% Text title            : ShaT.htri.nshattattva sandohaH with Sanskrit commentary
% File name             : shhattrim.itx
% Category              : vedanta, yoga, shiva
% Location              : doc\_yoga
% Author                : Commentary by Rajananda
% Transliterated by     : Sorin Suciu aka SeSe at sorins at hotmail.com
% Proofread by          : Sorin Suciu aka SeSe at sorins at hotmail.com
% Latest update         : November 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ShaT.htri.nshattattva sandohaH   ..}##
\itxtitle{.. ShaT.htri.nshattattva sandohaH ..}##\endtitles ##
yadayamanuttaramUrtirnijechChayAkhilamidaM jagatsraShTuM |
paspande sa spandaH prathamashshivatattvamuchyate tajj~naiH || 1||
iha hi svata.ntrashivAdvayadarshane
parameshvarassvata.ntrashchidghanasa.nvitsvabhAvassvayA
svAta.ntryAkhyayA
shaktyA satataM shivAdidharaNyantatattadbhuvanabhUtatattvAtmanA
krIDanAdishIlatvAt.h kR^ityapa~nchakavidhAyI vastutaH
kramarAhitye.api
vishvasR^iShTau AbhAsanamAtrasAreNa
pAramArthikakAryakAraNabhAvena
kramamapi udbhAvayan.h anAkhyatve.api svechChayaiva svAtmabhittau
tattachChivAdi
tattvAbhikhyAmavabhAsayati | tathAtve.api
ShaTtri.nshattattvamayakulasvarUpaparAmarshanAtAkhaNDyena
svachamatkAravimarshasArAmanuttara Ana.ndadhanAvasthAnnojjhatIti
vAstavAshayAvabodhanAya kashchiMmahAmAheshvaraH
parameshashaktipAtAnugR^ihItaH
tattvakramaprakriyAmAryAbhirekavi.nshatyA
samupanibabandha yadayamityAdinA | anuttaramUrtebhagavataH
parameshvarasya
prakAshaghanasvAtmaikAtbhyenAvasthitaM vishvaM sisR^ikShoH
darpaNanagaravata svechChayaiva svAtmanyAdyA
proMmimIlayiShAvasthA
shivatattvavyapadeshyA pa~nchashaktinirbharatvAtsvAta.ntriyAt.h
chidAdiprAdhAnyena kramashaH shuddhAdhvani
tattvasR^iShTyavabhAsanaM
mAyAvidyAdes sa.nvitprakAshaghanaparamashivAt.h
vyatirekAnatirekavikalpairupahatatvAt.h
svata.ntriyameva kevalaM vishvotpattisa.nharaNAdau
mUrdhAbhiShiktaM
tattadanantashaktiniyamAnAM kroDIkAritvAt.h vakShyamANe.api
tattadrUpopagrahaNe svata.ntryAmuktatvAnna
prAchyasvabhAvApAyaH || 1||
ichChA saivasvachChA sa.ntatasamavAyinI satI shaktiH |
sacharAcharasya jagato bIjaM nikhilasya nijanilInasya || 2||
tasya svAbhinnA svata.ntrechChAshaktirevodbhaviShyato vishvasya
svA.ntarnilInatvAtbIjabhUtA shaktitattvatAM
yAti shakteshshaktimaddharmatve.api
nA.nyadarshanAbhimatavattasmAtvyatirekaH
naiShkarmyeNAtrechChAyAssvachChatvAt.h
hR^idayasArormiprabhR^itibhiH sa.nj~nAbhi tattaddarshaneShu abhidhAnaM |
parameshvara eva hi svaishvaryochChalattayA
pUrNAhantAchamatkAratAratamyena
shaktidarshAmadhishete ityatrAnandashaktiprAdhAnyaM || 2||
