% Text title : Advayaparamartha Nama Sangitih % File name : advayaparamArthAnAmasangItiH.itx % Category : misc, buddha % Location : doc\_z\_misc\_general % Transliterated by : DSBC staff % Proofread by : Miroj Shakya % Acknowledge-Permission: Prof. Miroj Shakya, Text Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/ % Latest update : March 8, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Advayaparamartha Nama Sangitih ..}## \itxtitle{.. advayaparamArthA nAmasa~NgItiH ..}##\endtitles ## OM namaH shrImahAma~njunAthAya | atha vajradharaH shrImAn durdAntadamakaH paraH | trilokavijayI vIro guhyarAT kulisheshvaraH || 1|| vibuddhapuNDarIkAkShaH protphullakamalAnanaH | prollAlayan vajravaraM svakareNa muhurmuhaH || 2|| bhR^ikuTItara~NgapramukhairanantairvajrapANibhiH | durdAntadamakairvIrairvIravIbhatsarUpibhiH || 3|| ullAlayadibhiH svakaraiH prasphuradvajrakoTibhiH | praj~nopAyamahAkaruNAjagadarthakaraiH paraiH || 4|| hR^iShTatuShTAshayairmuditaiH krodhavigraharUpibhiH | buddhakR^ityakarairnAthaiH sArddhaM praNatavigrahai || 5|| praNamya nAthaM sambuddhaM bhagavantaM tathAgatam | kR^itA~njalipuTo bhUtvA idamAha sthito.agrataH || 6|| maddhitAya mamArthAya anukampAya me vibho | mAyAjAlAbhisambodheryathAlAbhi bhavAmyaham || 7|| aj~nAnapa~NkamagnAnAM kleshavyAkulachetasAm | hitAya sarvasattvAnAmanuttaraphalAptaye || 8|| prakAshayatu sambuddho bhagavAn shAstA jagadguruH | mahAsamayatattvaj~na indriyAshayavit paraH || 9|| bhagavan! j~nAnakAyasya mahoShNIShasya gIShpateH | ma~njushrIj~nAnasattvasya j~nAnamUrteH svayambhuvaH || 10|| gambhIrArthAmudArArthAM mahArthAmasamAM shivAm | AdimadhyAntakalyANIM nAmasa~NgItimuttAmAm || 11|| yAtItairbhAShitA buddhairbhAShiShyante hyAnAgatAH | pratyutpannAshcha sambuddhA yAM bhAShante punaH punaH || 12|| mAyAjAle mahAtantre yA chAsmin sa.npragIyate | mahAvajradharairhR^iShTairameyairmantradhAribhiH || 13|| ahaM chainAM dhArayiShyAmyAniryANAd dR^iDhAshayaH | yathA bhavAmyahaM nAtha sarvasambuddhaguhyadhR^ik || 14|| prakAshayiShye sattvAnAM yathAshayavisheShataH | asheShakleshanAshAya asheShAj~nAnahAnaye || 15|| evamadhyeShya guhyendro vajrapANistathAgatam | kR^itA~njaliputo bhUtvA prahvakAyaHsthito.agrataH || 16|| iti adhyeShaNAj~nAnagAthAH ShoDasha | atha shAkyamunirbhagavAn sambuddho dvipadottamaH | nirNamayyAyatAM sphItAM svajihvAM svamukhAchChubhAm || 17|| smitaM sandashrya lokAnAmapAyatrayashodhanam | trilokAbhAsakaraNaM chaturmArArishAsanam || 18|| trilokamApUrayantyA brAhma madhurayA girA | pratyabhAShata guhyendraM vajrapANiM