% Text title            : yogakalpadruma
% File name             : yogakalpadruma.itx
% Category              : yoga
% Location              : doc\_yoga
% Author                : Swami Brahmananda
% Transliterated by     : Ameya Sakhare amaybsakhare at gmail.com
% Proofread by          : Ameya Sakhare amaybsakhare at gmail.com, NA
% Description/comments  : See elaborate Hindi commentary on each verse in the link
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Yoga Kalpadruma ..}##
\itxtitle{.. shrIyogakalpadruma ..}##\endtitles ##
OM gaM gaNapataye namaH |
atha shrIyogakalpadrumaprArambhaH |
ma~Ngalam |
(vaMshasthaM vR^ittam)
praNamya yogIndrahR^ida~Nghripa~NkajaM
maheshvaraM sheShamukhAnR^iShIMstathA |
bravImi yogAgamasAramadbhutaM
susAdhakAlkeshavibodhasiddhaye || 1||
(basantatilakA vR^ittam)
hR^idbhUbhavo nigamabodhasumUlako dvi\-
skandhaH ShaDunnatalatashcha yamAdiparNaH |
dhyAnAdipuShpalalitashcha vimokShasasyaH
sarvArthado jayati yogasuradrumoyam || 2||
(indravaMshA vR^ittam)
AvR^ittyarAgau puruShANDajanmanaH
pakShau vadantIha samAdhivittamAH |
yogAtatAkAshasukhAdhirohaNaM
nUnaM tayornAnyatareNa sid.hdhyati || 3||
(drutavilambitaM vR^ittam)
janananAshajarogravanecharaM
trividhatApakukaNTakasa~Nkulam |
uparameta tR^iShogradavAnalaM
jagadaraNyamavekShya sudhIradhIH || 4||
(drutavilambitaM vR^ittam)
samapahAya tu doShadR^ishAkhilaM
vijanadeshagato gatasAdhvasaH |
samupakalpya shubhAsanamAtmano
dR^iDhamatiH kramashastu samabhyaset || 5||
(indravaMshA vR^ittam)
j~nAnaM vadantIha vimokShakAraNaM
tajjAyate naiva vilolachetasi |
laulyaM na yogena vinA prashAmyati
tasmAttadarthaM hi yateta sAdhakaH || 6||
(vaMshastha vR^ittam)
haTho layo mAntrikarAja sa.nj~nitau
chaturvidhaM yogamabAlishAviduH |
trayo.api rAjopagatA bhavantyata\-
stadarthameveha yateta kovidaH || 7||
(vaMshasthaM vR^ittam)
jagustada~NgAShTakamuttamAshayA
yamAdisa.nj~naM yamivaryasevitam |
samAsatastasyaphalaM cha lakShaNaM
vadAmi vR^iddharShimatAnurodhataH || 8||
(vaMshasthaM vR^ittam)
ahiMsanaM satyamachauryamArjavaM
kShamA dhR^itishshauchamupasthanigrahaH |
mitAshanaM dInajanAnukampanaM
yamA dashaite munivaryasammatAH || 9||
(vaMshasthaM vR^ittam)
japastapo dAnamathAgamashruti\-
stathAstikatvaM vratamIshvarArchanam |
yathAptitoShomatirapyapatrapA
budhairdashaite niyamAH samIritAH || 10||
(vaMshasthaM vR^ittam)
skhalatyasau naiva yadA katha~nchanA\-
chalAshayo.ahiMsanamukhyashIlataH |
tadA tu tajjAni phalAnyupAshnute\-
.avirodhamukhyAnyachirAdudAradhIH || 11||
(indravaMshA vR^ittam)
pIThAnyanalpAni vadanti yogina\-
steShAM chatuShkaM tu tathottamottamam |
tatrApi yatsthairyasukhAvahaM bhave\-
tachchaiva yogepsurihAbhyasetsadA || 12||
(drutavilambitaM vR^ittam)
analasatvamupasthabalakShayo\-
.anilanirodhapaTutvamanUrmitA |
pavanamantharatApyupajAyate
sthiramaterihapIThajayAtkila || 13||
(vaMshasthaM vR^ittam)
tato.anilAyAmachatuShkamabhyase\-
daharnishaM rechakamukhyasa.nj~nakam |
kriyAbhirAshuddhatanurmitakriyaH
shanaishshanairdeshikavAkyachoditaH || 14||
(vaMshasthaM vR^ittam)
shirAvishuddhirjaTharAnalonnati\-
stathAkShadoShApachayoM.agalAghavam |
sushaktibodho manasashcha yogyatA
vidhAraNA svasya tatobhijAyate || 15||
(indravaMshA vR^ittam)
bhogonmukhAkShaughanivarttanaM sadA\-
.asaMsargato doShadR^ishA cha dIrghayA |
saMsthApanaM yachcha manonurodhato
yogasya tatpa~nchamama~NgamIritam || 16||
(vaMshasthaM vR^ittam)
suraprasAdo manasaH prasannatA
tapaHpravR^iddhistvapi dainyasa.nkShayaH |
drutaM praveshashcha tathaiva saMyame
jitendriyasyeha kilopajAyate || 17||
(vaMshasthaM vR^ittam)
hR^idAdidesheShu vikR^iShya sarvato
vidhAraNaM yanmanaso.asthirAtmanaH |
muhurmuhurdhairyamihAvalambya vai
sudhAraNA sA vibudhairudIritA || 18||
(indravaMshA vR^ittam)
vR^ittyekatAnatvamakhaNDitaM tu ya\-
ttatrAnyasa~NkalpavikalpajAlakaiH |
tailasya dhAreva samAdhigopuraM
dhyAnaM tadevAhuradInachetasaH || 19||
(indravaMshA vR^ittam)
dhyeyasvarUpopagataM yadA mano
vismR^itya chAtmAnamathAvatiShThate |
sa~NkalpapUgApagataM tamantimaM
yogasya santo.avayavaM prachakShate || 20||
(indravaMshA vR^ittam)
etattrayaM saMyamamAhuruttamA
yogasya mukhyaM karaNaM sudurgamam |
sid.hdhyA.asya sid.hdhyoghamihAshnute~njasA
yogaMvishatyapyachiraM mahAshayaH || 21||
(indravaMshA vR^ittam)
vairAgyamAshritya paraM tatheshvarA
dhyAnena vighnAnakhilA~njayedyamI |
sa.nkShipya chetaHparamAtmasadmani
sa~nchintayedekamathottamAkSharam || 22||
(indravaMshA vR^ittam)
saMvishya yogaM paramaM tu dhIradhI\-
rekatvamAnIya tathAtmachetasoH |
protsArya sa~Nkalpavikalpasa~nchayaM
ki~nchitsmarennaiva tatastvatandritaH || 23||
(indravaMshA vR^ittam)
itthaM parAnandapadArpitAshayo
yogIvilUnAkhilakarmabandhanaH |
svairashchiraM saMvicharatyudAradhI\-
ratraiva vA.amutra vimuchyate.athavA || 24||
(drutavilambitaM vR^ittam)
paramayogarahasyamitIritaM
paramahaMsajanena samAsataH |
paThati yashcha samAcharatIha vai
patati jAtu sa nograbhavArNave || 25||

iti shrImatparamahaMsasvAmibrahmAnandavirachito
yogakalpadrumaH sampUrNaH ||

##
Encoded and proofread by Ameya Sakhare amaybsakhare at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}