% Text title : Yadunatha Suprabhatam % File name : yadunAthasuprabhAtam.itx % Category : vishhnu, suprabhAta % Location : doc\_vishhnu % Proofread by : Rajesh Thyagarajan % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Yadunatha Suprabhatam ..}## \itxtitle{.. yadunAthasuprabhAtam ..}##\endtitles ## yAminyapaiti yadunAtha vimu~ncha nidrA\- munmeShamR^ichChati tavonmiShitena vishvam | jAtaH strayaM khalu jagaddhitameva kartuM dharmapravartanadhiyA dharaNItale tvam || 1|| ashrAntasantatibhirAbharaNaprakAshai\- rArAtrikaM pramukhayantya ivopachAram | ichChanti te prathamadR^iShTimananyalabhyAM padmAnanAH padaniveshitadhanyahastAH || 2|| vR^iddhAH katha~nchidararaM vyatibhidya haimaM dauvArikAstava gR^ihItasujAtavetrAH | nirgachChataH pravishatashcha nishAmayanto nAtha tvadekahR^idayA na bhajanti tandrIm || 3|| vishvaikatIrthabhajanena vishuddhimanto nidrojjhitA nigamasImni nishAtyaye cha | vaitAnikAn vidhivashena vihR^itya vahnIn puNyAshayAH paricharanti purodhasaste || 4|| nidrAvashena nibhR^itekShaNamutthitAnAM chitrANi mantharapadAnyapagatvarINAm | kAle gR^ihItamuchite rashanAH katha~nchi\- nmaunavrataM jahati mugdhavadhUjanAnAm || 5|| santyajyate taralamauktikajAladR^ishyai\- stArAgaNaistridashavartma tamAlanIlam | padmApateramR^itanirmathanAvasAne dugdhAmburAshipR^iShatairiva rUpamagryam || 6|| nAtha sphurantyupayati dyumaNiprakAshe na jyotiri~NkhaNagaNA na cha tArakAdyAH | tejasvino.api tamasaiva samR^iddhimanta\- stvatsannidhau muShitabhAsa iva tvadanye || 7|| AnartitAn salalitaM divasAvasAne vAchAlaratnavalayairnijahastatAlaiH | nidrAlasAn mR^igadR^isho gR^ihanIlakaNThA\- nAvAsayaShTishikharAdavarohayanti || 8|| nR^ityantyudIritaghanakramasAmakANDe nedIyasIM tava nishamya vibhAtanAndIm | chitrAtapatraparimaNDalachArubarhAH shR^i~NgArayonisharapatrarucho mayUrAH || 9|| nirgatya chitragaruto nilayAntarebhyaH tArasvanAstaruNavidrumatAmrachUDAH | ratnA~NgaNeShu ramaNIbhiravekShyamANAH krIDAraNaM vidadhate kR^ikavAkuvaryAH || 10|| prAptastulAM haritakomalabAhyapatraiH ki~nchitparisphuritashoNamukhaiH sarojaiH | vAmabhruvAM valayapa~NktiShu sa~ncharantyo ma~nju kvaNanti maNipa~njarashArikAste || 11|| pratyakShite tamasi yAsyati viprakarShaM sambhinnabhAnumati samprati jIvaloke | ga~NgAyamAnasalilaM nijarashmiyogAt siShNAsayeva sitabhAnurupaiti sindhum || 12|| pratyUShadharmasamayena samagradhAmnA shoShaM vrajatyamR^itarashmimayUkhapUre | ahnAya kaishchidabhighAtamavApnuvantya\- stArAH prayAnti vilayaM tanubudbudAbhAH || 13|| patyustviShAM prajahataH prathamAndhitalpaM sandhyAsaroruhadR^ishaH prathamotthitAyAH | sImantite timirakuntalamadhyabhAge sindUrarAjiriva bhAti mayUkharekhA || 14|| jyotsnApadeshamavadhUya sitottarIyaM stokAvasheShitasadAbharaNaprabandhA | a~NgIkarotyaruNabhAvitama~NgarAgaM prAchIdishA dinapatiM paribhoktukAmA || 15|| nirNijya samprati nishA~NganiveshalagnaM kAleyapa~Nkamiva santamasaM kala~Nkam | kShoNIbhR^itAmaruNadIdhitayo.anuraktAH pAdAnalaktakarasairiva ra~njayanti || 16|| prAdurbhaviShyati charAcharajantuvarge prAptAruNena vidhunA tamasA cha velA | AbhAti bhAvitaparasparadeshayogA\- nmAyAvibhaktiriva lohitashuklakR^iShNA || 17|| unnidrapadmanayanaH subhagotpalAbhaH sambhAvito munigaNairupapannabodhaiH | rAgottarAM shriyamavApya rathA~NgashobhI jAtaH sa eSha samayo jagadekasevyaH || 18|| nItaH shramaM nihatarAtrivarUthinIka\- shchandrAtapatravinipAtaviluptabhUmA | pratyUShavairivibhavena parAhatAtmA kAlapratIkSha iva gachChati kAmavIraH || 19|| yo.asau janasya dishatIva sudhAnidhAnaM jAtadhvaniH shrutiShu jAgaradundubhiste | manye sa eva madanasya nishAcharasya svachChandasauptikanivR^ittimabhivyanakti || 20|| antarbahishcha tamasA parimuchyamAne jAgaryayA jagati samprati dIpyamAne | pa~nchAyudhashchiramapi kramashAntimichChan nidrAmupaiti hR^idayeShu nitambinInAm || 21|| agrebhavan gururiva svayamAnakAnA\- mAdiShTasaMsadiva kantharayA tavaiShaH | vyaktaplutena ninadena vishuddhavarNaH prastauti nAtha nigamAn pratibodhanArhaH || 22|| mugdhAH stramuShTiparimeyamanoj~namadhyAH paryAyachApalatikA iva pa~nchabANaH | prAsthAnikapraNayadurvinayopashAntyai pratyakShayan pratinivartayatIva yUnaH || 23|| antashchakAsadasitotpalama~NgayogAd bhAsonmadeva parimIlitatArakArthA | niShpItakAntimakarandarasaM pratIchyAM nIhAramAnuchaShakaM nidadhAti sandhyA || 24|| dR^iShTvA nimIlitavatIM niyatiprabhAvA\- dAtmapriyAM kumudinImavadhUtadhamA | chyotattuShAranayanodakabindurinduH prasthAnamichChati mahatpratipannadainyaH || 25|| bhoktuM divaM nijaviyogaviluptadIptiM prAgeva tIvraruchinA prahiteva sandhyA | mAlinyayogamapanIya karAvamarshaiH prAyo yathArhamanulimpati ku~Nkumena || 26|| arthena pATalamanUrukarAnuSha~NgA\- darthAntareNa maNimechakamantarikSham | aspR^iShTatApamadhirohati nistamaskaM saMvItapItavasanena tulAM tvayaiva || 27|| padmApadAmburuhayAvakapi~NgadhAmnA bhAsA nitAntamudayAntaritasya bhAnoH | Arajyate gaganamadya jagatprasUte\- rnAbhIsaroruhabhuvA rajaseva gAtram || 28|| dagdhuM tamo danujavR^indamivAmburAshe\- ruttasthuSho madhuriporiva tigmadhAmnaH | unmeShiNI sumanasAmuditA purastA\- chchakraprabhAmanukaroti marIchimAlI || 29|| dR^iShTidvayaM niyatakAlamidaM prajAnA\- mekA nimIlati tathoritarApyalakShmyA | tattAdR^ishostava dR^ishoryugapatprabodhA\- dAlokayogamanaghaM bhajatAM trilokI || 30|| prAchInashailaviShaye prachurAMshurekhAM sandhyAdashAmaruNarAgaghR^itAvasiktAm | kAlo nidhAya sR^ijatIva shanaistadante tigmadyutiM tribhuvanaikamahApradIpam || 31|| paryAptarashminikareNa suvR^ittabhUmnA sUryendubimbayugalena samasthitena | AbhAti kAlavaNijA parikalpyamAnA naktandivakShaNatulecha namaHsthalashrIH || 32|| naishaM tamaH