% Text title            : sarvashAstrArtha aNu bhAShya (AnandatIrtha)
% File name             : aNu\_bhAshhya.itx
% Category              : vedanta, yoga
% Location              : doc\_yoga
% Transliterated by     : Shrisha Rao shrao at dvaita.org
% Proofread by          : Shrisha Rao shrao at dvaita.org
% Latest update         : November 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. sarvashAstrArtha aNu bhAShya ( AnandatIrtha)   ..}##
\itxtitle{.. sarvashAstrArtha aNu bhAShya ( AnandatIrtha) ..}##\endtitles ##

          sarvashAstrArthasa.ngrahaH
##
Encoded and proofread by Shrisha Rao shrao at dvaita.org
##
          .. shrI gurubhyo namaH hariH OM ..
OM viShNureva vijij~nAsyaH sarvakartA.agamoditaH .
samanvayAdIkShateshcha pUrNAnando.a.ntaraH khavat || 1\.1||
praNetA jyotirityAdaiH prasiddhairanyavastuShu .
uchyate viShNurevaikaH sarvaiH sarva guNattvataH || 1\.2||
sarvago.attA niya.ntA cha dR^ishyattvAdujjhitaH sadA .
vishvajIvA.ntarattvAdairli~NgaiH sarvairyutaH sa hi || 1\.3||
sarvAshrayaH pUrNaguNaH so.akSharaH san hR^idabjagaH .
sUryAdibhAsakaH prANaprerako daivatairapi || 1\.4||
j~neyo na vedaiH shUdrAdaiH kandako.anyashcha jIvataH .
patittvAdiguNairyuktaH tadanyatra cha vAchakaiH || 1\.5||
mukhyataH sarvashabdaishcha vAchya eko janArdanaH .
avyaktaH karmavAchyaishcha vAchya eko.amitAtmakaH || 1\.6||
avAntaraM kAraNaM cha prakR^itiH shUnyameva cha .
ityAdanyatra niyatairapi mukhyatayoditaH .
shabdairato.anantaguNo yachChabdA yogavR^ittayaH || 1\.7||
          .. iti prathamo.adhyAyaH ..
          .. atha dvitIyo.adhyAyaH ..
OM shrautasmR^itiviruddhattvAt smR^itayo na guNAnhareH .
niSheddhuM shaknuyurvedAnityatvAnmAnamuttamam || 2\.1||
asajjIvapradhAnAdishabdAbrahmaiva nAparam .
vadanti kAraNatvena kvApi pUrNaguNo hariH || 2\.2||
svAtantryAtsarvakartR^ittvAnnAyuktaM tadbhavechChrutiH .
bhrAntimUlatayA sarva samayAnAmayuktitaH || 2\.3||
na tadvirodhAdvachanaM vaidikaM sha~NkyatAM vrajet .
AkAshAdisamastaM cha tajjaM tenaiva lIyate || 2\.4||
so.anutpattilayaH kartA jIvaH tadvashagaH sadA .
tadAbhAso hariH sarva rUpeShvapi samaH sadA || 2\.5||
mukhyaprANashchendriyANi dehashchaiva tadudbhavAH .
mukhyaprANavashe sarvaM sa viShNorvashagaH sadA || 2\.6||
sarva doshojjhitaH tasmAd bhagavAn puruShottamaH .
uktA guNAshchAviruddhAstasya vedeShu sarvathA || 2\.7||
          .. iti dvitIyo.adhyAyaH ..
          .. atha tR^itIyo.adhyAyaH ..
OM shubhena karmaNA svargaM nirayaM cha vikarmaNA .
mithyAj~nAnena cha tamo j~nAnenaiva paraM padam || 3\.1||
yAti tasmAdviraktaH san j~nAnameva samAshrayet .
sarvAvasthAprerakashcha sarvarUpeShvabhedavAn || 3\.2||
sarvadesheShu kAleShu sa ekaH parameshvaraH .
tadbhaktistAratamyena tAratamyaM vimuktigam || 3\.3||
sachchidAnanda Atmeti mAnuShaistu sureshvaraiH .
yathA kramaM bahuguNairbrahmaNattvakhilairguNaiH || 3\.4||
upAsyaH sarvadevaishcha sarvairapi yathA balam .
j~neyo viShNurvisheShastu j~nAne syAduttarottaraM || 3\.5||
sarve.api puruShArthAsyuH j~nAnAdeva na sa.nshayaH .
na lipyate j~nAnAva.nshcha sarvadoShairapi kvachit || 3\.6||
guNadoShaiH sukhasyApi vR^iddhi hrAsau vimuktigau .
nR^INAM surANAM muktau tu sukhaM klR^iptaM yathAkramam || 3\.7||
          .. iti tR^itIyo.adhyAyaH ..
          .. atha chaturtho.adhyAyaH ..
OM viShNurbrahma tathA.adityatyevaM nityamupAsanam .
kAryamApadyapi brahma tena yAtyaparokShatAm || 4\.1||
prArabdhakarmaNo.anyasya j~nAnAdeva parikShayaH .
aniShTasyo.abhayasyApi sarvasyAnyasya bhogataH || 4\.2||
uttareShottareShvevaM yAvadvAyuM vimuktigAH .
pravishya bhu~njate bhogA.nstadantarbahireva vA || 4\.3||
vAyurviShNuM pravishyaiva bhogashchaivottarottaram .
utkramya mAnuShA muktiM yAnti dehakShayAtsurAH || 4\.4||
archirAdi paThA vAyuM prApya tena janArdanam .
yAntyuttamA narochchAdyA brahmalokAtsahA.amunA || 4\.5||
yathAsa~NkalpabhogAshcha chidAnanda sharIriNaH .
jagatsR^iShTyAdivishayaM mahAsAmarthya mapyR^ite || 4\.6||
yatheShTashaktima.ntashcha vinA svAbhAvikottamAn .
ananyavashagAshchaiva vR^iddhihrAsa vivarjitAH .
duHkhAdirahitaM nityaM moda.nte.avirataM sukham || 4\.7||
pUrNapraj~nena muninA sarvashAstrArthasa.ngrahaH .
kR^ito.ayaM prIyatAM tena paramAtmA ramApatiH || 4\.8||
namo namo.asheShadoShadUra pUrNaguNAtmane .
viri~nchisharvapUrveDya vandyAya shrIvarAya te || 4\.9||
          .. iti chaturtho.adhyAyaH ..
iti shrImadAnandatIrthabhagavatpAdAchAryavirachitaM
brahmasUtrANubhAShyaM sampUrNam
.. bhAratIramaNamukhyaprANa.ntargata shrIkR^iShNArpaNamastu ..
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}