH || 66|| kShamAlakShmIkalpavratativitatAM nAtishishirA\- manuShNAmabhyarNonmiShadamR^itasaugandhyasubhagAm | bhakayadhvabhrAntiprabhavaparitApaprashamanIM shraye pAdachChAyAM yadugiritaTIkalpakataroH || 67|| udyanmaulimudAraphAlamuchitashchetordhvapuNDra shubho\- da~nchadbhrUlatamAyatAyatadR^igambhojaM sujAtasmitam | kambugrIvamudagrabAhuviTapaM lakShmIlasadvakShasaM vande sundaramadhyamorucharaNa shrIyAdavAdrIshvaram || 68|| utphullapadmapadamullasadUrukANDamuddAmakA~nchimupavItasuvarNachelam | AjAnubAhumaruNAdharamAyatAkShamAshAsmahe sapadi yAdavashailanAtham || 69|| shamayati tamaH sUte sarvaM dhinoti shubhAM dhiyaM ghaTayati satAM saktiM datte sadAryasamAshrayam | bhavapathaparibhrAntiM rundhe vyanakti paraM padaM yadugirishikhArUDhaM jyotiH kimapyatimAnuSham || 70|| avyAjaM dayate smaratyupanayatyAlokate.a~NgIkaro\- tyutsa~Nge kurute prasIdati muhurmUrvAnamAjighrati | AnandAnanubhAvayatyabhimatairdAsyAmR^itaiH plAvaya\- tyeSha shrIyadushailama~NgalanidhirnArAyaNo.asmatkulam || 71|| premArdrAyA kamalayA kShamayA sameta maMsAMsaghaTTanarasotpulakA~NgabhAgam | prAgdakShiNe tadiha saMyamisArvabhauma\- sampatprasUtamaparaM vapurAvirasti || 72|| shrIbhUstanashrutishiroyatishekharA~Nka\- shrIyAdavAchalashikhAsulabhopalagbham | ApannatApaharamAshritakAmadhenu\- mAshAsmahe kamapi pUruShamambujAkSham || 73|| uttu~NgaM makuTe vishAlamalike vakraM bhruvorAyataM netrAnte ruchiraM kapolaphalake smeraM mukhAmbhoruhe | sphItaM vR^ikShasi saMsthulaM bhujavane mR^igyaM valane susaM\- shliShTaM pAdayuge yatIndrahR^idayAvAsaM mahaH saMshraye || 74|| hastAravindakalitAbhayasha~Nkhachakra\- mabjAsanAhitapadAbjamudagramauli | AviHsmitaM suvadanaM yatirAjasUnoH saMsthAnameva sharaNaM sharaNArthinAM naH || 75|| a~nchatkirITamalakAvR^itaphAlamAya\- nnetrAbjama~NakuritahAsamudagranAsam | viShvagbhujaM vipulavakShasamIkShiShIya sampatsutaM tata itaH purato.abhitashcha || 76|| jano yatsImAnte yatinR^ipativArtAmahimavit kuTIM kurvannIShTe paramapadavATIvitaraNe | tadaryAgArAntAvakaramapanetuH kila samAH shataM bhogasthAnaM mama bhavatu nArAyaNapuram || 77|| achintayitvA madvR^ittamAlokyAchAryasantatim | dayAnidhe nidhehi tvaddAsadAsyashriyaM mayi || 78|| iti tirumalAryakR^itaH shrIyadugirinArAyaNastavaH sampUrNaH | stotrasamuchchayaH 2 (68) ## Proofread by Rajesh Thyagarajan, Divya KS \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}