mahAbalam || 19|| sAdhu vajradhara shrIman sAdhu te vajrapANaye | yastvaM jagaddhitArthAya mahAkaruNayAnvitaH || 20|| mahArthAM nAmasa~NgItiM pavitrAmaghanAshinIm | ma~njushrIj~nAnakAyasya mattaH shrotuM samudyataH || 21|| tatsAdhu deshayAmyeShaH ahaM te guhyakAdhipa | shR^iNu tvamekAgramanAstatsAdhu bhagavanniti || 22|| iti prativachanaj~nAnagAthAH ShaT | atha shAkyamunirbhagavAn sakalaM mantrakulaM mahat | mantravidyAdharakulaM vyavalokya kulatrayam || 23|| lokalokottarakulaM lokAlokakulaM mahat | mahAmudrAkulaM chAgryaM mahoShNIShakulaM mahat || 24 | iti ShaTkulAvalokanaj~nAnagAthe dve | imAM ShaNmantrarAjAnAM saMyuktAmadvayo dayAm | anutpAdadharmiNIM gAthAM bhAShate sma girAmpateH || 25|| a A i I u U e ai o au aM aH sthito hR^idi | j~nAnamUrtirahaM buddho buddhAnAM tryadhvavartinAm || 26|| OM vajratIkShNaduHkhachChedapraj~nAj~nAnamUrtaye | j~nAnakAyavAgIshvarArapachanAya te namaH || 27|| iti mAyAjAlAbhisambodhikramagAthAstisraH | tadyathA bhagavAn buddhaH sambuddho.akArasambhavaH | akAraH sarvavarNAgryo mahArthaH paramAkSharaH || 28|| mahAprANo hyanutpAdo vAgadAhAravarjitaH | sarvAbhilApahetvgryaH sarvavAksuprabhAsvaraH || 29|| mahAmahamahArAgaH sarvasattvarati~NkaraH | mahAmahamahAdveShaH sarvakleshamahAripuH || 30|| mahAmahamahAmoho mUDhadhImohasUdanaH | mahAmahamahAkrodho mahAkrodharipurmahAn || 31|| mahAmahamahAlobhaH sarvalobhaniShUdanaH | mahAkAmo mahAsaukhyo mahAmodo mahAratiH || 32|| mahArUpo mahAkAyo mahAvarNo mahAvapuH | mahAnAmA mahodAro mahAvipulamaNDalaH || 33|| mahApraj~nAyudhadharo mahAkleshA~Nkusho.agraNIH | mahAyashA mahAkIrtirmahAjyotirmahAdyutiH || 34|| mahAmAyAdharo vidvAn mahAmAyArthasAdhakaH | mahAmAyAratirato mahAmAyendrajAlikaH || 35|| mahAdAnapatiH shreShTho mahAshIladharo.agraNIH | mahAkShAntidharo dhIro mahAvIryaparAkramaH || 36|| mahAdhyAnasamAdhistho mahApraj~nAsharIradhR^ik | mahAbalo mahApAyaH praNidhirj~nAnasAgaraH || 37|| mahAmaitrImayo.ameyo mahAkAruNiko.agradhIH | mahApraj~no mahAdhImAn mahopAyo mahAkR^itiH || 38|| mahAR^iddhibalopeto mahAvego mahAjavaH | maharddhiko maheshAkhyo mahAbalaparAkramaH || 39|| mahAbhavAdrisambhettA mahAvajradharo dhanaH | mahAkrUro mahAraudro mahAbhayabhaya~Nkara || 40|| mahAvidyottamo nAtho mahAmantrottamo guruH | mahAyAnanayAruDho mahAyAnanayottamaH || 41|| iti vajradhAtumaNDalaj~nAnagAthAshchaturdasha | mahAvairochano buddho mahAmaunI mahAmuniH | mahAmantranayodbhUto mahAmantranayAtmakaH || 42|| dashapAramitAprApto dashapAramitAshrayaH | dashapAramitAshuddhirdashapAramitAnayaH || 43|| dashabhUmIshvaro nAtho