% Text title : Achintya Stava % File name : achintyastavaH.itx % Category : misc, buddha, stava % Location : doc\_z\_misc\_general % Transliterated by : DSBC staff % Proofread by : Miroj Shakya % Acknowledge-Permission: Prof. Miroj Shakya, Text Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/ % Latest update : March 8, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Achintya Stava ..}## \itxtitle{.. achintyastavaH ..}##\endtitles ## OM namo bhagavate buddhAya | pratItyajAnAM bhAvAnAM naiHsvabhAvyaM jagAda yaH | taM namAmi sadA buddhamachintyamanidarshanam || 1|| yathA tvayA mahAyAne dharmanairAtmyaM mahAtmanA | viditaM sandeshitaM tad buddhimadbhayaH karuNAvashAt || 2|| pratyayebhyaH samutpannamanutpanna tvayoditam | svabhAvena cha tajjAtamiti shUnyaM prakAshitam || 3|| yadvatpratItyajAchChabdAt pratishabdasamudbhavaH | mAyAmArIchivachchApi tathA bhavasamudbhavaH || 4|| mAyAmarIchigandharvanagarapratibimbakAH | yadyajAtAH saha svapnairna syAttaddarshanAdikam || 5|| hetupratyayasambhUtA yathA te kR^itakAH smR^itAH | tadvatpratyayajaM vishvaM tvayoktaM nAtha sAMvR^itam || 6|| atastatkartR^ikaM sarva yatki~nchidvAlalApanam | raktamuShTipratIkAshamayathArtha prakAshitam || 7|| kR^itakaM vastu no jAtaM tadA kiM vArtamAnikam | kasya nAshAdatItaM syAdutpitsuH kimapekShyase || 8|| svasmAnna jAyate bhAvaH parasmAnnobhayAdapi | na sannAsanna sadasat kutaH kasyodbhavastadA || 9|| ajAte na svabhAvo.asti kutaH svasmAtsamudbhavaH | svabhAvAbhAvasiddha parasmAdapyasambhavaH || 10|| svatve sati paratvaM syAt paratve svatvamiShyate | ApekShikI tayoH siddhiH pArAvAramivoditA || 11|| yadA nApekShyate ki~nchit kutaH ki~nchittadA bhavet | yadA nApekShyate dIrgha kuto hrasvAdikaM tadA || 12|| astitve sati nAstitvaM dIrgha hrasvaM yathA sati | nAstitve sati chAstitvaM yattasmAdubhayaM na sat || 13|| cha ekatvAdi tathA.anekamatItAnAgatAdi | sa~NkleshaM vyavadAnaM cha samyak mithyA svataH kutaH || 14|| svata eva hi yo nAsti bhAvaH sarvo.asti kastadA | para ityuchyate yo.ayaM na vinA svasvabhAvataH || 15|| na svabhAvo.asti bhAvAnAM parabhAvo tadA.asti na | tara bhAvAgrahagrahAveshaH paratantro.asti kastadA || 16|| AdAveva shamaM yAtAH svabhAvena cha nirvR^itAH | anutpannAshcha tattvena tasmAd dharmAstvayoditAH || 17|| niHsvabhAvAstvayA dhIman rUpAdyAH samprakAshitAH | phenabubudamAyAbhramarIchikadalIsamAH || 18|| indriyarupalabdhaM yat tattattvena bhaved yadi | jAtAstattvavido bAlAstattvaj~nAnena kiM tadA || 19|| jAtatvamapramANatvamathAsya kR^itatAmapi | viparItamavij~nAnamindriyANAM tvamUchivAn || 20|| aj~nAnenAvR^ito yena yathAvanna pradR^ishyate | lokastena yathAbhUtamiti matvA svayoditam || 21|| astIti shAshvatI dR^iShTi stItyuchChedadarshanam | tenAntadvayanirmukto dharmo.ayaM deshitastvayA || 22|| chatuShkoTivinirmuktAstena dharmAstvayoditAH | vij~nAnasya pravij~neyA jAtA vimuktagocharA || 23|| svapne tu janakodbhUtaM dvichandrAdIkShaNaM yathA | bhUtaM tadvastu nodbhUtaM tathA dR^iShTaM jagat tvayA || 24|| utpannashcha sthito naShTaH svapne yadvat satastathA | na chotpannaH sthito naShTa ukto lokArthatastvayA || 25|| ko nAshaH sambhavo dR^iShTo yathA svapne tathetaraH | sambhavaH sarvabhAvAnAM vibhavo.api tathA mataH || 26|| rAgAdikaM tathA duHkhaM duHkhasa~NkleshasaMsR^itiH | sambhArapUrNAtmoktiH svapnavad bhAShitaM tvayA || 27|| jAtaM tathaiva no jAtamAgataM gatamityapi | mukto baddhastathA j~nAno dvayamichChenna