% Text title            : Yadigirisha Suprabhatam
% File name             : yoganarasiMhasuprabhAtam.itx
% Category              : vishhnu, dashAvatAra, suprabhAta
% Location              : doc\_vishhnu
% Proofread by          : Venkata Surya Jagannadha Rao Garimella, NA
% Latest update         : May 31, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yadushaila Yoganarasimha Suprabhatam ..}##
\itxtitle{.. yadushailayoganarasiMha suprabhAtam ..}##\endtitles ##
            | shubhamastu |
jaggU shrI vakulabhUShaNakavi virachitaM
yadushailayoganarasiMha suprabhAtaM
shrImate rAmAnujAya namaH |
shrImate narasiMhAya namaH |
kausalyA suprajA rAma pUrvA sandhyA pravartate |
uttiShTha narashArdUla kartavyaM daivamAhnikam || 1||
uttiShThottiShTha govinda uttiShTha garuDadhvaja |
uttiShTha kamalAkAnta trailokyaM ma~NgalaM kuru || 2||

smR^itvA tAtavadhaM svakAraNabhavaM khidyannaTanbhUtalaM
     prahlAdaH pratipadya parvatamamuM momantamantarmukhaH |
sAlagrAmatanuM tanuM narahare bhostvAM nidhAya kvashchit
     snAtvaitya tvadadarshanAtstutiparastvAmApa sUSho.astu te || 1||
yogIndramAnasasarovararAjahaMsa
     yadvadrishR^i~NgataTakandara bhavyavAsa |
yogAsanaprakaTitAshritakA~NkShitArtha\-
     dAnAttayoga nR^ihare tava suprabhAtam || 2||
prahlAdarakShaNakR^ite narasiMharUpaH
     stambhodarAnnanu jhaDityudabhUrmurAre |
bhaktArthamevamavichintitachitraveShaH
     bhAsi prabho naramR^igendra tava prabhAtam || 3||
chakrAyudho.api nakhadAritashatruvakShAH
     chandrAnano.api dhR^itasihyamukho mukunda |
kaNTArpitAyatasiro vanamAlyapIdaM
     bhaktArthameva nanu te nR^ihare prabhAtam || 4||
prahlAdabhaktibharavashyamanA murAre
     tatprArthanAnuguNamatra nR^isiMharUpaH |
archyAkR^itirvilasasi pratipannayogaH
     vAtsalyamAshritajane bata te prabhAtam || 5||
uttu~NgashR^i~Ngamadhiruhya kutassthito.asi
     vR^iddho.api dUragata bhaktajanekShaNArtham |
kiMvA sudR^iShTachara eva jaratsvabhAvaH
     vAtsalyakAryamidamachyuta te prabhAtam || 6||
kalyANadivyasarasIpratibimbito.ayaM
     yadvadrishR^i~NgavitatochChritagopuro.api |
prAtaH pavitrasalile nanu majjatIva
     shrImannR^isiMha tadabhUttava suprabhAtam || 7||
shrIyAdavAdriramaNIyavishAlasAnu\-
     vR^ikSheShu suptimapahAya patatriNo.api |
kUjanti karNamadhuraM tava jAgarAya
     yadvadridIpa nR^ihare tava suprabhAtam || 8||
tvayyAhitAkhilabharA manujAssabhakti
     kalyANatIrthamavagAhya dhR^itordhvapuNDrAH |
tvanmandirA~NkaNataTe phalapuShpahastAH
     tiShThanti nAtha nR^ihare tava suprabhAtam || 9||
prAleyashItalatara~NgavahAShTatIrtha\-
     pUtAmbushIkarakaNodvahanAtimandaH |
sAnuprarUDhasumasantatigandhavAhI
     vAti prabho marudaye tava suprabhAtam || 10||
tIrthAbhiShekasamaye narasiMha sAndra\-
     hAridrachUrNaparikarmitasarvagAtraH |
sAkShAdguhAntaragato vrata kesarIva