dashabhUmipratiShThitaH | dashaj~nAnavishuddhAtmA dashaj~nAnavishuddhadhR^ik || 44|| dashAkAro dashArthArtho munIndro dashabalo vibhuH | asheShavishvArthakaro dashAkAravashI mahAn || 45|| anAdirniShprapa~nchAtmA shuddhAtmA tathatAtmakaH | bhUtavAdI yathAvAdI tathAkArI ananyavAk || 46|| advayo dvayavAdI cha bhUtakoTivyavasthitaH | nairAtmyasiMhanirNAdI kutIthryamR^igabhIkaraH || 47|| sarvatrago.amoghagatistathAgatamanojavaH | jino jitArirvijayo chakravartI mahAbalaH || 48|| gaNamukhyo gaNAchAryo gaNesho gaNapatirvashI | mahAnubhAvo dhaureyo.ananyaneyo mahAnayaH || 49|| vAgisho vAkpatirvAgmI vAchaspatiranantagoH | satyavAk satyavAdI cha chatuHsatyopadeshakaH || 50|| avaivartiko hyanAgAmo khaDgaH pratyekanAyakaH | nAnAniryANaniryAto mahAbhUtaikakAraNaH || 51|| arhan kShINAsravo bhikShurvItarAgo jitendriyaH | kShemaprApto.abhayaprAptaH shItIbhUto hyAnAvilaH || 52|| vidyAcharaNasampannaH sugato lokavitparaH | nirmamo niraha~NkAraH satyadvayanayasthitaH || 53|| saMsArapArakoTisthaH kR^itakR^ityaH sthalasthitaH | kaivalyaj~nAnaniShThiyutaH praj~nAshastro vidAraNaH || 54|| saddharmmo dharmarAD bhAsvAn lokAlokakaraH paraH | dharmeshvaro dharmarAjaH shreyomArgopadeshakaH || 55|| siddhArthaH siddhasa~NkalpaH sarvasa~NkalpavarjitaH | nirvikalpo.akShayo dhAturdharmadhAtuH paro.avyayaH || 56|| puNyavAn puNyasambhAro j~nAnaM j~nAnAkaraM mahat | j~nAnavAn sadasajj~nAnI sambhAradvayasambhR^itaH || 57|| shAshvato vishvarAD yogI dhyAnaM dhyeyo dhiyAmpatiH | pratyAtmavedyo hyachalaH paramAdyastrikAyadhR^ik || 58|| pa~nchakAyAtmako buddhaH pa~nchaj~nAnAtmako vibhuH | pa~nchabuddhAtmamukuTaH pa~nchachakShurasa~NgadhR^ik || 59|| janakaH sarvabuddhAnAM buddhaputraH parovaraH | praj~nAbhavodbhavo yonirdharmayonirbhavAntakR^it || 60|| ghanaikasAro vajrAtmA sadyojAto jagatpatiH | gaganodbhavaH svayambhUH praj~nAj~nAnAnalo mahAn || 61|| vairochano mahAdIptirj~nAnajyotirvirochanaH | jagatpradIpo j~nAnolko mahAtejAH prabhAsvaraH || 62|| vidyArAjo.agramantresho mantrarAjo mahArthakR^it | mahoShNISho.adbhutoShNISho vishvadarshI viyatpatiH || 63|| sarvabuddhAtmabhAvAgryo jagadAnandalochanaH | vishvarUpI vidhAtA cha pUjyo, mAnyo mahAR^iShiH || 64|| kulatrayadharo mantrI mahAsamayamantradhR^ik | ratnatrayadharaH shreShThastriyAnottamadeshakaH || 65|| amoghapAsho vijayI vajrapAsho mahAgrahaH | vajrA~Nkusho mahApAshaH vajrabhairavabhIkaraH || 66|| iti suvishuddhadharmadhAtuj~nAnagAthAH pAdonapa~nchaviMshatiH | krodharAT ShaNmukho bhImaH ShaNNetraH ShaDbhujo balI | daMShTrAkarAlaH ka~NkAlo halAhalaH