tattvavit || 28|| utpattiryasya naivAsti tasmAt kA nirvR^itirbhavet | mAyAgajaprakAshatvAdAdishAntastvamarthataH || 29|| utpanno.api na votpanno yadvanmAyAgajo mataH | utpannaM cha tathA vishvaM na votpannaM cha tattvataH || 30|| ameyaishcha prameyANAM pratyekaM nirvR^itiH kR^itA | lokanAthaihi sattvAnAM ta kashchinmochitashcha taiH || 31|| te cha sattvAshcha no jAtA yenaiva tena te sphuTam | na kaishchinmochitaH kashchiditi proktaM mahAmune || 32|| mAyAkArakR^itaM yadvat vastu shUnyaM tathetarat | vastushUnyaM jagatsarvA svayoktaM kArakastathA || 33|| kArako.api kR^ito.anyena kR^ito.anyena kartR^itvam | nAtivartate | athavA tAkriyAkartA kArakasya prasajyate || 34|| nAmamAtra jagatsarvamityuchchairbhAShitaM tvayA | abhidhAnAt pR^ithagbhUtamabhidheyaM na vidyate || 35|| kalpanAmAtramityasmAt sarvadharmAH prakAshitAH | kalpanApyasatI proktA yathA shUnya vikalpyate || 36|| bhAvA.abhAvadvayAtItamanAtItashcha kutrachit | na chA naM na cha j~neyaM na chAstij~nA naiva nAstivat || 37|| yanna chaikaM na chAnekaM nobhayaM na cha nobhayam | anAlayamathAvyaktamachintyamanidarshanam || 38|| yannodeti na cha vyeti nochChedi na cha shAshvatam | chAkAshapratIkAshaM nAkSharaj~nAnagocharam || 39|| yaH pratItyasamutpAdaH shUnyatA saiva te matA | tathAvidhashcha saddharmastatsamashcha tathAgataH || 40|| tattattvaM paramArtho.api tathatA dravyamiShyate | bhUtaM tadavisaMvAdi tadvodhAd buddha uchyate || 41|| buddhAnAM sattvadhAtoshcha tenAbhinnastvamarthataH | Atmanashcha pareShAM cha samatA tena te matA || 42|| bhAvebhyaH shUnyatA nAnyA na cha bhAvo.asti tAM vinA | tasmAtpratItyajA bhAvAstvayA shUnyAH prakAshitAH || 43|| hetupratyayasambhUtA paratantrA saMvR^itiH | paratantramiti proktaM paramArthastvakR^itrimaH || 44|| svabhAvaH prakR^itistattvaM dravyaM vastu sadityapi | nAsti vaikalpiko bhAvaH paratantrastu vidyate || 45|| astIti kalpite bhAvaH samAropastvayoditaH | nAstIti kR^itakochChedAduchChedashcha prakAshitaH || 46|| tattvaj~nAne na chochChedo na cha shAshvatatA matA | vastushUnyaM jagatsarva marIchipratimaM matam || 47|| mR^igatR^iShNAjalaM yadvannochChedi na cha shAshvatam | tadvatsarva jagatproktaM nochChedi na cha shAshvatam || 48|| dravyamutpadyate yasya tasyotpAdAdikaM bhavet | antavAnAntavAshchApi lokastasya prasajyate || 49|| j~nAne sati yathA j~neyaM j~neye j~nAnaM tathA sati | yadobhayamanutpannamiti buddhe tadAsti kim || 50|| iti mAyAdi dR^iShTAntaH sphuTamuktvA bhiShagvaraH | deshayAmAsa saddharma sarvadR^iShTichikitsitam || 51|| etattatparama tattvaM niHsvabhAvatvadeshanA | bhAvagrahagR^ihItAnAM chikitseyamanuttarA || 52|| dharmayAj~nika! tenaiva dharmayaj~na nirantaram | abhIShTamIje trailokye niShkaShAye nirantaram || 53|| vastugrAhabhayochChedI kutIrthyamR^igabhIkaraH | nairAtmyasiMhanAdo.ayamadbhuto naditastvayA || 54|| shUnyatAdharmagambhIrA dharmabherI parAhatA | nai svabhAvyamahAnAdo dharmasha~NkhaH prapUritaH || 55|| dharmayautakamAkhyAtaM buddhAnAM shAsanAmR^itam | nItArthamiti choddiShTaM dharmANAM shUnyataiva hi || 56|| utpAdanirodhAdisarvaj~natvAdideshanA | neyArthA sA matA nAtha bhAShitA saMvR^itishcha sA || 57|| praj~nApAramitAmbhodheryo.atyantaM pAramAgataH | puNyaguNaratnADhayastvadguNArNavapAragaH || 58|| iti stutvA jagannAthamachintyamanidarshanam | yadavAptaM mayA puNyaM tenAstu tvatsama jagat || 59|| iti achintyastavaH sapUrNaH | ## \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}