% Text title : gorakShashatakam 2 % File name : gorakShashatakam2.itx % Category : shataka, yoga % Location : doc\_yoga % Proofread by : DPD % Description-comments : From Briggs 1938 http://yogaclassics.org/ % Latest update : April 5, 2013 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. GorakShashatakam 2 ..}## \itxtitle{.. gorakShashatakam 2 ..}##\endtitles ## shrIguruM paramAnandaM vande svAnandavigraham | yasya sannidhyamAtreNa chidAnandAyate tanuH || 1|| antarnishchalitAtmadIpakalikAsvAdhArabandhAdibhiH yo yogI yugakalpakAlakalanAt tvaM jajegIyate | j~nAnAmodamahodadhiH samabhavadyatrAdinAthaH svayaM vyaktAvyaktaguNAdhikaM tamanishaM shrImInanAthaM bhaje || 2|| namaskR^itya guruM bhaktyA gorakSho j~nAnamuttamam | abhIShTaM yoginAM brUte paramAnandakArakam || 3|| gorakShaH shatakaM vakti yoginAM hitakAmyayA | dhruvaM yasyAvabodhena jAyate paramaM padam || 4|| etadvimuktisopAnametat kAlasya va~nchanam | yadvyAvR^ittaM mano mohAd AsaktaM paramAtmani || 5|| dvijasevitashAkhasya shrutikalpataroH phalam | shamanaM bhavatApasya yogaM bhajati sajjanaH || 6|| AsanaM prANasaMyAmaH pratyAhAro.atha dhAraNA | dhyAnaM samAdhiretAni yogA~NgAni bhavanti ShaT || 7|| AsanAni tu tAvanti yAvatyo jIvajAtayaH | eteShAmakhilAnbhedAnvijAnAti maheshvaraH || 8|| chaturAshItilakShANAM ekamekamudAhR^itam | tataH shivena pIThAnAM ShoDeshAnaM shataM kR^itam || 9|| AsanebhyaH samastebhyo dvayameva vishiShyate | ekaM siddhAsanaM proktaM dvitIyaM kamalAsanam || 10|| yonisthAnakama~NghrimUlaghaTitaM kR^itvA dR^iDhaM vinyase nmeDhre pAdamathaikameva niyataM kR^itvA samaM vigraham | sthANuH saMyamitendriyo.achaladR^ishA pashyan bhruvorantaram etan mokShakavATabhedajanakaM siddhAsanaM prochyate || 11|| vAmorUpari dakShiNaM hi charaNaM saMsthApya vAmaM tathA dakShorUpari pashchimena vidhinA dhR^itvA karAbhyAM dR^iDham | a~NguShThau hR^idaye nidhAya chibukaM nAsAgramAlokaye detadvyAdhivikArahAri yaminAM padmAsanaM prochyate || 12|| ShaTchakraM ShoDashAdhAraM trilakShaM vyomapa~nchakam | svadehe ye na jAnanti kathaM sidhyanti yoginaH || 13|| ekastambhaM navadvAraM gR^ihaM pa~nchAdhidaivatam | svadehaM ye na jAnanti kathaM sidhyanti yoginaH || 14|| chaturdalaM syAdAdhAraH svAdhiShThAnaM cha ShaTdalam | nAbhau dashadalaM padmaM sUryasa~NkhyadalaM hR^idi || 15|| kaNThe syAt ShoDashadalaM bhrUmadhye dvidalaM tathA | sahasradalamAkhyAtaM brahmarandhre mahApathe || 16|| AdhAraH prathamaM chakraM svAdhiShThAnaM dvitIyakam | yonisthAnaM dvayormadhye kAmarUpaM nigadyate || 17|| AdhArAkhyaM gudasthAnaM pa~NkajaM cha chaturdalam | tanmadhye prochyate yoniH kAmAkShA siddhavanditA || 18|| yonimadhye mahAli~NgaM pashchimAbhimukhaM sthitam | mastake maNivadbimbaM yo jAnAti sa yogavit || 19|| taptachAmIkarAbhAsaM taDillekheva visphurat | trikoNaM tatpuraM vahneradhomeDhrAt pratiShThitam || 20|| yatsamAdhau paraM jyotiranantaM vishvatomukham | tasmin dR^iShTe mahAyoge yAtAyAtaM na vidyate || 21|| svashabdena bhavet prANaH svAdhiShThAnaM tadAshrayaH | svAdhiShThAnAt padAdasmAnmeDhramevAbhidhIyate || 22|| tantunA maNivat proto yatra kandaH suShumNayA | tannAbhimaNDalaM chakraM prochyate maNipUrakam || 23|| dvAdashAre mahAchakre puNyapApavivarjite | tAvaj jIvo bhramatyeva yAvat tattvaM na vindati || 24|| UrdhvaM meDhrAd adho nAbheH kandayoniH khagANDavat | tatra nADyaH samutpannAH sahasrANAM dvisaptatiH || 25|| teShu nADisahasreShu dvisaptatirudAhR^itAH | pradhAnaM prANavAhinyo bhUyastatra dasha smR^itAH || 26|| iDA cha pi~NgalA chaiva suShumNA cha tR^itIyakA | gAndhArI hastijihvA cha pUShA chaiva yashasvinI || 27|| alambuShA kuhUsh chaiva sha~NkhinI dashamI smR^itA | etan nADimayaM chakraM j~nAtavyaM yogibhiH sadA || 28|| iDA vAme sthitA bhAge pi~NgalA dakShiNe tathA | suShumNA madhyadeshe tu gAndhArI vAmachakShuShi || 29|| dakShiNe hastijihvA cha pUShA karNe cha dakShiNe | yashasvinI vAmakarNe chAsane vApyalambuShA || 30|| kuhUshcha li~Ngadeshe tu mUlasthAne cha sha~NkhinI | evaM dvAramupAshritya tiShThanti dashanADikAH || 31|| iDApi~NgalAsuShumNA cha tisro nADyudAhR^itAH | satataM prANavAhinyaH somasUryAgnidevatAH || 32|| prANo.apAnaH samAnash chodAno vyAnau cha vAyavaH | nAgaH kUrmo.atha kR^ikaro devadatto dhana~njayaH || 33|| hR^idi prANo vasen nityaM apAno gudamaNDale | samAno nAbhideshe syAdudAnaH kaNThamadhyagaH || 34|| udgAre nAgAkhyAtaH kUrma unmIlane smR^itaH | kR^ikaraH kShutakR^ijj~neyo devadatto vijR^imbhaNe || 35|| na jahAti mR^itaM chApi sarvavyApi dhana~njayaH | ete sarvAsu nADIShu bhramante jIvarUpiNaH || 36|| AkShipto bhujadaNDena yathochchalati kandukaH | prANApAnasamAkShiptastathA jIvo na tiShThati || 38|| prANApAnavasho jIvo hyadhash chordhvaM cha dhAvati | vAmadakShiNamArgeNa cha~nchalatvAn na dR^ishyate || 39|| rajjubaddho yathA shyeno gato.apyAkR^iShyate | guNabaddhastathA jIvaH prANApAnena kR^iShyate || 40|| apAnaH karShati prANaH prANo.apAnaM cha karShati | UrdhvAdhaH saMsthitAvetau saMyojayati yogavit || 41|| hakAreNa bahiryAti sakAreNa vishetpunaH | haMsahaMsetyamuma mantraM jIvo japati sarvadA || 42|| ShaTshatAnitvahorAtre sahasrANyekaviMshatiH | etatsa~NkhyAnvitaM mantra jIvo japati sarvadA || 43|| ajapA nAma gAyatrI yoginAM mokShadAyinI | asyAH sa~NkalpamAtreNa sarvapApaiH pramuchyate || 44|| anayA sadR^ishI vidyA anayA sadR^isho japaH | anayA sadR^ishaM j~nAnaM na bhUtaM na bhaviShyati || 45|| kundalinyAH samudbhUtA gAyatrI prANadhAriNI | prANavidyA mahAvidyA yastAM vetti sa yogavit || 46|| kandordhvaM kuNDalI shaktiraShTadhA kuNDalAkR^iti | brahmadvAramukhaM nityaM mukhenAchChAdya tiShThati || 47|| yena dvAreNa gantavyaM brahmasthAnamanAmayam | mukhenAchChAdya taddvAraM prasuptA parameshvarI || 48|| prabuddhA vahniyogena manasA mArutA hatA | sUchIvad guNamAdAya vrajatyUrdhvaM suShumNayA || 49|| prasphuradbhujagAkArA padmatantunibhA shubhA | prabuddhA vahniyogena vrajati UrdhvaM suShumNayA || 