% Text title            : Yoganidrokta Kavacha Nyasah
% File name             : yoganidroktakavachanyAsaH.itx
% Category              : vishhnu, vishnu, krishna, brahmavaivartapurANa, kavacha
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 12/17-42||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yoganidroktakavachanyasah ..}##
\itxtitle{.. yoganidroktakavachanyAsaH ..}##\endtitles ##
yoganidrovAcha |
dUrIbhUtaM kuru bhayaM bhayaM kiM te harau sthite |
sthitAyAM mayi cha brahmansukhI tiShTha jagatpate || 17||
shrIhariH pAtu te vaktraM mastakaM madhusUdanaH |
shrIkR^iShNashchakShuShI pAtu nAsikAM rAdhikApatiH || 18||
karNayugmaM cha kaNThaM cha kapAlaM pAtu mAdhavaH |
kapolaM pAtu govindaH keshAMshcha keshavaH svayam || 19||
adharoShThaM hR^iShIkesho dantapa~NktiM gadAgrajaH |
rAseshvarashcha rasanAM tAlukaM vAmano vibhuH || 20||
vakShaH pAtu mukundashcha jaTharaM pAtu daityahA |
janArdanaH pAtu nAbhiM pAtu viShNushcha mehanam || 21||
nitambayugmaM guhyaM cha pAtu te puruShottamaH |
jAnuyugme jAnakIshaH pAtu te sarvadA vibhuH || 22||
hastayugmaM nR^isiMhashcha pAtu sarvatra sa~NkaTe |
pAdayugmaM varAhashcha pAtu te kamalodbhavaH || 23||
UrdhvaM nArAyaNaH pAtu hyadhastAtkamalApatiH |
pUrvasyAM pAtu gopAlaH pAtu vahnau dashAsyahA || 24||
vanamAlI pAtu yAmyAM vaikuNThaH pAtu nairR^itau |
vAruNyAM vAsudevashcha sato rakShAkaraH svayam || 25||
pAtu te santatamajo vAyavyAM viShTarashravAH |
uttare cha sadA pAtu tejasA jalajAsanaH || 26||
aishAnyAmIshvaraH pAtu pAtu sarvatra shatrujit |
jale sthale chAntarikShe nidrAyAM pAtu rAghavaH || 27||
ityevaM kathitaM brahmankavachaM paramAdbhutam |
kR^iShNena kR^ipayA dattaM smR^itenaiva purA mayA || 28||
shumbhena saha sa~NgrAme nirlakShye ghoradAruNe |
gagane sthitayA sadyaH prAptimAtreNa so jitaH || 29||
kavachasya prabhAveNa dharaNyAM patito mR^itaH |
pUrvaM varShashataM khe cha kR^itvA yuddhaM bhayAvaham || 30||
mR^ite shumbhe cha govindaH kR^ipAlurgaganasthitaH |
mAlAM cha kavachaM dattvA golokaM sa jagAma ha || 31||
kalpAntarasya vR^ittAntaM kR^ipayA kathitaM mune |
abhyantarabhayaM nAsti kavachasya prabhAvataH || 32||
koTishaH koTisho naShTA mayA dR^iShTAshcha vedhasaH |
ahaM cha hariNA sArddhaM kalpe kalpe sthirA sadA || 33||
ityuktvA kavachaM dattvA sA.antardhAnaM chakAra ha |
niHsha~Nko nAbhikamale tasthau sa kamalodbhavaH || 34||
suvarNaguTikAyAM cha kR^itvedaM kavachaM param |
kaNThe vA dakShiNe bAhau badhnIyAdyaH sudhIH sadA || 35||
viShAgnijalashatrubhyo bhayaM tasya na jAyate |
jale sthale chAntarikShe nidrAyAM rakShatIshvaraH || 36||
sa~NgrAme vajrapAte cha vipattau prANasa~NkaTe |
kavachasmaraNAdeva sadyo niHsha~NkatAM vrajet || 37||
baddhvedaM kavachaM kaNThe sha~NkarastripuraM purA |
jaghAna lIlAmAtreNa durantamasureshvaram || 38||
baddhvedaM kavachaM kAlI raktabIjaM chakhAda sA |
sahasrashIrShA dhR^itvedaM vishvaM dhatte tilaM yathA || 39||
AvAM sanatkumArashcha dharmasAkShI cha karmaNAm |
kavachasya prabhAveNa sarvatra jayino vayam || 40||
tasya nandashishoH kaNThe chakAra kavachaM dvijaH |
AtmanaH kavachaM kaNThe dadhAra cha svayaM hariH || 41||
prabhAvaH kathitaH sarvaH kavachasya harestathA |
anantasyAchyutasyaiva prabhAvamatulaM mune || 42||

iti shrIbrahmavaivarte mahApurANe shrIkR^iShNajanmakhaNDe nArAyaNanAradasaMvAde
           yoganidroktakavachanyAso nAma dvAdasho.adhyAyaH || 12||

brahmavaivartapurANa | shrIkR^iShNajanma, pUrvabhAga | adhyAya 12/17\-42||
##
brahmavaivartapurANa . shrIkRRiShNajanma, pUrvabhAga . adhyAya 12/17-42..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}