shatAnanaH || 67|| yamAntako vighnarAjo vajravego bhaya~NkaraH | vighuShTavajro hR^idvajro mAyAvajro mahodaraH || 68|| kulishesho vajrayonirvajramaNDo nabhopamaH | achalaikajaTATopo gajacharmapaTArdradhR^ik || 69|| hAhAkAro mahAghoro hIhIkAro bhayAnakaH | aTTahAso mahAhAso vajrahAso mahAravaH || 70|| vajrasattvo mahAsattvo vajrarAjo mahAsukhaH | vajrachaNDo mahAmodo vajrahU~NkArahU~NkR^itiH || 71|| vajrabANAyudhadharo vajrakhaDgo nikR^intanaH | vishvavajradharo bajrI ekavajrI raNa~njahaH || 72|| vajrajvAlAkarAlAkSho vajrajvAlAshiroruhaH | vajrAvesho mahAveshaH shatAkSho vajralochanaH || 73|| vajraromA~NkuratanurvajraromaikavigrahaH | vajrakoTinakhArambho vajrasAraghanachChavi || 74|| vajramAlAdharaH shrImAn vajrAbharaNabhUShitaH | hAhATTahAso nirghoSho vajraghoShaH ShaDakSharaH || 75|| ma~njughoSho mahAnAdastrailokyaikaravo mahAn | AkAshadhAtuparyantaghoSho ghoShavatAM varaH || 76|| ityAdarshaj~nAnagAthAH pAdena sArdhaM dasha | tathatAbhUtanairAtmyabhUtakoTiranakSharaH | shUnyatAvAdivR^iShabho gambhIrodAragarjanaH || 77|| dharmasha~Nkho mahAshabdo dharmagaNDI mahAraNaH | apratiShThitanirvANo dashadigdharmadundubhiH || 78|| arUpo rUpavAnagryo nAnArUpo manomayaH | sarvarUpAvabhAsashrIrasheShapratibimbadhR^ik || 79|| apradhR^iShyo maheshAkhyastraidhAtukamaheshvaraH | samuchChritAryamArgastho dharmaketurmahodaya || 80|| trailokyaikakumArA~NgaH sthaviro vR^iddhaH prajApati | dvAtriMshallakShaNadharaH kAntastrailokyasundaraH || 81|| lokaj~nAnaguNAchAryo lokAchAryo vishAradaH | nAthastrAtA trilokAptaH sharaNaM tAyyanuttaraH || 82|| gaganAbhogasambhogaH sarvaj~naj~nAnasAgaraH | avidyANDakoshasambhettA bhavapa~njaradAraNaH || 83|| shamitAsheShasa~NkleshaH saMsArArNavapAragaH | j~nAnAbhiShekamukuTaH samyaksambuddhabhUShaNaH || 84|| triduHkhaduHkhashamanastryanto.anantastrimuktigaH | sarvAvaraNanirmukta AkAshasamatAM gataH || 85|| sarvakleshamalAtItastryadhvAnadhvagatiM gataH | sarvasattvamahAnAgo guNashekharashekharaH || 86|| sarvopadhivinirmukto vyomavatrmani susthitaH | mahAchintAmaNidharaH sarvaratnottamo vibhuH || 87|| mahAkalpataruH sphIto mahAbhadraghaTottamaH | sarvasattvArthakR^itkarttA hitaiShI sattvavatsalaH || 88|| shubhAshubhaj~naH kAlaj~naH samayaj~naH samayo vibhuH | sattvendriyaj~no velaj~no vimuktitrayakovidaH || 89|| guNI guNaj~no dharmaj~naH prashasto ma~NgalodayaH | sarvama~NgalamA~NgalyaH kIrtirlakShmIryashaH shubhaH || 90|| mahotsavo mahAshvAso mahAnando mahAratiH | satkAraH satkR^itirbhUtiH pramodaH shrIryashaspatiH || 91|| vareNyo varadaH shreShThaH sharaNyaH