svechChAshaktyudgIrNaM jagadAtmatayA samAchChAdya |
nivasansa eva nikhilAnugrahaniratassadAshivo.amihitaH || 3||
tasyaiva parameshvarasya svasvAtantryodbhAsitasya vishvasya
vishuddhasa.nvinmAtrAdhikaraNyena svAtmanyeva
samullAsanAtsadityAkhyAnAtsadAshivatattvAvasthAtassa
bhAvinassamastabhAvarAshessamyak.h
bahiravabibhAsayiShAlakShaNakrIDArasikatvAtanugrahaniratatadbhUmikAM
gR^ihNAtItyato nivasannityuktaM || 3||
vishvaM pashchAtpashyan.h idantayA nikhilamIshvaro jAtaH |
sA bhavati shuddhavidyA yedantAhantayorabhedamatiH || 4||
evaM kramAvabhAsanAtvishvasya shuddhasa.nvinmAtrAdhikaraNa
eva sphuTatayA parAmR^ishyamAnasyAhama.nshe
abhiShechanAtsa eva parameshvara IshvaratattvadashAmadhishrayatyatra
vedyajAtasya sphuTAvabhAsanAjj~nAnashaktyudrekaH |
AntaradashAya udriktatvAtsadAshivAvasthA
barhibhAvaparatodrekAt.h tu IshvarAvasthA ityanayorvisheShaH |
prarUDhabhedasya idantA.nshasya
samadhR^itatulApuTanyAyenAhama.nshasphuraNAyAM
shuddhavidyAtattvaM |
atra vishvasya sphuTataraM parAmarshanAtkriyAshaktiH pradhAnA |
iyati cha shuddhasvAta.ntryameva tattadvaichitryeNa prasphuratIti
shuddhodhvA || 4||
mAyA vibheda buddhirnijA.nshajAteShu nikhilajIveShu |
nityaM tasya nira~NkushavibhavaM veleva vAridhe rundhe || 5||
ashuddhe punaradhvani parameshvaraiva
svAtmaprachChAdanasAmakrIShayAdhorabhaTTArakabhUmiM
mantramaheshvararUpAM gR^ihItvA durghaTasampAdanasAmarthyena
mAyAshaktyA svato.anyonyatashcha bhinnamaNunAM bhogasiddhaye
kalAdikShityantaM jaDAjaDavargaM kramato.akramato.apyavabhAsayati
tatra bhinnabhinnaprathAtmakamayIyamalena svA~NgakalpeShvapi
jaDavedyavargeShu vibhinnatayA buddhireva mAyAkhyaM tattvaM yena
tasya
nirargalaM svAta.ntryaM pratiha.nyate velayevAbdhitara~NgANAM
vaibhavaM || 5||
sa tayA parimitamUrtissa~NkuchitasamastashaktireSha pumAn.h |
raviriva sa.ndhyAraktassa.nhR^itashaktissvabhAsane.apyapaTuH || 6||
avikAryasyApi tasya chidAtmanaH svashaktInAM
sa~NkochanapuraH saraM shaktidAridryamApannasyANvapara
paryAyA puruShasa.nj~nA sa.nhR^itashaktitvena parimitAtmA
sa svAtmaishvaryAmapi pratyabhij~nAtumapaTuH sa~ncharati
vibhinnayoniShu |
yadA
punashshaktipAtatArata.nyAtvij~nApitaishvaryassvA~Ngakalpameva
vishvaM pratyabhijAnIyAt.h tadA jIvat.h shivabhAvaM pratyApadyate || 6||
sampUrNakartR^itAdyA bahvyassantyasya shaktayastasya |
sa~NkochAtsa~NkuchitAH kalAdirUpeNa rUDhayantyevaM || 7||
shattayantarakroDIkAriNyA svAtantrashaktyAviyuktatvAdeva
parameshvarasya bahushaktitvaM sa~NkochagrahaNAdeva
sarvAstachChaktayassa~NkuchitIbhUya kalAditattvapa~nchakena
prarohamupagachChantI | tA yathA
