% Text title            : Yamakritam Jagannatha Stotram
% File name             : yamakRRitaMjagannAthastotram.itx
% Category              : vishhnu, vishnu, skandapurANa, stotra
% Location              : doc\_vishhnu
% Proofread by          : PSA Easwaran
% Description/comments  : skandapurANa | vaiShNavakhaNDa | puruShottamakhaNDa | adhyAya 2/16-30||
% Latest update         : April 27, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yamakritam Jagannatha Stotram ..}##
\itxtitle{.. yamakR^itaM jagannAthastotram ..}##\endtitles ##
yama uvAcha |
namaste devadevesha sR^iShTisthityantakAraNa || 16||
tvayi protamidaM sarvaM sUtre maNigaNA yathA |
tvayA dhR^itaM tvayA sR^iShTaM tvayA chApyAyitaM jagat || 17||
chandrasUryAdirUpeNa nityaM bhAsayase.akhilam |
vishveshvaraM jagadyoniM vishvAvAsaM jagadgurum || 18||
vishvasAkShiNamAdyantavarjitaM praNamAmyaham |
namaH paramakAruNyajalasambhR^itasindhave || 19||
parAparaparAtItavibhave vishvasambhava || 2\.2\.20||
bhavasantApanIhArabhAnave dInabandhave |
svamAyArachitAsheShavibhave guNarajjave || 21||
namaH kamalaki~njalkapItanirmalavAsase |
mahAhavaripuskandha kR^intachakrAya chakriNe || 22||
daMShTroddhR^ita kShitibhR^ite trayImUrtimate namaH |
namo yaj~navarAhAya chandrasUryAgnichakShuShe || 23||
narasiMhAya daMShTrogramUrtidrAvitashatrave |
yadapA~NgavilAsaikasR^iShTisthityupasaMhR^itiH || 24||
uchchAvachAtmako hyeSha bhavaH sambhavate muhuH |
tamamuM nIlameghAbhaM nIlAshmamaNivigraham || 25||
nIlAchalaguhAvAsaM praNamAmi kR^ipAnidhim |
sha~NkhachakragadApadmadhAriNaM shubhadAyinam || 26||
praNatAsheShapApaughadAriNaM muravairiNam |
namaste kamalApA~Nga sa~NgasaMskArachakShuShe || 27||
shrIvatsakaustubhodbhAsi manohR^idvyUDhavakShase |
yatpAdapa~NkajadvandvasaMshrayaishvaryabhAginI || 28||
shrIH saMshritA janaiH shashvatpR^ithagaishvaryadAyinI |
yA parAparasambhinnA prakR^itiste sisR^ikShayA || 29||
nirvikAraM paraM brahma vikAri sasR^ijeM.ajasA |
sarvalakShaNasampUrNA lakShitAM shubhalakShaNaiH |
lakShmIshorasi nityasthA lakShmIM tAM praNamAmyaham || 2\.2\.30||

iti shrIskandapurANe vaiShNavakhaNDe puruShottamajagannAthamAhAtmye
     dvitIyAdhyAyAntargataM yamakR^itaM jagannAthastotraM samAptam |

skandapurANa | vaiShNavakhaNDa | puruShottamakhaNDa | adhyAya 2/16\-30||
##
skandapurANa . vaiShNavakhaNDa . puruShottamakhaNDa . adhyAya 2/16-30..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}