% Text title            : Shri Yadugirinrisimhasuprabhatamangalam
% File name             : yadugirinRRisiMhasuprabhAtamangalam.itx
% Category              : vishhnu, dashAvatAra, mangala, suprabhAta, viShNu
% Location              : doc\_vishhnu
% Proofread by          : M K Barman
% Description/comments  : nRRisiMhakosha 2 upAsanA khaNDa
% Latest update         : August 4, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Yadugirinrisimhasuprabhatamangalam ..}##
\itxtitle{.. shrIyadugirinR^isiMhasuprabhAtama~Ngalam ..}##\endtitles ##
shrIman saMyami sArvabhauma bhagavan rAmAnujAryaprabho |
yAtA rAtrirupAgataM shivamahastejonidhe jAgR^ihi |
shrImadyAdava shailanityavasate shrIbhAShyakArashriyA |
kShemaM ra~NgavR^iShAdri hastiyadushailAdyeShu saMvardhaya || 1||
kausalyAsuprajArAma pUrvAsandhyA pravartate |
uttiShTha narashArdUla kartavyaM daivamAhnikam || 2||
uttiShThottiShTha govinda uttiShTha garuDadhvaja |
uttiShTha kamalAkAnta trailokyaM ma~NgalaM kuru || 3||
yogAnanda nR^isiMhadeva bhagavan shrIyAdavAdrIshvara
prahlAdArchita pa~nchabhAgavatadR^ik sammodadAyin hare |
shrIrAmAnujarakShakArivijayin trAtashchara vishvaM sadA
sAlagrAmatanoH sudarshanasukhaM shrIsuprabhAtaM prabho || 4||
shrI sainyanAyaka parA~NkushanAya sUri
padmAkSha rAma yamunA.aye supUrNavaryaiH |
shrIlakShmaNAkhilavarArtha madAryamukhyaiH
nityArchitAmrika vibho tava suprabhAtam || 5||
lakShmIsha keshava hare nR^ihare murAre
shaure ramAramaNakAraNa dInabandho |
 ityAdareNa vadatAmiha vA~nChitArtha
shrIman nR^isiMha jagadIshvara suprabhAtam || 6||
jaya jaya narasiMha nArAyaNAnanta tubhyaM namo
jaya jaya bhujagendrashAyin sukhaM yoganidrA.astu te |
jaya jaya suprabhAtA nishAstu prasIda prabho
jaya jaya karuNAnidhe jAgR^ihi shrIpate jAgR^ihi || 7||
mANikyAdi samaprabhaM nijarudhA santrastarakShogaNaM
jAnunyastakarAmbujaM trinayanaM ratnollasadbhUShaNam |
bAhubhyAM dhR^itasha~NkhachakramabhayaM daMShTrAyavakrollasat
jvAlAjihvamudagrakeshamanishaM vande nR^isiMhaM vibhum || 8||
mAdhava mukunda madhusUdana murAre
vAmana nR^isiMha sharaNaM bhavanatAnAm |
pAlaya kR^ipAlaya bhavAmbudhinimagnaM
daityavarakAla narasiMha narasiMha || 9||
induravipAvakalochana | mahAbhuja sasha~Nkhavarachakra ||
rAjadaravinda ruchiraM padayugaM te |
hi mama mUrdhni narasiMha narasiMha || 10||
jaya jaya bhagavan prasIda prapannArtahArin hare
viramatu tava yoganidrA vinidrAravindopamAm |
mayi varada nidhehi dR^iShTiM samuttiShTha shayyAtalAt
phaNipatimadhitiShTha bhadrAsanaM bhadramevAstu te || 11||
AseduShA yadugiriM krimikaNThahetoH
rAmAnujena bahushaH parishodhitAnI |
Avirbhavantu kushikAnvayasaumyasiMha
sUripriyasya nR^ihare tava ma~NgalAni || 12||

iti shrIyadugirinR^isiMhasuprabhAtama~NgalaM sampUrNam |
##
Proofread by M K Barman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}