kShipati nanditachakravAke padmAni bodhayati bhAvitamitrabhAve | dR^iShTiM prasAdhayati darshitasatpathe.asmin doSholbaNA kumudinI bahumAnashUnyA || 33|| pAdaspR^ishAM dishati bhUmibhR^itAM prakAshaM sattvaM samedhayati sadbhirudIritArghyaH | tejogaNAnapi tiraskurute svadIptyA chakrapriyastvamiva samprati chaNDabhAnuH || 34|| AjAnapANDaratanuH parabhAgamR^ichChan nIlAmbaradyutimuShA nijalA~nChanena | sphItAkR^itiH parigato madarAgalakShmyA vIra tvadagraja ivaiSha vibhAti chandraH || 35|| sandhyoparAgasamayaM pratilabhya puNyaM snAtuM nishA gaganasaudhatalAvatIrNA | AraktarUpamavalambayatA karAgraM patyA saha pravishatIva paraM samudram || 36|| deva tvayIva divasAgamajAgarUke saMraktavishvamudayaM savitaryupete | astaM shanairabhipatan bhajate mR^igA~Nka\- stvadvairivAravanitAvadanendvavasthAm || 37|| rAjAstameti suhR^idA madanena sArdhaM dInAkR^itiH kumudinI dR^iDhabaddhakoshA | vairI sameti viShamAshva itIva bhItA ChAyAchChalena bhajate gaganaM triyAmA || 38|| AmR^ishya rAtrimaruNodayajAtapuShpAM prAptAnutApa iva satpathala~Nghanena | jyotsnAMshukaM dvijapatiH paridhAya nUnaM vrIDAnato vishati vArinidhiM vivarNaH || 39|| abhyeti bhAnurudayAdrimasahyatejAH sthAtuM sa eSha samayo na mameti pashyan | prAyaH samAshrayati pAshabhR^itAbhiguptaM tArApatishcharamasAgaratoyadurgam || 40|| mUle manAg bhavati mu~nchati pUrvabhAgaM shaithilyamR^ichChati tamAlaruchistriyAmA | AkR^iShyate charamashailavane vihartuM sIrAyudhena yamuneva sudhAMshuneyam || 41|| prasthAnakAlabhajanAt paritoShitena jyotsnAtmikAM harivadhUsahajena dattAm | prAyeNa nAkavanitAnakhadIptilakShyAM sheShApaTIM chamarabhUbhR^idasau dadhAra || 42|| sUkShmAbhirAmanijadIdhitisUtralambI paryantalagnatimirulakadarshanIyaH | sindUrara~njita ivaiSha vibhAti lakShmyAH sImantamauktikamaNiH pratibhAti chandraH || 43|| prAleyarUShitamidaM prathametarAbdhau magnaikadeshamanuyAti mR^igA~Nkabimbam | mAnachChidAM makaraketanasAyakAnAM shANopalaM chiranigharShaNakarshitArtham || 44|| Adau varAbhamuditaM sharapANDumadhye pashchAnmadhUkaparidhUsaramindubimbam | sampadyate punaradR^iShTatamAmavasthAM kAlArpitaM karajachihnamiva kShapAyAH || 45|| naishaM tamisramaruNena viluptasAraM niHsheShayannayamudeti mayUkhamAlI | matsevanena purato muShitaikadeshaM vidyAvatAM vrajinarashimivAntarAtmA || 46|| udgachChatA puruShakesariNeva pUShNA kAle tamo vidalitaM karajaiH pravAlaiH | gADhaM hiraNyakashiporiva gAtramanyat sandhyAchChalena rudhiraM kSharatIva sAndram || 47|| prAptodayasya tapanasya taveva dhAmnA kShipto guhAntaraniruddha ivAndhakAraH | vishvAvalokananirodhaviyAtavR^itte\- ratyAhitasya paripAkamivaiSha bhu~Nkte || 48|| magnA chiraM mahati santamasAmburAshau daMShTrAbhirAmaruchinA divasAgamena | utkShipyate danujashoNitalohitena prAyo varAhavapuShA vibhuneva bhUmiH || 49|| nidrAmapAsya tamasA