     sa.ndR^ishyase yadugirau tava suprabhAtamH || 11||
bhaktArthameva yadushailataTe niShaNNaH
     vAtsalyasoDhajanatArachitAparAdhaH |
saulabhyakR^iShTajanachittavilochano.asi
     shrImannR^isiMha yadushailapate prabhAtam || 12||
aShTottarottamashatasthalasArabhUte
     vikhyAtadakShiNabadaryabhidhe manoj~ne |
shrIyAdavAchalataTe kR^itasannidhAna
     yogAsanastha nR^ihare tava suprabhAtam || 13||
dhR^itvAtmapANiyugalena cha sha~Nkhachakre
     hastadvayena paridarshitapAdapadmaH | (pAdayugmaH)
etadvayA~NkitabhujA idamAshrayadhva\-
     mityAdishasyayi kimatra hare prabhAtam || 14||
martyAliduShkR^itagajavrajapi~NgadR^iShTe
     pa~nchAgryabhAgavatasevitapAdapadma |
bhaktArpitAkhilapariShkaraNojvalA~Nga
     yadvadrinAtha nR^ihare tava suprabhAtam || 15||
vR^ikShAtmatAmupagatA iha sUrayo.api
     punnAgachampakarasAlamukhasvarUpAH |
shAkhAbhujAgravidhR^itaprasavAH pikAli\-
     nAdochchasAmamukharAstava suprabhAtam || 16||
vakShassthalena kamalAM satataM vahansan
     yogaikasaktahR^idayo.asi vichitrametat |
bhakteShTadaH puruShakAramapekShase vA
     nUnaM  nR^isiMha yadushailapate prabhAtam || 17||
yogAsanasthamurulambitajAnubAhuM
     stokAvanamravadanaM kuTilabhruva~ncha |
pR^ichChantamAgatasukhAgamanantviva tvAM
     pashyAmi nAtha nR^ihare tava suprabhAtam || 18||
rAmAnujAryahR^idayAtulamodadAyin
     shrIvaiShNavArinR^ipacholaniShUdanena |
shrIbhAShyakArakR^itama~NgalasannutAdya
     shrIyAdavAdrinR^ihare tava suprabhAtam || 19||
shAntirmukhe nayanayorapi sannidhatte
     pANidvayaM padayugaM paridarshayatte |
bhaktAlisaMshrayaNayogyamitIva shaMsat
     bhAti prabho naramR^igendra tava prabhAtam || 20||
hatvArimapyaparihAryaruShA tadIya\-
     raktaM pibaMshcha sirayAbhavamAvR^itorAH |
ityAtmashAntimadhigantumivAsi yoge
     shrIyAdavAchalataTe nR^ihare prabhAtam || 21||
loke pratikShaNamapi pratipattukAmAH
     bhogAnnarA duritasantatimAcharanti |
uttiShTha vatsalatayA tadiha kShamasva
     shrIyAdavAdrinR^ihare tava suprabhAtam || 22||
pUrvaM ruShA paruSharUpamiyaM sametya
     mAM shAntachittamatanotsakalekShaNArham |
evaM vichintya kimu vakShasi pa~NkajAkShIM
     dhatse shriyaM yadugirIsha tava prabhAtam || 23||
dAnavratAdhvaratapaHprabhR^iteH phalaM yat
     tvannAmasaMsmaraNamAtrata eva bhaktyA |
Apnoti tadduritanAshamavApya martyaH
     shrImannR^isiMha bhavatI bhavatu prabhAtam || 24||
rakShArthameva nR^ihare tvayi jAgratIha
     pApAtmako.api dhutabhItirahaM prahR^iShTaH |
nairbharyalabdhalaghuhR^ichCharaNaM gato.asmi
     tvatpAdapadmayugalaM tava suprabhAtam || 25||
loke svabhAvamapahAya na ki~nchidasti
     sa~Nkalpa evaM tava tAdR^isha ityavaimi |
saMskAramagnamatirasmyata eva nAtha
     trAyasva pApinamamuM nR^ihare prabhAtam || 26||
tvatpAdapadmayukhale sudR^iDhA nR^isiMha
     bhaktirna me hR^idi na cha vratadAnaniShThaH |
kai~Nkaryabuddhirapi jAtu na me prarUDhA