sharaNottamaH | mahAbhayAriH pravaro niHsheShabhayanAshanaH || 92|| shikhI shikhaNDI jaTilo jaTI mauNDI kirITimAn | pa~nchAnanaH pa~nchashikhaH pa~nchachIrakashekharaH || 93|| mahAbratadharo mau~njI brahmachArI bratottamaH | mahAtapAstaponiShThaH snAtako gautamo.agraNI || 94|| brahmavid brAhmaNo brahmA brahmanirvANamAptavAn | muktirmokSho vimokShA~Ngo vimuktiH shAntatA shivaH || 95|| nirvANaM nirvR^itiH shAntiH shreyo niryANamantagaH | sukhaduHkhAntakR^inniShThA vairAgyamupadhikShayaH || 96|| ajayo.anupamo.avyakto nirAbhAso nira~njanaH | niShkalaH sarvago vyApI sUkShmo bIjamanAshravaH || 97|| arajo virajo vimalo vAntadoSho nirAmayaH | suprabuddho vibuddhAtmA sarvaj~naH sarvavitparaH || 98|| vij~nAnadharmatAtIto j~nAnamadvayarUpadhR^ik | nirvikalpo nirAbhogastryadhvasambuddhakAryakR^it || 99|| anAdinidhano buddha Adibuddho niranvayaH | j~nAnaikachakShuramalo j~nAnamUrtistathAgataH || 100|| vAgIshvaro mahAvAdI vAdirAD vAdipu~NgavaH | vadatAMvaro variShTho vAdisiMho.aparAjitaH || 101|| samantadarshI prAmodyastejomAlI sudarshanaH | shrIvatsaH suprabho dIptirbhAbhAsurakaradyutiH || 102|| mahAbhiShagvaraH shreShThaH shalyahartA niruttaraH | asheShabhaiShajyataruH kleshavyAdhirmahAripuH || 103|| trailokyatilakaH kAntaH shrImAn nakShatramaNDalaH | dashadigvyomaparyyanto dharmadhvajamahochChrayaH || 104|| jagachChatraikavipulo maitrIkaruNamaNDalaH | padmanR^ityeshvaraH shrImAn ratnachChatro mahAvibhuH || 105|| sarvabuddhamahArAjaH sarvabuddhAtmabhAvadhR^ik | sarvabuddhamahAyogaH sarvabuddhaikashAsanaH || 106|| vajraratnAbhiShekashrIH sarvaratnAdhipeshvaraH | sarvalokeshvarapatiH sarvavajradharAdhipaH || 107|| sarvabuddhamahAchittaH sarvabuddhamanogatiH | sarvabuddhamahAkAyaH sarvabuddhasarasvatI || 108|| vajrasUryyamahAloko vajrenduvimalaprabhaH | virAgAdimahArAgo vishvavarNojjvalaprabhaH || 109|| sambuddhavajraparya~Nko buddhasa~NgItidharmadhR^ik | buddhapadmodbhavaH shrImAn sarvaj~naj~nAnakoShadhR^ik || 110|| vishvamAyAdharo rAjA buddhavidyAdharo mahAn | vajratIkShNo mahAkhaDgo vishuddhaH paramAkSharaH || 111|| duHkhachChedamahAyAnavajradharmamahAyudhaH | jinajig vajragAmbhIryo vajrabuddhiryathArthavit || 112|| sarvapAramitApUrI sarvabhUmivibhUShaNaH | vishuddhadharmanairAtmyaH samyagj~nAnenduhR^itprabhaH || 113|| mAyAjAlamahodyogaH sarvatantrAdhipaH paraH | asheShavajraparya~Nko niHsheShaj~nAnakAyadhR^ik || 114|| samantabhadraH sumatiH kShitigarbho jagaddhR^itiH | sarvabuddhamahAgarbho vishvanirmANachakradR^ik || 115|| sarvabhAvasvabhAvAgyraH sarvabhAvasvabhAvadhR^ik | anutpAdadharmA