cha dR^isho nirodhaM pratya~NmukhaM prathamataH prathayan prakAsham | niHshreyasapratipadena nijena dhAmnA vishvaM samAdhiriva darshayate vivasvAn || 50|| AshAparItamavivekamivAndhakAraM sha~NkAshatAspadamalakShitasarvatattvam | nirdhUya samprati nishAmiva bAhyavidyAM tattvAvasAya iva bhAti vibhAtakAlaH || 51|| nirvishya chandrasitapadmarasaM nishAtmA lolambajAtirabhito lulitAnyapuShpA | tvadvaktrachandranirapAyarasAnidAnIM padmAnupaiti paritoShitarAjahaMsAn || 52|| nAtyantataH kumudinI pratipannanidrA nAtIva bodhamupayAti sarojinI cha | etena nUnamanayoravisheShadR^ishvA nAthAnuvR^ittiniyateva bhavatyavasthA || 53|| paryasyatA surabhipadmaparAgajAlaM pakShAnilena paridhUnanasambhavena | sandhukShayanti makaradhvajahavyavAhaM shAntaM punaH punaramI sarasIShu haMsAH || 54|| kAlotthitAH sthitibhR^ito guNayantritatvAd dAnodakArdrakarapuShkaradarshanIyAH | sambhAvayantyabhimukhAH samayopayAtAn bhR^i~NgAn vanIpakajanAniva vAraNendrAH || 55|| ga~njAmupetya madaku~njaragaNDapAlIM mattAn samIkShya madhupAn parighUrNamAnAn | shuddhAni hanta kumudAni tamasyapete bhUyastadanvayabhayAdiva sa~Nkuchanti || 56|| sattvakShamAdhikatayA shayitAH pR^ithivyAM nidrAmayIM vyapagamayya nijAmavidyAm | niHsa~NgavR^ittiniyatAH sthirasaMyamArhA mu~nchanti samprati madaM muditA gajendrAH || 57|| shaibyAdayastava hayAH samayaprabuddhA\- chatvAra eva nigamA iva mUrtimantaH | AvartayantyatanuheShitavIchibhedai\- rvairAtrikaM vaTubhiradhyayanaM pravR^ittam || 58|| Ayodhane viharaNe vyavadhAnavantaH prAjyaiH parichChada pariShkaraNopachAraiH | saMyojayanti rathayogavidaH shatA~NgaM tArkShyaM dvitIyamiva sArathayastvadIyAH || 59|| nidrAvisheShavigame.api madrAnuSha~NgA\- nmandaM dR^isho mukulayanti madAvalendrAH | eShAmanUrukiraNairaruNIkR^itAnAM saptasrutAM bhavati sAndhyapayodalakShmIH || 60|| AlakShyadUramavarodhagR^ihAdamuShmAt svAbhAvikaM vadanamArutasauramaM te | ambhoruhA~NkaNamapatrapayan samIro mandaM paribhramati mandiradIrghikAsu || 61|| AghUrNitAni mR^idunA pavanena padmA\- nyAdeshayanti madaleshamayImavasthAm | nirgachChatAM tava cha vAravadhUjanAnAM nidrAvasheShakaluShANi vilochanAni || 62|| reNUtkarAH sarasijotpalakairavANAM kurvantyanUrutimirenduruchiprakAshAH | prAyaH samudrataruNIparikarmabhUtAM charchAM navInaghusR^iNAgaruchandranAnAm || 63|| adhyAsitaM kumudatalpamapohya kAle padmotpalAni shanakaiH shriyamAvrajantIm | sa~njIvayantyalaghuchAmaradarshanIyaiH pakShaiH svayaM parijanA iva rAjahaMsAH || 64|| pratyUShalakShaNarasAyanasamprayogAt ?prAleyarashmimahasAjaraseva muktaH | padmotpalaprabhR^itibhiH parikarmavatyo gR^ihNanti yauvanadashAM gR^ihadIrghikAste || 65|| audyAnikIShu sumanaHsvanavAptapUrva nUnaM saroruhavaneShu cha nUtaneShu | Aditsate vadanamArutasaurabhaM te shayyAnikAyamabhito viharan samIraH || 66|| archyasya samprati satAmavagADhatIrthA