50|| udghaTayetkapAtaM tu yathA ku~nchikayA haThAt | kuNDalinyA tathA yogI mokShadvAraM prabhedayet || 51|| kR^itvA sampuTitau karau dR^iDhataraM baddhavAtu padmAsanaM gADhaM vakShasi sannidhAya chibukaM dhyAtvA tatprekShitam | vAraM vAramapAnamUrdhvamanilaM prochchArayetpUritaM mu~nchanprANamupaiti bodhamatulaM shaktiprabodhAnnaraH || 52|| a~NgAnAM mardanaM kuryAchChramajAtena vAriNA | kaTvAmlalavaNatyAgI kShIrabhojanamAcharet || 53|| brahmachArI mitAhArI tyAgI yogaparAyaNaH | abdAdurdhvaM bhavetsiddho nAtra kAryA vichAraNA || 54|| susnigdhaM madhurAhAraM chaturthAMshavivarjitam | bhujyate surasamprItyai mitAhAraH sa uchyate || 55|| kandordhvaM kuNDalI shaktiraShTadhA kuNDalAkR^itiH | bandhanAya cha mUDhAnAM yoginAM mokShadA smR^itA || 56|| mahAmudrAM namomudrAmuDDiyAnaM jalandharam | mUlabandhaM cha yo vetti sa yogI siddhibhAjanam || 57|| shodhanaM nADijAlasya chAlanaM chandrasUryayoH | rasAnAM shoShaNaM chaiva mahAmudrAbhidhIyate || 58|| vakShonyastahanurnipIDya suchiraM yoniM cha vAmA~NghriNA hastAbhyAmavadhAritaM prasaritaM pAdaM tathA dakShiNam | ApUrya shvasanena kukShiyugalaM baddhvA shanai rechayed eShA pAtakanAshinI sumahatI mudrA nRRINAM prochyate || 59|| chandrA~Ngena samabhyasya sUryA~NgenAbhyaset punaH | yAvat tulyA bhavetsa~NkhyA tato mudrAM visarjayet || 60|| na hi pathyamapathyaM vA rasAH sarve.api nIrasAH | api muktaM viShaM ghoraM pIyUShamapi jIryate || 61|| kShayakuShThagudAvartagulmAjIrNapurogamAH | rogAstasya kShayaM yAnti mahAmudrAM tu yo.abhyaset || 62|| kathiteyaM mahAmudrA mahAsiddhikarA nRRINAm | gopanIyA prayatnena na deyA yasya kasyachit || 63|| kapAlakuhare jihvA praviShTA viparItagA | bhruvorantargatA dR^iShTirmudrA bhavati khecharI || 64|| na rogo maraNaM tandrA na nidrA na kShudhA tR^iShA | na cha mUrchChA bhavettasya yo mudrAM vetti khecharIm || 65|| pIDyate na sa rogeNa lipyate na cha karmaNA | bAdhyate na sa kAlena yo mudrAM vetti khecharIm || 66|| chittaM charati khe yasmAjjihvA charati khe gatA | tenaiShA khecharI nAma mudrA siddhairnirUpitA || 67|| bindumUlaM sharIraM tu shirAstatra pratiShThitAH | bhAvayanti sharIraM yA ApAdatalamastakam || 68|| khecharyA mudritaM yena vivaraM lambikordhvataH | na tasya kSharate binduH kAminyAli~Ngitasya cha || 69|| yAvadbinduH sthito dehe tAvatkAlabhayaM kutaH | yAvadbaddhA nabhomudrA tAvadbindurna gachChati || 70|| chalito.api yadA binduH samprAptashcha hutAshanam | vrajatyUrdhvaM hR^itaH shaktyA niruddho yonimudrayA || 71|| sa punardvividho binduH paNDuro lohitastathA | pANDuraM shukramityAhurlohitaM tu mahArAjaH || 72|| sindUradravasa~NkAshaM ravisthAne sthitaM rajaH | shashisthAne sthito bindustayoraikyaM sudurlabham || 73|| binduH shivo rajaH shaktirbindumindU rajo raviH | ubhayoH sa~NgamAdeva prApyate paramaM padam || 74|| vAyunA shaktichAreNa preritaM tu mahArajaH | bindunaiti sahaikatvaM bhaveddivyaM vapustadA || 75|| shukraM chandreNa saMyuktaM rajaH sUryeNa saMyutam | tayoH samarasaikatvaM yojAnAti sa yogavit || 76|| uDDInaM kurute yasmAdavishrAntaM mahAkhagaH | uDDIyAnaM tadeva syAttava bandho.abhidhIyate || 77|| udarAtpashchime bhAge hyadho nAbhernigadyate | uDDIyAnasya bandho.ayaM tatra bandho vidhIyate || 78|| badhnAti hi sirAjAlamadhogAmi shirojalam | tato jAlandharo bandhaH kaNThaduHkhaughanAshanaH || 79|| jAlandhare kR^ite bandhe kaNThasaMkochalakShaNe | pIyUShaM na patatyagnau na cha vAyuH prakupyati || 80|| pArShNibhAgena sampIDya yonimAku~nchayedgudam | apAnamUrdhvamAkR^iShya mUlabandho.abhidhIyate || 81|| apAnaprANayoraikyAt kShayAnmUtrapurIShayoH | yuvA bhavati vR^iddho.api satataM mUlabandhanAt || 82|| padmAsanaM samAruhya samakAyashirodharaH | nAsAgradR^iShTirekAnte japedo~NkAramavyayam || 83|| bhUrbhuvaH svarime lokAH somasUryAgnidevatAH | yasyA mAtrAsu tiShThanti tatparaM jyotiromiti || 84|| trayaHkAlAstrayo vedAstrayo lokAstrayaH sverAH | trayodevAH sthitA yatra tatparaM jyotiromiti || 85|| kriyA chechChA tathA j~nAnAbrAhmIraudrIshcha vaiShNavI | tridhAshaktiH sthitA yatra tatparaM jyotiromiti || 86|| AkArAshcha tathokAromakAro bindusaMj~nakaH | tisromAtrAH sthitA yatra tatparaM jyotiromiti || 87|| vachasA tajjayedbIjaM vapuShA tatsamabhyaset | manasA tatsmarennityaM tatparaM jyotiromiti || 88|| shuchirvApyashuchirvApi yo japetpraNavaM sadA | lipyate na sa pApena padmapatramivAmbhasA || 89|| chale vAte chalo bindurnishchale nishchalo bhavet | yogI sthANutvamApnoti tato vAyuM nirodhayet || 90|| yAvadvAyuH sthito dehe tAvajjIvanamuchyate | maraNaM tasya niShkrAntistato vAyuM nirodhayet || 91|| yAvadbaddho maruddehe yAvachchittaM nirAkulam | yAvaddR^iShTirbhruvormadhye tAvatkAlabhayaM kutaH || 92|| ataH kAlabhayAd brahmA prANAyAmaparAyaNaH | yogino munayashchaiva tato vAyuM nirodhayet || 93|| ShaTtriMshada~NgulohaMsaH prayANaM kurute bahiH | vAmadakShiNamArgeNa tataH prANo.abhidhIyate || 94|| shuddhimeti yadA sarvaM nADIchakraM malAkulam | tadaiva jAyate yogI prANasaMgrahaNe kShamaH || 95|| baddhapadmAsano yogI prANaM chandreNa pUrayet | dhArayitvA yathAshakti bhUyaH sUryeNa rechayet || 96|| amR^itaM dadhisa~NkAshaM gokShIrarajatopamam | dhyAtvA chandramaso bimbaM prANAyAmI sukhI bhavet || 97|| dakShiNo shvAsamAkR^iShya pUrayedudaraM shanaiH | kumbhayitvA vidhAnena purashchandreNa rechayet || 98|| prajvalajjvalanajvAlApu~njamAdityamaNDalam | dhyAtvA nAbhisthitaM yogI prANAyAme sukhI bhavet || 99|| prANaM chodiDayA pibenparimitaM bhUyo.anyayA rechayet pItvA pi~NgalayA samIraNamatho baddhvA tyajedvAmayA | sUryachandramasoranena vidhinA bimbadvayaM dhyAyataH shuddhA nADigaNA bhavanti yamino mAsatrayAdUrdhvataH || 100|| yatheShThaM dhAraNaM vAyoranalasya pradIpanam | nAdAbhivyaktirArogyaM jAyate nADishodhanAt || 101|| || iti shrI gorakShanAthapraNItaH gorakShashatakaM sampUrNam || ## http://yogaclassics.org/ Briggs 1938 Proofread by DPD \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}