% Text title            : Shattrimshatsamvara Stuti
% File name             : ShaTtriMshatsaMvarastutiH.itx
% Category              : misc, buddha, stuti
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shattrimshatsamvara Stuti ..}##
\itxtitle{.. ShaTtriMshatsaMvarastutiH ..}##\endtitles ##
shrIsaMvaraM mahAvIraM vArAhIM chApi yoginIm |
namAmi sarvabhAvena yoginIjAlanAyakam || 1||
DAkinIM cha tathA lAmAM khaNDarohAM cha rUpiNIm |
chaturo.amR^itabhANDAMshcha bodhichittena pUritAn || 2||
pullIramalayodbhUtaM khaNDakapAlasaMvaram |
prachaNDAli~NgaNaM vIraM namAmi shirasi sthitam || 3||
jAlandharAtsamutpannaM mahAka~NkAlasaMvaram |
chaNDAlyAli~NgaNaM vIraM shikhAdeshe sthitaM name || 4||
oDiyAnAtsamudbhUtaM ka~NkAlanAma saMvaram |
prabhAvatIsamApannaM savyakarNasthitaM name || 5||
arbudapIThamadhyasthaM saMvaraM vikaTadaMShTriNam |
mahAnAsAsamApannaM pR^iShThadeshe sthitaM name || 6||
godAvarIsamudbhUtaM surAvIriNasaMvaram |
sampuTaM vIramatyAkhyA vAmakarNasthitaM name || 7||
rAmeshvarodbhavaM vIramamitAbhAkhyasaMvaram |
kharvarosampuTaM nAthaM bhruvormadhyasthitaM name || 8||
devIkoTodbhavaM nAthaM vajraprabhAkhyasaMvaram |
la~NkeshvarIsamApannaM namAmi netrakoNagam || 9||
mAravAkhyAtsamutpannaM vajradehAkhyasaMvaram |
drumachChAyAsamApannaM namAmi skandhadeshagam || 10||
kAmarUpodbhavaM vIrama~NgulikAkhyasaMvaram |
airAvatIsamApannaM namAmi kakShadeshagam || 11||
okArasthAnasa~njAtaM vajrajaTilasaMvaram |
bhairavAli~NgaNaM vIraM tanuyugodbhavaM name || 12||
trishakunyadbhavaM nAthaM mahAvIrAkhyasaMvaram |
vAyuvegAsamApannaM nAbhideshasthitaM name || 13||
kaushalAyAM samudbhUtaM vajrahU~NkArasaMvaram |
surAbhakShIsamApannaM namAmi nAsikAgrajam || 14||
kali~NgapIThasa~njAtaM suprabhAnAma saMvaram |
shyAmAdevI samApannaM namAmi mukhabhAgajam || 15||
lampAkasthAnasambhUtaM vajraprabhAkhyasaMvaram |
subhadrAli~NgaNaM vIraM kaNThadeshodbhavaM name || 16||
kA~nchyAkhyapIThasa~njAtaM mahAbhairavasaMvaram |
hayakarNAsamApannaM namAmi hR^idimadhyagam || 17||
himAlayodbhavaM vIraM virUpAkShAkhyasaMvaram |
khagAnanAsamApannaM meDhrasthAnagataM name || 18||
pretapuryAM samudbhUtaM mahAbalAkhyasaMvaram |
chakravegAsamApannaM li~NgasthAnagataM name || 19||
guhadeshAtsamudbhUtaM ratnavajrAkhyasaMvaram |
khaNDarohAsamApannaM namAmi gudamadhyagam || 20||
saurAShTradeshasambhUtaM hayagrIvAkhyasaMvaram |
shauNDinyAli~NgaNaM vIraM namAmi urumadhyagam || 21||
suvarNadvIpasa~njAtamAkAshagarbhasaMvaram |
chakravarmiNIsamApannaM ja~NghAmadhyagataM name || 22||
nagarapIThamadhyasthaM shrIherukAkhyasaMvaram |
suvIrAli~NgaNaM vIraM namAmya~Ngulivartinam || 23||
sindhudeshasamudbhUtaM padmanR^ityAkhyasaMvaram |
mahAbalAsamApannaM pAdapR^iShThagataM name || 24||
marutIpIThasa~njAtaM vairochanAkhyasaMvaram |
chakravartinIsamApannaM namAmya~NguShThamadhyagam || 25||
kulatAyAH samudbhUtaM vajrasattvAkhyasaMvaram |
mahAvIryAsamApannaM jAnudvayagata name || 26||
pUrvadvAre sthitaM vIraM vajrachaNDAkhyasaMvaram |
kAkAsyAli~NgaNaM vIraM namAmi suranAyakam || 27||
uttaradvAramadhyasthaM vajrAnalAkhyasaMvaram |
ulUkAsyAsamApannaM namAmi yakShanAyakam || 28||
pashchimadvAramadhyasthaM vajroShNIShAkhyasaMvaram |
shvAnAsyAsampuTaM vIraM namAmi pannagAdhipam || 29||
dakShiNadvAramadhyasthaM vajrakuNDalisaMvaram |
shUkarAsyAsamApannaM namAmi yamanAyakam || 30||
AgneyadigvimAtrasthaM vajrayakShAkhyasaMvaram |
yamadADhIsamApannaM namAmi vahninAyakam || 31||
nairR^ityadigvibhAShasthaM vajrakIlAkhyasaMvaram |
yamadUtIsamApannaM namAmi rAkShasAdhipam || 32||
vAyavyadigvibhAgasthaM vajramahAbalAhvayam |
yamadaMShTrIsamApannaM namAmi pavanAdhipam || 33||
IshAnadigvibhAgasthaM vajrabhIShaNasaMvaram |
yamamathanIsamApannaM namAmi bhUtanAyakam || 34||
etAndevAn namasyAmi digvidikShu susaMsthitAn |
vIrAn vIreshvarIH sarvA herukaM parameshvaram || 35||
sahajAnandAtmakaM devaM vishuddhaM tANDavAnvitam |
DAkinIjAlamadhyasthaM pratyAtmavedyagocharam || 36||
stutvedaM devatIchakraM yanmayopArjitaM shubham |
tena puNyena loko.astu vajraDAkaparAyaNaH || 37||

iti shrI ShaTtriMshatsaMvaragaNachakramaNDalastutiH samAptAH ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}