manye pragR^ihya nalinI makarandamarghyam | vyaktadvirephaninadA vihitAbhimukhyA patyustviShAM praNayatIva karaprasAram || 67|| jyotsnAsakhIM kumudinIM bhramaraH prahR^iShyan nirvishya nityaparishuddharuchiM nishAyAm | rAgAdupaiti nalinIM rajasAbhijuShTAM kiM nAma nAcharati manmathahastavartI || 68|| sandhyAchChalena puruShottama samprataM te saivAdhunA bhR^igusutA tamasAM nihantrI | bhUyaH samutthitavatI ghR^itapuNDarIkA bhogAya sAgaragR^ihAd bhuvanaikayUnaH || 69|| chandrAtapatridivashaivalinIpravAhe magnotthitAM kamalinImupasevamAnAH | pratyagrabhinnamukulaprasR^itaiH parAgai\- rutthApayantyagarudhUpamivotpalinyA || 70|| paurandarIM dishamanUrunibaddharAgAM dR^iShTvA tathA pariNamatyaparA dishApi | strINAM gatAnugatikapratimattibhAjAM khyAtaM tato bhavati kAmitakAminItvam || 71|| nidrAyate kumudinI chirasamprabuddhA suptA prabodhamupayAti sarojinI cha | yAmeShu vR^ittimanayoradhigamya nUnaM shiShyAyitaM tvadavarodhanitambinIbhiH || 72|| mitrasya luptatamaso.apyatirAgabhAjaH samprokShaNaM mama na yuktamitIva matvA | mIlatyasau kumudinI saha tArakAbhiH prAptaM vrataM tadiha rAjaparigrahANAm || 73|| AmodayogamavashAt sahasAshrayante patyustviShAM tava cha pAdaniShevaNena | kShiptAstvayA hR^idi gR^ihItashuchaH kShitIndrAH svAntarniviShTamadhupAshcha sarojakoshAH || 74|| AviHsmitairamarasindhutara~Ngakalpai\- rAkekarapriyatamAjanadR^iShTibhogyaiH | tvatsaukhashAyanikasUri~NgaNena sArdhaM nirveshayogamupayAma nirIkShaNaiste || 75|| adhigatanilayAnAmaupavAhyadvipAnAM madapayasi vitatvan majjanonmajjanAni | pravahati pavamAnaH spandayan mandamandaM pariNamadaruNimnaH pa~NkajAraNyakoshAn || 76|| upavanamadhupAnAmunmadaiH svairagItai\- stanumarudupadiShToshchArulasyairlatAnAm | daraviluShitadAnairdantinAM karNatAlaiH samayasamuchitaM te bhAti sa~NgItakR^ityam || 77|| harati rativihArairardhavisraMsitAnAM yuvajanahR^idayAni shrAntapa~nchAyudhAni | upahitaguNamArAdutthitAbhirvadhUbhiH kuTilaniyamitAgraM gumphanaM chUlikAnAm || 78|| kShitiriyamavadhUtadhvAntanIlottarIyA vikasitamukhapadmA vyaktasandhyA~NgarAgA | abhimatakaradAnAnniryapekShA tvadanyai\- ranubhavitumiva tvAM darshayantyAtmarUpam || 79|| madhuna iva dayAyAH sAmarasyaM dadhAnaiH kamalavanamananyAM kAntimadhyApayadbhiH | phaNipatiramaNIyaM devaparya~Nkamujjhan pariNamaya shubhaM naH pAvanairakShipAtaiH || 80|| dinamukha iti nAma shrAvitaH sUtaputrai\- rabhajata jitanidro jAgaraM yAdavendraH | saridupagamakAle sAdhusaMrakShaNArthI munibhiriva sa eva stUyamAno mukundaH || 81|| dhanamiva nigamAnAM dharmamuttambhayiShyan trijagadanuvidheyaM karma niShpAdya sAndhyam | sitaguNaparidhAnaiH sevito mantrimukhyai\- ralamakuruta nAtho haimamAsthAnapITham || 82|| iti shrIyadunAthasuprabhAtaM sampUrNam | stotrasamuchchayaH 2 (69) ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}