     trAyasva mAM karuNayA tava suprabhAtam || 27||
shrIvaiShNavAgryakulalabdhajanistu so.ayaM
     rAmAnujAryacharaNAshrayaNaikabhAgyaH |
ityAdareNa suvichintya mayi prasIda
     shrImannR^isiMha tava samprati suprabhAtam || 28||
pUrvAnuvR^ittagurusantatima~Ngalokti\-
     saMstUyamAna yadushailapate nR^isiMha |
tanvansvayaM bhuvanama~NgalamAdimUrte
     vishvAtmako vilasasIha tava prabhAtam || 29||
vedAntavedya niravadyaguNAmburAshe
     lakShmIvilAsanilayAyitaramyavakShaH |
pItAmbaroruruchipi~Ngalakesaraugha
     shrIyAdavAchalapate nR^ihare prabhAtam || 30||
kalyANarUpamasharaNyasharaNyamIDyaM
     kAruNyamAtrakR^itasarvajagatprasUtim |
brahmendushekharasureshasamarchitA~NghriM
     tvAM draShTumasmi nanu darshaya te prabhAtam || 31||
ArAdhanAya tava nAtha suvarNapUrNa\-
     kumbhaprasUnatulasIdaladhUpadIpAH |
sajjA dvijAMshcha nigamasvarama~njukaNThA\-
     stiShThanti jAgR^ihi hare tava suprabhAtam || 32||
\section{ma~NgalAshAsanam}
kShapitAshritaduHkhAya rakShAdakShAya sAkShiNe |
OMkArarUpiNe tasmai narasiMhAya ma~Ngalam || 1||
udgiratyakhilAnlokAnsaMvarte grasate cha yaH |
ugrAya narasiMhAya tasmai syAnnityama~Ngalam || 2||
sarvairavadhyaM daityeshaM tIkShNAgrairnakharaistu yaH |
vidAryA.ahannurodeshe tasmai vIrAya ma~Ngalam || 3||
padbhyAmAkramya pAtAlaM shirasA tridivaM tathA |
aShTadigbAhudaNDo yastasmai bhadra~ncha viShNave || 4||
tejasA yasya chandrArkanakShatragrahavahnayaH |
jvalanti tasmai jvalate narasiMhAya ma~Ngalam || 5||
vinendriyANi sarvatra sarvaM jAnAti sarvadA |
yassarvatomukhAya syAttasmai bhadraM ramAjuShe || 6||
saTAtaTijjvalajjihvastIkShNadaMShTrAtvihujvalaH |
yo bhAti narasiMhAya tasmai syAnnityama~Ngalam || 7||
yannAmasmaraNAdbhItA bhUtavetAlarAkShasAH |
rogA nashyanti tasmai syAdbhIShaNAya cha ma~Ngalam || 8||
yaM samAshritya sarvo.api sakalaM bhadramashnute |
shriyA juShTAya tasmai syAdbhadrAya cha suma~Ngalam || 9||
sAkShAdvipakShaM mR^ityu~ncha bhaktAnAM yo vinAshayet |
mR^ityoshcha mR^ityave tasmai narasiMhAya ma~Ngalam || 10||
yasmai kR^itvA namaskAraM vidhAyAtmanivedanam |
tyaktaduHkho naraH kAmAnashnute taM namAmyaham || 11||
dAsabhUtAssvatassarve hyAtmAnaH paramAtmanaH |
ato.ahamapi te dAsa iti matvA namAmyaham || 12||
AdhivyAdhimahAbhItimahAduHkhanivAraka |
apArakaruNAsindho divyasiMha namo.astu te || 13||
pUrvAchAryakR^itairbhaktyA ma~NgalAshAsanaishchirAt |
stUyamAnAya tasmai syAnnarasiMhAya ma~Ngalam || 14||
phalashrutiH \-
suprabhAtamidaM bhaktyA prAtarutthAya yaH paThet |
AyurArogyamaishvaryaM soshnute haryanugrahAt || 15||

iti shrIjaggUvakulabhUShaNakavi virachitaM
yAdavAdriyogArUDhanarasiMhasuprabhAtaM sampUrNam |
         | shubhamastu |
shrIyogArUDhanarasiMhAya parabrahmaNe namaH |
##
Proofread by Venkata Surya Jagannadha Rao Garimella, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}