vishvArthaH sarvadharmasvabhAvadhR^ik || 116|| ekakShaNamahAprAj~naH sarvadharmAvabodhadhR^ik | sarvadharmAbhisamayo bhUtAntamuniragradhIH || 117|| stimitaH suprasannAtmA samyaksambuddhabodhidhR^ik | pratyakShaH sarvabuddhAnAM j~nAnArchiH suprabhAsvaraH || 118|| iti pratyavekShaNaj~nAnagAthAH dvAchatvAriMshat | iShTArthasAdhakaH paraH sarvApAyavishodhakaH | sarvasattvottamo nAthaH sarvasattvapramochakaH || 119|| kleshasa~NgrAmashUraikaH aj~nAnaripudarpahA | dhIshR^i~NgAradharaH shrImAn vIrabIbhatsarUpadhR^ik || 120|| bAhudaNDashatAkShepapadanikShepanarttanaH | shrImachChatabhujAbhogagaganAbhoganarttanaH || 121|| ekapAdatalAkrAntamahImaNDatale sthitaH | brahmANDashikharAkrAntapAdA~NguShThanakhe sthitaH || 122|| ekArtho.advayadharmArthaH paramArtho.avinashvaraH | nAnAvij~naptirUpArthashchittavij~nAnasantatiH || 123 | asheShabhAvArtharatiH shUnyatAratiragradhIH | bhavarAgAdyatItashcha bhavatrayamahAratiH || 124|| shuddhaH shubhrAbhradhavalaH sharachchandrAMshusuprabhaH | bAlArkamaNDalachChAyo mahArAganakhaprabhaH || 125|| indranIlAgrasachchIro mahAnIlakachAgradhR^ik | mahAmaNimayUkhashrIrbuddhanirvANabhUShaNaH || 126|| lokadhAtushatAkampI R^iddhipAdamahAkramaH | mahAsmR^itidharastattvashchatuHsmR^itisamAdhirAT || 127|| bodhya~NgakusumAmodastathAgataguNodadhiH | aShTA~NgamArganayavit samyaksambuddhamArgavit || 128|| sarvasattvamahAsa~Ngo niHsa~Ngo gaganopamaH | sarvasattvamanojAtaH sarvasattvamanojavaH || 129|| sarvasattvetdriyArthaj~naH sarvasattvamanoharaH | pa~nchaskandhArthatattvaj~naH pa~nchaskandhavishuddhadhR^ik || 130|| sarvaniryANakoTisthaH sarvaniryANakovidaH | sarvaniryANamArgasthaH sarvaniryANadeshakaH || 131|| dvAdashA~NgabhavotkhAto dvAdashAkArashuddhadhR^ik | chatuHsatyanayAkAro aShTaj~nAnAvabodhadhR^ik || 132|| dvAdashAkArasatyArthaH ShoDashAkAratattvavit | viMshatyAkArasambodhirvibuddhaH sarvavitparaH || 133|| ameyabuddhanirmANakAyakoTivibhAvakaH | sarvakShaNAbhisamayaH sarvachittakShaNArthavit || 134|| nAnAyAnanayopAyajagadarthavibhAvakaH | yAnatritayaniryAta ekayAnaphale sthita || 135|| kleshadhAtuvishuddhAtmA karmadhAtukShaya~NkaraH | oghodadhisamuttIrNo yogakAntAranisR^itaH || 136|| kleshopakleshasa~NkleshasuprahINasavAsanaH | praj~nopAyamahAkaruNA amoghajagadarthakR^it || 137|| sarvasa.nj~nAprahoNArtho vij~nAnArtho nirodhakR^it | sarvasattvamanoviShayaH sarvasattvamanogatiH || 138|| sarvasattvamano.antasthastachchittasamatA~NgataH | sarvasattvamanohlAdI sarvasattvamanoratiH || 139|| siddhAnto vibhramApetaH sarvabhrAntivivarjitaH | niHsandigdhamatistryarthaH