sartA sarvaj~natA tR^iptiH nityatA svAtantryamityetatpa~nchakaM
shuddhAshuddhabhedena dvidhA parameshaviShayatayA shuddhaM
sa.nsAraviShayatayA tu ashuddhaM || 7||
tatsarvakartR^itA sA sa~NkuchitA katipayArthamAtraparA |
ki~nchitkartAramamuM kalayanti kIrtyate kalA nAma || 8||
gopitasvarUpatvAnniruddhashakteH parameshvarasya
sarvakartR^itAshaktiH prANAdiparimitapramAtR^ibhAve ki~nchit.h
kartR^itodvalanAtmanA kalanena kalAtattvAtmatAM yAti
yadvashAtki~nchideva kartumutsahate aNuH na sarvatra kartR^itvamiti || 8||
sarvaj~natAsya shaktiH parimitatanuralpavedyamAtraparA |
j~nAnamutpAdayantI vidyeti nigadyate budhairAdyaiH || 9||
evaM tasyaiva sarvaj~natAshaktissa~NkochaM gR^ihItavatI
ki~nchijj~neyamAtraparatvena j~nAnotpAdanAtvidyAtattvaM
vidyayaiva buddhidarpaNe pratiphalitA bhAvA vivichya.nte
guNasa~NkIrNanatayA tasya vivektumakShamatvAttasmAt.h
vidyayaivArthavivekaH || 9||
nityaparipUrNatR^iptiH shaktistasyaiva paramitA tu satI |
bhogeShu rajjayantI satatamamuM rAgatattvatAM yAtA || 10||
parameshvarasya nityaparipUrNatR^iptirnAma shaktiH pAramitya
yAtA yatra kvachana upAdeyAdyabhimate
ki~nchanme bhUyAt.h iti sAmAnyena abhiShva~NgamAtrAdApadyate
rAgatattvaM |
visheShAbhiShva~Ngastu asyaiva pallavitaprAyetyetadeva kalAvidyayoH
prAguktayoH ki~nchidbhAge nimittaM || 10||
sA nityatAsya shaktirnikR^iShya nidhanodayapradAnena |
niyataparichChedakarI klR^iptA syAtkAlatattvarUpeNa || 11||
akAlakalitasya chidAtmano nityatvAkhyA
shaktinyagbhAvamAshritya kAryArUShitakartR^itvakalanaya
ANuM tuTyAdikramAbhAsanAtmanA kAlena sa.nyojya
kAlatattvavyapadeshyA kalpyate yenAyamaNuH
bhUtAdikriyAkramakalitaH
kAlavashatAmapadyate || 11||
yAsya svatantratAkhyA shaktissa~NkochashAlinI saiva |
kR^ityAkR^ityeShvavashaM niyatamamuM niyamantyabhUnniyatiH || 12||
svata.ntryamevAsya parapramAtussa~Nkuchanniyatitattva tAmAbhAsayati
yataH kAryAkAryeShu niyamAdhAnAt.h
vishiShTe kArye vishiShtaM kAraNaM evAdadhyAn.h nAniyataM iti |
etena kalAdinA ka~nchukenA vR^ito.ayaM shaktidAridryamanubhUya
kalAdi
mukhenaiva svavaibhavAt.h prativitIrNaki~nchida.nshaH pashurityuchyate || 12||
ichChAditrisamaShTishshaktishshAntAsya sa~NkuchadrUpA |
sa~NkalitechChAdyAtyakasattvAdika sAmyarUpiNI tu satI || 13||
buddhyAdisAmarasyasvarUpachittAtmikA gatA prakR^itiH |
ichChAsya rajorUpAha~NkR^itirAsIdahaM pratItikarI || 14||
asya shAntAkhyAshaktirakShubdhatvAtichChAdInAM
shaktInAM garbhIkaraNAtsamaShTirUpA pAramityagrahaNAchcha
guNAnAmavibhAgAvasthA prakR^ititattvaM |
guNAnAmichChAdishaktitrikenAnvArabdhatvAttritvaM yatprakShobhAt.h
prakR^itikasargasya prasaraH | tatra chittAtmake buddhayakR^inmanA.nsi