sarvArthastriguNAtmakaH || 140|| pa~nchaskandhArthastrikAlaH sarvakShaNavibhAvakaH | ekakShaNAbhisambuddhaH sarvabuddhasvabhAvadhR^ik || 141|| ana~NgakAyaH kAyAgyraH kAyakoTivibhAvakaH | asheSharUpasandarshI ratnaketurmahAmaNiH || 142|| iti samatAj~nAnagAthAshchaturvishatiH | sarvasambuddhaboddhavyo buddhabodhiranuttaraH | anakSharo mantrayonirmahAmantra kulatrayaH || 143|| sarvamantrArthajanako mahAbinduranakSharaH | pa~nchAkSharo mahAshUnyo bindushUnyaH ShaDakSharaH || 144|| sarvAkAro nirAkAraH ShoDashArdhArdhabindudhR^ik | akalaH kalanAtIshchaturthadhyAnakoTidhR^ik || 145|| sarvadhyAnakalAbhij~naH samAdhikulagotravit | samAdhikAyaH kAyAgyraH sarvasambhogakAyarAT || 146|| nirmANakAyaH kAyAgyro buddhanirmANavaMshadhR^ik | dashadigvishvanirmANo yathAvajjagadarthakR^it || 147|| devAtidevo devendraH surendro dAnavAdhipaH | amarendraH suraguruH pramathaH pramatheshvaraH || 148|| uttIrNabhavakAntAra ekaH shAstA jagadguruH | prakhyAtadashadigloko dharmadAnapatirmahAn || 149|| maitrIsannAhasannaddhaH karuNAvarmavarmitaH | praj~nAkhaDgo dhanurbANaH kleshAj~nAnaraNa~njahaH || 150|| mArArirmArajidvIrashchaturmArabhayAntakR^it | sarvamArachamUjetA sambaddho lokanAyakaH || 151|| vandyaH pUjyo.abhivAdyashcha mAnanIyashcha nityashaH | archanIyatamo mAnyo namasyaH paramo guruH || 152|| trailokyaikakramagatirvyomaparyyantavikramaH | traividyaH shrotriyaH pUtaH ShaDabhij~naH ShaDanusmR^itiH || 153|| bodhisattvo mahAsattvo lokAtIto maharddhikaH | praj~nApAramitAniShThaH praj~nAtattvatvamAgataH || 154|| AtmavitparavitsarvaH sarvIyo hyagrapudgalaH | sarvopamAmatikrAnto j~neyo j~nAnAdhipaH paraH || 155|| dharmadAnapatiH shreShThashchaturmudrArthadeshakaH | paryupAsyatamo jagatAM niryANatrayayAyinAm || 156|| paramArthavishuddhashrIstrailokyasubhago mahAn | sarvasampatkaraH shrImAn ma~njushrIH shrImatAMvaraH || 157|| iti kR^ityAnuShThAnaj~nAnagAthAH pa~nchadasha | namaste varadavajrAgyra bhUtakoTe namo.astu te | namaste shUnyatAgarbha buddhabodhe namo.astu te || 158|| buddharAga namaste.astu buddhakAma namo namaH | buddhaprIte namastubhyaM buddhamoda namo namaH || 159|| buddhasmita namastubhyaM buddhahAsa namo namaH | buddhavAcha namastubhyaM buddhabhAva namo namaH || 160|| abhavodbhava namastubhyaM namaste buddhasambhava | gaganodbhava namastubhyaM namaste j~nAnasambhava || 161|| mAyAjAla namastubhyaM namaste buddhanATaka | namaste sarvasarvebhyo j~nAnakAya namo.astu te || 162|| iti advayaparamArthA nAmasa~NgItiH samAptA | ## \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}