samyAvasthAmadhishriyanti | atra tattvakramaprasare
shivAdisakalAnteShu
prabhAtR^ivargeShu j~nAnakriyAshaktI eva mukhyamupakaraNaM te eva
sa~NkuchidrUpe Ishvarashuddhavidye sa~Nkuchite vidyAkale
atyantasa~Nkuchite
buddhikarmendriyANi kriyAyAH sa~NkochasImni bhUtasUkShmAdi iti
vij~neyaM | aNoH rajaH pariNAminI ichChashakti
ahamityAbhimAnalakShaNA aha~NkR^itiH || 13##-##14||
j~nAnApi sattvarUpA nirNayabodhasya kAraNaM buddhiH |
tasya kriyA tamomayamUrtirmanochyate vikalpakarI || 15||
sattvapariNAminI j~nAnashaktirevArthAdhyavasAyalakShaNA
buddhiH | tamaH pariNAminI kriyAshaktiH |
vikalpakaraNalakShaNaM
manastattvamuchyate || 15||
vAmAdipa~nchabhedassaiva sa~Nkuchitavigraho devaH |
j~nAnakriyoparAgaprAdhAnyAdvividhaviSharUpo.abhUt.h || 16||
saiva krIDAsatattvo vAmodevAdipa~nchamUrtitattvAt.h sa~Nkuchito
bhUtvA j~nAnashaktyupara~njanapradhAnatayA
j~nAnendriyatadviShayasharIratAM kriyAshaktyupAdhiprAdhAnyAt.h
karmendriyavyApAravattvaM cha upAdatte | shaktipa~nchakopAdAnAt.h
karaNAnAM pa~nchadhAtvaM bodhyaM || 16||
shrotraM chakShussparshanajihvAghrANAni bodhakaraNAni |
shadbasparsharUparasagandhau cheti bhUtasukShmANi || 17||
shrotrAdIni j~nAnendriyANi shabdAdIni tanmAtrANi || 17||
ayamevAtinikR^iShTo jAto bhUtAtmanApi bhUteshaH |
gaganamanilashcha tejassalilaM bhUmishcha pa~nchabhUtAni || 18||
atyantasa~NkochagrahaNAtachidrUpatAmavabhAsyAkAshadIni
pa~nchabhUtAni || 18||
shrotrAdikaraNavedyAshshabdAdyAstAni vedakAnyeShAM |
vachanakarI vAgAsIt.h pANissyAtkaraNabhUtAdAne || 19||
shabdAdij~nAnasAdhanAni shrotrAdikaraNAni
vachanAdikriyAsAdhanAni
vAgAdIni karme.ndriyANi || 19||
gamanavisargAnandatritaye pAdAdikaM karaNaM |
gandhavatI bhUmissyAdApassA.nsiddhikadravAstejaH || 20||
uShNasparshamarUpasparsho vAyurambaraM sashabdaM |
ShaTtri.nshattattvamayaM vande kulAtigaM shaMbhuM || 21||
AdinA pAyUpasthau gR^ihyete | ga.ndhavattvaM bhUmerlakShaNaM
sA.nsiddhikadravatvamablakShaNamuShNa sparshena tejo
lakShyate arUpasparsho vAyulakShaNaM shabdAkashasyeti pratyekaM
mukhyaguNanirdeshaH | tattvAnAmuttarottaraM vyApyavyApakabhAvena
bhUmirvyApyA jalAdishivAntaM vyApakAni pa~nchatri.nshatevaM
bhUtasR^iShTau vyomAdiguNA vyAmakatvenAnugatAssa.nti |
paramashivatattvasya
sarvatrAnugatatvAtvishvamayataduttIrNayAmalakaulasvarUpameva
bhaktAnAmiti vandanopasa.nhArokyayopakShiptamiti shivaM || 20 ##-## 21||

|| iti ShaT.htrishattattvasa.ndohashshrImadrAjAnakAnandAchAryavirachitavivaraNopetaH samAptaH ||

##
Encoded and proofread by Sorin Suciu aka SeSe at sorins at hotmail.com.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}